ਫੁੱਲ

ਰੰਗ ਬਿਰੰਗੇ

ਫੁੱਲ ਖਿੜ੍ਹਦੇ ਵੇਖ

ਮੈਂ ਖਿੜ੍ਹ ਜਾਵਾਂ

ਮੰਗਲ ਸਿੰਘ, ੧੩ ਵਰਸ, ਛੇਵੀਂ ਜਮਾਤ, ਨੰਗਲ ਖੁਰਦ( ਮਾਨਸਾ) ਪੰਜਾਬ।

ਕਿਲਕਾਰੀ

ਬੱਚੇ ਦੀ ਕਿਲਕਾਰੀ

ਕੰਮ ਤੋਂ ਆਏ ਮਾਪੇ

ਲਹੀ ਥਕਾਵਟ ਸਾਰੀ

ਦਰਬਾਰਾ ਸਿੰਘ

ਸ਼ਮਸ਼ਾਨ ਘਾਟ

ਪਰਵਾਸੀ ਉਦਾਸ

ਵੇਖਕੇ ਪਿੰਡ ਦਾ

ਸ਼ਮਸ਼ਾਨ ਘਾਟ

ਦਵਿੰਦਰ ਪੂਨੀਆ

ਟਰੈਫਿਕ ਜਾਮ

ਕਰਕੇ ਟਰੈਫਿਕ ਜਾਮ

ਕੱਢੀ ਸ਼ੋਭਾ ਯਾਤਰਾ

ਪੈਗੰਬਰ ਹੈਰਾਨ

ਗੁਰਮੀਤ ਸੰਧੂ

ਮਾਂਵਾਂ ਧੀਆਂ

ਮਿਲਕੇ ਬੈਠੀਆਂ

ਸੰਦੂਕ ਫੋਲਣ

ਗੁਰਪ੍ਰੀਤ

ਡਰਨੇ

ਖੇਤਾਂ ਦੇ ਵਿਚ ਪਿਕਨਿਕ

ਵਾਰੀ ਵਾਰੀ ਖਿਚਾਉਣ ਵੱਡੇ

ਫੋਟੋਆਂ ਡਰਨੇ ਦੇ ਨਾਲ਼

ਅੰਬਰੀਸ਼

ਭੌਣ

ਸ਼ਹਿਰ ਦੀ ਭੀੜ

ਹਰ ਕੋਈ ਰੁੱਝਿਆ

ਕੀੜੀਆਂ ਦਾ ਭੌਣ

ਹਰੀ ਸਿੰਘ ਤਾਤਲਾ

ਨਿਪੱਤਰੇ ਰੁੱਖ

Autumn leaves falling

Trees looking very empty

More raking for me

Michael McKeown, 12 years, Australia.

ਪਤਝੜ ਪੱਤੇ ਝੜ ਰਹੇ

ਬਿਲਕੁਲ ਖਾਲੀ ਲੱਗਦੇ ਰੁੱਖ

ਮੈਨੂੰ ਹੋਰ ਝਾੜੂ ਦੇਣਾ ਪਊ

ਮਾਇਕਲ ਮਕਿਓਨ, ੧੨ ਵਰਸ, ਆਸਟਰੇਲੀਆ।

ਅਨੁਵਾਦ: ਅਮਰਜੀਤ ਸਾਥੀ

ਪੱਤੇ

ਡਿਗਦੇ ਪੱਤੇ

ਮੇਰੇ ਪੈਰਾਂ ਉੱਤੇ

ਸੱਟ ਨਾ ਲੱਗੇ

ਜਸਵੰਤ ਸਿੰਘ, ੧੨ ਸਾਲ, ਛੇਵੀਂ ਜਮਾਤ, ਨੰਗਲ ਖੁਰਦ (ਮਾਨਸਾ) ਪੰਜਾਬ।

ਬਾਬਲ ਦਾ ਵਿਹੜਾ

ਲਿਮੋਜੀਨ ‘ਚ ਡੋਲ਼ੀ ਤੋਰੀ

ਮੈਰਿਜ ਪੈਲੇਸ ਤੋਂ

ਗੁਰਮੀਤ ਸੰਧੂ

ਸਵਾਰੀ

ਬੱਸ ‘ਚ ਡੈੱਕ ਦਾ ਸ਼ੋਰ

ਸਵਾਰੀ ਅਪਣੇ ਸਾਮਾਨ ਦੀ

ਆਪ ਜਿੱਮੇਵਾਰ

ਦਵਿੰਦਰ ਪੂਨੀਆ

ਰੇਤੇ ਦੇ ਘਰ

ਪੈਰਾਂ ‘ਤੇ ਰੇਤਾ ਪਾਕੇ

ਬੀਚ ‘ਤੇ ਖੇਡਣ ਸਾਰੇ

ਘਰ ਬਣਾਕੇ ਢਾਹਕੇ

ਦਰਬਾਰਾ ਸਿੰਘ

ਲਿੱਲ੍ਹੜੀਆਂ

ਚੌਂਕਬੱਤੀ ਰੁਕੀਆਂ ਕਾਰਾਂ

ਲਿਲ੍ਹੜੀਆਂ ਦੀ ‘ਵਾਜ

ਬੰਦ ਸ਼ੀਸਿਆਂ ਤੋਂ ਮੁੜਦੀ

ਅੰਬਰੀਸ਼

ਛਣ ਛਣ

ਛਣ ਛਣ ਛਣਕਣ ਵੰਙਾਂ

ਧਾਰ ਕੱਢੇ ਮਟਿਆਰ

ਰੱਸਾ ਤੁੜਾਵੇ ਕੱਟਾ

ਗੁਰਪ੍ਰੀਤ

ਟੁੰਡਰਾ

ਬਰਫ ਹੀ ਬਰਫ

ਟੁਰਨਾ ਠਰਨਾ

ਟੁੰਡਰਾ ਦਾ ਜੀਵਨ

ਹਰੀ ਸਿੰਘ ਤਾਤਲਾ

ਪੰਛੀਆਂ ਦੀ ਅਲਵਿਦਾ

Birds going south

Each group making its own pattern

For saying goodbye

Taichi Akiyama, 10 years, Japan.

ਦੱਖਣ ਨੂੰ ਜਾਂਦੇ ਪੰਛੀ

ਹਰ ਝੁੰਡ ਬਣਾਵੇ ਅਪਣਾ ਹੀ ਨਮੂਨਾ

ਅਲਵਿਦਾ ਕਹਿਣ ਲਈ

ਤਾਇਚੀ ਅਕਿਯਾਮਾ, ੧੦ ਵਰਸ, ਜਾਪਾਨ।

ਅਨੁਵਾਦ: ਅਮਰਜੀਤ ਸਾਥੀ

ਹਰੇ ਮੋਤੀ

ਮੇਰੀ ਮਾਂ

ਮਟਰ ਕੱਢੇ

ਹਰੇ ਹਰੇ ਮੋਤੀ

ਹਰਪ੍ਰੀਤ ਸਿੰਘ, ੧੧ ਵਰਸ, ਛੇਵੀਂ ਜਮਾਤ, ਨੰਗਲ ਖੁਰਦ (ਮਾਨਸਾ) ਪੰਜਾਬ।

ਵਕਫੇ

ਰੋਂਦਾ ਬੱਚਾ

ਖੰਘਦਾ ਬੁੱਢਾ

ਚੁੱਪ ਦੇ ਵਕਫੇ

ਦਵਿੰਦਰ ਪੂਨੀਆ

ਮਕਾਣ

ਮਕਾਣ ਭਰੀ ਟਰਾਲੀ
ਖੌਰੂ  ਬਾਹਲ਼ਾ
ਅੱਖਾਂ ਖਾਲੀ

ਗੁਰਿੰਦਰਜੀਤ ਸਿੰਘ

ਬਸੰਤ ਰੁੱਤ

ਕਲੀ ਦਾ ਨ੍ਰਿਤ

ਕੋਇਲ ਦਾ ਗੀਤ

ਬਸੰਤ ਦੀ ਰੁੱਤ

ਗੁਰਮੀਤ ਸੰਧੂ

ਮਾੜਚੂ

ਸੀਤ ਸ਼ਾਮ ਪਟੜੀ ‘ਤੇ

ਘੱਟਵਸਤਰੀ ਮਾੜਚੂ ਬੰਦਾ

ਮੌਜੇ ਮਫਲਰ ਵੇਚੇ

ਅੰਬਰੀਸ਼

ਪੰਜਾਹਵਾਂ ਜਨਮ ਦਿਨ

ਅੱਧਾ ਭਰਿਆ

ਅੱਧਾ ਖਾਲੀ ਗਿਲਾਸ

ਪੰਜਾਹਵਾਂ ਜਨਮ ਦਿਨ

ਹਰੀ ਸਿੰਘ ਤਾਤਲਾ

ਘੰਟੀਆਂ

ਕੋਈ ਆਵਾਜ਼ ਨਹੀਂ

ਸ਼ਾਂਤ ਹੈ ਹੁਣ ਤੱਕ

ਮੰਦਰ ਦੀਆਂ ਘੰਟੀਆਂ –

ਹਰਸ਼ਪਿੰਦਰ ਪੂਨੀਆ

ਹਵਾ ਹਜਾਮ

Wind is the barber

Trimming, cutting and sweeping

Forever working

Deeran Moss, 12 years, Australia.

ਹਵਾ ਇਕ ਹੱਜਾਮ

ਮੁੰਨੇ, ਕੱਟੇ ਲਾਵੇ ਝਾੜੂ

ਹਮੇਸ਼ਾ ਆਹਰੇ ਲੱਗਿਆ

ਡੇਰਾਨ ਮੋਸ, ੧੨ ਵਰਸ, ਆਸਟਰੇਲੀਆ।

ਅਨੁਵਾਦ: ਅਮਰਜੀਤ ਸਾਥੀ

ਮਾਘੀ

ਮੂੰਗਫਲ਼ੀ ਦੇ ਛਿਲਕੇ

ਸੁਆਹ ਦੀਆਂ ਢੇਰੀਆਂ

ਮਾਘੀ ਦੀ ਸਵੇਰ

ਦਵਿੰਦਰ ਪੂਨੀਆ

ਭਿੱਜੀ ‘ਵਾ

ਮਾਘ ਮਹੀਨੇ ਮੀਂਹ

ਠੰਡੀ ਠੰਡੀ ‘ਵਾ

ਭਿੱਜ ਕੇ ਅੰਦਰ ਆਈ

ਗੁਰਮੀਤ ਸੰਧੂ

ਖੇਡ

ਬੱਚੇ ਦੀ ਖੇਡ ਗੁਆਚੀ

ਰੋਂਵੇ ਮਾਰੇ ਚੀਕਾਂ

ਦਾਦੀ ਰੁੱਝੀ ਰੰਗਣ ਵਾਲ਼

ਦਰਬਾਰਾ ਸਿੰਘ

ਪੰਜਾਬੀ ਸੰਗੀਤ

ਸੁਣਾਂ ਪੰਜਾਬੀ ਗੀਤ

ਇੰਝ ਹੋਵੇ ਪਰਤੀਤ

ਗੁੰਮ ਗਿਆ ਸੰਗੀਤ

ਹਰਜੀਤ ਜਨੋਹਾ

ੳਡੀਕ

ਸਿਰਫ ਲੱਕੜੀ ਨਹੀਂ

ਉਡੀਕ ਵੀ ਹੈ

ਪੱਤਝੜ ਦੇ ਰੁੱਖ ਵਿਚ

ਹਰੀ ਸਿੰਘ ਤਾਤਲਾ

ਖਰਗੋਸ਼

ਹਰੀ ਘਾਹ ‘ਤੇ

ਏਧਰ-ਓਧਰ ਭੱਜਦਾ

ਸਫੈਦ ਖ਼ਰਗੋਸ਼

ਹਰਸ਼ਪਿੰਦਰ ਪੂਨੀਆ

ਰੰਗਾਂ ਚੋਂ ਰੰਗ

ਨਿੱਕੀ ਕਣਕ

ਧੁੱਪ ‘ਚ ਮੋਰ ਚੁੱਗੇ

ਉਭਰੇ ਰੰਗ ਚੋਂ ਰੰਗ

ਅੰਬਰੀਸ਼

ਕੀੜੀ

ਕੀੜੀ ਘਰ

ਭਗਵਾਨ ਨਹੀਂ

ਕੀੜੀ ਆਈ

ਗੁਰਪ੍ਰੀਤ

ਚੰਦਰ ਗ੍ਰਹਿਣ

The sky stages a play

The story of the Lunar Eclipse

Millions watch

Sasiprapa Thakaew, 13 years, Thailand.

ਅਸਮਾਨ ਨੇ ਨਾਟਕ ਰਚਿਆ

ਕਹਾਣੀ ਚੰਦਰ ਗ੍ਰਹਿਣ ਦੀ

ਲੱਖਾਂ ਵੇਖਣ

ਸਾਸੀਪ੍ਰਾਪਾ ਥਾਕਯੁ, ੧੩ ਵਰਸ, ਥਾਈਲੈਂਡ। ਅਨੁਵਾਦ: ਅਮਰਜੀਤ ਸਾਥੀ

ਬਰਫ ਦੇ ਵਿਹੜੇ

ਮੇਲਾ ਲੱਗਿਆ

ਪੈੱਨਗੁਇਨਜ਼ ਦਾ

ਹਰਸ਼ਪਿੰਦਰ ਪੂਨੀਆ

ਬੁਢਾਪਾ ਪੈੱਨਸ਼ਨ

ਬਹਿ ਪਾਰਕ ਵਿਚਕਾਰ

ਬਾਬੇ ਵੱਢਣ ਯੱਕੜ

ਫਿਕਰ ਕਰੇ ਸਰਕਾਰ

ਗੁਰਮੀਤ ਸੰਧੂ

ਸਾਹਸ

ਉੱਚ ਲਹਿਰਾਂ ਦਾ ਸ਼ੋਰ

ਕਿਸ਼ਤੀ ਲੈਕੇ ਜਾ ਰਿਹਾ

ਮਾਰ ਮਛੇਰਾ ਜੋਰ

ਦਰਬਾਰਾ ਸਿੰਘ

ਧੂਣੀ ਦੀ ਰਾਖ

ਚੇਲੇ ਕਰਨ ਕਮਾਈ

ਬਾਬੇ ਦਾ ਖੜਕੇ ਚਿਮਟਾ

ਸੁਆਹ ਦੀ ਬਣੇ ਦੁਆਈ

ਗੁਰਿੰਦਰਜੀਤ ਸਿੰਘ

ਸ਼ਾਂਤ ਨਦੀ

ਸ਼ਾਂਤ ਵਗਦੀ ਨੈਂਅ

ਸੂਰਜ ਤੇ ਪਰਛਾਂਵੇਂ ਦੇ

ਵਿਚਕਾਰ ਖਲੋਤਾ ਮੈਂ

ਜਗਜੀਤ ਸੰਧੂ

ਗਿੱਲੀ ਮਿੱਟੀ

ਬਣਾਵੇ ਢ੍ਹਾਵੇ ਘਰ

ਮਨਮੌਜੀ ਬੱਚਾ

ਗੁਰਪ੍ਰੀਤ

ਝੂਮਦਾ ਪੱਤਾ

ਅਚਾਨਕ ਪੌਣ ਰੁਮਕੀ

ਝੂਮਦਾ ਪੱਤਾ ਲਹੇ

ਸਤਿਅਮ ਸ਼ਿਵਮ ਸੁੰਦਰਮ

ਅੰਬਰੀਸ਼

ਨਿੱਕਾ ਚੀੜ੍ਹ

This tiny pine tree

Is ignored by the big trees

But is still growing

Skyler Soto, 10 years, U.S.A.

ਇਸ ਨਿੱਕੇ ਚੀੜ੍ਹ ਦੇ ਬੂਟੇ ਦੀ

ਵੱਡੇ ਰੁੱਖ ਪਰਵਾਹ ਨਾ ਕਰਦੇ

ਪਰ ਇਹ ਫੇਰ ਵੀ ਵਧ ਰਿਹੈ

ਸਕਾਯਲਰ ਸੋਤੋ, ੧੦ ਵਰਸ, ਯੂ. ਐੱਸ. ਏ.

ਅਨੁਵਾਦ: ਅਮਰਜੀਤ ਸਾਥੀ

ਖੱਟੀ

‘ਕੇਹੜੀ ਕਰੀ ਕਮਾਈ!’

ਆਖਣ ਜਿਨ੍ਹਾਂ ਖਾਤਰ

ਬਾਪੂ ਉਮਰ ਗੁਆਈ

ਦਰਬਾਰਾ ਸਿੰਘ

ਫਿਕਸੋ

ਬਾਪੂ ਦਾਹੜੀ ਚੜ੍ਹਾਵੇ

ਬੇਬੀ ਆਇਲ ਦੀ ਸ਼ੀਸ਼ੀ ਦੇ ਵਿਚ

ਪਾਈ ਫਿਕਸੋ ਲਾਵੇ

ਗੁਰਮੀਤ ਸੰਧੂ

ਭੈਂਗੀ ਲਾਰੀ

ਧੂੰਏ ਨੇਂ ਮੱਤ ਮਾਰੀ

ਤਿਰਛੀ ਭੱਜੇ ਭੈਂਗੀ

ਰੋਡਵੇਜ਼ ਦੀ ਲਾਰੀ

ਗੁਰਿੰਦਰਜੀਤ ਸਿੰਘ

ਬਿਰਧ ਜਾਣਦੇ

The old men know

When an old man

Dies.

By Odgen Marsh from his poem ‘Old man’

ਬੁੱਢੇ ਬੰਦੇ ਜਾਣਦੇ

ਕਦ ਇਕ ਬਿਰਧ ਬੰਦਾ

ਪੂਰਾ ਹੁੰਦਾ

ਓਡਗਨ ਮਾਰਸ਼ ਦੀ ਕਵਿਤਾ ‘ਬਿਰਧ ਆਦਮੀ’ ਵਿਚੋਂ

ਅਨੁਵਾਦ: ਅਮਰਜੀਤ ਸਾਥੀ

ਫੁੱਲ

‘ਵਾ ਉਡਾ ਕੇ ਲੈ ਜਾਵੇ

ਖੂਸ਼ਬੂ ਨੂੰ ਕਿਤੇ ਵੀ

ਨਾਲ ਨਾਲ ਰਹੇ ਫੁੱਲ

ਗੁਰਪ੍ਰੀਤ

ਕਤੂਰੇ

ਸਿਆਲੀ ਮੀਂਹ

ਗੁੱਛੂ ਮੁੱਛੂ ਕਤੂਰੇ

ਭਿੱਜੀਆਂ ਜੱਤਾਂ

ਅੰਬਰੀਸ਼

ਦਿਖਦੀ ਪੀੜ

ਪੋਟੇ ਪੁੜਿਆ ਕੰਡਾ

ਵੇਖੇ ਤੋਂ ਹੀ ਦੁਖਦਾ

ਵੈਸੇ ਰਹਿੰਦਾ ਵਿੱਸਰਿਆ

ਜਗਜੀਤ ਸੰਧੂ

ਬੂਟਿਆਂ ਸਾਂਹਵੇਂ

ਅੱਗ ਲਾ ਰਿਹਾ ਮਾਲੀ

ਪੱਤਿਆਂ ਦੇ ਢੇਰ ਨੂੰ

ਬੂਟਿਆਂ ਦੇ ਸਾਹਮਣੇ

ਹਰਸ਼ਪਿੰਦਰ ਪੂਨੀਆ

ਨਿੱਕਾ ਰਿਪੋਰਟ ਕਾਰਡ

This little report card

Fills my heart with lots of feeling

Some painful, some pleasant

Wang Weimiao, 14 years, China.

ਆਹ ਨਿੱਕਾ ਰਿਪੋਰਟ ਕਾਰਡ

ਮੇਰੇ ਮਨ ਵਿਚ ਭਰ ਦੇਂਦਾ ਹੈ ਭਾਵ

ਕੁਝ ਦੁਖਦਾਈ, ਕੁਝ ਸੁਖਦਾਈ

ਵਾਂਗ ਵੇਏਮਿਆਓ, ੧੪ ਵਰਸ, ਚੀਨ।
ਅਨੁਵਾਦ: ਅਮਰਜੀਤ ਸਾਥੀ

ਬੱਲੀਆਂ ਤੇ ਟੱਲੀਆਂ

ਕਣਕੀਂ ਆਈਆਂ ਬੱਲੀਆਂ

ਨਾਲ਼ ਹਵਾ ਦੇ ਹਿੱਲਦੀਆਂ

ਊਟਾਂ ਦੇ ਗਲ਼ ਟੱਲੀਆਂ

ਦਰਬਾਰਾ ਸਿੰਘ

ਮਰੀ ਮਿਠਾਸ

ਮੱਕੀ ਖੜ੍ਹੀ ਉਦਾਸ

ਸੁੱਕੇ ਖੂਹ ਨਾ ਮੀਂਹ

ਛੱਲੀਆਂ ਮਰੀ ਮਿਠਾਸ

ਗੁਰਿੰਦਰਜੀਤ ਸਿੰਘ

ਇਸ਼ਨਾਨ

ਬਹਾਰ ਦੀ ਬਾਰਿਸ਼

ਕਣਕਾਂ ਨੇ ਕੀਤਾ

ਕੇਸੀ  ਇਸ਼ਨਾਨ

ਗੁਰਮੀਤ ਸੰਧੂ

ਛੁਪਿਆ ਦਰਦ

It was because

You did not weep,

I wept for you.

By C. French, from his poem Hidden Sorrow

ਇਸ ਕਰਕੇ ਕਿ

ਤੂੰ ਨਾ ਰੋਇਆ,

ਮੈਂ ਰੋਇਆ ਤੇਰੇ ਲਈ।

ਸੀ. ਫਰੈਂਚ ਦੀ ਕਵਿਤਾ ‘ਹਿਡਨ ਸੌਰੋ’ ਵਿਚੋਂ
ਅਨੁਵਾਦ: ਅਮਰਜੀਤ ਸਾਥੀ

ੳ ਅ

ਕਲਮ ਘੜ੍ਹਦਿਆਂ

ਪੱਚਰਾ ਵੱਜਿਆ

ੳ ਅ ਲਾਲ ਗੁਲਾਲ

ਗੁਰਪ੍ਰੀਤ

ਮਹੀਨ ਆਵਾਜ਼

ਪੌਣ ਰੁਮਕੇ

ਪੋਲੇ ਪੈਰੀਂ ਪੱਤਾ ਲਹੇ ਘਾਹ ‘ਤੇ

ਅੱਤ ਮਹੀਨ ਆਵਾਜ਼

ਅੰਬਰੀਸ਼

ਜਮੀ ਝੀਲ

ਪਾਣੀ ਸੁੱਤਾ ਘੂਕ

ਓੜ ਰਜਾਈ ਬਰਫ਼ ਦੀ

ਸੁਪਨਿਆਂ ਵਿੱਚ ਹੁਨਾਲ਼

ਜਗਜੀਤ ਸੰਧੂ

ਅੰਧਕਾਰ

Why do I tremble

When the night throws its darkness

Far across the land?

Felix Hempel, 12 years, Germany.

ਮੈਂ ਕਿਉਂ ਕੰਬਦਾ ਹਾਂ

ਜਦੋਂ ਰਾਤ ਫੈਲਾਉਂਦੀ ਅਪਣਾ ਅੰਧਕਾਰ

ਧਰਤੀ ਦੇ ਆਰ-ਪਾਰ

ਫੈਲਿਕਸ ਹੇਮਪੇਲ, ੧੨ ਵਰਸ, ਜਰਮਨੀ।

ਅਨੁਵਾਦ: ਅਮਰਜੀਤ ਸਾਥੀ

ਕਾਹਲ਼ੀ

ਬਹਾਰ ਵੀ ਕਾਹਲ਼ੀ

ਪਤਝੜ ਵਾਂਗ

ਜਾਕੇ ਆਉਣ ਲਈ

ਗੁਰਮੀਤ ਸੰਧੂ

ਬੁਢਾਪਾ

Turn to the old;

Things do not change

We change

By Henry Thoreau from his book Walden; or Life in Woods.

ਬੁੱਢੇ ਹੋਈਏ;

ਵਸਤਾਂ ਨਾ ਬਦਲਣ

ਅਸੀਂ ਬਦਲੀਏ

ਹੈਨਰੀ ਥੌਰੀਓ ਦੀ ਪੁਸਤਕ ‘ਵਾਲਡਨ’ ਵਿਚੋਂ

ਅਨੁਵਾਦ: ਅਮਰਜੀਤ ਸਾਥੀ