ਉਡੀਕਾਂ

ਫੋਟੋ: ਯੂਰੀ ਬੀ

ਅੱਖੀਆਂ ਵਿਚ ਉਡੀਕਾਂ

ਚਿਹਰੇ ਪਈਆਂ ਔਸੀਆਂ

ਰਲ਼ਗਡ ਹੋਇਆਂ ਲੀਕਾਂ

ਅਮਰਜੀਤ ਸਾਥੀ

ਖੜ ਖੜ

Haiga by Polona Oblak

ਪਟੜੀ ਥੱਲੇ-ਰਾਹ

ਰੇਲਗੱਡੀ ਦੀ ਖੜ ਖੜ

ਆਵੇ ਚਿਤਰੇ ਦਿਲ ਵੱਲ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ; ਅਮਰਜੀਤ ਸਾਥੀ

ਕਵੇਲ਼ੀ ਦਸਤਕ

ਸਰਦੀ ਰਾਤ ਹਨੇਰੀ

ਦਸਤਕ ਨਾਲੋਂ ਉੱਚੀ

ਸੁਣਦੀ ਧੜਕਣ ਮੇਰੀ

ਅਮਰਜੀਤ ਸਾਥੀ

ਬੱਦਲ਼ ਗਰਜੇ

ਬੱਦਲ਼ ਗਰਜੇ

ਚੁੰਨੀ ਬਾਲ ਲਕੋਕੇ

ਚੱਕੀ ਝੋਵੇ ਮਾਂ

ਦਰਬਾਰਾ ਸਿੰਘ

ਬਾਰਮਬਾਰ

again and again

it tries to reach the bright light

past the window pane

Christopher Byrne, 11 years, Australia.

ਕੋਸ਼ਿਸ਼ ਕਰਦਾ ਬਾਰਮਬਾਰ

ਚਮਕੀਲੀ ਰੌਸ਼ਨੀ ਤੱਕ ਪਹੁੰਚਣ ਦੀ

ਬਾਰੀ ਦੇ ਸ਼ੀਸ਼ੇ ਤੋਂ ਪਾਰ

ਕ੍ਰਿਸਟੋਫਰ ਬਰਨ, ੧੧ ਵਰਸ, ਆਸਟਰੇਲੀਆ।

ਅਨੁਵਾਦ: ਅਮਰਜੀਤ ਸਾਥੀ

ਗੁਆਚੀ ਗੁੱਡੀ

lost kite

rising in a cloudless sky

a child’s cry

Jack Barry

ਗੁਆਚੀ ਗੁੱਡੀ

ਉੜ ਰਹੀ ਬਿਨ-ਬੱਦਲ਼ ਅਸਮਾਨ

ਇਕ ਬੱਚੇ ਦੀ ਚੀਕ

ਜੈਕ ਬੈਰੀ

ਅਨੁਵਾਦ: ਅਮਰਜੀਤ ਸਾਥੀ

ਸਮਾਂ-ਸੂਚੀ

ਬੱਸ ਲੰਘਾਕੇ

ਬਾਬਾ ‘ਠਾਲ਼ੇ

ਸਮਾਂ-ਸੂਚੀ

ਅਮਰਜੀਤ ਸਾਥੀ

ਸ਼ਾਹ-ਮਾਰਗ

ਸਰਦੀ ਰੁੱਤ ਪੰਜਾਬ

ਸ਼ੇਰ ਸ਼ਾਹਾਂ ਦਾ ਰਾਹ

ਰੋਕੀਂ ਬੈਠੀ ਧੁੰਦ

ਅਮਰਜੀਤ ਸਾਥੀ

ਕੀਚਰਾਂ

bright morning

in the pieces of glass rising

thousands of suns

Alenka Zorman

ਚਮਕੀਲੀ ਪਰਭਾਤ

ਕੰਚ ਕੀਚਰਾਂ ਚੜ੍ਹ ਰਹੇ

ਸੂਰਜ ਕਈ ਹਜ਼ਾਰ

ਅਲੈਂਕਾ ਜ਼ੌਰਮੈਨ

ਅਨੁਵਾਦ: ਅਮਰਜੀਤ ਸਾਥੀ

ਮੀਜ਼ਬਾਨ

proud host

his orchard bursting

with fireflies

John Stevenson

ਮਾਣਮੱਤਾ ਮੀਜ਼ਬਾਨ

ਉਸਦੀ ਬਾਗ-ਬਗੀਚੀ

ਭਰੀ ਜੁਗਨੂੰਆਂ ਨਾਲ਼

ਜ੍ਹੌਨ ਸਟੀਵਨਸਨ

ਅਨੁਵਾਦ: ਅਮਰਜੀਤ ਸਾਥੀ

ਹੁੰਮਸ

ਫੋਟੋ ਅਤੇ ਹਾਇਗਾ: ਅਮਰਜੀਤ ਸਾਥੀ

ਮੁੱਠੀ

“grabs” and “opens”

the fist

sowing seeds

Kohjin Sakamoto

“ਭਰੇ” ਅਤੇ “ਖੁੱਲ੍ਹੇ”

ਮੁਠੀ

ਬੀਜ ਬੀਜਦੀ

ਕੋਹਜਿਨ ਸਾਕਾਮੋਟੋ

ਅਨੁਵਾਦ: ਅਮਰਜੀਤ ਸਾਥੀ

ਦੂਜੇ ਪਾਸਿਓਂ

still the same mountain

but now from the other side

as I near ninety.

Edith Shiffert

ਅਜੇ ਵੀ ਓਹੀ ਪਰਬਤ

ਪਰ ਹੁਣ ਦੁਜੇ ਪਾਸਿਓਂ

ਜਦ ਮੈ ਨੱਬਿਆਂ ਨੂੰ ਢੁੱਕ ਰਹੀ

ਈਡਿਥ ਸ਼ਿੱਫਅਰਟ

ਅਨੁਵਾਦ: ਅਮਰਜੀਤ ਸਾਥੀ

ਕਣ ਕਣ

ਗਰਮੀ ਰੁੱਤ ਢਲ਼ੀ-

ਭਰੀ ਬੁੱਕ ਚੋਂ ਕਿਰ ਕੇ

ਰੇਤੇ ਰੇਤ ਰਲ਼ੀ

ਅਮਰਜੀਤ ਸਾਥੀ

ਨਿੱਕੀ ਚਿੜੀ

A tiny sparrow

Grey ball

Hopping about the yard

Darya Osipova, 12 years, Russia.

ਨਿਕਚੂ ਚਿੜੀ

ਸਲੇਟੀ ਗੇਂਦ

ਟੱਪਦੀ ਫਿਰਦੀ ਵੇਹੜੇ

ਦਰਯਾ ਓਸੀਪੋਵਾ, ੧੨ ਵਰਸ, ਰੂਸ।

ਅਨੁਵਾਦ: ਅਮਰਜੀਤ ਸਾਥੀ

ਮਾਂ ਦਾ ਵਿਹੜਾ

ਪੱਖੀਆਂ ਦਾ ਜੋੜਾ –

ਗਰਮੀ ਦੀ ਰੁੱਤ

ਮਾਂ ਦਾ ਵਿਹੜਾ

ਬਰਜਿੰਦਰ ਢਿਲੋਂ

ਖ਼ਾਮੋਸ਼ੀ

silence-

the heart of the rose

after the wasp leaves

Elizabeth Searle Lamb

ਖ਼ਾਮੋਸ਼ੀ-

ਗੁਲਾਬ ਦਾ ਦਿਲ

ਭਰਿੰਡ ਦੇ ਜਾਣ ਪਿਛੋਂ

ਏਲਿਜ਼ਬੈੱਥ ਸੀਅਰਲੇ ਲੈਂਬ

ਅਨੁਵਾਦ: ਅਮਰਜੀਤ ਸਾਥੀ

ਆਰੀ

ਤੇਜ਼ ਆਰੀ ਦੀ ਭੁੱਖ

ਮਿੰਟਾਂ ਦੇ ਵਿਚ ਖਾ ਗਈ

ਸੌ ਵਰ੍ਹਿਆਂ ਦਾ ਰੁੱਖ

ਅਮਰਜੀਤ ਸਾਥੀ

ਗਰਮ ਮੌਸਮ

Summer all around-

floating on the waves

of the lake.

Haiku by: Basho

ਚੁਫੇਰੇ ਗਰਮ ਮੋਸਮ-

ਝੀਲ ਦੀਆਂ ਲਹਿਰਾਂ

ਉੱਤੇ ਤਰ ਰਿਹਾ।

ਹਾਇਕੂ: ਬਾਸ਼ੋ

ਅਨੁਵਾਦ: ਅਮਰਜੀਤ ਸਾਥੀ

ਕਾਲ਼ੀ ਘਟਾ

ਚੜ੍ਹਦੀ ਘਟਾ ਕਾਲ਼ੀ

ਵੇਖੇ ਵੱਲ ਅਸਮਾਨ

ਬੀਜ ਕੇਰਦਾ ਹਾਲ਼ੀ

ਅਮਰਜੀਤ ਸਾਥੀ

ਮੱਛੀ ਉੱਛਲ਼ੇ

The fish jumped up

To see the sunrise

And fell back into the sea

Nikolai Bylinushkin, 12 years, Russia.

ਮੱਛੀ ਉੱਪਰ ਉੱਛਲ਼ੀ

ਵੇਖਣ ਚੜ੍ਹਦਾ ਸੂਰਜ

ਮੁੜਕੇ ਗਿਰੀ ਸਮੁੰਦਰ

ਨਿਕੋਲਾਏ ਬਾਇਲਨੁਸ਼ਕਿਨ, ੧੨ ਵਰਸ, ਰੂਸ।

ਅਨੁਵਾਦ: ਅਮਰਜੀਤ ਸਾਥੀ

ਝੱਖੜ ਪਿਛੋਂ

Haiga by: Polona Oblak

ਤਿਤਲੀ ਝਿਜਕੇ

ਉੱਡਣ ਤੋਂ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਪੈੜ

ਝੀਲ ਕਿਨਾਰੇ ਸ਼ਾਮ

ਮੁੜਗੀ ਲਹਿਰ ਮਿਟਾਕੇ

ਸੱਜਰੇ ਪੈਰ-ਨਿਸ਼ਾਨ

ਅਮਰਜੀਤ ਸਾਥੀ

ਚੰਦਰ ਮਾਰਗ

The moon is

Painting a path

On the sea

Yusfia Anajai Jimenez, 11years, Mexico.

ਚੰਨ

ਚਿਤਰ ਰਿਹਾ ਇਕ ਰਾਹ

ਸਾਗਰ ਉੱਤੇ

ਯੂਸਫਿਆ ਅਨਾਜਯ ਜਿਮਨੇਜ਼, ੧੧ ਵਰਸ, ਮੇਕਸਿਕੋ।

ਅਨੁਵਾਦ: ਅਮਰਜੀਤ ਸਾਥੀ

ਸ਼ੁਭ ਆਰੰਭ

ਆਈ ਸ਼ੁੱਭ ਪਰਭਾਤ

ਸੂਰਜ ਚੜ੍ਹਿਆ ਰੰਗਲਾ

ਹੋਇਆ ਸਾਲ ਆਰੰਭ

ਅਮਰਜੀਤ ਸਾਥੀ

ਨੋਟ: ‘ਹਾਇਕੂਪੰਜਾਬੀ’ ਬਲਾਗ ਦਾ ਅੱਜ ਦੂਜਾ ਸਾਲ ਆਰੰਭ ਹੋ ਰਿਹਾ ਹੈ।

ਸਾਲ-ਗਿਰ੍ਹਾ

ਸਾਵਣ ਸਿੱਲ੍ਹੀ ਸ਼ਾਮ

ਕਦੇ ਕਦਾਈਂ ਕਿਣ ਮਿਣ

ਸੋਕਾ ਉਮਰ ਤਮਾਮ

ਅਮਰਜੀਤ ਸਾਥੀ

ਅੱਜ ‘ਹਾਇਕੂਪੰਜਾਬੀ’ ਦਾ ਇਕ ਸਾਲ ਪੂਰਾ ਹੋ ਰਿਹਾ ਹੈ।

ਨਿਭਗੀ

‘ਬੜੇ ਔਖੇ ਨਿਭਾਏ’

ਇਹ ਕਹਿਣ ‘ਚ ਉਸ ਨੇ

ਪੰਜਾਹ ਸਾਲ ਲਾਏ

ਅਮਰਜੀਤ ਸਾਥੀ

ਡਾਂਟ

ਮਾਂ ਨੇ ਮਾਰੀ ਹਾਕ

ਰੇਤ ਖੇਡਦਾ ਬੱਚਾ ਡਰਿਆ

ਹੁਣ ਪਉਗੀ ਡਾਂਟ

ਫੋਟੋ ਅਤੇ ਹਾਇਕੂ: ਅਮਰਜੀਤ ਸਾਥੀ

ਰਾਖੀ

ਜੁਗਨੂੰ ਚੰਨ ਸਿਤਾਰੇ

ਧਰਤੀ ਦੇ ‘ਨ੍ਹੇਰੇ ਵਿਹੜੇ

ਰਾਖੀ ਕਰਨ ਵਿਚਾਰੇ

ਦਰਬਾਰਾ ਸਿੰਘ

ਯਾਤਰੀ

ਹੱਥ ਚੰਦ ਦੀ ਦਾਤਰੀ

ਲੰਘਿਆ ਬੱਤੀ ਬਾਲ਼ਕੇ

‘ਨ੍ਹੇਰੇ ਅੰਬਰ ਯਾਤਰੀ

ਅਮਰਜੀਤ ਸਾਥੀ

ਗਾਉਂਦਾ ਫਲ਼

I can hear

The fruit singing happily

At the party

Kang Min Kyung, 10 years, Korea.

ਮੈ ਸੁਣ ਸਕਦਾ ਹਾਂ

ਖੁਸ਼ੀ ਦੇ ਨਾ਼ਲ਼ ਗਾਉਂਦੇ ਫਲ਼ ਨੂੰ

ਪਾਰਟੀ ਵਿਚ

ਕਾਂਗ ਮਿਨ ਕਯੂੰਗ, ੧੦ ਵਰਸ, ਕੋਰੀਆ।

ਅਨੁਵਾਦ: ਅਮਰਜੀਤ ਸਾਥੀ

ਤਿੰਨ ਕਾਲ

ਦੱਸੋ ਤਿੰਨੇ ਕਾਲ ?

ਭੁੱਖਾ ਅਗੋਂ ਬੋਲਿਆ

‘ਦਹੀਂ ਰੋਟੀ ਦਾਲ਼’

ਬਰਜਿੰਦਰ ਢਿਲੋਂ

ਕੰਡੇ

Surrounding

The sweet chestnuts

The prickles are guardsmen

Michio Nakaki, 9 Years, Japan

ਘੇਰੀਂ ਬੈਠੇ

ਮਿੱਠੇ ਚੈਸਟਨਟਾਂ ਨੂੰ

ਆਹ ਕੰਡੇ ਉਨ੍ਹਾਂ ਦੇ ਰਾਖੇ

ਮਿਚਿਓ ਨਕਾਕੀ, ੯ ਵਰਸ, ਜਾਪਾਨ।

ਅਨੁਵਾਦ: ਅਮਰਜੀਤ ਸਾਥੀ

ਪੀਲ਼ੇ ਪੱਤੇ

ਭਰ ਜੋਬਨ ਦੀ ਰੁੱਤ

ਪੱਤੇ ਪੀਲ਼ੇ ਪੈ ਗਏ

ਸੁੱਕ ਰਿਹਾ ਏ ਰੁੱਖ

ਅਮਰਜੀਤ ਸਾਥੀ

ਲੱਡੂ ਸ਼ਗਨਾਂ ਦੇ

ਖੁਸ਼ੀ ਨਾ ਜਾਏ ਸਮਾਈ

ਲੱਡੂ ਸ਼ਗਨਾਂ ਦੇ

ਘਰ ਘਰ ਵੰਡਕੇ ਆਈ

ਬਰਜਿੰਦਰ ਢਿਲੋਂ

ਦੂਜ ਦਾ ਚੰਨ

Haiga by Polona Oblak

ਗਰਮ ਰੁੱਤ ਦੀ ਸੰਝ

ਬੱਦਲਾਂ ਪਿੱਛੇ ਲੁਕ ਰਿਹਾ

ਦੂਜ ਦਾਤਰੀ ਚੰਦ

ਹਾਇਗਾ: ਪੌਲੋਨਾ ਓਬਲਾਕ

ਅਨੁਵਾਦ: ਅਮਰਜੀਤ ਸਾਥੀ

ਤੀਆਂ

ਲੰਘ ਚੱਲੀਆਂ ਤੀਆਂ

ਸਹੁਰੀਂ ਭੈਣਾ ਵੀਰ ਉਡੀਕਣ

ਕੰਤ ਕੁਆਰਿਆਂ ਧੀਆਂ

ਦਰਬਾਰਾ ਸਿੰਘ