ਥਾਂ ਕੁਥਾਂ

ਮੱਕੜੀ ਦੇ ਜਾਲ਼ੇ

ਵਾਸਤੂ ਸ਼ਾਸ਼ਤਰੀ ਹੈਰਾਨ

ਦਵਿੰਦਰ ਪੂਨੀਆ

ਨੋਟ: ਵਾਸਤੂ ਸ਼ਾਸ਼ਤਰ= ਭਵਨ ਨਿਰਮਾਣ ਕਲਾ

ਇਸ਼ਤਿਹਾਰ

ਦਿਨ ਦੀ ਮੁੱਠੀ

The day opens its hand

Three clouds

and these few words

Octavio Paz

ਦਿਨ ਨੇ ਮੁੱਠੀ ਖੋਲ੍ਹੀ

ਤਿੰਨ ਬੱਦਲ਼

ਤੇ ਇਹ ਕੁਝ ਸ਼ਬਦ

ਓਕਟੇਵੀਓ ਪਾਜ਼

ਅਨੁਵਾਦ: ਅਮਰਜੀਤ ਸਾਥੀ

ਝੜਦਾ ਪੱਤਾ

A gust of wind __

the falling leaf

spirals upward

Lori Lambert-Smith

ਇਕ ਹਵਾ ਦਾ ਬੁੱਲਾ —

ਝੜਦਾ ਪੱਤਾ

ਉੜਿਆ ਉੱਪਰ ਵੱਲ

ਲੌਰੀ ਲੈਂਬਰਟ-ਸਮਿਥ

ਅਨੁਵਾਦ: ਅਮਰਜੀਤ ਸਾਥੀ

ਰਾਖ

ਪਤੰਗੇ ਜਲ਼ੇ

ਦੀਵੇ ਦੀਆਂ ਬਾਹਾਂ ਵਿਚ

ਥੋੜੀ-ਜਿਹੀ ਰਾਖ

ਰਾਮ ਨਿਵਾਸ ਪੰਥੀ

ਹਿੰਦੀ ਤੋਂ ਅਨੁਵਾਦ: ਅਮਰਜੀਤ ਸਾਥੀ

ਪਰਵਾਸੀ ਪੰਛੀ

ਕਿੰਨਾ ਰੁੱਝਿਆ ਲਗਦੈ

ਚੋਗੇ ਦੀ ਤਲਾਸ਼ ਵਿਚ

ਪਰਦੇਸੀ ਹੋਇਆ ਪੰਛੀ

ਹਰਪ੍ਰੀਤ ਸਿੰਘ

ਬਰਫ ਮਹੱਲ

ਬਰਫ ਦਾ ਤਾਜ਼ ਮਹੱਲ

ਸਾਗਰ ਘੁੰਮਣ ਆਇਆ

ਵਾਹ! ਕੁਦਰਤ ਦੇ ਰੰਗ

ਬਰਜਿੰਦਰ ਢਿਲੋਂ

ਦਿਵਾਲੀ ਸ਼ੁੱਭ ਕਾਮਨਾ

ਹਰ ਮਨ ਨੂਰੋ-ਨੂਰ

ਹਰ ਘਰ ਹੋਵੇ ਰੋਸ਼ਨੀ

ਹਰ ਦਰ ਦੀਪ ਜਗੇ

ਅਮਰਜੀਤ ਸਾਥੀ

ਮੱਸਿਆ

ਮੱਸਿਆ ਦੀ ਰਾਤ

ਚੰਨ ਲੱਭ ਗਿਆ ਮੈਨੂੰ

ਹਾਇਕੂ ਵਿਚੋਂ

ਦਵਿੰਦਰ ਪੂਨੀਆ

ਸੋਗ ਸਮਾਰੋਹ

ਸੋਗ ਸਮਾਰੋਹ ਤੇ

ਮੋਬਾਇਲ ਵੱਜ ਰਹੇ

ਆਇਟਮ ਸਾਂਗ ਧੁਨਾਂ ਨਾਲ਼

ਦਵਿੰਦਰ ਪੂਨੀਆ

ਸੀਤ ਹਵਾ

ਚੱਲੇ ਸੀਤ ਹਵਾ –

ਪੱਤਾ ਪੱਤਾ ਝੜ ਗਿਆ

ਨੰਗ-ਧੜੰਗੇ ਰੁੱਖ

ਅਮਰਜੀਤ ਸਾਥੀ

ਪੁਰਾਣਾ ਬੈਂਚ

Haiga by Polona Oblak, with thanks from her blog:

http://crowsndaisies.blogspot.com/

ਝੜੇ ਪੱਤੇ

ਜਿੱਥੇ ਅੱਪਾਂ ਬਹਿੰਦੇ ਸੀ ਕਦੇ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਮੁੜੇ ਧਰਤੀ ਵੱਲ

ਸੂਰਜਮੁਖੀ ਦੇ ਫੁੱਲ

ਨਾਲ ਦਾਣਿਆਂ ਲੱਦੇ

ਮੁੜਗੇ ਧਰਤੀ ਵੱਲ

ਅਮਰਜੀਤ ਸਾਥੀ

ਮੇਰੇ ਸਿਵਾ

It is pouring

All people put up their umbrellas

Except me

Dima Nedumov, 8 years, Russia.

ਮੂਹਲ਼ੇਧਾਰ ਮੀਂਹ

ਸਭ ਲੋਕਾਂ ਨੇ ਲਈਆਂ ਛਤਰੀਆਂ ਤਾਣ

ਸਿਵਾ ਮੇਰੇ

ਡੀਮਾ ਨੇਦੂਮੋਵ, ੮ ਵਰਸ, ਰੂਸ।

ਅਨੁਵਾਦ: ਅਮਰਜੀਤ ਸਾਥੀ

ਚੁੱਪ ਹਾਇਕੂ

ਬੁੱਧ, ਲਾਓ-ਤਸੂ, ਬਾਸ਼ੋ

ਸੁਣਦੇ ਮੇਰੇ ਹਾਇਕੂ

ਮੇਰੀ ਚੁੱਪ ਵਿਚੋਂ

ਦਵਿੰਦਰ ਪੂਨੀਆ

ਤਰੇਲ-ਮੋਤੀ ਹਾਰ

Glittering dewdrops

Sparkled on the cobweb

Turned into a pearl necklace by spells

Cholada Panreung, 10 years, Thailand.

ਜਗਮਗਾਉਂਦੇ ਤਰੇਲ-ਤੁਪਕੇ

ਮੱਕੜੀ-ਜਾਲ਼ੇ ਉੱਤੇ ਲਿਸ਼ਕਣ

ਬਣਗੇ ਮੋਤੀ ਹਾਰ ਜਾਦੂ ਨਾਲ਼

ਚੋਲਾਡਾ ਪੇਨੇਰੁਯੰਗ, ੧੦ ਵਰਸ, ਥਾਈਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਪਤਝੜੀ ਬਹਾਰਾਂ

ਪਤਝੜੀ ਬਹਾਰਾਂ

ਲਾਲ, ਪੀਲ਼ੇ, ਭੂਰੇ, ਨਾਰੰਗੀ

ਪੱਤੇ ਹੋਲੀ ਖੇਲਣ

ਬਰਜਿੰਦਰ ਢਿਲੋਂ

ਮੁੜ੍ਹਕੇ ਦੀ ਬੂੰਦ

rainbow in a drop

slides down the sweaty skin

pours into another

Ines Kokalji

ਤੁਪਕੇ ਵਿਚ ਸਤਰੰਗੀ ਪੀਂਘ

ਮੁੜ੍ਹਕੋ-ਮੁੜ੍ਹਕੀ ਚਮੜੀ ‘ਤੇ ਰੁੜ੍ਹਦੀ

ਜਾ ਮਿਲੇ ਹੋਰਾਂ ਦੇ ਨਾਲ਼

ਇਨੀਸ ਕੋਕਲਜੀ

ਅਨੁਵਾਦ: ਅਮਰਜੀਤ ਸਾਥੀ

ਝਰਦਾ ਰੇਤ

ਜੀਵਨ ਕੀ ਹੈ ?

ਝਰ ਝਰ ਝਰਦਾ

ਹੱਥਾਂ ਵਿਚੋਂ ਰੇਤ

ਡਾ. ਕੁੰਦਨ ਲਾਲ ਉਪਰੇਤੀ

ਹਿੰਦੀ ਤੋਂ ਅਨੁਵਾਦ: ਅਮਰਜੀਤ ਸਾਥੀ

ਤਾਲ

Raindrops drumming loud

Thunder making a big bang

Beats making me dance

Joyacalyn Torres, 11 Years, Guam.

ਕਣੀਆਂ ਉੱਚਾ ਢੋਲ ਬਜਾਵਣ

ਗੜਗੜਾਹਟ ਪਾਵੇ ਉੱਚਾ ਸ਼ੋਰ

ਇਹ ਤਾਲ ਨਚਾਉਂਦੇ ਮੈਨੂੰ

ਜੋਯਾਸੇਲਿਨ ਤੌਰੇਸ, ੧੧ ਵਰਸ, ਗੁਆਮ।

ਅਨੁਵਾਦ: ਅਮਰਜੀਤ ਸਾਥੀ

ਲਾਲ ਫੁੱਲ

The autumn wind;

The red flowers

she liked to pluck.

Issa

ਪਤਝੜ ਦੀ ‘ਵਾ;

ਸੁਰਖ ਫੁੱਲ ਤੋੜਨਾ

ਉਸ ਨੂੰ ਚੰਗਾ ਲਗਦਾ

ਇੱਸਾ

ਅਨੁਵਾਦ: ਅਮਰਜੀਤ ਸਾਥੀ

ਅਖਬਾਰ

ਮਜ਼ਦੂਰ ਦੀ ਪਲੇਟ ਬਣੀ

ਦੰਗਿਆਂ ਦੀਆਂ ਫੋਟੋਆਂ ਨਾਲ਼

ਭਰੀ ਅਖਬਾਰ

ਦਵਿੰਦਰ ਪੁਨੀਆ

ਬਰਖਾ ਦੇ ਬੱਚੇ

When the children of the rain

Hold hands

A rainbow appears

Yume Ueda, 8 years, Japan.

ਜਦ ਬਰਖਾ ਦੇ ਬੱਚੇ

ਫੜ ਲੈਂਦੇ ਇਕ ਦੂਜੇ ਦਾ ਹੱਥ

ਬਣ ਜਾਂਦੀ ਸਤਰੰਗੀ ਪੀਂਘ

ਯੂਮੇ ਯੁਏਦਾ, ੮ ਵਰਸ, ਜਾਪਾਨ।

ਅਨੁਵਾਦ: ਅਮਰਜੀਤ ਸਾਥੀ

ਮਧੂ-ਨਾਦ

ਫੁੱਲਿਆ ਆੜੂ

ਹਜ਼ਾਰਾਂ ਮਧੂ ਮੱਖੀਆਂ ਕਰਨ ਪਰਾਗਣ

ਸੁਣੇ ਇਲਾਹੀ ਨਾਦ

ਦਵਿੰਦਰ ਪੂਨੀਆ

ਇੰਤਹਾ

At the deepest point

of grief, somebody nearby

breaks a withered branch

Seishi Yamaguchi

ਗ਼ਮ ਦੀ ਇੰਤਹਾ ਵੇਲ਼ੇ

ਨਜ਼ਦੀਕ ਹੀ ਕੋਈ ਤੋੜਦਾ ਹੈ

ਮੁਰਝਾਈ ਟਾਹਣੀ

ਸਏਸ਼ੀ ਯਾਮਾਗੁੱਚੀ

ਅਨੁਵਾਦ: ਅਮਰਜੀਤ ਸਾਥੀ

ਚੰਨ ਦੀ ਟਿੱਕੀ

ਹਲਕੀ ਹਵਾ ਜੀ ਚੱਲੀ

ਪੂਰੇ ਚੰਨ ਦੀ ਟਿੱਕੀ

ਸਰਵਰ ਦੇ ਵਿਚ ਹਿੱਲੀ

ਅਮਰਜੀਤ ਸਾਥੀ

ਬੇਘਰੇ

Rain is falling

By my window, I think

Of the homeless people

Douglas C. Pontes, 9 years, Brazil.

ਮੀਂਹ ਪੈ ਰਿਹਾ ਹੈ

ਬਾਰੀ ਦੇ ਬਾਹਰ, ਮੈਂ ਸੋਚ ਰਿਹਾਂ

ਬੇਘਰ ਲੋਕਾਂ ਬਾਰੇ

ਡਗਲਸ ਸੀ. ਪੌਂਟੇਸ, ੯ ਵਰਸ, ਬ੍ਰਾਜ਼ੀਲ।

ਅਨੁਵਾਦ: ਅਮਰਜੀਤ ਸਾਥੀ

ਤਿੜ੍ਹ

ਕੱਟੀ ਗਈ ਘਾਹ ਦੀ ਤਿੜ੍ਹ

ਰਾਹ ਨਾ ਮਿਲਿਆ ਉਸਨੂੰ

ਰੇਲ ਦੀ ਪਟੜੀ ਚੜ੍ਹਦਿਆਂ

ਦਵਿੰਦਰ ਪੂਨੀਆ

ਖਿੜੀਆਂ

ਛਟੀਆਂ ਵਰਗੀਆਂ ਕੁੜੀਆਂ

ਰੁੱਤ ਮੁਕਲਾਵੇ ਦੀ

ਨਾਲ਼ ਕਪਾਹ ਦੇ ਖਿੜੀਆਂ

ਦਰਬਾਰਾ ਸਿੰਘ

ਬੁਲਬੁਲਾ

A soap bubble

Suddenly pops

And is broken

Risa Tsukui, 7 years, China.

ਸਾਬਣ ਝੱਗ ਦਾ ਬੁਲਬੁਲਾ

ਅਚਾਨਕ ਠਾਹ ਕਰਕੇ

ਵਿਖਰ ਗਿਆ

ਰਿਸਾ ਸੁਕੁਈ, ੭ ਵਰਸ, ਚੀਨ।

ਅਨੁਵਾਦ: ਅਮਰਜੀਤ ਸਾਥੀ

ਬੋਲ ਤੋਂ ਚੁੱਪ ਤੱਕ

ਬੱਚਾ ਸਿੱਖੇ ਬੋਲਣਾ

ਮਾਪੇ ਸੁਣਦੇ

ਚੁੱਪ ਬਾਰੇ ਲੈਕਚਰ

ਦਵਿੰਦਰ ਪੂਨੀਆਂ

ਸੁਨੇਹਾ

ਮੇਰਾ ਸੁਨੇਹਾ

ਪਹੁੰਚਿਆ ਤਾਂ ਹੋਣਾ ਹੀ ਹੈ

ਮੀਂਹ ਦੀਆਂ ਕਣੀਆਂ ਨਾਲ਼

ਡਾ. ਸਾਵਿਤ੍ਰੀ ਡਾਗਾ

ਹਿੰਦੀ ਤੋਂ ਅਨੁਵਾਦ: ਅਮਰਜੀਤ ਸਾਥੀ

ਪੱਤੇ ਦਾ ਡੁੱਬਣਾ

ਫੈਲੀ ਖਾਮੋਸ਼ੀ

ਇਕ ਪੱਤਾ ਡੁੱਬ ਰਿਹਾ

ਸਾਫ਼ ਪਾਣੀਆਂ ਅੰਦਰ

ਸ਼ੋਹਾਕੂ

ਅਨੁਵਾਦ: ਪਰਮਿੰਦਰ ਸੋਢੀ

(ਧੰਨਵਾਦ ਸਹਿਤ ਪਰਮਿੰਦਰ ਸੋਢੀ ਦੀ ਪੁਸਤਕ ‘ਜਾਪਾਨੀ ਹਾਇਕੂ ਸ਼ਾਇਰੀ’ ਵਿਚੋਂ)

ਭਾਰੀ ਬਰਖਾ

The heavy rain

Like the woodpeckers

knocks at my window

Shunichi Kando, 11 years,  Japan.

ਮੂਸਲਾਧਾਰ ਮੀਂਹ

ਚੱਕੀ ਰਾਹਿਆਂ ਦੀ ਤਰਾਂ

ਮੇਰੀ ਬਾਰੀ ਦਸਤਕ ਦੇਵੇ

ਸ਼ੁਨਿਚੀ ਕਾਂਡੋ, ੧੧ ਵਰਸ, ਜਾਪਾਨ।

ਅਨੁਵਾਦ: ਅਮਰਜੀਤ ਸਾਥੀ

ਵਿਨਾਸ਼

ਡਾਇਨਾਸੋਰਾਂ ਦਾ ਪਿੱਛਾ

ਕਰਦਾ ਜਾਪੇ

ਤਕਨੀਕੀ ਯੁੱਗ

ਦਵਿੰਦਰ ਪੂਨੀਆ

ਕਣੀਆਂ

Rain drops fall on the pond

Like the sound of piano

The fish are happy

Linggi Yue, 8 Years, China.

ਕਣੀਆਂ ਪੈਣ ਤਲਾ ਦੇ ਉੱਤੇ

ਪਿਆਨੋ ਦੀ ਧੁਨ ਵਾਂਗ

ਮੱਛੀਆਂ ਲੈਣ ਅਨੰਦ

ਲਿੰਗੀ ਯੂਈ, ੮ ਵਰਸ, ਚੀਨ।

ਅਨੁਵਾਦ: ਅਮਰਜੀਤ ਸਾਥੀ

ਐੱਲ ਓ ਸੀ ‘ਤੇ ਠੰਢ

ਦੋਹਾਂ ਦੇਸ਼ਾਂ ਵਿਚ ਮਾਹੌਲ ਸੁਧਰ ਰਿਹਾ ਹੈ। ਅੱਸੂ ਦੇ ਮਹੀਨੇ ਉੱਚੇ ਪਰਬਤਾਂ ਉੱਤੇ ਠੰਡ ਵਧ ਰਹੀ ਹੈ। ‘ਈਦ ਮੁਬਾਰਕ’ ਦੇ ਸੁਨੇਹੇ ਪੰਛੀਆਂ ਵਾਂਗ ਐੱਲ. ਓ. ਸੀ. ਨੂੰ ਪਾਰ ਕਰਕੇ ਮੋਰਚਿਆਂ ਦੀਆਂ ਮੋਰੀਆਂ ਵਿੱਚਦੀ ਲੰਘ ਕੇ ਦਿਲਾਂ ਦੇ ਦੁਆਰ ਜਾ ਬੈਠੇ। ਦੋਹੀਂ ਪਾਸੀਂ ਫੌਜੀ ਸੈਨਕ ਪੋਸਟਾਂ ਉੱਤੇ ਨਿਡਰ ਘੁੰਮਦੇ ਨਜ਼ਰ ਆਉਣ ਲੱਗੇ ਹਨ। ਦੀਵਾਲ਼ੀ ਦੀਆਂ ਮੋਮਬੱਤੀਆਂ ਬੰਕਰਾਂ ਦੀ ਛੱਤ ਉੱਤੇ ਲਟ ਲਟ ਜਗਦੀਆਂ ਰਹੀਆਂ। ਲੱਡੂ, ਬਰਫੀ ਅਤੇ ਜਲੇਬਿਆਂ ਵੀ ਹਥੋ ਹੱਥ ਸਰਹੱਦ ਪਾਰ ਕਰ ਗਈਆਂ। ਗੀਤਾਂ ਢੋਲਿਆਂ ਦੀ ਆਵਾਜ਼ ਉੱਚੀ ਹੋ ਗਈ ਹੈ। ਢੋਲਕੀਆਂ ਅਤੇ ਖੜਤਾਲਾ ਦੀ ਤਾਲ ਸੁਣਾਈ ਦੇਣ ਲੱਗੀ। ਨਿੱਘੀ ਦੁੱਪ ਨਿਕਲ਼ੀ ਹੈ।

ਐੱਲਓਸੀ ‘ਤੇ ਸਰਦੀ

ਧੁੱਪ ਸੇਕਦਾ ਫੌਜੀ

ਰੱਸੀ ਸੁੱਕੇ ਵਰਦੀ

ਅਮਰਜੀਤ ਸਾਥੀ

ਨੋਟ: ਇਹ ਹਾਇਬਨ ਲੰਮੀ ਹਾਇਬਨ ਐੱਲ. ਓ. ਸੀ.(ਲਾਈਨ ਆਫ ਕੰਟਰੋਲ) ਵਿਚੋਂ ਹੈ।

ਬਿੱਲੀਆਂ

ਬਿੱਲੀਆਂ ਦੇ ਝਗੜੇ ਨੇ

ਨੀਂਦ ਤੋੜ ਦਿੱਤੀ

ਵੋਟਾਂ ਵਾਲ਼ੀ ਸਵੇਰ ਤੋਂ ਪਹਿਲਾਂ

ਦਵਿੰਦਰ ਪੂਨੀਆ

ਨਕਲੀ ਦੰਦ

a woman on the bench

by the nursing home is sunning

her new false teeth

Alenka Zorman

ਇਕ ਔਰਤ ਬੈਂਚ ‘ਤੇ ਬੈਠੀ

ਬਿਰਧ ਘਰ ਦੇ ਮੂਹਰੇ ਧੁੱਪ ਲੁਆਵੇ

ਅਪਣੇ ਨਵੇਂ ਨਕਲੀ ਦੰਦਾਂ ਨੂੰ

ਅਲੈਂਕਾ ਜ਼ੌਰਮੈਨ

ਅਨੁਵਾਦ: ਅਮਰਜੀਤ ਸਾਥੀ

ਸਹਾਰਾ

ਆਕੇ ਬੈਠੀ ਇੱਲ

ਟਾਹਣੀ ਝੁਕ ਕੇ ਜਾ ਜੁੜੀ

ਨਿਚਲੀ ਟਾਹਣੀ ਨਾਲ਼

ਅਮਰਜੀਤ ਸਾਥੀ

ਸੂਲ਼ੀਂ ਟੰਗੀ ਬੂੰਦ

The drop of water

Captured

by the cactus spines

Megunir Viveros, 13 Years, Mexico.

ਤੁਪਕਾ ਪਾਣੀ ਦਾ

ਫੜਿਆ

ਥੋਹਰ ਦੀਆਂ ਸੂਲ਼ਾਂ

ਮੇਗਯੁਨੀਰ ਵਿਵੇਰੋਸ, ੧੩ ਵਰਸ, ਮੈਕਸੀਕੋ।

ਅਨੁਵਾਦ: ਅਮਰਜੀਤ ਸਾਥੀ

ਟੁੱਟੀ ਤਾਰ

ਮਰਿਆ ਫੋਨ

ਆ ਗਏ ਪਾਰ

ਤਾਰ ਨਾ ਜੁੜਦੀ

ਪੁਸ਼ਪਿੰਦਰ ਕੌਰ ਬੈਂਸ

ਹੰਝੂ ਧੂੜ

A cloud unravels

Dusts my jacket with its tears

I think of father

Dora davidson, 15 years, New Zealand.

ਇਕ ਬੱਦਲ਼ ਉੱਧੜੇ

ਮੇਰੀ ਜੈਕੇਟ ਅਪਣੇ ਹੰਝੂਆਂ ਨਾਲ਼ ਧੂੜੇ

ਮੈ ਬਾਪੂ ਬਾਰੇ ਸੋਚਾਂ

ਡੋਰਾ ਡੇਵਿਡਸਨ, ੧੫ ਵਰਸ, ਨਿਉ ਜ਼ੀਲੈਂਡ

ਅਨੁਵਾਦ: ਅਮਰਜੀਤ ਸਾਥੀ

ਵਿਸਮੁਕ ਚਿੰਨ੍ਹ !

ਬੇਮੌਸਮੀ ਬਰਸਾਤ

ਵਰ੍ਹਦੀਆਂ ਕਣੀਆਂ

ਵਿਸਮੁਕ ਚਿੰਨ੍ਹ !

ਦਵਿੰਦਰ ਪੂਨੀਆ

ਬਹੁਰੰਗੇ

Haiga by Polona Oblak

ਤੇਜ਼ ਹਵਾਦੇ ਬੁੱਲੇ

ਸਭ ਰੰਗਾਂ ਦੇ ਪੱਤੇ

ਧਰਤੀ ਹੋਏ ਇਕੱਠੇ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਫਸਲਾਂ

ਬੱਦਲਾਂ ਦੀ ਆਵਾਜ਼

ਕਦੇ ਅਧੂਰੀ ਕਦੇ ਪੂਰੀ

ਫਸਲਾਂ ਦੀ ਖੁਸ਼ੀ

ਪੁਸ਼ਪਿੰਦਰ ਕੌਰ ਬੈਂਸ

ਬਰਖਾ ਬੂੰਦ

A drop of rain

Runs down the willow’s leaf

Splash ! it falls on the ant

Clothilde Josserand,13 years, France.

ਬਰਖਾ ਦੀ ਇਕ ਬੂੰਦ

ਬੈਂਤ ਪੱਤੇ ਤੋਂ ਭੱਜ ਕੇ ਥੱਲੇ

ਧੜੱਮ! ਗਿਰੀ ਕੀੜੀ ਦੇ ਉੱਤੇ

ਕਲੋਥੀਲਡ ਜੋਸੇਰੈਂਡ, ੧੩ ਵਰਸ, ਫਰਾਂਸ।

ਅਨੁਵਾਦ: ਅਮਰਜੀਤ ਸਾਥੀ

ਦਾਦੀ-ਮਾਂ

Looking at grandma

Makes me think of the ocean

Her blue eyes and grey hair

Nissa Hildebrand, 10 years, Canada.

ਦਾਦੀ-ਮਾਂ ਨੂੰ ਵੇਖ ਕੇ

ਮੈ ਸਾਗਰ ਬਾਰੇ ਸੋਚਾਂ

ਨੀਲੀਆਂ ਅੱਖਾਂ ਉਸ ਦੀਆਂ ਅਤੇ ਸਲੇਟੀ ਵਾਲ਼

ਨਿੱਸਾ ਹਿਲਡੇਬਰੈਂਡ, ੧੦ ਵਰਸ, ਕੈਨੇਡਾ

ਅਨੁਵਾਦ: ਅਮਰਜੀਤ ਸਾਥੀ

ਪਾਣੀ-੨

ਸਵੇਰੇ ਖੇਤ ਸਿੰਜਿਆ

ਸੰਝ ਨੂੰ ਸੁਕਿਆ

ਸੂਰਜ ਛੁਪਣ ਦੀ ਕਾਹਲ਼ ਵਿਚ

ਦਵਿੰਦਰ ਪੂਨੀਆ

ਦਸਤਕ-੨

ਪਥਵਾੜੇ ਵੱਲ ਨੂੰ
ਭੱਜੀਆਂ ਮਾਈਆਂ
ਕਣੀਆਂ ਕਿਰੀਆਂ ਟੀਨਾਂ ਉੱਤੇ

ਹਰਪ੍ਰੀਤ ਸਿੰਘ

ਪਾਣੀ

ਪਾਣੀ ਉਡ ਕੇ

ਬੱਦਲ਼ ਬਣਿਆ

ਫਸਲ ਉਡੀਕੇ ਪਾਣੀ

ਪੁਸ਼ਪਿੰਦਰ ਕੌਰ ਬੈਂਸ

ਕੰਵਲ ਫੁੱਲ

Seeing the lotus flowers

I want to be an angel

And fly over them

Lee Yeo Kyung, 12 years, Korea.

ਕੰਵਲ ਫੁੱਲਾਂ ਨੂੰ ਵੇਖਦਾ

ਮੈ ਲੋਚਾਂ ਬਣਾ ਫਰਿਸ਼ਤਾ

ਤੇ ਉੜਾਂ ਉਨ੍ਹਾਂ ਦੇ ਉੱਤੇ

ਲੀ ਯੀਓ ਕਯੁੰਗ, ੧੨ ਵਰਸ, ਕੋਰੀਆ

ਅਨੁਵਾਦ: ਅਮਰਜੀਤ ਸਾਥੀ

ਅਨਹਦਨਾਦ

ਬਿਜਲੀ ਦੇ ਉੱਚੇ ਖੰਭੇ

ਤਾਰਾਂ ਦੀ ਆਵਾਜ਼

ਅਮਰਜੀਤ ਸਾਥੀ

ਧੌਲ਼ੇ

ਮਾਪਿਆਂ ਦੇ ਧੌਲੇ

ਰੋਜ਼ ਰੋਜ਼ ਹੋਰ ਹੋਰ

ਮੈਨੂੰ ਕਰਨ ਇਸ਼ਾਰੇ

ਦਵਿੰਦਰ ਪੂਨੀਆ

ਦਸਤਕ

The raindrops

Tapping the kitchen window

All the time

Sibel Greve, 12 years, Holland

ਮੀਂਹ ਦੀਆਂ ਕਣੀਆਂ

ਲੰਗਰ ਦੀ ਬਾਰੀ ‘ਤੇ ਦਸਤਕ

ਦੇਣ ਹਮੇਸ਼ਾ

ਸਿਬੇਲ ਗ੍ਰੀਬ, ੧੨ ਵਰਸ, ਹਾਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਛੱਤੇ

ਚਿੜੀਆਂ ਚਹਿਕਣ…

ਸੂਰਜਮੁਖੀ ਦੇ ਛੱਤੇ

ਭਰੇ ਦਾਣਿਆਂ ਨਾਲ਼

ਅਮਰਜੀਤ ਸਾਥੀ

ਨੋਟ: ਦਾਣਿਆਂ ਨਾਲ਼ ਭਰਿਆ ਸੂਰਜਮੁਖੀ ਦਾ ਫੁੱਲ ਮਖਿਆਲ਼ ਦੇ ਛੱਤੇ ਵਰਗਾ ਲਗਦਾ ਹੈ।

ਹਵਾਈ ਮਾਰਗ

No path …
the wind is already
on the hilltop

Alenka Zorman

ਕੋਈ ਮਾਰਗ ਨਹੀਂ…

ਹਵਾ ਜਾ ਵੀ ਚੜ੍ਹੀ

ਪਰਬਤ ਦੀ ਚੋਟੀ

ਅਲੈਂਕਾ ਜ਼ੌਰਮੈਨ

ਅਨੁਵਾਦ: ਅਮਰਜੀਤ ਸਾਥੀ

ਨਿੱਕਾ ਚੌਲ਼

Little grain of rice

Tell me about those countries

so far away

Pauline Mangcant, 9 years, France.

ਚੌਲ਼ ਦੇ ਨਿੱਕੇ ਦਾਣੇ

ਮੈਨੂੰ ਦੱਸ ਉਨ੍ਹਾਂ ਦੇਸ਼ਾਂ ਬਾਰੇ

ਜੋ ਹਨ ਕਿਤੇ ਦੂਰ

ਪਾਓਲੀਨ ਮਾਂਗਕੰਤ, ੯ ਵਰਸ, ਫਰਾਂਸ।

ਅਨੁਵਾਦ: ਅਮਰਜੀਤ ਸਾਥੀ

ਕੂ-ਕੂ

ਕੋਇਲ ਦੀ ਕੂ-ਕੂ

ਨਾਲ਼ ਲੈ ਆਇਆ ਸੀ

ਉਮਰ ਭਰ ਸੁਣਨ ਲਈ

ਦਵਿੰਦਰ ਪੂਨੀਆ

ਜੰਗਲ਼ੀ

ਜੰਗਲ਼ ਵੱਢਿਆ ਰਾਹ

ਘਾਹ-ਫੂਸ ਲੈ ਜਾਂਦੀ ਕਾਟੋ

ਲੱਦੇ ਟਰੱਕ ਨੇ ਕੁਚਲ਼ੀ

ਅਮਰਜੀਤ ਸਾਥੀ

ਲਾਲ ਭਟਕਦੇ

Scarlet maple leaves

Drift like hundreds of rubies

in the autumn sky

Helena Wu, 10 years, Canada.

ਮੇਪਲ ਦੇ ਸੰਧੂਰੀ ਪੱਤੇ

ਸੈਂਕੜੇ ਲਾਲਾਂ ਵਾਂਗੂ ਵਹਿਣ

ਪਤਝੜ ਦੇ ਆਕਾਸ਼ ਵਿਚ

ਹੇਲੇਨਾ ਵੂ, ੧੦ ਵਰਸ, ਕੈਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ