ਝੀਲ

ਸਰਦੀ ਸੁੱਕੀ ਝੀਲ –
ਰਾਤ ਚਾਨਣੀ ਚਮਕਣ
ਗੀਟੇ ਕੰਕਰ ਰੇਤ

ਅਮਰਾਓ ਸਿੰਘ ਗਿੱਲ
 

ਬੁਲਬਲੇ

ਫੂਕਾਂ ਮਾਰਨ
ਗੋਲ ਮਟੋਲ ਚੁਲਬਲੇ
ਬਣਦੇ ਬੁਲਬਲੇ

ਪ੍ਰੇਮ ਮੈਨਨ

ਪੈੜ

ਘਰ ਆਈ ਨੂੰਹ
ਸੱਸ ਚੁੱਕੇ ਮਿੱਟੀ
ਗੁਆਂਢਣ ਦੀ ਪੈੜ

ਗੁਰਮੁਖ ਭੰਦੋਹਲ ਰਾਈਏਵਾਲ

ਪੱਤੀਆਂ

ਸੁੱਕ ਗਈਆਂ
ਗੁਲਾਬ ਦੀਆਂ ਪੱਤੀਆਂ
ਉਸਦੀ ਉਡੀਕ ‘ਚ

ਜਗਦੀਪ ਸਿੰਘ 

ਪਤੰਗੇ

ਦਾਣਾ ਮੰਡੀ—
ਟਰੈਕਟਰ ਦੀ ਲਾਇਟ ਅੱਗੇ
ਉੱਡਣ ਚਿੱਟੇ ਪਤੰਗੇ

ਪੁਸ਼ਪਿੰਦਰ ਸਿੰਘ ਪੰਛੀ

ਲੀਕਾਂ

ਨਵੀਂ ਜੰਮੀਂ ਬੱਚੀ 
ਮੁੱਠੀ ਖੋਲ੍ਹ ਕੇ ਵੇਖੇ ਮਾਂ 
ਤਲੀ ਦੀਆਂ ਲੀਕਾਂ

ਅਰਵਿੰਦਰ ਕੌਰ
 

ਪੈੜਾਂ

ਲਿੱਪਦੀ ਵੇਹੜਾ
ਰੁਕੇ ਗਿੱਲੇ ਹੱਥ
ਓਹਨਾਂ ਪੈੜਾਂ ‘ਤੇ

ਗੀਤ ਅਰੋੜਾ

ਚਿਮਨੀ

ਸਤਲੁਜ ‘ਚ ਸੂਰਜ – 
ਸਲੇਟੀ ਚਿਮਨੀਆਂ ‘ਤੇ ਟਿਕੇ 
ਚਿੱਟੇ ਬੱਦਲ

ਸੁਰਮੀਤ ਮਾਵੀ

ਫੋਟੋ

ਗਰੁੱਪ ਫੋਟੋ ਵੇਖਦਾ
ਨਜ਼ਰਾਂ ਗੱਡੀ ਖੜ੍ਹਾ
ਕੋਨੇ ‘ਤੇ ਖੜੀ ‘ਤੇ

ਇੰਦਰਜੀਤ ਸਿੰਘ ਪੁਰੇਵਾਲ

ਝੋਟਾ

ਲੀਡਰ ਦੇਵੇ ਭਾਸਨ-
ਸਟੇਜ ਦੇ ਪਿਛਲੇ ਪਾਸੇ 
ਝੋਟਾ ਕਰੇ ਜੁਗਾਲੀ

ਰਾਜਿੰਦਰ ਸਿੰਘ ਘੁੰਮਣ

 

ਕਾਂ

ਤੱਤੀ ਸੜਕ 
ਸਵਿਫਟ ਨਾਲ ਟਕਰਾ ਕੇ
ਲੁੜਕਿਆ ਪਹਾੜੀ ਕਾਂ

ਚਰਨ ਗਿੱਲ

ਮਾਈ

ਚੜ੍ਹੇ ਚੜ੍ਹਾਈ
ਚੁੱਕਿਆ ਪੋਤਾ
ਬੁੱਢੀ ਮਾਈ

ਬਲਵਿੰਦਰ ਸਿੰਘ ਮੋਗਾ
 

ਨੈਣ

ਪੁਰਾਣਾ ਖਤ
ਇੱਕ ਟੱਕ ਪੜ੍ਹਨ
ਭਰੇ ਨੈਣ

ਹਰਿੰਦਰ ਅਨਜਾਣ

ਖੋਖਾ

ਵਕੀਲ ਦਾ ਖੋਖਾ
ਗੇਟ ਤੇ ਟੰਗੀ
ਘੋੜੇ ਦੀ ਨਾਲ੍ਹ

ਨਵਦੀਪ ਗਰੇਵਾਲ਼

ਸੈਰ

ਸ਼ਾਮ ਦੀ ਸੈਰ
ਕੁੱਤਾ ਲਈ ਜਾਵੇ
ਮਾਲਿਕ ਨੂੰ
sham di sair 
kuta lai jave
malik nu

ਅਵੀ ਜਸਵਾਲ

ਕੰਧੋਲ਼ੀ

ਮਿੱਟੀ ਲਾਵੇ ਕੰਧੋਲ਼ੀ ਨੂੰ
ਯਾਦ ਸੱਜਣਾ ਦੀ ਆਈ
ਪਹਿਲਾਂ ਹੱਸੀ ਫੇਰ ਰੋਈ

ਡਿਮਪੀ ਸਿੱਧੂ

ਮੱਸਿਆ

ਕੱਤਕ ਮੱਸਿਆ –
ਬਸਤੀ ‘ਚ ਜਗਣ ਦੀਵੇ 
ਵਿਰਲੇ ਵਿਰਲੇ 

kattak masseya –
basti ch jagan deeve
virle virle

ਸੁਰਮੀਤ ਮਾਵੀ

ਬੱਦਲ਼

ਵਾਢੀ ਦੇ ਦਿਨ

ਬੱਦਲਾਂ ‘ਚ ਰੋਸ਼ਨੀ

ਖੇਤਾਂ ਵਿਚ ਹਨੇਰਾ

ਜਸਦੀਪ ਸਿੰਘ

ਵਾਛੜ

ਤਿਰਛੀ ਵਾਛੜ
ਬਰੋਟੇ ਦੀ ਜੜ੍ਹ ਦੁਆਲੇ ਕੁੰਗੜੀਆਂ
ਆਜੜੀ ਨਾਲ ਬੱਕਰੀਆਂ

ਗੁਰਮੁਖ ਭੰਦੋਹਲ ਰਾਈਏਵਾਲ

ਸੂਰਜਮੁਖੀ

ਕੁਆਟਰਾਂ ਦੀ ਕਤਾਰ 
ਪਿਛਲੇ ਵਿਹੜੇ ਦੇ ਬਗੀਚੇ ‘ਚ 
ਇੱਕੋ ਸੂਰਜਮੁਖੀ ਦਾ ਫੁੱਲ 
row of quarters 
in the backyard orchard
only one sunflower

ਰਣਜੀਤ ਸਿੰਘ ਸਰਾ

ਦਸਤਾਨੇ

ਮਾਂ ਸਾਂਭੇ ਸਲ਼ਾਈਆਂ 
ਆਹਾ! ਨਵੇਂ ਦਸਤਾਨੇ
ਉਣੇ ਵੀ ਗਏ

माँ ने संभाल दीं सिलाईयां 
अहा! नए दस्ताने 
बुन भी दिए 

mom puts away needles
Aha! new gloves 
knit already

ਜਗਜੀਤ ਸੰਧੂ

ਗੁਲਮੋਹਰ

ਨੋਟ: ਅਮਰਾਓ ਸਿੰਘ ਗਿੱਲ ਜੀ ਵਲੋਂ ਅਰਵਿੰਦਰ ਕੌਰ ਦੀ ਕਵਿਤਾ ਤੋਂ ਸਿਰਜਿਆ ਹਾਇਕੂ।

ਪੁਰਾਣੇ ਬੈਂਚ ‘ਤੇ
ਆ ਡਿੱਗੀਆਂ ਦੋ ਪੱਤੀਆਂ
ਨੀਲੇ ਗੁਲਮੋਹਰ ਹੇਠ

ਅਰਵਿੰਦਰ ਕੌਰ

ਹਰਵਿੰਦਰ ਧਾਲੀਵਾਲ ਵਲੋਂ ਸਿਰਜਿਆ ਇਕ ਹੋਰ ਰੂਪ:

ਨੀਲਾ ਗੁਲਮੋਹਰ
ਪੁਰਾਣੇ ਬੈਂਚ ਤੇ ਆ ਡਿੱਗੀਆਂ
ਦੋ ਫੁੱਲ ਪੱਤੀਆਂ

ਅਰਵਿੰਦਰ ਕੌਰ
 

ਚੰਨ

ਅੱਧਾ ਚੰਦਰਮਾ 
ਢਕ ਲਿਆ ਬਦਲਾਂ 
ਸੜਕ ਨੂੰ ਗੜਿਆਂ

ਮਨਦੀਪ ਮਾਨ

ਚਿੜੀ

ਉਡਾਣ ਲੱਗੀ 

ਧੂੰਆਂਖੀ ਕੰਧ ‘ਤੋਂ ਚਿੜੀ 

ਸੱਜ ਵਿਆਹੀ 

ਸਤਵਿੰਦਰ ਸਿੰਘ

ਵੇਲ

ਸਾਂਝੀ ਕੰਧ
ਲਮਕ ਰਹੇ ਵੇਲ ਤੇ ਫ਼ੁੱਲ
ਦੋਵੇ ਪਾਰ

ਗੁਰਮੁਖ ਭੰਦੋਹਲ ਰਾਈਏਵਾਲ

ਲਿਪਸਟਿੱਕ

ਲਿਪਸਟਿੱਕ–
ਹਾਲੇ ਵੀ ਲੱਗੀ 
ਚਾਹ ਦੇ ਕੱਪ ਨੂੰ

ਜਗਰਾਜ ਸਿੰਘ ਨੌਰਵੇ

ਕੂੰਜਾਂ

ਏਕਮ ਦਾ ਚੰਨ
ਵੇਖਦੀਆਂ ਕੋਲੋ ਲੰਘ ਗਈ
ਕੂੰਜਾਂ ਦੀ ਡਾਰ

ਗੁਰਵਿੰਦਰ ਸਿੰਘ ਸਿੱਧੂ

ਵਾਵਰੋਲ਼ਾ

ਸਿਖਰ ਦੁਪਹਿਰਾ
ਵਾਵਰੋਲੇ ‘ਚ ਉਲਝਿਆ
ਰੇਸ਼ਮੀ ਦੁਪੱਟਾ

ਤੇਜੀ ਬੇਨੀਪਾਲ

ਚਿੱਠੀ

ਵੀਹ ਸਾਲ ਪੁਰਾਣੀ
ਅਣਪਾਈ ਚਿੱਠੀ – ਪੜ੍ਹੇ 
ਪੜ੍ਹ ਪੜ੍ਹ ਲੁਕੋਵੇ

ਸੁਰਿੰਦਰ ਸਪੇਰਾ

ਝਨਾਂ

ਕਾਲੀ ਰਾਤ ਪਹਾੜੀ 
ਦੂਰ ਤੱਕ ਦਿਸ ਰਿਹਾ 
ਝਨਾਂ ਚਾਨਣੀ ਭਰਿਆ 
…….
ਸੰਘਣੇ ਰੁੱਖ ਹਨੇਰਾ
ਪਹਾੜਾਂ ‘ਚੋਂ ਜਾ ਰਿਹਾ
ਝਨਾਂ ਚਾਨਣੀ ਭਰਿਆ

ਅਰਵਿੰਦਰ ਕੌਰ

ਟਹਿਣੀ

ਉੜਿਆ ਪੰਛੀ
ਥੋੜਾ ਚਿਰ ਹਿੱਲੀ
ਪੱਤਲੀ ਟਾਹਣੀ

ਸਰਬਜੀਤ ਸਿੰਘ ਖਹਿਰਾ

ਕੀੜੇ

ਮੀਂਹ ਨਾਲ਼ੇ ਗੜ੍ਹੇ
ਕੀੜਿਆਂ ਦੇ ਖੰਭ
ਬੱਤੀ ਕੋਲ਼ ਝੜੇ

ਰਵਿੰਦਰ ਰਵੀ

ਬਾਬੂ

ਸਮਾਜ ਭਲਾਈ ਦਫਤਰ
ਧੂੜ ਭਰੀਆਂ ਫਾਈਲਾਂ ਲਾਗੇ ਸੁੱਤਾ
ਚਸ਼ਮੇ ਵਾਲਾ ਬਾਬੂ

ਹਰਿੰਦਰ ਅਨਜਾਣ

ਨੋਟ

ਛੋਟਾ ਨੋਟ ਲੱਭੇ 
ਮੱਥਾ ਟੇਕਣ ਲੱਗਿਆਂ 
ਕਰੋੜਪਤੀ

ਸਹਿਜਪ੍ਰੀਤ ਮਾਂਗਟ

 

ਫਲ਼ੀਆਂ

ਸੁਨਿਹਰੀ ਫਲੀਆਂ-
ਸ਼ਰੀਂਹ ਦੇ ਫੁੱਲਾਂ ਚੋਂ ਹਵਾ ‘ਚ
ਮਹਿਕਾਂ ਰਲੀਆਂ

ਰਾਜਿੰਦਰ ਸਿੰਘ ਘੁੰਮਣ

ਖ਼ਤ

ਧੂੜ ਭਰਿਆ ਖਤ 
ਅਜੇ ਵੀ ਓਹੀ 
ਉਸਦੀ ਖੁਸ਼ਬੋ

ਅਰਵਿੰਦਰ ਕੌਰ

ਚੱਕੇ

ਕਣਕ ਦੀ ਵਾਢੀ 
ਨਵੇਂ ਸਾਈਕਲ ਦੇ ਚੱਕਿਆਂ ‘ਤੇ 
ਚਮਕੇ ਦੁਪਹਿਰੀ ਸੂਰਜ 

wheat harvesting 
new bicycle’s rims have 
shining noon sun

ਰਣਜੀਤ ਸਿੰਘ ਸਰਾ

ਸ਼ੋਰ

ਮੱਕੀ ਦਾ ਖੇਤ
ਸੱਪ ਦੇ ਮੂੰਹ ਡੱਡੀ
ਪੰਛੀਆਂ ਦਾ ਸ਼ੋਰ

ਤੇਜੀ ਬੇਨੀਪਾਲ

ਤਲ਼ੀਆਂ

ਸਰਸਰਾਹਟ ਚ ਲੀਨ
ਰੁੱਖ ਦੇ ਪਤਝੜੀ ਪੱਤੇ
‘ਤੇ ਸਾਡੀਆਂ ਤਲ਼ੀਆਂ

busy in rustling
autumn leaves of tree
and our palms

सरसराहट में लीन 
वृक्ष के हेम्न्ति पत्ते 
व हमारी हथेलियाँ

ਜਗਜੀਤ ਸੰਧੂ

ਸੁੱਖਾ

ਝੂਮ ਰਿਹਾ-
ਹਨ੍ਹੇਰੀ ਨਾਲ ਸੁੱਖਾ 
ਸੁੱਖੇ ਨਾਲ ਅਮਲੀ

ਜਗਰਾਜ ਸਿੰਘ ਨੌਰਵੇ 

ਵਾ

ਰਲ਼ੀ ਕੋਸੇ ਸਾਹ—
ਖੇਤਾਂ ਦੀ ਮਹਿਕ ਅਤੇ
ਠੰਡੀ ਠੰਡੀ ‘ਵਾ

ਪੁਸ਼ਪਿੰਦਰ ਸਿੰਘ ਪੰਛੀ

ਖ਼ਤ

ਸੜ ਗਈ 
ਪੁਰਾਣਾ ਖ਼ਤ ਸਾੜਦਿਆਂ 
ਵਿਚਲੀ ਉਂਗਲ 

ਮਨਦੀਪ ਮਾਨ

ਗਾਨਾ

ਸਜ ਵਿਆਹੀ
ਗਾਨੇ ਖੇਡਣ ਬੈਠੀ
ਮੋਬਾਇਲ ਦੀ ਘੰਟੀ

ਪ੍ਰੇਮ ਮੈਨਨ

ਮਾਂ

ਧੁੱਪੇ ਮਾਂ
ਦੁੱਧ ਪਿਲਾਵੇ
ਕਰਕੇ ਛਾਂ

ਬਲਵਿੰਦਰ ਸਿੰਘ ਮੋਗਾ

ਖ਼ਤ

ਪਹਿਲਾ ਖ਼ਤ
ਭਿੱਜ ਗਿਆ ਮੀਂਹ ਵਿਚ
ਪੜ੍ਹਨ ਤੋਂ ਪਹਿਲਾਂ

ਗੁਰਮੁਖ ਭੰਦੋਹਲ ਰਾਈਏਵਾਲ

ਚਾਦਰ

ਚਿੱਟੀ ਚਾਦਰ 
ਉੱਤੇ ਘੁਗੀਆਂ ਦਾ ਜੋੜਾ 
ਕਰੇ ਕਲੋਲਾਂ

ਪਰਮਿੰਦਰ ਜੱਸਲ

ਫੁੱਲ

ਟਹਿਣੀਓਂ ਟੁੱਟਾ
ਕੱਚਾ ਫੁੱਲ
ਡੰਡੀਓਂ ਚੋਵੇ ਪਾਣੀ

ਮਹਿੰਦਰ ਕੌਰ 

ਫਲ਼

ਡਾਈਨੀਗ ਟੇਬਲ
ਟੋਕਰੀ ਵਿੱਚ ਪਏ
ਨਕਲੀ ਸੇਬ ਕੇਲੇ

ਹਰਿੰਦਰ ਅਨਜਾਣ

ਘੁੰਗਰੂ

ਚੁੱਗ ਰਿਹਾ ਹਾਂ
ਮੰਚ ‘ਤੇ ਬਿਖਰੇ ਘੁੰਗਰੂ
ਆਪਣੇ ਨਾਚ ਬਾਅਦ

ਅਮਰਾਓ ਸਿੰਘ ਗਿੱਲ

 

ਦੁਲਹਨ

ਬਦਲ ਰਹੀ ਤਸਵੀਰਾਂ
ਚੌਂਕੇ ਚੜ੍ਹਨ ਤੋਂ ਬਾਦ
ਨਵ-ਨਵੇਲੀ ਦੁਲਹਨ

ਕੁਲਜੀਤ ਮਾਨ

ਸੰਜੇ ਸਨਨ ਦੇ ੫ ਹਾਇਕੂ

ਛਕ ਰਿਹਾ ਪਰੌਂਠੇ 
ਬੀ.ਪੀ. ਦਾ ਮਰੀਜ਼ 
ਸੈਰ ਤੋਂ ਬਾਅਦ

ਦਰ ‘ਤੇ ਖੜ੍ਹੀ 
ਅੱਜ ਵੀ ਨਾ ਰੁਕਿਆ ਡਾਕੀਆ 
ਨੈਣੀ ਲੱਗੀ ਝੜੀ

ਸ਼ੀਸ਼ੇ ਸਾਹਵੇਂ ਖਲੋਈ 
ਪਿੱਛੇਂ ਖੜ੍ਹੀ ਮਾਂ ਨਾ ਦਿਸੇ
ਧੀ ਜਵਾਨ ਹੋਈ 

ਗੋਲੀ ਦੀ ਅਵਾਜ਼ 
ਪਰਿੰਦਾ ਫੜਫੜਾਇਆ 
ਨਿੰਮ ਦੀ ਟਹਿਣੀ 

ਬਾਰਾਤ ਦਾ ਆਗਮਨ
ਲਗਾ ਰਿਹਾ ਤਹਿ ਗਿਣ ਕੇ 
ਮਿਲਣੀ ਵਾਲੇ ਕੰਬਲ

ਸੰਜੇ ਸਨਨ

ਹੰਝੂ

ਪੁਰਾਣੀ ਮਾਂ ਦੀ ਫੋਟੋ
ਹਾਰ ਚੜ੍ਹਾਉਂਦਿਆਂ ਡਿਗਿਆ
ਇਕ ਹੰਝੂ

ਹਰਿੰਦਰ ਅਨਜਾਣ

ਖਾਨਗਾਹ

ਸੰਧਿਆ ਦਾ ਸੂਰਜ
ਖਾਨਗਾਹ ‘ਤੇ ਬਲਦਾ
ਔਂਤਰੀ ਦਾ ਦੀਵਾ

ਅਮਰਾਓ ਸਿੰਘ ਗਿੱਲ

ਨੋਟ: ਅਮਿਤੋਜ ਦੀ ਨਜ਼ਮ “ਸੰਧਿਆ” ਤੋਂ ਪਰੇਰਤ ਹਾਇਕੂ।
 

ਚੁੱਭੀ

ਸਿਖਰ ਦੁਪਿਹਰ
ਯਾਦ ਪਹਿਲੀ ਚੁੱਭੀ
ਭਾਖੜਾ ਨਹਿਰ 

ਅਨਿਲ ਕੁਮਾਰ ਸ਼ਾਕਾ ਘੱਗਾ

ਨੇਲ ਪੋਲਿਸ਼

ਨਿੱਕੇ ਨਿੱਕੇ ਹੱਥ
ਮਾਂ ਲਾਵੇ ਨੇਲ ਪੋਲਿਸ਼
ਪਾਰਟੀ ਦੀ ਤਿਆਰੀ 

ਜਗਦੀਪ ਸਿੰਘ ਮੁਲਾਂਪੁਰ

ਪੰਛੀ

ਤਰਕਾਲਾਂ–
ਬਦੱਲਾਂ ਵਿਚ ਗੁਆਚ ਗਏ
ਉਡਾਰ ਪੰਛੀ

ਗੁਰਮੁਖ ਭੰਦੋਹਲ ਰਾਈਏਵਾਲ

ਡੇਕ

ਮੁੜ ਆ ਬੈਠਾ
ਘੁੱਗੀਆਂ ਦਾ ਜੋੜਾ
ਪੁੰਗਰਦੀ ਡੇਕ ‘ਤੇ

ਇੰਦਰਜੀਤ ਸਿੰਘ ਪੁਰੇਵਾਲ

ਸਾਂਝੀ

ਵੱਟ ਖੁਰਚਦਾ ਖੁਰਚਦਾ
ਹਿਲਾ ਗਿਆ ਬੁਰਜੀ
ਗੁਆਂਢੀਆ ਦਾ ਸਾਂਝੀ

ਤੇਜੀ ਬੇਨੀਪਾਲ

ਪੱਤੇ

ਪਤਝੜ ਦੀ ਹਵਾ- 
ਬਿਰਖ ਨਾਲੋਂ ਨਿਖੜੇ ਪੱਤੇ 
ਮਿਲੇ ਫੁੱਟਪਾਥ ਤੇ 

ਅਰਵਿੰਦਰ ਕੌਰ

ਧਾਗਾ

ਤੋੜ ਦਿੱਤਾ
ਕਮੀਜ਼ ਨਾਲ ਲਮਕਦਾ
ਕੱਚਾ ਧਾਗਾ

ਕੁਲਜੀਤ ਮਾਨ