ਬੱਚੇ ਤੇ ਮੱਛੀਆਂ

ਜਮੀ ਹੋਈ ਝੀਲ

ਬੱਚੇ ਕਰਨ ਸਕੇਟਿੰਗ

ਥੱਲੇ ਖੇਡਣ ਮੱਛੀਆਂ

ਗੁਰਮੀਤ ਸੰਧੂ

ਸਕੂਲ ਬੱਸ

ਬੱਚਿਆਂ ਦਾ ਦਿਵਸ

ਲਾਇਟਾਂ ‘ਤੇ ਸਕੂਲ ਬਸ

ਸ਼ੀਸ਼ੇ ਸਾਫ ਕਰਦਾ ਬੱਚਾ

ਦਵਿੰਦਰ ਪੂਨੀਆ

ਅਣਜਾਣੀ ਕਥਾ

White sands of our shores

Each ocean wave gently brings

Story unexplored

Ben Hocog Atalig, 11 years, Guam.

ਸਾਡੇ ਤਟ ਦਾ ਚਿੱਟਾ ਰੇਤਾ

ਸਾਗਰ ਦੀ ਹਰ ਲਹਿਰ ਲਿਆਵੇ

ਕੋਈ ਕਥਾ ਅਣਜਾਣੀ

ਬੈੱਨ ਹੋਕਾਗ ਅਤਾਲਿਗ, ੧੧ ਵਰ੍ਹੇ, ਗੁਆਮ।

ਅਨੁਵਾਦ: ਅਮਰਜੀਤ ਸਾਥੀ

ਜਿਉਣ ਦੀ ਖੁਸ਼ੀ

ਸਾਨਤੋਕਾ ਦਾ ਹਾਇਕੂ ਪੜ੍ਹਾਂ

‘ਜਿਉਂਦੇ ਹੋਣ ਦੀ ਖੁਸ਼ੀ ‘ਚ’

ਡੂੰਘਾ ਸਾਹ ਭਰਾਂ

ਅੰਬਰੀਸ਼

ਨੋਟ:

ਸਾਨਤੋਕਾ ਤਾਨੇਦਾ (੧੮੮੨-੧੯੪੦) ਜਾਪਾਨੀ ਹਾਇਜਨ (ਕਵੀਜਨ) ਦੇ ਇਸ ਹਾਇਕੂ ਦਾ ਜਿ਼ਕਰ ਕੀਤਾ ਹੈ ਅੰਬਰੀਸ਼ ਸਾਹਿਬ ਨੇ:

ਜਿਉਂਦੇ ਹੋਣ ਦੀ ਖੁਸ਼ੀ ‘ਚ

ਮੈ ਭਰਨ ਲਗਦਾ ਹਾਂ

ਪਾਣੀ

ਅਨੁਵਾਦ: ਪਰਮਿੰਦਰ ਸੋਢੀ

(‘ਜਾਪਾਨੀ ਹਾਇਕੂ ਸ਼ਾਇਰੀ’ ਪੁਸਤਕ ਵਿਚੋਂ ਧੰਨਵਾਦ ਸਹਿਤ)

ਤਰਦੀ ਆਵਾਜ਼

The sound of the cricket

In the still of the night

Floating in dreams

Md Tanfiq, 12 years, Singapore.

ਬੀਂਡੇ ਦੀ ਆਵਾਜ਼

ਟਿਕੀ ਰਾਤ ਵਿਚ

ਸੁਪਨਿਆਂ ਵਿਚ ਤਰਦੀ

ਮਦ ਤਨਫੀਕ, ੧੨ ਵਰ੍ਹੇ, ਸਿੰਘਾਪੁਰ।

ਅਨੁਵਾਦ: ਅਮਰਜੀਤ ਸਾਥੀ

ਜੋਕਰ

ਸਰਕਸ ਦਾ ਜੋਕਰ

ਬੱਚਿਆਂ ਲਈ

ਘਰ ਵਿਚ ਬਾਪੂ

ਗੁਰਪ੍ਰੀਤ

ਲੁੱਕਣ-ਮੀਚੀ

ਕੋਈ ਛਿਪੇ

ਕੋਈ ਲੱਭੇ

ਪਰਮਿੰਦਰ ਕੌਰ

ਡਰਾਉਣੇ ਬੱਦਲ਼

ਚੇਤ ਮਹੀਨਾ

ਕਣਕਾਂ ਪੱਕੀਆਂ

ਸਿਰ ‘ਤੇ ਬੱਦਲ਼

ਅਕਬਰ ਸਿੰਘ

ਹੋਕਾ

ਵਰ੍ਹਦਾ ਮੀਂਹ

ਉਹ ਭਾਲ਼ੇ ਛਤਰੀ

ਸਬਜ਼ੀ ਵਾਲ਼ਾ ਹੋਕਾ ਦੇਵੇ

ਗੁਰਮੀਤ ਸੰਧੂ

ਦਾਤੀ ਜਿਹਾ ਚੰਨ

ਅਖਾਂ ਵਿਚ ਚੁਭਦਾ

ਤੇਰੀ ਗੈਰਹਾਜ਼ਰੀ

ਦਵਿੰਦਰ ਪੂਨੀਆ

ਸ਼ਹੀਦਾਂ ਦੇ ਬੱਚੇ

High public praises to soldiers

Who died for their fatherland

But I lost my papa

Nokee Jaisupap, 12 years, Thailand.

ਲੋਕੀਂ ਕਰਦੇ ਵਾਹ ਵਾਹ

ਦੇਸ਼ ਲਈ ਜੋ ਸੈਨਕ ਹੋਏ ਸ਼ਹੀਦ

ਪਰ ਮੈਂ ਅਪਣਾ ਪਾਪਾ ਖੋਇਆ

ਨਾਕੀ ਜੈਸੁਪੱਪ, ੧੨ ਵਰ੍ਹੇ, ਥਾਈਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਮਮੋਲੀਆਂ

ਮੇਰਿਜ ਪੈਲੇਸ ਦੇ ਹਾਲ ਵਿਚ

ਧਮਕ ਦਿਲ ਨੂੰ ਪਵੇ, ਬਾਹਰ

ਚੁੱਪ ਚਾਪ ਮਮੋਲੀਆਂ ਚੁਗਣ

ਅੰਬਰੀਸ਼

ਦੀਵਾ ਬਲ਼ਿਆ

ਨ੍ਹੇਰਾ ਢਲ਼ਿਆ

ਦੀਵਾ ਬਲ਼ਿਆ

ਡਰ ਟਲ਼ਿਆ

ਪਰਮਿੰਦਰ ਕੌਰ

ਚੁਟਕੀ

A pinch here and there

Salt, pepper, sugar and spice

That sums up my life

Samuel Tho, 10 years, Singapore.

ਚੁਟਕੀ ਏਥੇ ਚੁਟਕੀ ਓਥੇ

ਲੂਣ ਕਾਲ਼ੀ ਮਿਰਚ ਚੀਨੀ ਅਤੇ ਮਸਾਲਾ

ਨਿਚੋੜ ਮੇਰੇ ਜੀਵਨ ਦਾ

ਸੈਮੁਅਲ ਥੋ, ੧੦ ਵਰ੍ਹੇ, ਸਿੰਘਾਂਪੁਰ।

ਅਨੁਵਾਦ: ਅਮਰਜੀਤ ਸਾਥੀ

ਕਾਗਜ਼ ਦਾ ਜਹਾਜ

ਬੱਚੇ ਨੇ ਉਡਾਇਆ

ਕਾਗਜ ਦਾ ਜਹਾਜ਼

ਅੰਬਰ ਨੇੜੇ ਆਇਆ

ਗੁਰਪ੍ਰੀਤ

ਚੋਣਾਂ

ਚੋਣਾਂ ਦਾ ਮੌਸਮ

ਉਮੀਦਵਾਰਾਂ ਦੇ ਬੋਰ੍ਡ

ਚਿਹਰੇ ਕਿੰਨੇ ਸਾਊ

ਦਵਿੰਦਰ ਪੂਨੀਆ

ਅੰਬਰੀਂ ਚੰਨ

ਠੰਡੀ ਹਵਾ

ਨਹਿਰ‘ਚ ਪਾਣੀ

ਅੰਬਰ ਚੰਨ

ਅਕਬਰ ਸਿੰਘ

ਨਿੱਕੀਆਂ ਪੈੜਾਂ

In the cold white snow

There lies tiny children’s footprints

Follow them to peace

Meagan Cambell, 13 years, Canada.

ਠੰਡੀ ਚਿੱਟੀ ਬਰਫ ਵਿਚ

ਨਿੱਕੇ ਬੱਚਿਆਂ ਦੀਆਂ ਪੈੜਾਂ

ਉਨ੍ਹਾਂ ਪਿੱਛੇ ਚੱਲੋ ਅਮਨ ਵੱਲ

ਮੇਗਨ ਕੈਂਬਲ, ੧੩ ਵਰ੍ਹੇ, ਕੈਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ

ਭਰਿਆ ਘਰ

ਆਵਾਜ਼ਾਂ ਨਾਲ

ਭਰ ਗਿਆ ਘਰ

ਮਾਂ ਚੁੱਪ ਹੋ ਗਈ

ਅਨੇਮਨ ਸਿੰਘ

ਫੋਟੋ ‘ਚ ਦੁੱਧ ਰਿੜਕੇ

ਬੈਠਕ ਦੀ ਕੰਧ ‘ਤੇ

ਬਸ ਫੋਟੋ ‘ਚ ਹੀ

ਸੁਆਣੀ ਦੁੱਧ ਰਿੜਕੇ

ਗੁਰਪ੍ਰੀਤ

ਵੱਖਰੀ ਰੁੱਤ

ਛਹਿਬਰ ਲਾਈ ਮੀਹਾਂ

ਰੁੱਤ ਪਰਦੇਸੀਂ ਸਾਵਣ ਵਰਗੀ

ਨਾ ਪੀਂਘਾਂ ਨਾ ਤੀਆਂ

ਦਰਬਾਰਾ ਸਿੰਘ

ਗਲ਼ੀ ਦਾ ਕੁੱਤਾ

ਸਿਆਲੀ ਰਾਤ ਹੱਟੀ ‘ਤੇ

ਗਰਮ ਜਲੇਬੀਆਂ ਖਾਵਾਂ

ਡੂੰਘਾਂ ਝਾਕੇ ਕੁੱਤਾ ਗਲ਼ੀ ਦਾ

ਅੰਬਰੀਸ਼

ਪਤੰਗਾ

The nocturnal moth

Settled on spent blossom

Giving it new life

Elena Kuznetsova, 12 years, Russia.

ਰਾਤਿਕ ਪਤੰਗਾ

ਮੁਰਝਾਏ ਫੁੱਲ ‘ਤੇ ਬੈਠਾ

ਉਸਨੂੰ ਨਵਾਂ ਜੀਵਨ ਦੇ ਰਿਹਾ

ਈਲੇਨਾ ਕੁਜ਼ਨੇਤਸੋਵਾ, ੧੨ ਵਰ੍ਹੇ, ਰੂਸ।

ਅਨੁਵਾਦ: ਅਮਰਜੀਤ ਸਾਥੀ

ਰਸੀਆ ਭੌਰਾ
ਮੁਰਝਾਏ ਫੁੱਲ ‘ਤੇ ਬੈਠਾ
ਉਸਨੂੰ ਨਵਾਂ ਜੀਵਨ ਦੇ ਰਿਹਾ

ਈਲੇਨਾ ਕੁਜ਼ਨੇਤਸੋਵਾ, ੧੨ ਵਰ੍ਹੇ, ਰੂਸ।

ਅਨੁਵਾਦ: ਤਨਦੀਪ ਤਮੰਨਾ

ਰੈਲੀ

ਨਾਰੀ ਮੁਕਤੀ ਰੈਲੀ…

ਸਮਝ ਨਾ ਸਕੀ ਨਾਹਰੇ

ਰੋੜੀ ਕੁੱਟਦੀ ਮਾਈ

ਦਵਿੰਦਰ ਪੂਨੀਆ

ਠੂਠੇ

ਮੰਗੇ ਵੋਟਾਂ

ਮਾੜਾ ਮੰਗਤਾ

ਸੋਹਣਾ ਠੂਠਾ

ਸਿਮਰਨਜੀਤ ਵਾਲੀਆ

ਝੀਂਗਰ

Carpet of green grass

Obscured by layers of trash

Still the cricket call

Tay Wei En Joel, 11 years, Singapore.

ਹਰੀ ਘਾਹ ਦਾ ਗਲੀਚਾ

ਕੂੜੇ ਕਰਕਟ ਦੀਆਂ ਪਰਤਾਂ ਹੇਠ

ਝੀਂਗਰ ਅਜੇ ਵੀ ਗਾ ਰਿਹਾ

ਤੇ ਵੇਈ ਐੱਨ ਜੋਇਲ, ੧੧ ਵਰ੍ਹੇ, ਸਿੰਘਾਪੁਰ।

ਅਨੁਵਾਦ: ਅਮਰਜੀਤ ਸਾਥੀ

ਕਰਜ਼ਾ

ਬਾਪੂ ਮੇਰਾ ਰੋਇਆ

ਧੀ ਦੀ ਡੋਲ਼ੀ ਤੋਰ ਕੇ

ਕਰਜ਼ਾ ਚੜ੍ਹਿਆ ਹੋਇਆ

ਹਰਵੀਰ ਸਿੰਘ

ਪੱਕਿਆ ਬਚਪਨ

ਖੇਤਾਂ ਦੇ ਵਿਚ ਫਸਲ

ਕੱਟਣ ਛੋਟੇ ਬੱਚੇ

ਬਚਪਨ ਪੱਕਿਆ

ਹਰਸ਼ਪਿੰਦਰ ਪੂਨੀਆ

ਸਿਆਲੀ ਝੜੀ

ਸ਼ਾਮ ਸਿਆਲੀ ਝੜੀ ਲੱਗੀ

ਗਿੱਲੀਆਂ ਝਾਂਬੜਾਂ ਸਾਇਕਲ ‘ਤੇ

ਛੋਹਲੇ ਪੈਡਲੀਂ ਕਾਮਾ

ਅੰਬਰੀਸ਼

ਦਾਰੂ ਵਿੱਦਿਆ

ਹੋਸਟਲ ‘ਚ ਦਾਰੂ
ਭੱਜਣ ਸ਼ੀਸ਼ੇ
ਵਿੱਦਿਆ ਮਾਰੂ

ਗੁਰਿੰਦਰਜੀਤ ਸਿੰਘ

ਨਾਨੀ ਦਾ ਘਰ

Where great grandma lives

An ocean of golden grain

Smells of food cooking

Zachary Fawcett, 11 years, Canada.

ਜਿੱਥੇ ਰਹੇ ਪੜਨਾਨੀ

ਸੁਨੈਹਿਰੀ ਅੰਨ ਦਾ ਭੰਡਾਰ

ਮਹਿਕ ਆਉਂਦੀ ਪੱਕਦੇ ਖਾਣੇ ਦੀ

ਜ਼ਾਸ਼ੈਰੀ ਫਾਸੈੱਟ, ੧੧ ਵਰ੍ਹੇ, ਕਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ

ਪਾੜਾ

ਪੀੜ੍ਹੀਆਂ ਦਾ ਪਾੜਾ

ਬੱਚਾ ਬੋਲੇ ਏ ਬੀ ਸੀ

ਬਾਪੂ ਊੜਾ ਆੜਾ

ਹਰਵੀਰ ਸਿੰਘ

ਨੰਗੇ ਪੈਰ

ਭੱਠੀ ਭੁੱਜਦੇ ਦਾਣੇ

ਤੱਤੀ ਥਾਂ ਨੰਗੇ ਪੈਰੀਂ

ਬਾਲ ਨਿਆਣੇ

ਸਿਮਰਨਜੀਤ ਵਾਲੀਆ

ਪੰਖੜੀ

A snow white petal

On the lapel of your coat

An angel passing

Aline Wianne, 13 years, France.

ਬਰਫ ਚਿੱਟੀ ਪੰਖੜੀ

ਤੇਰੇ ਕੋਟ ਕਾਲਰ ਉੱਤੇ

ਇਕ ਫਰਿਸ਼ਤਾ ਉੜ ਰਿਹਾ

ਏਲੀਨ ਵਾਇਐਨ, ੧੩ ਵਰ੍ਹੇ, ਫਰਾਂਸ।

ਅਨੁਵਾਦ: ਅਮਰਜੀਤ ਸਾਥੀ

ਸ਼ੇਖ

ਅਰਬ ਦੇ ਸ਼ੇਖ

ਸਮੁੰਦਰੀ ਸਫਰ

ਮੂਹਲ਼ੇਧਾਰ ਮੀਂਹ

ਦਵਿੰਦਰ ਪੂਨੀਆ

ਗਾਜਰਾਂ

ਵਰਲੋਆ ਸਿਆਲ਼ੀ ਮੀਂਹ ਮਗਰੋਂ

ਪਟੜੀ-ਹੱਟ ‘ਤੇ ਮੀਂਹ-ਧੁਪੀਆਂ

ਗਾਜਰਾਂ ਹੋਰ ਗਾਜਰੀ

ਅੰਬਰੀਸ਼

ਕੱਟ

ਵੇ ਮੱਛਰਾ

ਨਾ ਕੱਟ

ਬਿਜਲੀ

ਗੁਰਿੰਦਰਜੀਤ ਸਿੰਘ

ਉਮਰ ਦੀਆਂ ਲੀਕਾਂ

The trunk hard and brown

Leaves green covering branches

Hiding lines of age

Scott Jackson, 9 years, England.

ਭਾਰਾ ਤੇ ਭੂਰਾ ਤਣਾ

ਹਰੇ ਪੱਤਿਆਂ ਟਾਹਣਾਂ ਢਕੀਆਂ

ਲਕਾਉਣ ਉਮਰ ਦੀਆਂ ਝੁਰੜੀਆਂ

ਸਕਾਟ ਜੈਕਸਨ, ੯ ਵਰ੍ਹੇ, ਇੰਗਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਚੁੱਪ

ਦੋ ਦੋਸਤ

ਚੁੱਪ ਬੈਠੇ

ਇਕੋ ਕਮਰੇ

ਗੁਰਪ੍ਰੀਤ

ਮੂਧੇ ਸਿੱਧੇ

ਡਿਗਣ ਪੱਤੇ

ਕੁਝ ਮੂਧੇ

ਕੁਝ ਸਿੱਧੇ

ਦੇਵਨੀਤ

ਜੁੰਮੇਵਾਰੀ

ਘਰ ਦੀ ਜੁੰਮੇਵਾਰੀ

ਪੂਰੀ ਕਰਨ ਤੁਰਿਆ ਪਰਦੇਸ

ਛੱਡ ਇਕੱਲੀ ਨਾਰੀ

ਦਰਬਾਰਾ ਸਿੰਘ

ਆ ਰਹੀ ਬਸੰਤ

The river flowing

The fish swimming upstream

Spring, one mile ahead!

Wiliam Blagen, 12 years, Canada.

ਵਗ ਰਿਹਾ ਦਰਿਆ

ਮੱਛੀਆਂ ਤਰਨ ਵਹਾ ਦੇ ਉਲਟ

ਬਸੰਤ, ਬਸ ਇਕ ਮੀਲ ਅੱਗੇ ਹੈ!

ਵਿਲਿਅਮ ਬਲਾਗੇਨ, ੧੨ ਵਰ੍ਹੇ, ਕਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ

ਯੋਗਾ

ਸ਼ਾਂਤ ਵਤਾਵਰਣ

ਯੋਗਾ ਕਰਦੀ ਸੁਭਾ ਸਵੇਰੇ

ਚੰਚਲ ਕੁੜੀ

ਹਰਸ਼ਪਿੰਦਰ ਪੂਨੀਆ

ਤੂੜੀ

ਪੀ ਗਿਆ ਕੋਈ

ਅੰਗੂਰ ਇਲੈਚੀਆਂ ਵਾਲ਼ੀ

ਤੂੜੀ ਵਿਚ ਲਕੋਈ

ਗੁਰਿੰਦਰਜੀਤ ਸਿੰਘ

ਮਹਿੰਦੀਸਾਜ਼

ਸਿਆਲੀ ਰਾਤ ਬਜ਼ਾਰ ਬੰਦ ਹੋਣ ਨੂੰ

ਮਹਿੰਦੀਸਾਜ਼ ਦੀ ਨੀਝ ਸੜਕ ‘ਤੇ

ਸਾਹਮਣੇ ਖਾਲੀ ਕੁਰਸੀਆਂ

ਅੰਬਰੀਸ਼

ਪਰਛਾਂਵੇਂ

Stillness of water

Swans admire their reflections

Shivering wind blows

Kyra Dawn Slater, 10 years, Philippines.

ਸ਼ਾਂਤ ਪਾਣੀ

ਹੰਸ ਸਲ੍ਹਾਉਂਦੇ ਅਪਣੇ ਪਰਛਾਂਵੇਂ

ਥਰਥਰਾਉਂਦੀ ਹਵਾ ਚੱਲਦੀ

ਕਾਯਰਾ ਡਾਨ ਸਲੇਟਰ, ੧੦ ਵਰ੍ਹੇ, ਫਿਲਿਪਿਨਜ਼

ਅਨੁਵਾਦ: ਅਮਰਜੀਤ ਸਾਥੀ

ਮਨ

ਬੈਠੇ ਕੋਲ ਕੋਲ

ਹਜ਼ਾਰਾਂ ਮੀਲ ਦੂਰ ਨੇ

ਦਿਲਾਂ ਦੇ ਟਾਪੂ

ਗੁਰਪ੍ਰੀਤ

ਚੋਗੇ ਦਾ ਗੀਤ

ਬੈਠੀਆਂ ਕਤਾਰ ਵਿਚ

ਤਾਰ ਉੱਤੇ ਚਿੜੀਆਂ

ਗਾਣ ਚੋਗੇ ਦੇ ਗੀਤ

ਦਰਬਾਰਾ ਸਿੰਘ

ਭੇਡ ਤੇ ਲੇਲਾ

The sheep in the field

Walking with her running lamb

Stopping to eat grass

Vikram Swaminathan, 11 years, England.

ਮੈਦਾਨ ਅੰਦਰ ਭੇਡ

ਭੱਜਦੇ ਲੇਲੇ ਦੇ ਨਾਲ਼ ਤੁਰਦੀ

ਰੁਕ ਕੇ ਲੱਗੀ ਘਾਹ ਖਾਣ

ਵਿਕਰਮ ਸਵਾਮੀਨਾਥਨ, ੧੧ ਵਰ੍ਹੇ, ਇੰਗਲੈਂਡ।

ਅਨੁਵਾਦ: ਅਮਰਜੀਤ ਸਾਥੀ

ਗੁੱਜਰ ਕੁੜੀ

ਕੈਮਰੇ ਤੋਂ ਮੂੰਹ ਛੁਪਾ

ਛੰਨ ‘ਚ ਗੁੰਮੀ ਗੁੱਜਰ ਕੁੜੀ

ਬਿੰਬ ਬਾਹਰ ਝਲਕਦਾ

ਅੰਬਰੀਸ਼

ਸਲੱਮਡੌਗ

‘ਝੁੱਗੀ-ਝੌਂਪੜੀ-ਕੁੱਤਾ’

ਰੋਟੀ ਛੱਡਕੇ

ਆਸਕਰ ਚੱਟਦਾ

ਗੁਰਿੰਦਰਜੀਤ ਸਿੰਘ

ਮੁਕਤ

ਪਾਣੀ ਵਿਚ

ਤਰਦਾ ਪੱਤਾ

ਬੰਧਨਮੁਕਤ

ਹਰਸ਼ਪਿੰਦਰ ਪੂਨੀਆ

ਗੱਲ੍ਹ ‘ਤੇ ਤਿਤਲੀ

For a second a butterfly

Settles on my cheek

Do not breathe !

Myriam Suchet, 15 years, France

ਇਕ ਛਿਣ ਲਈ ਤਿਤਲੀ

ਮੇਰੀ ਗੱਲ੍ਹ ‘ਤੇ ਆ ਟਿਕੀ

ਸਾਹ ਘੁੱਟ ਲੈ!

ਮਰਿਅਮ ਸੁਸ਼ੇ, ੧੫ ਵਰ੍ਹੇ, ਫਰਾਂਸ।

ਅਨੁਵਾਦ: ਅਮਰਜੀਤ ਸਾਥੀ

ਨਾਨੀ ਦਾ ਘਰ

where great grandma lives

an ocean of golden grain

smells of food cooking

Zachary Fawcett, 11 years, Canada.

ਜਿੱਥੇ ਵਸਦੀ ਨਾਨੀ

ਸੁਨੈਹਿਰੇ ਦਾਣਿਆਂ ਦਾ ਸਾਗਰ

ਆਵੇ ਪੱਕਦੇ ਖਾਣੇ ਦੀ ਖੁਸ਼ਬੂ

ਜ਼ੇਖਾਰੀ ਫਾਸੈੱਟ, ੧੧ ਵਰ੍ਹੇ,  ਕੈਨੇਡਾ।

ਅਨੁਵਾਦ: ਅਮਰਜੀਤ ਸਾਥੀ

ਖਤ

ਪਰਦੇਸੋਂ ਆਇਆ

ਇਕ ਖਤ

ਖਸ਼ਬੂ ਭਰਿਆ

ਪਰਮਿੰਦਰ ਕੌਰ

ਆਵਾਜਾਂ

ਹਾ….ਇ …ਕੂ

ਧੌਂਕਣੀ ਸਾਹਾਂ ਦੀ

ਧਾ…ਧਿ….ਧੂ

ਗੁਰਪ੍ਰੀਤ

ਨੀਲੀ ਚਾਦਰ

ਸੂਰਜ ਦਾ ਛੁਪਣਾ –

ਆਸਮਾਨ, ਪਰਬਤ ਤੇ ਸਾਗਰ

ਓੜ੍ਹਣ ਨੀਲੀ ਚਾਦਰ

ਬਰਜਿੰਦਰ ਢਿਲੋਂ

ਚੋਗਾ

ਸਰਦ ਧੁਪਿਆਲਾ ਦਿਨ

‘ਕੱਠੇ ਚੁਗਣ ਚੋਗਾ

ਤੋਤੇ, ਗਾਲ੍ਹੜ ਅਤੇ ਕਬੂਤਰ

ਅੰਬਰੀਸ਼

ਬਸੇਰਾ

ਟੁੱਟਿਆ ਬੂਹਾ

ਤਿੜਕੀ ਥੰਮੀਂ ਵਾਲ਼ਾ ਛਤਨਾ

ਚਿੜੀ ਆਲ੍ਹਣਾ ਪਾਵੇ

ਦਰਬਾਰਾ ਸਿੰਘ

ਲੰਮਾਂ ਪੰਧ

ਪੁੱਤਾਂ ਕੱਢੀ ਕੰਧ

ਬੇਬੇ ‘ਤੇ ਬਾਪੂ ਦਾ

ਲੰਮਾ ਹੋ ਗਿਆ ਪੰਧ

ਗੁਰਿੰਦਰਜੀਤ ਸਿੰਘ