ਭਾਰਤ ਯਾਤਰਾ/Visiting India

ਸਤਿਕਾਰਯੋਗ ਬਲਾਗ ਮਿੱਤਰੋ

ਮੈ ਕੁਝ ਅਰਸੇ ਲਈ ਭਾਰਤ ਯਾਤਰਾ ‘ਤੇ ਜਾ ਰਿਹਾ ਹਾਂ ਇਸ ਲਈ ਬਲਾਗ ਨੂੰ ਹਰ ਰੋਜ਼ ਅੱਪਡੇਟ ਕਰਨ ਵਿਚ ਕੁਝ ਦਿੱਕਤ ਆਵੇਗੀ। ਕਿਰਪਾ ਕਰਕੇ ਤੁਸੀ ਫੇਰੀ ਪਾਉਂਦੇ ਰਹਿਣਾ ਮੈ ਜਲਦ ਹੀ ਸੇਵਾ ਵਿਚ ਹਾਜ਼ਰ ਹੋਵਾਂਗਾ।

ਧੰਨਵਾਦ

ਸਾਥੀ

My Dear Blog Friends

I am going to India for a few months and shall not be able to update the blog regularly. Please keep visiting ‘haikupunjabi’ I shall be able to maintain it in few days.

Thanks

Sathi

ਮੱਖਣ ਚੋਰ

ਦੁੱਧ ਦੀ ਰਾਖੀ

ਓੜ੍ਹ ਦੁਪੱਟਾ ਲੁਕਿਆ

ਮਾਂ ਦਾ ਮੱਖਣ ਚੋਰ

ਦਰਬਾਰਾ ਸਿੰਘ

ਯਾਦਾਂ ਮੁੜੀਆਂ

ਤ੍ਰਿਕਾਲਾਂ ਢਲ਼ੀਆਂ

ਚੋਗਾ ਚੁਗ ਕੇ ਘਰ ਨੂੰ

ਯਾਦਾਂ ਮੁੜੀਆਂ

ਗੁਰਮੀਤ ਸੰਧੂ

ਅੰਬਰੀ ਫੁੱਟੀਆਂ

ਅੰਬਰੋਂ ਡਿਗੇ ਕਪਾਹ

ਯਾਦ ਬਠਿੰਡਾ ਆਵੇ

ਵਾਹ ਕਨੇਡਾ ਵਾਹ

ਗੁਰਿੰਦਰਜੀਤ ਸਿੰਘ

ਜਲ ਸੰਗੀਤ

Splash ! Splash ! Splash !

Somebody steps through puddles

The melody of water

Katya Frolova, 12 years, Russia.

ਛੱਪਕ !  ਛੱਪਕ !  ਛੱਪਕ!

ਕੋਈ ਤੁਰੇ ਚੁਲ੍ਹਕੀਆਂ ਵਿਚ ਦੀ

ਪਾਣੀ ਦਾ ਸੰਗੀਤ

ਕਾਤਿਆ ਫ੍ਰੋਲੋਵਾ, ੧੨ ਵਰਸ, ਰੂਸ.

ਅਨੁਵਾਦ: ਅਮਰਜੀਤ ਸਾਥੀ

ਨੋਟ: puddles = ਚੁਲ੍ਹਕੀਆਂ (ਛੋਟੀਆਂ ਛੋਟੀਆਂ ਟੁਕੜੀਆਂ ਵਿਚ ਖੜ੍ਹਾ ਪਾਣੀ)

ਗਵਾਂਢੀ

ਵਿਚ ਕੰਡਿਆਲ਼ੀ ਤਾਰ

ਮੂੰਹ ਮੋੜਕੇ ਖੜੇ ਗਵਾਂਢੀ

ਕਰਦੇ ਸਾਂਝ-ਵਿਚਾਰ

ਅਮਰਜੀਤ ਸਾਥੀ

ਉਮਰ ਗੁਆਚੀ

ਬਾਬਾ ਫਰੋਲ਼ੇ ਮਿੱਟੀ

ਅਜੇ ਤੱਕ ਨਾ ਲੱਭੀ

ਜੁਆਨੀ ਕਿੱਥੇ ਸਿੱਟੀ

ਰੇਸ਼ਮ ਸਿੰਘ ਸੈਣੀ

ਬੱਲੀਆਂ

ਊਠਾਂ ਗਲ਼ ਟੱਲੀਆਂ

ਹਿੱਲਣ ਹਵਾ ਦੇ ਨਾਲ਼

ਕਣਕ ਦੀਆਂ ਬੱਲੀਆਂ

ਦਰਬਾਰਾ ਸਿੰਘ

ਖਿੱਲੂ-ਬੌਲ਼ਾ

ਖਿੱਲੂ-ਬੌਲ਼ਾ ਬਾਲ

ਹੱਸੇ ਅੱਖਾਂ ਮੀਚਕੇ

ਮੂੰਹ ਹੋਗਿਆ ਲਾਲ

ਅਮਰਜੀਤ ਸਾਥੀ

ਲੱਡੂ ਦੀ ਕੁੜਮਾਈ

ਭੰਗੜਾ ਪਾਉਣ ਪਕੌੜੇ

ਜਲੇਬੀ ਜੀ ਸ਼ਰਮਾਈ

ਗੁਰਿੰਦਰਜੀਤ ਸਿੰਘ

ਜਾਪਾਨੀ ਮਹਿਕ

ਹਾਇਕੂ ਪੜ੍ਹਦਾ ਬਹਿਕੇ

ਵਿਹੜੇ ਦੇ ਵਿਚ ਜੀਕੂੰ

ਫੁੱਲ ਜਾਪਾਨੀ ਮਹਿਕੇ

ਗਰਮੀਤ ਸੰਧੂ

ਤੁਪਕਾ ਪਾਣੀ ਦਾ

I am a drop of water

in the form of clouds, fog, wind and snow

I wander all over the world

Jingyi Lin, 9 years, China.

ਮੈ ਪਾਣੀ ਦਾ ਇਕ ਤੁਪਕਾ

ਬਣਕੇ ਬੱਦਲ਼, ਧੁੰਦ, ਹਵਾ ਤੇ ਬਰਫ

ਸਾਰੀ ਦੁਨੀਆਂ ਦੇ ਵਿਚ ਘੁੰਮਾਂ

ਜਿੰਗਈ ਲਿਨ, ੯ ਵਰਸ, ਚੀਨ।

ਅਨੁਵਾਦ: ਅਮਰਜੀਤ ਸਾਥੀ

ਲੋਰੀ

ਲੋਰੀ ਚੰਭਲਾਵੇ

ਝੋਲ਼ੀ ਦੇ ਵਿਚ ਬੱਚਾ

ਨੀਂਦ ਨਾ ਆਵੇ

ਦਰਬਾਰਾ ਸਿੰਘ

ਨਿੰਮ

ਦਾਤਣ ਛਾਂ ਨਮੋਲ਼ੀਆਂ

ਪੱਤੇ ਕਰਨ ਟਕੋਰ

ਵਿਹੜੇ ਵਾਲ਼ੀ ਨਿੰਮ

ਹਰਜੀਤ ਜਨੋਹਾ

ਬੁੱਲੇ

ਡਾਲੀ ਖਿੜਿਆ ਫੁੱਲ

ਨਾਲ਼ ਹਵਾ ਦੇ ਡਿੱਗਿਆ

ਕਿਸ ਤੋਂ ਹੋਈ ਭੁੱਲ

ਸੁਖਵਿੰਦਰ ਸਿੰਘ ਜੂਤਲਾ

ਵਗਦੀ ਵੇਈਂ

The brook flows

The clouds give water

And help the brook

Nikita Tsvetkov, 9 years, Russia.

ਵੇਈਂ ਵਗ ਰਹੀ

ਬੱਦਲ ਵਰਸਣ ਪਾਣੀ

ਤੇ ਕਰਦੇ ਮੱਦਦ ਓਸਦੀ

ਨਿਕਿਤਾ ਸਵੇਤਕੋਵ, ੯ ਵਰਸ, ਰੂਸ।

ਅਨੁਵਾਦ: ਅਮਰਜੀਤ ਸਾਥੀ

ਇਕੱਲਤਾ

ਬੱਸ ਇਕ ਗਮਲਾ

ਬੱਸ ਇਕ ਫੁੱਲ

ਇਕੱਲਤਾ

ਦਵਿੰਦਰ ਪੂਨੀਆ

ਪਰਾਹੁਣਾ

ਪਰਵਾਸੀ ਪਰਤਿਆ ਘਰ

ਬੱਚੇ ਕਹਿਣ ਪਰਾਹੁਣਾ ਆਇਆ

ਵੱਡੇ ਫਿਕਰੀਂ ਪੈ ਗਏ

ਗੁਰਮੀਤ ਸੰਧੂ

ਜੁਗਨੂੰ ਟਾਰਚ

‘ਨੇਰ੍ਹੀ ਰਾਤ ਸੰਵਾਰੇ

ਉੜਿਆ ਫਿਊਜ ਗਵਾਂਢੀ

ਜੁਗਨੂੰ ਟਾਰਚ ਮਾਰੇ

ਗੁਰਿੰਦਰਜੀਤ ਸਿੰਘ

ਸੂਰਬੀਰ ਬਾਬਾ

Blanketed by moss

in shady garden corner

grand old wrrior

Jackie morrison, 12 years, Australia.

ਕਾਈ ਦੇ ਨਾਲ਼ ਕੱਜਿਆ

ਬਾਗ ਦੇ ਛਾਂ ਵਾਲ਼ੇ ਖੂੰਜੇ

ਮਹਾਨ ਸੂਰਬੀਰ ਬਾਬਾ

ਜੈਕੀ ਮੌਰਿਸਨ, ੧੨ ਵਰਸ, ਆਸਟਰੇਲੀਆ।

ਅਮਰਜੀਤ ਸਾਥੀ

ਹਾਜ਼ਰੀ

ਪੱਤੇ ਗਿਣੇ

ਪਹਿਲਾਂ ਬਹਾਰ ਨੇ

ਫਿਰ ਪਤਝੜ ਨੇ

ਹਰਜੀਤ ਜਨੋਹਾ

ਇਨਸਾਫ਼

ਹੱਥ ਤਰਾਜੂ

ਅੱਖੀਂ ਪੱਟੀ

ਰਹੇ ਨਾ ਕਾਬੂ

ਰੇਸ਼ਮ ਸਿੰਘ ਸੈਣੀ

ਮਾਲੀ

ਤੋਤਾ ਟੁੱਕੇ ਅੰਬੀਆਂ

ਮਾਲੀ ਦੀ ਅੱਖ ਬਚਾਕੇ

ਕੋਇਲ ਗਾਵੇ ਗੀਤ

ਦਰਬਾਰਾ ਸਿੰਘ

ਤਾਰਿਆਂ ਦੀ ਛੱਤ

A strong wind blew

The roof right off my house

That night I counted stars

Aree La-ongthong, 11 years, Thailand

ਤੇਜ਼ ਹਵਾ ਉੜਾਕੇ ਲੈਗੀ

ਉੱਪਰੋਂ ਮੇਰੇ ਘਰ ਦੀ ਛੱਤ

ਓਸ ਰਾਤ ਮੈ ਗਿਣੇ ਸਤਾਰੇ

ਅਰੀ ਲਾ-ਔਂਗਥੌਂਗ, ੧੧ ਵਰਸ, ਥਾਈਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਦੁਵਿਧਾ

ਰਾਤ ਹਨੇਰੀ

ਰਾਖਾ ਹੈ ਕਿ ਚੋਰ

ਕੁੱਤੇ ਭੌਂਕਣ

ਗੁਰਮੀਤ ਸੰਧੂ

ਆਸ

ਫੁੱਲ ਦੀ ਆਸ

ਮਧੂਮੱਖੀ ਤੇ ਭੰਬਰਾ

ਇਕ ਹਵਾ ਦਾ ਬੁੱਲਾ

ਪੁਸ਼ਪਿੰਦਰ ਕੌਰ ਬੈਂਸ

ਦਿਲ ਦੀ ਨਰਮ

ਵੇਖਣ ਨੂੰ ਬੇਸ਼ੱਕ ਮੋਟੀ

ਅੰਦਰੋਂ ਦਿਲ ਦੀ ਨਰਮ

ਦੇਸੀ ਮੱਕੀ ਦੀ ਰੋਟੀ

ਗੁਰਿੰਦਰਜੀਤ ਸਿੰਘ

ਸਕੂਲ ਬੱਸ

ਬਾਬੇ ਕਿਹਾ ਬੱਸ ਚੜ੍ਹਾਕੇ

‘ਮਿੱਸ ਯੂ ਮਾਈ ਚਾਇਲਡ’

ਬੱਚਾ ਬੋਲਿਆ ‘ਮੀ ਟੂ‘

ਅਮਰਜੀਤ ਸਾਥੀ

ਨਿਡਰ ਰਾਤ

ਰਾਤ ਗੁਜਰਦੀ ਹੌਲ਼ੀ ਹੌਲ਼ੀ

ਕੁੱਤੇ ਭੌਂਕ ਰਹੇ

ਰਾਤ ਦੌੜਣਾ ਨਹੀਂ ਚਾਹੁੰਦੀ

ਦਵਿੰਦਰ ਪੂਨੀਆ

ਅਰੁਕ ਖ਼ਿਆਲ

traffic jam–

my thoughts

still in motion

Andrea Cecon

ਟਰੈਫਿਕ ਜੈਮ–

ਮੇਰੇ ਖਿਆਲ

ਅਜੇ ਵੀ ਚੱਲਣ

ਆਂਦਰੇ ਚੈਕਨ

ਅਨੁਵਾਦ: ਅਮਰਜੀਤ ਸਾਥੀ

ਪਾਣੀ ਵਿਚ ਚੰਨ

moon in the water

broken and broken again

but it is still there

Gerald Chee, 11 years, Singapore.

ਪਾਣੀ ਦੇ ਵਿਚ ਚੰਨ

ਟੁੱਟਿਆ ਅਤੇ ਫੇਰ ਟੁੱਟਿਆ

ਪਰ ਹੈ ਅਜੇ ਵੀ ਓਥੇ

ਜੇਰਾਲਡ ਚੀ, ੧੧ ਵਰਸ, ਸਿੰਗਾਪੋਰ।

ਅਨੁਵਾਦ: ਅਮਰਜੀਤ ਸਾਥੀ

ਗੁਲਮੋਹਰ

ਖਿੜਿਆ ਗੁਲਮੋਹਰ

ਫੁੱਲਾ ਦਾ ਆਹਲਣਾ

ਵਿਚ ਖੇਡਣ ਪੰਛੀ

ਹਰਜੀਤ ਜਨੋਹਾ

ਸਹੁਰੇ ਪੇਕੇ

ਚੱਲੇ ਸਹੁਰੇ ਪੇਕੇ

ਕਾਠੀ ਵਾਲ਼ਾ ਪੈਡਲ ਮਾਰੇ

ਕਲੀਅਰ ਵਾਲ਼ੀ ਗੋਟਾ ਵੇਖੇ

ਹਰਪਰੀਤ ਸਿੰਘ

ਸ਼ਾਂਤ ਝੀਲ

A motionless lake

is kissed by the pink sunset

The lake remains still

Kayla Neufeld, 12 years, Canada.

ਇਕ ਸਥਿਰ ਝੀਲ ਨੂੰ

ਗੁਲਾਬੀ ਸੰਧਿਆ ਨੇ ਚੁੰਮਿਆ

ਝੀਲ ਸ਼ਾਂਤ ਹੀ ਰਹੀ

ਕਾਇਲਾ ਨਿਯੂਫੇਲਡ, ੧੨ ਵਰਸ, ਕੈਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ

ਖੜਕਾ

ਚੌਂਕਾ ਸਾਂਭਕੇ ਸੁੱਤੀ

ਝਲਿਆਨੀ ਹੋਵੇ ਖੜਕਾ

ਭਾਂਡੇ ਮਾਂਜੇ ਕੁੱਤੀ

ਗੁਰਿੰਦਰਜੀਤ ਸਿੰਘ

ਚਾਕਰ

ਟਿਕੀ ਰਾਤ ਦਾ ਚਾਕਰ

ਕਰਦਾ ਫਿਰਦਾ ਠਕ ਠਕ

ਸਾਡੀ ਨੀਂਦ ਖਾਤਰ

ਗੁਰਮੀਤ ਸੰਧੂ

ਰੱਬ ਦੀ ਮੁਸਕਾਨ

ਕਾਲੀ ਘਟਾ

ਉੱਡਦੇ ਬਗਲੇ

ਅੰਬਰ ਮੁਸਕਾਵੇ

ਦਵਿੰਦਰ ਪੂਨੀਆ

ਮਧੂ-ਮੱਖੀ

outside laundry

a bee alights

on the floral sheet

Andrea Cecon

ਕੱਪੜੇ ਪਾਏ ਸੁੱਕਣੇ

ਆ ਬੈਠੀ ਮਧੂ-ਮੱਖੀ

ਫੁੱਲਾਂ ਵਾਲ਼ੀ ਚਾਦਰ ‘ਤੇ

ਆਂਡਰੇ ਚੇਕਨ

ਅਨੁਵਾਦ: ਅਮਰਜੀਤ ਸਾਥੀ

ਭੱਠੀ

ਢਿੱਡ ਦੀ ਅੱਗ

ਕੜਾਹੀ ਰੇਤਾ

ਭੁੱਜਣ ਦਾਣੇ

ਰੇਸ਼ਮ ਸਿੰਘ ਸੈਣੀ

ਛਬ

Rising to the jump

Beauty of flying through air

Splashing back to sea

Ashley Schwell, 14 years, USA.

ਉੱਪਰ ਉੱਚਾ ਉੱਠਣਾ

ਛਭ ਹਵਾ ਵਿਚ ਉੜਣ ਦਾ

ਮੁੜ ਸਾਗਰ ਵਿਚ ਛਾਲ਼

ਐਸ਼ਲੇ ਸ਼ਵੈੱਲ, ੧੪ ਵਰਸ, ਯੂ ਐਸ ਏ।

ਅਨੁਵਾਦ: ਅਮਰਜੀਤ ਸਾਥੀ

ਪੱਗ

ਕਿੱਕਲੀ ਕਲੀਰ ਦੀ

ਕਨੇਡਾ ਵਿਚ ਵੀ ਚਮਕੇ

ਪੱਗ ਮੇਰੇ ਵੀਰ ਦੀ

ਗੁਰਿੰਦਰ ਸਿੰਘ

ਵਟਵਾਰੇ ਦੀ ਕੰਧ

ਕੰਧ ਵਟਵਾਰੇ ਦੀ…

ਥੜ੍ਹਾ ਇੱਟਾਂ ਦਾ ਲੱਗਿਆ

ਬਾਪੂ ਦੀ ਹਿੱਕ ਉੱਤੇ

ਹਰਪ੍ਰੀਤ ਸਿੰਘ

ਬਾਂਗ

ਮੁਰਗਾ ਬੋਲਿਆ

ਬੰਦਾ ਜਾਗ ਪਿਆ

ਜਮੀਰ ਸੁੱਤੀ ਰਹੀ

ਹਰਜੀਤ ਜਨੋਹਾ

ਮੱਘਰ ਮਾਹ

ਮੱਘਰ ਮਾਹ ਸੁਹੰਦੜਾ

ਲੱਦੇ ਫੁੱਟੀਆਂ ਨਾਲ਼

ਖਿੜੀ ਕਪਾਹ ਦੇ ਬੂਟੇ

ਅਮਰਜੀਤ ਸਾਥੀ

ਟੰਗੀ ਜੁੱਤੀ

ਸੋਹਣਾ ਮਕਾਨ

ਬਾਹਰ ਟੰਗੀ

ਕਾਲ਼ੀ ਟੁੱਟੀ ਜੁੱਤੀ

ਪੁਸ਼ਪਿੰਦਰ ਕੌਰ ਬੈਂਸ

ਸੁੱਖ ਮੰਗਦੇ

ਮੱਥਾ ਟੇਕ ਸਮਾਧ ‘ਤੇ

ਮੰਗ ਸਫ਼ਰ ਦੀ ਸੁੱਖ

ਸਿਰਤੋੜ ਭਜਾਈ ਗੱਡੀ

ਗੁਰਮੀਤ ਸੰਧੂ

ਸੁਨੇਹੇ ਮਿੱਤਰਾਂ ਦੇ

ਸਾਥੀ ਜੀਓ,

ਸਤਿ ਸ੍ਰੀ ਅਕਾਲ

ਹਾਇਕੂ ਬਲਾਗ ਉੱਤੇ ਅੱਜ ਕੱਲ੍ਹ ਬਹਾਰ ਆਈ ਹੋਈ ਹੈ. ਰੰਗਾਰੰਗ ਕਿਣ-ਮਿਣ ਕਿਣ-ਮਿਣ ਹੋ ਰਹੀ ਹੈ. ਰੰਗ ਬਰੰਗੇ ਫੁੱਲ ਖਿੜ ਰਹੇ ਹਨ. ਵਿਚਾਰਾਂ ਦੀ ਮਹਿਕ ਫੈਲ ਰਹੀ ਹੈ. ਪੰਜਾਬੀ ਵਿਹੜਾ ਲਹਿਰ ਲਹਿਰ ਹੋ ਰਿਹਾ ਹੈ. ਸ਼ੁਭ ਸੰਕੇਤ ਹੈ. ਬੱਚਿਆਂ ਦੇ ਅਨੁਵਾਦਿਤ ਹਾਇਕੂ ਬਹੁਤ ਪ੍ਰਭਾਵਿਤ ਕਰ ਰਹੇ ਹਨ. ਨਵੇਂ ਨਵੇਂ ਲਿਖਾਰੀ ਆ ਰਹੇ ਹਨ. ਆਪੋ ਆਪਣਾ ਨੂਰ ਲਿਆ ਰਹੇ. ਨਵੇਂ ਸੂਰਜ ਝਿਲਮਿਲ ਝਿਲਮਿਲ. ਬਹੁਤ ਖੁਸ਼ੀ ਹੋ ਰਹੀ ਹੈ. ਨਵੀਆਂ ਗੱਲਾਂ, ਨਵੀਆਂ ਉਮੀਦਾਂ ਪੈਦਾ ਹੋ ਰਹੀਆਂ ਹਨ.

ਸਿਆਣੇ ਪਾਠਕ ਹਾਇਕੂ ਲਿਖਾਰੀਆਂ ਨੁੰ ਟਿੱਪਣੀਆਂ ਦੇ ਕੇ ਸੇਧ ਦੇ ਰਹੇ ਹਨ. ਭਟਕਣ ਤੋ ਬਚਾ ਰਹੇ ਹਨ. ਕਈ ਗੱਲਾਂ ਜੋ ਗ਼ਜ਼ਲਾਂ, ਨਜ਼ਮਾਂ ਚੋਂ ਰਹਿ ਗਈਆਂ ਹੁੰਦੀਆਂ ਹਨ ਓਹ ਹਾਇਕੂ ਵਿਚ ਪਰਗਟ ਹੋ ਰਹੀਆਂ ਹਨ. ਸੰਵੇਦਨਾ ਦੀ ਅਰਥਪੂਰਨ ਵਿਸ਼ਾਲਤਾ ਪੇਸ਼ ਹੋ ਰਹੀ ਹੈ.

ਤੁਸੀਂ ਇਕ ਖਾਸ ਕਿਸ੍ਮ ਦਾ ਮੰਚ ਸਿਰਜ ਲਿਆ ਹੈ. ਹੋਰ ਨਵੇਂ ਲਿਖਾਰੀ ਵੀ ਇਥੇ ਆ ਜੁੜਨਗੇ . ਨਵੇਂ ਨੂਰ ਨਵੀਆਂ ਮਹਿਕਾਂ. ਕੋਈ ਸ਼ੱਕ ਨਹੀਂ ਕਿ ਇਹ ਮੰਚ ਬਹੁਤ ਫੈਲੇਗਾ, ਫੁੱਲੇਗਾ ਅਤੇ ਫਲੇਗਾ. ਇਹ ਵਿਧਾ ਵੀ ਹੋਰ ਬਹੁਤ ਸਾਰੀਆਂ ਵਿਧਾਵਾਂ ਵਾਂਗ ਪੰਜਾਬੀ ਵਿਚ ਮੌਲਿਕ ਰੰਗ ਵਿਚ ਪ੍ਰਫੁੱਲਿਤ ਹੋਵੇਗੀ ਅਤੇ ਪੰਜਾਬੀ ਸਾਹਿਤ ਸਿਰਜਣਾ ਅਤੇ ਚੇਤਨਾ ਦਾ ਅੰਗ ਬਣੇਗੀ.

ਦੁਆਵਾਂ ਨਾਲ

ਦਵਿੰਦਰ

ਪੌਣ ਝੂਲਾਵੇ

A leaf on the pond

Autumn wind conjures ripples

A gentle rocking

Amelie Hoffmann, 13 years, Germany.

ਛੱਪੜ ਤਰਦਾ ਪੱਤਾ

ਪਤਝੜ ਪੌਣ ਜਗਾਵੇ ਲਹਿਰਾਂ

ਹੌਲ਼ੇ ਹੌਲ਼ੇ ਝੂਟੇ

ਐਮੇਲੀ ਹੌਫਮੈਨ, ੧੩ ਵਰਸ, ਜਰਮਨੀ।

ਅਨੁਵਾਦ: ਅਮਰਜੀਤ ਸਾਥੀ

ਸਰਦਲ

ਸਰਦਲ ਬੈਠੀ ਮਾਂ

ਸੂਰਜ ਛਿਪ ਚੱਲਿਆ

ਮੁੜਿਆ ਪੁੱਤਰ ਨਾ

ਰੇਸ਼ਮ ਸਿੰਘ ਸੈਣੀ

ਚੁੱਪ ਭੰਗ

ਇਕ ਖੜਾਕ ਰਾਤ ਨੂੰ

ਇਕ ਮੋਰ ਬੋਲਿਆ

ਦੋ ਵਾਰੀ ਭੰਗ ਹੋਈ ਚੁੱਪ

ਦਵਿੰਦਰ ਪੂਨੀਆ

ਖੋਖਾ/Fired case

ਸੁੰਨਾਂ ਸ਼ਿਕਾਰ ਮਚਾਨ

ਕਾਰਤੂਸਾਂ ਦੇ ਖੋਖੇ

ਇੱਕ ਨਿੱਕੀ ਜਿਹੀ ਬਾਈਬਲ

ਜਗਜੀਤ ਸੰਧੂ

ਖਬਰਾਂ

crime news

my morning coffee

getting cold

andrea Cecon

ਜੁਰਮ ਦੀਆਂ ਖਬਰਾਂ

ਮੇਰੀ ਸਵੇਰ ਵਾਲ਼ੀ ਕੌਫੀ

ਹੋ ਰਹੀ ਠੰਡੀ

ਐਂਦਰੀਆ ਚੈਕਨ

ਅਨੁਵਾਦ: ਅਮਰਜੀਤ ਸਾਥੀ

ਫਸਲੀ

ਮੰਡੀ ਫਸਲ ਆਈ

ਅਮਰੂਦਾਂ ਵਾਲੇ ਨੇ ਲਾ ਲੀ

ਚਾਹ ਦੀ ਰੇੜ੍ਹੀ

ਹਰਪ੍ਰੀਤ ਸਿੰਘ

ਖੁੰਬਾਂ

ਗਲ਼ਿਆ-ਸੜਿਆ ਰੁੱਖ

ਉਸਦੀ ਹਿੱਕ ‘ਤੇ ਵਸਿਆ

ਖੁੰਬਾਂ ਦਾ ਸ਼ਾਂਤ ਜਹਾਨ

ਸੁਖਵਿੰਦਰ ਜੁਤਲਾ

ਓਲ਼ੇ

Hail you know

When you touch with your hand

It hurts

Sachie Ishihara, 8 years, Mexico.

ਓਲ਼ੇ ਤੁਸੀਂ ਜਾਣਦੇ ਹੋ

ਜੇ ਹੱਥਾਂ ਨਾਲ਼ ਛੂਹੋ ਤਾਂ

ਦਰਦ ਹੁੰਦਾ ਹੈ

ਸਾਚੀਏ ਇਸ਼ੀਹਾਰਾ, ੮ ਵਰਸ, ਮੈਕਸੀਕੋ।

ਅਨੁਵਾਦ: ਅਮਰਜੀਤ ਸਾਥੀ

ਦਰਿਆ ਦਾ ਗੀਤ

I see the flow of the river

The continuous song

Of gushing water

Shyla Francisco, 13 years, Philippines.

ਮੈਂ ਦੇਖਾਂ ਦਰਿਆ ਦੀ ਰਵਾਨੀ

ਇਕ ਨਿਰੰਤਰ ਗੀਤ

ਵਗਦੇ ਪਾਣੀ ਦਾ

ਸ਼ਾਇਲਾ ਫਰਾਂਸਿਸਕੋ, ੧੩ ਵਰਸ, ਫਿਲਪਾਈਨਜ।

ਅਨੁਵਾਦ: ਅਮਰਜੀਤ ਸਾਥੀ

ਕੀਚਰਾਂ

ਸੜਕ ਕਿਨਾਰੇ

ਪੀਕੇ ਤੋੜੀ ਬੋਤਲ

ਨਿੱਕੇ ਪੈਰ ਲਹੂ-ਲੁਹਾਣ

ਅਮਰਜੀਤ ਸਾਥੀ

ਤੁਰਤ ਸੁਨੇਹੇ

ਕਾਸਿਦ ਦੀ ਦਸਤਕ

ਤੁਰਤ ਸੁਨੇਹਾ

ਮਾਊਸ ਦੀ ਕਲਿਕ

ਗੁਰਮੀਤ ਸੰਧੂ

ਝਾੜੂ

ਪਤਝੜ ਦਾ ਅੰਤ

ਖੂੰਜੇ ਖੜ੍ਹਾ ਝਾੜੂ

ਥੋੜੇ ਪੱਤੇ ਬਾਕੀ

ਹਰਜੀਤ ਜਨੋਹਾ

ਸਮਾਧਾਂ ਦੀ ਚੁੱਪ

war mausoleum

a bird’s chirping

breaks the silence

Andrea Cecon

ਜੰਗੀ ਸਮਾਧਾਂ

ਇਕ ਪੰਛੀ ਦੀ ਚਹਿਚਹਾਟ

ਚੁੱਪ ਤੋੜਦੀ

ਐਂਦਰੀਆ ਚੇਕਨ