ਅਭੁੱਲ ਯਾਦਾਂ

ਬੋਰਡ ਉੱਤੇ ਟੰਗਿਆ

ਕਈ ਸਦੀਆਂ ਦਾ ਸਫਰ

ਬਰਜਿੰਦਰ ਢਿਲੋਂ

ਇਸ਼ਤਿਹਾਰ

ਕਥਾਕਾਰ

ਕਥਾ ਕਰੇਂਦਾ ਭਾਈ

ਬਾਣੀ ਦੇ ਵਿਚ ਘੋਲ਼ਕੇ

ਅਪਣੇ ਮਨ ਦੀ ਮੈਲ਼

ਅਮਰਜੀਤ ਸਾਥੀ

ਬੰਦ ਬੂਹੇ

ਆਈ ਰੁੱਤ ਬਸੰਤ

ਵੀਰਾਨ ਘਰਾਂ ਦੇ ਵਿਹੜੇ ਵੀ

ਖਿੜ ਪਏ ਨੇ ਫੁੱਲ

ਅਮਰਜੀਤ ਸਾਥੀ

ਗੁਵਾਂਢੀ

ਗੁਆਂਢੀਆਂ ਦੇ ਕੁੱਤੇ

ਨਾ ਸਾਨੂੰ ਸੌਣ ਦਿੰਦੇ

ਨਾ ਆਪ ਚੈਨ ਸੁੱਤੇ

ਅਮਰਜੀਤ ਸਾਥੀ

ਆਲ੍ਹਣਾ

ਹਾਇਗਾ: ਅਮਰਜੀਤ ਸਾਥੀ

ਮਾਂ ਦੀ ਗੋਦ

My little sister cries

Thirsty for milk

And our mother’s arms

Mohd Amirul Asyraf Redzuan, 8 Years, Malaysia.

ਮੇਰੀ ਛੋਟੀ ਭੈਣ ਰੋਵੇ

ਪਿਆਸੀ ਦੁੱਧ ਨੂੰ

ਅਤੇ ਮਾਂ ਦੀ ਗੋਦ ਨੂੰ

ਮੁਹੱਮਦ ਅਮਿਰੁਲ ਅਸਿਰਫ ਬਿਨ ਰੇਦਜ਼ੁਆਨ, 8 ਵਰਸ, ਮਲੇਸ਼ੀਆ।

ਅਨੁਵਾਦ: ਅਮਰਜੀਤ ਸਾਥੀ

ਲੋ

Haiga by Polona Oblak

ਗਰਮੀ ਦੀ ਲੋ

ਮੋਈ ਤਿਤਲੀ ਦੇ

ਖੰਭਾਂ ਨਾਲ਼ ਖ੍ਹੇਲ ਰਹੀ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਨੋਟ: ਲੋ = summer hot wind.

ਮਾਂ

ਬਣ ਜਾਂਦੀ ਹੈ ਮਾਂ

ਪਾਲ਼ਾ ਲੱਗੇ ਧੁੱਪ

ਧੁੱਪ ਲੱਗੇ ਤਾਂ ਛਾਂ

ਅਮਰਜੀਤ ਸਾਥੀ

ਔਖੀ ਘੜੀ

ਮਾਰ ਰਿਹਾ ਕਸਮੇੜੇ*

ਔਖੀ ਘੜੀ ਨਾ ਸੌਂਵਣ ਦੇਵੇ

ਟਿਕ ਟਿਕ ਕਰਕੇ ਛੇੜੇ

ਅਮਰਜੀਤ ਸਾਥੀ

*ਕਸਮੇੜੇ ਮਾਰਨਾ(ਚਿੰਤਾ ਕਾਰਨ) = ਪਲਸੇਟੇ ਮਾਰਨਾ = ਕਰਵਟਾਂ ਬਦਲਣਾ

ਨਿੱਕਾ ਸੰਸਾਰ

Sitting in my room,

I can be who I want,

A world of my own

Natasha Melwani, 11 Years, Guam

ਅਪਣੇ ਕਮਰੇ ਦੇ ਵਿਚ ਬੈਠੀ,

ਮੈ ਜੋ ਚਾਹਾਂ ਬਣ ਸਕਦੀ ਹਾਂ,

ਅਪਣਾ ਹੀ ਸੰਸਾਰ ਹੈ ਮੇਰਾ

ਨਤਾਸ਼ਾ ਮੇਲਵਾਨੀ, ੧੧ ਵਰਸ, ਗੁਆਮ

ਅਨੁਵਾਦ: ਅਮਰਜੀਤ ਸਾਥੀ

ਸੂਰਜ

ਚੜ੍ਹਦੀ ਢਲ਼ਦੀ ਧੁੱਪ

ਸਭ ਧਰਤੀ ਦਾ ਚੱਕਰ

ਸੂਰਜ ਇੱਕੋ ਰੁੱਤ

ਅਮਰਜੀਤ ਸਾਥੀ

ਗੱਲਾਂ

ਗਈਆਂ ਪਾਣੀ ਲੈਣ

ਭਰ ਲਿਆਈਆਂ ਖੂਹੀ ਤੋਂ

ਸਾਰੇ ਪਿੰਡ ਦੀਆਂ ਗੱਲਾਂ

ਅਮਰਜੀਤ ਸਾਥੀ

ਸਿੱਲ੍ਹਾ ਲੜ

ਡੋਲੀ ਤੁਰੀ ਸ਼ਿੰਗਾਰੀ

ਬਾਪੂ ਹੋਇਆ ਹਲਕਾ

ਸਾਫੇ ਦਾ ਲੜ ਭਾਰੀ

ਦਰਬਾਰਾ ਸਿੰਘ

ਬੱਦਲ਼ੀ ਬਾਂਦਰ

ਬੱਦਲ਼ ਬਣਿਆ ਬੰਦਰ

ਵੇਖਦਿਆਂ ਹੀ ਗੁੰਮ ਗਿਆ

ਬਾਂਦਰ ਬੱਦਲ਼ਾਂ ਅੰਦਰ

ਅਮਰਜੀਤ ਸਾਥੀ

ਚੰਨ ਮੁਸਕਾਵੇ

The leaves on a palm

Tickle the moon in water

It smiles with delight

Dayne Zorko, 11 years, Australia.

ਤਾੜ ਰੁੱਖ ਦੇ ਪੱਤੇ

ਕਰਦੇ ਕੁਤਕੁਤੀਆਂ – ਪਾਣੀ ਵਾਲਾ ਚੰਨ

ਖੁਸ਼ ਹੋਕੇ ਮੁਸਕਾਵੇ

ਹਾਇਕੂ: ਡੇਨ ਜ਼ੋਰਕੋ, ੧੧ ਵਰਸ, ਆਸਟਰੇਲੀਆ।

ਅਨੁਵਾਦ: ਅਮਰਜੀਤ ਸਾਥੀ

ਚੰਨ ਮੁੱਖੜਾ

ਮਾਖਿਓਂ-ਮੱਖਣ ਮੁੱਖੜਾ

ਚੁੰਮੇ ਬਾਰੋ ਬਾਰ

ਗੋਦੀ ਦੇ ਵਿਚ ਚੰਨ

ਅਮਰਜੀਤ ਸਾਥੀ

ਬੱਦਲ਼ੀ ਰਿੱਛ

Cloudy bear

Flying among the clouds

How does the world look from there ?

Ilya Belyaevage, 10 Years, Russia.

ਬੱਦਲ਼ੀ ਭਾਲੂ

ਉੱਡਦਾ ਬੱਦਲ਼ਾਂ ਵਿਚ

ਤੈਨੂੰ ਓਥੋਂ ਦੁਨੀਆਂ ਰਹੀ ਕਿੱਦਾਂ ਦੀ ਦਿੱਸ ?

ਈਲਯਾ ਬੇਲਾਈਵੇਜ, 10 ਵਰਸ, ਰੂਸ.

ਅਨੁਵਾਦ: ਅਮਰਜੀਤ ਸਾਥੀ

ਖੰਭ ਸਵਾਰਨ/Preening

Haiga by Polona Oblak

ਨਿੱਖਰਿਆ ਅਸਮਾਨ

ਅਬਾਬੀਲ ਬਹਿ ਤਾਰ ‘ਤੇ

ਲੱਗੇ ਖੰਭ ਸਵਾਰਨ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਟਿਕਟ

A stamp on a letter

spreads its wings – flying over seas

A bridge of friendship

Du Yiage, 11 years, China

ਖਤ ‘ਤੇ ਲੱਗਾ ਟਿਕਟ

ਖੰਭ ਫੈਲਾਵੇ -ਜਾਏ ਸਮੁੰਦਰੌਂ ਪਾਰ

ਮਿੱਤਰਤਾ ਦਾ ਪੁਲ਼

ਦੂ ਯਿਆਗੇ, 11 ਵਰਸ, ਚੀਨ

ਅਨੁਵਾਦ: ਅਮਰਜੀਤ ਸਾਥੀ

ਤੁਪਕਉਆ

ਭਾਰੀ ਬਰਖਾ ਹੋਵੇ

ਛੱਤ ‘ਤੇ ਰੁਕਿਆ ਪਾਣੀ

ਤੁਪਕਾ ਤੁਪਕਾ ਚੋਵੇ

ਅਮਰਜੀਤ ਸਾਥੀ

ਚਿੜੀਆਂ

ਬੜੇ ਸਵੇਰੇ

ਉੱਠ ਜਾਂਦੀਆਂ ਚਿੜੀਆਂ

ਕੌਣ ਜਗਾਉਂਦਾ

ਹਿੰਦੀ ਹਾਇਕੂ: ਡਾ ਰਾਮਾਕਾਂਤ ਸ਼੍ਰੀਵਾਸਤਵ

ਅਨੁਵਾਦ: ਅਮਰਜੀਤ ਸਾਥੀ

ਬੀਜ

ਹਥੇਲ਼ੀ ਰੱਖੇ ਬੀਜ

ਆਉਣ ਵਾਲੀਆਂ ਨਸਲਾਂ ਦੇ

ਸੁਣਦੇ ਨੇ ਹਾਸੇ

ਫੋਟੋ ਅਤੇ ਹਾਇਕੂ: ਬਰਜਿੰਦਰ ਢਿਲੋਂ

ਲੰਘੀ ਰੁੱਤ

ਲੰਘੀ ਰੁੱਤ ਬਹਾਰ

ਫੁੱਲ ਫਲਾਂ ਤੋਂ ਬੀਜ

ਹੋਏ ਬੋਟ ਉਡਾਰ

ਅਮਰਜੀਤ ਸਾਥੀ

ਦੇਵੀ

ਨੰਗੇ ਪੈਰੀਂ ਮੰਦਰ ਜਾਵੇ

ਦਾਦੀ ਟੇਕਣ ਮੱਥਾ

ਦੇਵੀ ਘਰ ਨਾ ਆਵੇ

ਦਰਬਾਰਾ ਸਿੰਘ

(29-3-08}

ਸ਼ਿੰਗਾਰ

Haiga by Polona Oblak

ਨਿਰਮਲ ਪਾਣੀ

ਬਤਖ਼ ਰੁਕ ਕੇ

ਲੱਗੀ ਖੰਭ ਸ਼ਿੰਗਾਰਨ

ਹਾਇਦਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਹਰਿਮੰਦਰ

Haiku by Amarjit Sathi from his book ‘Nimakh’

Haiga and English translation by Angelee Deodhar

ਹਰਿਮੰਦਰ ਪਰਿਕਰਮਾ

ਮਾਪੇ ਟੇਕਣ ਮੱਥਾ

ਬੱਚੇ ਵੇਖਣ ਮੱਛੀਆਂ

ਹਾਇਕੂ: ਅਮਰਜੀਤ ਸਾਥੀ ਦੀ ਪੁਸਤਕ ‘ਨਿਮਖ’ ਵਿਚੋਂ

ਹਾਇਗਾ: ਅੰਜਲਿ ਦੇਵਧਰ

Note: This haiga is a gift from Dr. Angelee Deodhar, an internationally known English and Hindi haiku poet (haijin).

ਧੰਦਾ

ਪਰਵਾਸੀ ਦਾ ਧੰਦਾ

ਪੱਟ ਖੇਤਾਂ ‘ਚੋਂ ਘਾਅ

ਜੜ ਲਾ ਰਿਹਾ ਬੰਦਾ

ਅਮਰਜੀਤ ਸਾਥੀ

ਅਣਗਿਣਤ ਜੁਗਨੂੰ

Countless fireflies

Hang across an endless field with lanterns

Sailors have lost  their  way

Gianlucha Sordi, Italy

ਅਣਗਿਣਤ ਜੁਗਨੂੰ

ਅਨੰਤ ਮੈਦਾਨ ‘ਚ ਲਟਕਣ ਲੈਕੇ ਲਾਲਟਣਾਂ

ਮਾਂਝੀ ਭੁੱਲਗੇ ਰਾਹ

ਗਿਆਨਲੁਕਾ ਸੋਰਦੀ, ਇਟਲੀ

ਅਨੁਵਾਦ: ਅਮਰਜੀਤ ਸਾਥੀ

ਧੀਆਂ

ਪੇਕੇ ਬਹਿਕੇ ਰੋਈਆਂ

ਮਾਂ ਤੁਰੀ ਤਾਂ ਧੀਆਂ

ਘਰੇ ਬਿਗਾਨੀਆਂ ਹੋਈਆਂ

ਦਰਬਾਰਾ ਸਿੰਘ

ਡਰ

ਫੁੱਲ ਗੁਲਾਬੀ

ਚੁੰਮਣ ਨੂੰ ਦਿਲ ਕਰਦਾ

ਡਰ ਹੈ ਕੰਡਿਆਂ ਦਾ

ਫੋਟੋ ਅਤੇ ਹਾਇਕੂ: ਬਰਜਿੰਦਰ ਢਿਲੋਂ

ਦੋ ਚਿੱਤੀ

ਘੁੱਪ ਹਨੇਰਾ ਸਾਹਵੇਂ –

ਦੋ ਬੱਤੀਆਂ ਵਿਚਕਾਰ

ਇਕ ਜਣੇ ਦੇ ਦੋ ਪਰਛਾਵੇਂ

ਅਮਰਜੀਤ ਸਾਥੀ

ਸੂਰਜ

The Sun

Plays in the sky and

goes to sleep in the ocean

Haiku by Kazuyo Tezuka, 8 Years, Japan

ਸੂਰਜ

ਖੇਡਦਾ ਤਾਂ ਹੈ ਅਸਮਾਨ ਵਿਚ

ਅਤੇ ਸੌਂ ਜਾਂਦਾ ਹੈ ਸਾਗਰ ਵਿਚ

ਹਾਇਕੂ: ਕਾਜ਼ੁਯੋ ਤੇਜ਼ੁਕਾ, 8 ਵਰਸ, ਜਾਪਾਨ

ਅਨੁਵਾਦ: ਅਮਰਜੀਤ ਸਾਥੀ

ਉਪਾਸਨਾ

temple ruins-

pieces of a Budha

still praying

Haiku by: Forrester

ਮਠ ਦਾ ਖੰਡਰ

ਇਕ ਬੁੱਧ ਦੇ ਟੁਕੜੇ

ਹਾਲੇ ਵੀ ਕਰਨ ਉਪਾਸਨਾ

ਹਾਇਕੂ: ਫੌਰੈਸਟਰ

ਅਨੁਵਾਦ: ਅਮਰਜੀਤ ਸਾਥੀ

ਲਿਵਤਾਰ

Photo by Jonathan R Peal

ਗੁਰੂਘਰ ਬੈਠੀ ਸੰਗਤ-

ਇਕੋ ਪਾਸੇ ਝਾਕਦੇ

ਸੂਰਜਮੁਖੀ ਦੇ ਫੁੱਲ

ਹਾਇਕੂ: ਅਮਰਜੀਤ ਸਾਥੀ

ਕਿਸ਼ਤੀ

I have a boat – it

takes me wherever I want

until I wake up

Alan Chu, 10 years, Singapore

ਮੇਰੇ ਕੋਲ਼ ਇਕ ਕਿਸ਼ਤੀ ਹੈ – ਜੋ

ਮੈਨੂੰ ਲੈ ਜਾਂਦੀ ਜਿੱਥੇ ਚਾਹਾਂ

ਜਦ ਤੱਕ ਮੈਂ ਨਾ ਜਾਗਾਂ

ਐਲਨ ਚੂ, ੧੦ ਵਰਸ, ਸਿੰਘਾਪੁਰ

ਅਨੁਵਾਦ: ਅਮਰਜੀਤ ਸਾਥੀ

ਲਾਲ ਪਰਾਂਦਾ

ਭਾਰ ਸਿਹਾ ਨਾ ਜਾਂਦਾ

ਵਾਲ਼ ਕਟਾਕੇ ਬੀਬੀ

ਸੁੱਟਗੀ ਲਾਲ ਪਰਾਂਦਾ

ਅਮਰਜੀਤ ਸਾਥੀ

ਡਾਰੋਂ ਵਿੱਛੜੀ

ਖੁੰਝਕੇ ਕਤਾਰ ਚੋਂ

ਰਹੀ ਭਾਲ਼ਦੀ ਰਾਹ ਸੱਜਣਾਂ ਦਾ

ਮਿਲ ਗਈ ਤਨਹਾਈ

ਬਰਜਿੰਦਰ ਢਿਲੋਂ

ਤੇਜ਼ ਹਵਾ

ਚੱਲੇ ਤੇਜ਼ ਹਵਾ

ਤਾਜ਼ੇ ਪੱਤੇ ਝਾੜਕੇ

ਝਾੜੀਂ ਰਹੀ ਫਸਾ

ਅਮਰਜੀਤ ਸਾਥੀ

ਰਸ-ਭਰੀ

Haiga by Polona Oblak

ਰਸ-ਭਰੀ ਚੁਗਦਿਆਂ

ਉਸ ਨੇ ਕਿਹਾ ਮੇਰੀ ਪੋਤੀ

ਮਾਂ ਬਣਨ ਵਾਲ਼ੀ ਹੈ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਅਰਾਧਨਾ

sunrise

a heron meditates

monks pass by

Vidur Jyoti

ਪਹੁ-ਫੁਟਾਲਾ

ਬਗਲਾ ਕਰੇ ਅਰਾਧਨਾ

ਕੋਲੋਂ ਲੰਘਣ ਭਿਖਸ਼ੂ

ਵਿਦੁਰ ਜਿਓਤੀ

ਅਨੁਵਾਦ: ਅਮਰਜੀਤ ਸਾਥੀ

ਪ੍ਰੀਵਾਰਕ ਇਕੱਠ

ਟੱਬਰ ਹੋਇਆ ‘ਕੱਠਾ

ਰੌਲ਼ੇ ਦੇ ਵਿਚ ਰੁਲ਼ ਰਹੀ

ਬਾਬੇ ਦੀ ਆਵਾਜ਼

ਅਮਰਜੀਤ ਸਾਥੀ

ਹੁਮਸ

Haiga by Polona Oblak

ਸਾਹ-ਸੁਕਾਊ ਗਰਮੀ

ਤਿਤਲੀ ਦੇ ਖੰਭਾਂ ਦੀ

ਧੜਕਣ ਸੁਸਤ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਲਹੂ ਲੁਹਾਣ

shot

a bird’s wing and azure

blooded

Alenka Zorman

ਗੋਲ਼ੀ ਚੱਲੀ

ਪੰਛੀ ਖੰਭ ‘ਤੇ ਨੀਲੰਬਰ

ਲਹੂ ਲੁਹਾਣ

ਅਲੈਂਕਾ ਜ਼ੌਰਮੈਨ

ਅਨੁਵਾਦ: ਅਮਰਜੀਤ ਸਾਥੀ

ਨੋਟ: azure= ਨੀਲਾ ਅੰਬਰ = ਨੀਲੰਬਰ

ਸ਼ਰਧਾ

ਸ਼ਰਧਾਲੂ ਟੇਕੇ ਮੱਥਾ

ਪਿਆ ਪੋਥੀ ਸਾਹਵੇਂ

ਉੜਕੇ ਆਇਆ ਪੱਤਾ

ਅਮਰਜੀਤ ਸਾਥੀ

ਬੇਮੌਸਮੀ

Haiga by Polona Oblak

ਬੇਮੌਸਮੀ ਗਰਮੀ

ਘੁੱਗੀ ਕਰੇ ਬੇਕਾਰ

ਸੱਦੇ ਦਾ ਇੰਤਜ਼ਾਰ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਜੰਗਲ਼ੀ ਗੁਲਾਬ

Haiga by Polona Oblak

ਹਵਾ ਹਿਲਾਕੇ ਟਹਿਣੀਆਂ

ਲੱਗੀ ਮਹਿਕ ਚੁਰਾਣ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਮਹਿਕ ਮਿੱਟੀਲੀ

ਬੋਲੀ-ਰੰਗ ਨਾ ਜਾਵੇ

ਉੱਚੇ ਉੜਕੇ ਵੇਖਿਆ

ਮਹਿਕ ਮਿੱਟੀ ਦੀ ਆਵੇ

ਅਮਰਜੀਤ ਸਾਥੀ

ਨੋਟ: ਬੋਲੀ-ਰੰਗ = accent