ਮਾਣਕ

ਰਾਤ ਹਨੇਰੀ…

ਕਿਰਿਆ ਮਾਣਕ ਮਣਕਾ

ਟੁੱਟੀ ਡੋਰ 

ਮਹਿੰਦਰਪਾਲ ਬੱਬੀ

ਨੋਟ: ‘ਕਲੀਆਂ ਦਾ ਬਾਦਸ਼ਾਹ’ ਕੁਲਦੀਪ ਮਾਣਕ ਸੁਰਗਵਾਸ। 

ਤਾਨ

ਲਾਵੇ ਉੱਚੀ ਤਾਨ

ਵੇਚੇ ਬੰਸਰੀਆਂ

ਮੱਥੇ ਮੁੜ੍ਹਕਾ

ਸੁਰਮੀਤ ਮਾਵੀ

ਝੱਗ

ਸਾਬਣ ਦੀ ਝੱਗ

ਪਾਣੀ ਵਿਚ ਮਲੀਨ

ਕੁਝ ਦੂਰ ਚੱਲ ਕੇ

ਸਹਿਜਪ੍ਰੀਤ ਮਾਂਗਟ 

ਗੰਦਲਾਂ

ਪਹੁੰਚੇ ਚੱਕ ਕੇ

ਛਮ ਛਮ ਕਰਦੀ

ਤੋੜੇ ਗੰਦਲਾਂ

ਸੁਖਵਿੰਦਰ ਵਾਲੀਆ

ਬਾਪੂ

ਮੋਢਿਆਂ ਤੇ ਬਾਪ 

ਸ਼ਮਸ਼ਾਨਘਾਟ ਲਾਗੇ 

ਤੇਜ ਤੇਜ ਤੁਰਦੇ ਪੁੱਤਰ

ਸੁਰਿੰਦਰ ਸਪੇਰਾ

ਖਤ

ਪੁਰਾਣਾ ਖੱਤ ਲਭਦਿਆਂ 

ਮਿਲਿਆ ਸੁਕਾ ਗੁਲਾਬ 

ਉੱਤੇ ਡਿਗੀਆਂ ਸ਼ਹਦ ਬੂੰਦਾਂ

ਮਨਦੀਪ ਮਾਨ 

ਵੰਡ

ਰਾਹਤ ਫੰਡ –

ਸੁੱਕਾ ਰਹਿ ਗਿਆ

ਕੰਨੀ ਦਾ ਕਿਆਰਾ

ਹਰਵਿੰਦਰ ਧਾਲੀਵਾਲ

ਕਬੂਤਰ

beautiful pigeon –

even seeing you today

nothing changes

نه،حتی امروز هم
با دیدنت عوض نمی شود
کبوتر زیبا

Samaneh Hoseini Zafarani

ਸੁੰਦਰ ਕਬੂਤਰ –

ਅੱਜ ਵੀ ਤੈਨੂੰ ਵੇਖਾਂ ਤਾਂ 

ਕੁਝ ਨਾ ਬਦਲੇ

ਸਮਨੇਹ ਹੁਸੈਨੀ ਜ਼ਾਫਰਾਨੀ

ਅਨੁਵਾਦ: ਰਣਜੀਤ ਸਿੰਘ ਸਰਾ 

ਕਬੂਤਰ

ਸੰਦਲੀ ਸਵੇਰ

ਚੀਨਾ ਕਬੂਤਰ

ਝਾਂਜਰ ਛਣਕੇ

ਤੇਜੀ ਬੇਨੀਪਾਲ

ਪੰਜ ਹਾਇਕੂ

ਹੱਸ ਹੱਸ ਚੜ੍ਹੇ 
ਸੰਗਮਰਮਰ ਦੀਆਂ ਪੌੜੀਆਂ 
ਹੇਠਾਂ ਬਾਬੇ ਦਾ ਨਾਮ 

ਕੈਟ: ਜੀਵਨ, ਧਰਮ

ਜੋਤਸ਼ੀ ਬੈਠਾ 
ਕਰ ਰਿਹਾ ਸਭ ਠੀਕ 
ਨੋਟ ਵੇਖ ਕੇ

ਕੈਟ: ਜੀਵਨ

ਸ਼ਾਂਤ ਸਮੁੰਦਰ
ਪੰਛੀਆਂ ਦੀ ਡਾਰ 
ਦੂਜੇ ਦੇਸ਼ 

ਕੈਟ: ਕੁਦਰਤ, ਪੰਛੀ

ਸਵੇਰੇ ਸਾਝਰੇ
ਮਾਸਟਰ ਜੀ ਦੇ ਘਰ ਅੱਗੇ 
ਸਾਈਕਲਾਂ ਅਣਗਿਣਤ 

ਕੈਟ: ਜੀਵਨ, ਧੰਦੇ

ਸਿਆਲੀ ਧੁੱਪ
ਖਿਡ ਖਿਡ ਹੱਸਣ
ਬੁਨਨ ਸਵੈਟਰ

ਕੈਟ: ਜੀਵਨ

ਸੰਜੇ ਸਨਨ

ਬੋਟ

ਸਾਰੀ ਰਾਤ ਭਿਜਦਾ ਰਿਹਾ

ਜਹਾਜ਼ ਦੀ ਗੜਗੜਾਹਟ ਨਾਲ

ਆਲ੍ਹਣਿਉਂ ਡਿਗ ਬੋਟ….

ਕੁਲਜੀਤ ਮਾਨ

ਲੰਗਰ

ਮੰਗਤਾ ਮੰਗੇ

ਲੰਗਰ ਹਾਲ ਮੂਹਰੇ

ਰੋਟੀ ਲਈ ਪੈਸੇ

ਦੀਪੀ ਸੈਰ

ਪੂੰਗ

ਪੂੰਗ ਤੈਰ ਰਹੇ

ਵਹਾ ਦੇ ਉੱਲਟ

ਪਾਣੀ ਪੇਤਲਾ ਪੇਤਲਾ

ਸੁਵੇਗ ਦਿਓਲ

ਆਲ੍ਹਣੇ ‘ਚ ਬੋਟ

ਸੁਨਹਿਰੀ ਸਵੇਰ

ਉੱਡਿਆ ਘੁੱਗੀਆਂ ਦਾ ਜੋੜਾ

ਆਲ੍ਹਣੇ ਛੱਡ ਬੋਟ

ਗੀਤ ਅਰੋੜਾ

ਧੁੱਪ ‘ਚ ਕਪਾਹ

ਅੱਧ ਮੱਘਰੀ ਧੁੱਪ
ਛੱਤ ‘ਤੇ ਖਿੜੀ ਕਪਾਹ
ਹੋਰ ਚਿੱਟੀ

ਰਣਜੀਤ ਸਿੰਘ ਸਰਾ

ਸੁੱਕੇ ਘਾਹ ‘ਤੇ ਕੋਰ੍ਹਾ

ਕੋਰ੍ਹਾ ਪਿਘਲ ਰਿਹਾ
ਚੜ੍ਹਦੇ ਸੂਰਜ ਦੀਆ ਕਿਰਨਾਂ
ਸੁੱਕੇ ਘਾਹ ‘ਤੇ

ਰਾਜਿੰਦਰ ਸਿੰਘ ਘੁੱਮਣ

ਸਾਉਣ ‘ਚ ਸਲ੍ਹਾਬ

ਸਾਉਣ ਮਹੀਨਾ
ਗਿੱਲੀਆਂ ਪਾਥੀਆਂ
ਧੂੰਆਂ ਅੱਖਾ ਸਾੜੇ

ਸੁਖਵੀਰ ਕੌਰ ਢਿੱਲੋਂ

ਬਰਫ਼ ਥੱਲੇ ਅੱਗ

ਥੱਲੇ ਲੱਗੀ ਅੱਗ
ਉਪਰ ਬਰਫ਼ ਪੈ ਰਹੀ
ਜੰਗਲ ਵਿੱਚ

ਅਵੀ ਜਸਵਾਲ

ਫੁੱਲਾਂ ਦਾ ਗੁਲਦਸਤਾ

ਘਰ ਆ ਪਰਤਿਆ

ਮਹਿੰਗੇ ਫੁੱਲਾਂ ਦਾ ਗੁਲਦਸਤਾ

ਪਰ੍ਹਾਉਣੇ ਦੇ ਨਾਲ

ਅਨੂਪ ਬਾਬਰਾ

ਮੱਘਰ ਦੀ ਧੁੱਪ

ਮੱਘਰ ਦੀ ਧੁੱਪ
ਸ਼ਾਹ ਰਾਹ ਕੰਢੇ ਸੁੱਕੇ ਘਾਹ ‘ਚ
ਖਿੜਿਆ ਬੋਗਨਵਿਲੀਆ

ਰਣਜੀਤ ਸਿੰਘ ਸਰਾ

ਗੁਲਾਬ ਦਾ ਖੇੜਾ

ਗੁਲਾਬ ਦਾ ਖੇੜਾ
ਮਿਲਦਿਆਂ ਹੀ ਬੁਝ ਗਏ
ਦੋ ਬੁਲਬੁਲੇ

ਚਰਨ ਗਿੱਲ

ਫੁੰਮਣ ਵਾਲਾ ਢੋਲ

ਪੈਂਦਾ ਗਿੱਧਾ

ਪਿੰਡ ਦੇ ਤੌੜ ਵੱਜੇ

ਫੁੰਮਣ ਵਾਲਾ ਢੋਲ

ਅਰਵਿੰਦਰ ਕੌਰ

ਰੋਹ

ਲਾਲ ਮੂੰਹ ਵਾਲਾ
ਕਾਲਾ ਝੰਡਾ ਵਿਖਾਵੇ
ਚਿੱਟੇ ਕੁੜਤੇ ਵਾਲੇ ਨੂੰ

ਹਰਿੰਦਰ ਅਨਜਾਣ

ਨਨਕਾਣਾ

ਨਨਕਾਣਿਓ ਮੁੜਦਾ
ਵਾਘੇ ਬਾਡਰ  ‘ਤੇ ਖੜਾ
ਮੁੜ-ਮੁੜ ਵੇਖੇ

ਇੰਦਰਜੀਤ ਪੁਰੇਵਾਲ

ਪਹਿਲੀ ਕਿਰਨ

ਸਰਦ ਰੁਤ-
ਸ਼ੀਸ਼ੇ ‘ਚੋਂ ਲੰਘ ਰਹੀ
ਪਹਿਲੀ ਕਿਰਨ

ਸੁਰਜੀਤ ਕੌਰ

ਛੜਾ

ਢਲ਼ਦੀ ਸ਼ਾਮ…

ਐਨਕਾਂ ਲਾ ਕੇ ਛੜਾ

ਪੜ੍ਹੇ ਮੈਟਰੀਮੋਨੀਅਲ

ਸਹਿਜਪ੍ਰੀਤ ਮਾਂਗਟ

ਟਿੰਡ ਦਾ ਪਾਣੀ

ਘੁੰਮੇ ਹਲਟ ਦੁਆਲੇ-

ਅੱਖ ਨਾਲ ਮਿਣ ਰਿਹਾ

ਹਰ ਟਿੰਡ ਦਾ ਪਾਣੀ

ਰਾਜਿੰਦਰ ਸਿੰਘ ਘੁੱਮਣ

ਝਰਨਾ

ਝਰਨੇ ਦਾ ਸੰਗੀਤ

ਸ਼ਾਂਤ ਨਦੀ ਕਿਨਾਰੇ

ਮਾਂ ਕੋਲ਼ ਖੇਡੇ ਬੱਚਾ

ਦੀਪਕ ਰਾਏ ਚੌਧਰੀ

ਟਾਈ

ਵੱਡੇ ਦਫਤਰ ਬਾਹਿਰ 

ਗੰਢ ਟਾਈ ਦੀ ਢਿੱਲੀ ਕਰਕੇ 

ਤੱਕੇ ਨੀਲਾ ਅੰਬਰ

ਸਰਬਜੋਤ ਸਿੰਘ ਬਹਿਲ

ਤਿੜਕਿਆ ਸ਼ੀਸ਼ਾ

ਤਿੜਕੇ ਸ਼ੀਸ਼ੇ ਚ 

ਇੱਕ ਟੱਕ ਵੇਖੇ

ਆਪਣੇ ਕਈ ਚਿਹਰੇ

ਹਰਿੰਦਰ ਅਨਜਾਣ

ਪੰਜੇਬਾਂ

ਪਾਣੀ ਗਿੱਟੇ ਗਿੱਟੇ

ਭਿੱਜਣ ਪੰਜੇਬਾਂ ਪੌਂਹਚੇ

ਪੈਰ ਚਿੱਟੇ ਚਿੱਟੇ

ਅਮਰਾਓ ਸਿੰਘ ਗਿੱਲ

ਬਰਸਾਤੀ ਨਦੀ

ਕਾਲੇ ਪਾਣੀ ‘ਚ ਪੁੱਠਾ 

ਪਤਝੜੀ ਰੁੱਖ

ਰਣਜੀਤ ਸਿੰਘ ਸਰਾ

ਬੇਹੀ ਦਾਲ਼

ਸਾਰੇ ਟੱਬਰ ਦਾ ਖਾਣਾ

ਪਕਾ ਕੇ ਚੱਲੀ ਮਾਈ 

ਹਥ ਵਿਚ ਬੇਹੀ ਦਾਲ

ਸੁਰਿੰਦਰ ਸਪੇਰਾ

ਚੁੱਨੀ ਸ਼ੀਸ਼ਿਆਂ ਵਾਲ਼ੀ

ਖਿੜੀ ਦੁਪਹਿਰ 

ਚੁੰਨੀ ਉਡੇ ਸ਼ੀਸ਼ਿਆਂ ਵਾਲੀ 

ਪੈਣ ਲਿਸ਼ਕੋਰਾਂ

ਸੁਰਮੀਤ ਮਾਵੀ

ਖਿੱਲਾਂ

ਸਵੇਰ ਵੇਲਾ…

ਮਾਈਕਰੋਵੇਬ ‘ਚ ਭੁੱਜਦੇ ਦਾਣੇ

ਬੱਚਾ ਖਿੜ ਖਿੜ ਹੱਸਣ

ਸੁਰਜੀਤ ਕੌਰ

ਗਰਮ ਮੂੰਗਫਲੀ

ਸਰਦ ਰਾਤ 

ਟਨ ਟਨ ਟਨ 

ਵਿਕੇ ਗਰਮ ਮੂੰਗਫਲੀ

ਸੁਖਵਿੰਦਰ ਵਾਲੀਆ

ਪੀਲ਼ਾ ਚੰਨ

Polluted skies
bright moon 
turns pale….

ਪ੍ਰਦੂਸ਼ਤ ਅੰਬਰ
ਚਿੱਟਾ ਚੰਨ 
ਪਿਆ ਪੀਲਾ

ਗੀਤਾਂਜਲੀ ਆਹਲੂਵਾਲੀਆ

ਚਿਹਰਾ

ਬੰਦ ਅੱਖਾਂ 

ਖੁੱਲੇ ਹੱਥ

ਨੂਰਾਨੀ ਚਿਹਰਾ

ਰਾਜਿੰਦਰ ਸਿੰਘ

ਕੋਕਾ

ਨਕ ਦਾ ਕੋਕਾ 

ਦੇ ਰਿਹਾ ਸਤਰੰਗੀ ਲਿਸ਼ਕੋਰ 

ਸੂਰਜ ਦੀ ਕਿਰਨ ਨਾਲ 

ਮਨਦੀਪ ਮਾਨ

ਨਦੀ

ਖੁਸ਼ੀ ‘ਚ ਵੀ

ਗਮੀ ‘ਚ ਵੀ

ਨਦੀ ਵਗਦੀ ਰਹੀ

ਸੁਵੇਗ ਦਿਓਲ

ਪੱਲਾ

ਪੱਲਾ ਫੜ

ਗਿਆ ਵਲੈਤ

ਏਅਰਪੋਰਟ ਤੋਂ ਗਾਇਬ

ਤੇਜੀ ਬੇਨੀਪਾਲ

ਕੂੰਜਾਂ

ਢਲ਼ਦੀ ਸ਼ਾਮ…

ਬੂਹੇ ‘ਤੇ ਖੜੀ ਵੇਖੇ

ਉਡਦੀਆਂ ਕੂੰਜਾਂ

ਸੁਰਜੀਤ ਕੌਰ

ਜਾਲ਼

ਸੂਰਜ ਦੀਆਂ ਕਿਰਨਾਂ…

ਸਤਰੰਗਾ ਹੋਇਆ 

ਮਕੜੀ ਦਾ ਮਟਮੈਲ਼ਾ ਜਾਲ਼

ਅਨੂਪ ਬਾਬਰਾ

ਪਤਝੜੀ ਚੰਨ

Brighter than ever
among the branches
autumn moon

روشن تر از همیشه
میان شاخه ها
ماه پاییزی

Samaneh Hoseini Zafarani

ਰੋਜ਼ ਤੋਂ ਚਮਕੀਲਾ

ਟਾਹਣੀਆਂ ਵਿਚਕਾਰ

ਪਤਝੜੀ ਚੰਨ

ਸਾਮਾਨੇਹ ਹੁਸੈਨੀ ਜਾਫਰਾਨੀ

ਅਨੁਵਾਦ- ਰਣਜੀਤ ਸਿੰਘ ਸਰਾ

ਪਾਟੀ ਚੁੰਨੀ

ਧੀ ਪੇਕੇ ਆਈ
ਘੁੱਟ ਸੀਨੇ ਲਾ ਮਾਂ ਨੇ
ਪਾਟੀ ਚੁੰਨੀ ਲੁਕਾਈ

ਸੰਜੇ ਸਨਨ

ਲਾਵਾਂ ਦਾ ਸੂਟ

ਵੀਹ ਸਾਲ ਪੁਰਾਣਾ
ਲਾਵਾਂ ਦਾ ਸੂਟ
ਗਿਣਦੀ ਜ਼ਰੀ ‘ਤੇ ਤਰੇੜਾਂ

ਅਨੂਪ ਬਾਬਰਾ

ਪਨੀਰ

ਬਣੇ ਪਨੀਰ

ਭਾਰੀ ਪੱਥਰਾਂ ਥੱਲੇ

ਫਟਿਆ ਦੁੱਧ

ਰਣਜੀਤ ਸਿੰਘ ਸਰਾ

 

ਪੱਤਝੜੀ ਪਰਛਾਂਵੇਂ

ਪਤਝੱੜ

ਭੂਰੇ ,ਸੁਨਹਿਰੀ ਪਰਛਾਂਵੇਂ

ਖੜ੍ਹੇ ਪਾਣੀ ਵਿਚ

ਅਰਵਿੰਦਰ ਕੌਰ

ਘੁੱਟਿਆ ਹੱਥ

ਧੜਕੇ ਦਿਲ

ਛੁਡਾਕੇ ਤੁਰਿਆ

ਘੁੱਟਿਆ ਹੱਥ

ਕੁਲਜੀਤ ਬਰਾੜ

ਕੁਦਰਤੀ ਰੰਗ

ਸੂਹੇ ਫੁੱਲ
ਕੰਡੇ ਅੰਗ ਸੰਗ
ਕੁਦਰਤੀ ਰੰਗ

ਧੀਦੋ ਗਿੱਲ

ਚਿਮਨੀ ਦੀ ਭਾਫ

ਰਲ ਮਿਲ ਉੱਡੇ
ਚਿਮਨੀਓਂ ਨਿਕਲੀ ਭਾਫ
ਸਰਦ ਹਵਾ ਸੰਗ

ਅਨੂਪ ਬਾਬਰਾ

ਮੁਰਗਾਬੀ ਦੇ ਬੱਚੇ

ਸੜਕ ਵਿਚਕਾਰ
ਮੁਰਗਾਬੀ ਤੇ ਬੱਚੇ
ਰੁਕੀਆਂ ਕਾਰਾਂ

ਅਮਰਾਓ ਗਿੱਲ

ਸੁਨਹਿਰੀ ਚੰਨ

ਅੰਬਰੀਂ ਚੰਨ

ਹੋਇਆ ਸੁਨਹਿਰੀ–

ਤਾਬ ਮਾਹੀ ਦੀ

ਅਰਵਿੰਦਰ ਕੌਰ

ਮਹਿਕਦੀ ਸਵੇਰ

ਸੂਰਜ ਦੀਆਂ ਕਿਰਨਾਂ
ਚਿੜੀਆਂ ਦੀਆਂ ਚਹਿਕਾਂ
ਮਹਿਕਦੀ ਸਵੇਰ

ਰਿਦਮ ਕੌਰ

ਸਰਦਲ ‘ਤੇ ਤੇਲ

ਧੀ ਆਈ ਪਰਦੇਸੋਂ

ਸਰਦਲ ‘ਤੇ ਲਿਸ਼ਕੇ ਤੇਲ

ਬਗੀਚੇ ਅੰਦਰ ਫੁੱਲ

ਸੁਖਵਿੰਦਰ ਵਾਲੀਆ 

ਸੁਰਮੀਤ ਮਾਵੀ ਦੇ ਦੋ ਹਾਇਕੂ

ਅੱਖ ਗਲੀ ਤੇ

ਹੱਥ ਕਾਲਜੇ 

ਟੀ ਵੀ ‘ਤੇ ਖਬਰਾਂ

————–

ਖ਼ਤ ਪੁਰਾਣੇ

ਲਕੋ ਕੇ ਰੱਖੀ ਫੋਟੋ

ਇੱਕ ਰੁਮਾਲ

ਸੁਰਮੀਤ ਮਾਵੀ

ਵਾੜੇ ‘ਚ ਵੱਛਰੂ

sits with Frisian
a newly born calf in byre
cool evening warms

ਫ੍ਰੀਜ਼ਿਅਨ ਨਾਲ ਬੈਠਾ
ਵਾੜੇ ‘ਚ ਨਵਜੰਮਿਆ ਵੱਛਰੂ
ਸ਼ੀਤ ਸ਼ਾਮ ਨਿੱਘੀ

ਰਣਜੀਤ ਸਿੰਘ ਸਰਾ

ਅਨੂਪ ਬਾਬਰਾ ਦੇ ਛੇ ਹਾਇਕੂ

ਚੋਰੀ ਅੱਖ ਨਾਲ਼ ਪਰਖੇ
ਨਵੀਂ ਗੁਆਂਢਣ ਦੇ
ਸਵੈਟਰ ਦੀ ਬੁਨਤੀ

ਖਜੂਰੀ ਗੁਤ ‘ਚ ਗੁੰਦਦੀ
ਉਹਦਾ ਦਿੱਤਾ
ਸੂਹਾ ਪਰਾਂਦਾ

ਮੋਮਬ੍ੱਤੀਆਂ ਦੀ ਭੀੜ
ਕੇਕ ਉੱਤੇ ਲੱਭ ਰਿਹਾ
ਛੁਰੀ ਚਲਾਉਣ ਦੀ ਥਾਂ

ਬੂਖਾਰ ਦਾ ਬਹਾਨਾ
ਛੁੱਟੀ ਲੈ ਕਰਦੀ
ਪਰਚੇ ਦੀ ਤੇਆਰੀ

ਨੱਕ ਚਾੜ੍ਹ ਦੌੜੀ ਨਿੱਕੀ
ਮਾਂ ਦੇ ਸਿਰੋਂ ਫਿਰ ਉੱਡੀ
ਤੇਲ ਸਰ੍ਹੋਂ ਦੀ ਬੂ

ਵਰ੍ਰਦੇ ਮੀਂਹ ‘ਚ 
ਖ਼ੁਰਦੀ ਜਾਵੇ
ਮੈਲੀ ਪੁਰਾਣੀ ਸਨੋ

ਅਨੂਪ ਬਾਬਰਾ 

ਸਿਆੜਾਂ ਦੀ ਖੁਸ਼ਬੂ

ਕੱਢੇ ਸਿਆੜ

ਚਿੜੀਆ ਗੁਟਾਰਾ ਚੁੱਗਣ

ਮਿੱਟੀ ‘ਚੋਂ ਖੁਸ਼ਬੂ

ਤੇਜੀ ਬੈਨੀਪਾਲ

 

ਰੌਲੇ ‘ਚ ਚੋਗ

ਸਕੂਲ ਦਾ ਲਾਅਨ

ਰੌਲੇ ‘ਚ ਤੇਜ਼ ਤੇਜ਼ ਚੁਗੇ

ਇੱਕ ਚੱਕੀਰਾਹਾ

ਰਣਜੀਤ ਸਿੰਘ ਸਰਾ