ਤੰਦੂਰ – 12

ਟੈਗ

ਅਮਰਜੀਤ ਸਾਥੀ, ਤੰਦੂਰ, ਸੁਝਾਅ

ਚੂੜੇ ਵਾਲੇ ਹੱਥੀਂ
ਸ਼ੰਗਦੀ ਲਾਵੇ ਰੋਟੀਆਂ –
ਅੰਦਰ ਤਪੇ ਤੰਦੂਰ

ਅਮਰਜੀਤ ਸਾਥੀ

ਇਸ਼ਤਿਹਾਰ

ਤੰਦੂਰ-5

ਟੈਗ

ਗੁਰਮੀਤ ਸੰਧੂ, ਤੰਦੂਰ, ਸੁਝਾ

ਸਿਲ਼ੀ ਕਣਕ ਦੇ
ਢੇਰ ਕੋਲੋਂ ਲੰਘਿਆ ਆੜਤੀ-
ਠੰਢਾ ਤੰਦੂਰ

ਗੁਰਮੀਤ ਸਿੰਘ ਸੰਧੂ

ਪਿੱਪਲ – 18

ਪਿੱਪਲ ਦੀ ਛਾਂ —
ਫਿੱਕੇ ਹੋਏ ਸਟਾਪੂ ਤੇ
ਮੁੜ ਮੁੜ ਲੀਕਾਂ

ਅਰਵਿੰਦਰ ਕੌਰ

ਪਿੱਪਲ-16

ਪਿੱਪਲ ਹੇਠਾਂ
ਪੱਤਿਆਂ ਦੀ ਢੇਰੀ
ਖੇਡਦੇ ਸੀਪ

ਦਰਬਾਰਾ ਸਿੰਘ

ਪਿੱਪਲ – 15

ਪਿੱਪਲ ਦੀ ਛਾਂ –
ਪਿੰਡ ਦੇ ਬਜੁਰਗ
ਸੁਣਦੇ ਹੀਰ

ਹਰਜਿੰਦਰ ਢੀਂਡਸਾ

ਪਿੱਪਲ -14

ਸ਼ਾਮ ਦਾ ਘੁਸ੍ਮੁਸਾ
ਪਿੱਪਲ ਪੱਤੀਆਂ ‘ਚ
ਉਲਝਿਆ ਸੂਰਜ

ਗੀਤ ਅਰੋੜਾ

ਪਿੱਪਲ -13

ਤ੍ਰਿਵੈਨੀ ਪਿੱਪਲ -
ਛੜੇ ਸੱਤ ਗੇੜੇ ਕੱਢਕੇ 
ਲਪੇਟੀ ਮੌਲੀ
ਬਮਲਜੀਤ ਮਾਨ

ਪਿੱਪਲ -12

ਪਿੱਪਲ ਦੀ ਛਾਂ
ਥੱਲੇ ਆਣ ਖਲੋਤੀ-
ਏ.ਸੀ ਕਾਰ

ਗੁਰਦੀਪ ਬਿੱਲਾ

ਪੱਖੀ – 12

ਦਿਓਰ ਨੂੰ ਝੱਲਦਿਆਂ
ਛਣਕਾਵੇ ਪੱਖੀ ਦੇ ਘੁੰਗਰੂ —
ਤਪਦਾ ਜੇਠ

ਗੁਰਮੁਖ ਭੰਦੋਹਲ ਰਾਈਏਵਾਲ

ਪਿੱਪਲ-11

ਗਰਮੀਆਂ ਦੀ ਦੁਪਹਿਰ ~
ਪਿੱਪਲ ਦੀਆ ਟਾਹਣੀਆ ਨਾਲ ਲਮਕਣ
ਪੀਲ ਪਲਾਗੜੀ

ਰਘਬੀਰ ਦੇਵਗਨ

ਪਿੱਪਲ-10

ਸੱਜ ਵਿਆਹੀ ਪਲੰਘੇ
ਸੱਗੀ ਫੁੱਲ ਪਿੱਪਲ ਪਤੀਆਂ
ਝਾਕਣ ਨਿੱਕੀਆਂ

ਰਾਜਵੰਤ ਬਾਜਵਾ

ਪਿੱਪਲ-9

ਬਹਾਰ ਆਗਮਨ
ਕਰੁੰਬਲੋਂ ਪਹਿਲਾਂ ਪਿੱਪਲ ਤੇ
ਤਿਲੀਅਰ ਪਾ ਗਏ ਫੇਰਾ

ਦਰਬਾਰਾ ਸਿੰਘ

ਪਿੱਪਲ-8

ਧੀਆਂ ਦੀ ਮਾਂ
ਜਗਾਇਆ ਜੜ ‘ਚ ਦੀਵਾ
ਤ੍ਰਿਵੈਣੀ ਦਾ ਪਿੱਪਲ਼

ਦਰਬਾਰਾ ਸਿੰਘ

ਪਿੱਪਲ-7

ਪਿੱਪਲ ਛਾਵੇਂ
ਤਪਦੀ ਦੁਪਿਹਰ
ਪਿੰਡ ਦਾ ਚੌਣਾ

ਹਰਜਿੰਦਰ ਢੀਂਡਸਾ

ਪਿੱਪਲ-6

ਢਲਿਆ ਦਿਨ
ਕੰਜ-ਕੁਆਰੀ ਬਾਲਿਆ
ਪਿੱਪਲ ਹੇਠ ਦੀਵਾ

ਅਰੋੜਾ ਗੀਤਪਲ

 

ਪਿੱਪਲ-5

ਚੜਦੇ ਵਲ ਮੂੰਹ
ਪਿੱਪਲ਼ ਪੱਤੇ ਨੇਤੀ ਗੜਬੀ ਦੇ ਵਿਚ
ਸੱਸ ਮਿਣਸਦੀ ਨੂੰਹ
(ਮਿਣਸਣਾ=ਨਵੀਂ ਵਿਅ੍ਹਾਓਲੀ ਦੇ ਦੇਹਲ਼ੀ ਪੈਰ ਪਾਓਣ ਸਮੇ ਕੀਤੀ ਜਾਂਦੀ ਰਸਮ)

ਦਰਬਾਰਾ ਸਿੰਘ

ਪਿੱਪਲ-4

ਪਿੱਪਲ ਦੀ ਛਾਂ ~
ਤ੍ਰਿੰਝਣ ‘ਚ ਬੈਠੀਆ ਮੁਟਿਆਰਾਂ
ਕੱਢਣ ਪੱਖੀ ‘ਤੇ ਕਲੀਏ

ਰਘਬੀਰ ਦੇਵਗਨ

ਪਿੱਪਲ-3

ਨਰਾਤੇ ਸ਼ੁਰੂ
ਨਵ ਵਿਆਹਿਆ ਜੋੜਾ
ਪੂਜੇ ਪਿੱਪਲ

ਹਰਜਿੰਦਰ ਢੀਂਡਸਾ

ਪਿੱਪਲ-2

ਉੱਡੀਆਂ ਚਿੜੀਆਂ
ਤੀਆਂ ਤੋਂ ਬਾਅਦ
ਸੁੰਨੇ ਪਿੱਪਲ

ਜਗਤਾਰ ਲਾਡੀ

ਪਿੱਪਲ

ਪਿੱਪਲ ਤੇ ਪੀਂਘ
ਹੁਲਾਰੇ ਨਾਲ ਹਿੱਲਦੇ ਪੱਤੇ
ਕੰਨੀ ਪਿੱਪਲ ਪੱਤੀਆਂ

ਦਰਬਾਰਾ ਸਿੰਘ

Like · Comment

ਪੱਖੀ-11

ਪਖੀ ਮਖਮਲ ਦੀ
ਅੰਮੀ ਦੀ ਯਾਦ ਸਤਾਏ
ਦਸੂਤੀ ਤਰੋਪਾ

ਰਜਵੰਤ ਬਾਜਵਾ

ਪੱਖੀ-10

ਸਭਿਆਚਾਰ ਮੇਲਾ
ਫੁੱਲਾਂ ਵਾਲੀ ਪੱਖੀ ਦੁਆਲੇ
ਭਿਣਕੇ ਮੰਡੀਰ

ਦਰਬਾਰਾ ਸਿੰਘ ਖਰੌਢ

ਪੱਖੀ-9

ਪੱਖੀ ਦੀ ਝੱਲ
ਸੜਕ ਕਿਨਾਰੇ ਭੁੰਨੇ ਛੱਲੀ
ਛੱਲੀ ਵਰਗੀ

ਜਗਤਾਰ ਲਾਡੀ

ਪੱਖੀ-8

ਟੈਗ

ਲੇਖਕ

ਖੇਤਾਂ ਦਾ ਗੇੜਾ–
ਨੀਲੀਆਂ ਅੱਖਾਂ ਵਾਲੀ ਗੋਰੀ ਨੂੰ
ਜੱਟ ਝੱਲੇ ਪੱਖੀ

ਅਰਵਿੰਦਰ ਕੌਰ

ਪੱਖੀ-7

ਜੇਠ ਰੰਗੀਲਾ –
ਪੱਖੀ ਝੱਲਦੀ ਤੋਂ
ਲੱਗਗੀ ਅੱਖ

ਬਮਲਜੀਤ ਮਾਨ

ਪੱਖੀ-6

ਗਰਮੀ ਦਾ ਜੋਰ
ਬੱਸ ‘ ਚ ਵਿਕਣੀ ਆਈ
ਜਾਪਾਨੀ ਪਖੀ

ਅਰੋੜਾ ਗੀਤ

ਪੱਖੀ-5

ਮਾਂ ਦੀ ਯਾਦ
ਝਾਲਰ ਵਾਲੀ ਪੱਖੀ
‘ਤੇ ਸੰਦੂਕ

ਲਖਵਿੰਦਰ ਸ਼ਰੀਂਹਵਾਲਾ

ਪੱਖੀ-4

ਦਾਜ ਦੀ ਲੜਾਈ~
ਸੱਸ ਮਾਰਿਆ ਤਾਅਨਾ
ਪੱਖੀ ਵੀ ਨੀ ਲਿਆਈ

ਰਘਬੀਰ ਦੇਵਗਨ

ਪੱਖੀ-3

ਤੰਦੂਰ ਦਾ ਤਾਅ —
ਮੁੜਕੋ ਮੁੜਕੀ ਹੋਈ ਨੂੰ
ਮਾਹੀ ਝੱਲੇ ਪੱਖੀ

ਅਰਵਿੰਦਰ ਕੌਰ

ਪੱਖੀ-2

ਮਲਮਲ ਦੀ ਪੱਖੀ –
ਊਂਘਦੀ ਬਾਲੜੀ ਨੂੰ
ਸੁਣਾਵੇ ਲੋਰੀ

ਜਗਦੀਸ਼ ਕੌਰ

ਪੱਖੀ

ਹੁਨਾਲ ਦੀ ਆਮਦ –
ਬੇਬੇ ਦੀ ਪੱਖੀ ਨੂੰ
ਗੁਲਾਨਾਰੀ ਝਾਲਰ

ਅਰਵਿੰਦਰ ਕੌਰ

 

ਹਾਸਾ

ਖੁਸ਼ਕ ਰਾਤ –
ਸੁੰਨੇ ਕਮਰੇ ਚ’ ਗੂੰਜਿਆ
ਚਿਰਾ ਪਿਛੋ ਹਾਸਾ

Davinder Kaur

Haibun :Time Passages

Angelee Deodhar

 

While packing books to send to friends in different countries, today I am back in that time when he would help seal them with cello tape, label them and then make a list of all the people they were being sent to. He didn’t complain about this tedious task even when he had to sit with one leg straight out ,stiff from surgery, which left him unable to bend his knee…he enjoyed the geography of where the books were going…and loved to collect the stamps which came with gift books from different parts of the world. 

Soon it will be two years since he passed away and now these brown paper packets which I pack clumsily with stiff fingers, carry away more than books…             

                           Jacaranda-

                                            the jazz of an

 –                                                                 April sky 

 Haibun: guzarda waqt

Ajj ikk vaar pher main dostan mitran nu kitaban bhej rahi han te mere man vich us din di yaad taza ho rahi hai jadon oh eh kaam bade pyar te lagan naal karde hunde si. Har packet nu cello tape naal band karna, lifafe te sirnaaven likhne te pher sabh di ik list bna ke rakhni.Eh sab kujh kardian ohna ne kade vi bearaami da gila nahin keeta bhaven ohna nu ikk lat sidhi rakh ke behna painda si kyonki operation ton baad hun ohna ton goda modiya nahi si janda.Oh eh soch ke bade khush ho jande ke kitaban door durede deshan vich ja rahian san te jadon ehna deshan ton taufe de taur te kitaban aundian tan oh daak tiktan sambh ke rakh lainde. 

Ohna da inteqaal hoye do saal hon vale ne te eh bhoore rang de lifafe jihna nu main kambdian unglan naal band kardi haan,kitaban naal mere andron vi bahut kujh lai jande ne 

neeli gulmohar

kinna sajia dise

vaisakh da asmaan

(Punjabi Translation by Arvinder Kaur)

  

ਹਾਇਬਨ: ਗੁਜਰਦਾ ਵਕਤ

ਅੱਜ ਇਕ ਵਾਰ ਫੇਰ ਮੈਂ ਦੋਸਤਾਂ ਮਿੱਤਰਾਂ ਨੂੰ ਕਿਤਾਬਾਂ ਭੇਜ ਰਹੀ ਹਾਂ ਤੇ ਮੇਰੇ ਮਨ ਵਿਚ ਉਸ ਦਿਨ ਦੀ ਯਾਦ ਤਾਜ਼ਾ ਹੋ ਰਹੀ ਹੈ ਜਦੋਂ ਉਹ ਇਹ ਕੰਮ ਬੜੇ ਪਿਆਰ ਤੇ ਲਗਨ ਨਾਲ਼ ਕਰਦੇ ਹੁੰਦੇ ਸੀ। ਹਰ ਪੈਕਟ ਨੂੰ ਸੈਲੋ ਟੇਪ ਨਾਲ਼ ਬੰਦ ਕਰਨਾ, ਲਫ਼ਾਫ਼ਿਆਂ ਤੇ ਸਰਨਾਵੇਂ ਲਿਖਣੇ ਤੇ ਫੇਰ ਸਭ ਦੀ ਇਕ ਲਿਸਟ ਬਣਾ ਕੇ ਰੱਖਣੀ। ਇਹ ਸਭ ਕੁਝ ਕਰਦਿਆਂ ਓਹਨਾ ਨੇ ਕਦੇ ਵੀ ਬੇਆਰਾਮੀ ਦਾ ਗਿਲਾ ਨਹੀਂ ਕੀਤਾ ਭਾਵੇਂ ਓਹਨਾ ਨੂੰ ਇਕ ਲੱਤ ਸਿੱਧੀ ਰੱਖਕੇ ਬਹਿਣਾ ਪੈਂਦਾ ਸੀ ਕਿਉਂਕਿ ਓਪਰੇਸ਼ਨ ਤੋਂ ਬਾਅਦ ਹੁਣ ਓਹਨਾ ਤੋਂ ਗੋਡਾ ਮੋੜਿਆ ਨਹੀਂ ਸੀ ਜਾਂਦਾ। ਉਹ ਇਹ ਸੋਚ ਕੇ ਬੜੇ ਖੁਸ਼ ਹੋ ਜਾਂਦੇ ਕਿ ਕਿਤਾਬਾਂ ਦੂਰ ਦੁਰੇਡੇ ਦੇਸ਼ਾਂ ਵਿਚ ਜਾ ਰਹੀਆਂ ਸਨ ਤੇ ਜਦੋਂ ਇਨ੍ਹਾਂ ਦੇਸ਼ਾਂ ਤੋਂ ਤੋਹਫੇ ਦੇ ਤੌਰ ਤੇ ਕਿਤਾਬਾਂ ਆਉਂਦੀਆਂ ਤਾਂ ਉਹ ਡਾਕ ਟਿਕਟਾਂ ਸਾਂਭ ਕੇ ਰੱਖ ਲੈਂਦੇ।

ਓਹਨਾਂ ਦਾ ਇੰਤਕਾਲ ਹੋਏ ਦੋ ਸਾਲ ਹੋਣ ਵਾਲੇ ਨੇ ਤੇ ਇਹ ਭੂਰੇ ਰੰਗ ਦੇ ਲਿਫਾਫੇ ਜਿਨ੍ਹਾਂ ਨੂੰ ਮੈਂ ਕੰਬਦੀਆਂ ਉਂਗਲਾਂ ਨਾਲ਼ ਬੰਦ ਕਰਦੀ ਹਾਂ, ਕਿਤਾਬਾਂ ਨਾਲ਼ ਮੇਰੇ ਅੰਦਰੋਂ ਵੀ ਬਹੁਤ ਕੁਝ ਲੈ ਜਾਂਦੇ ਨੇ…  

ਨੀਲੀ ਗੁਲਮੋਹਰ

ਕਿੰਨਾ ਸਜਿਆ ਦਿਸੇ

ਵੈਸਾਖ ਦਾ ਅਸਮਾਨ
(ਗੁਰਮੁਖੀ ਰੂਪਾਂਤਰ ਅਮਰਜੀਤ ਸਾਥੀ)

ਨਿੱਮ

ਪਤਝੜ ਦਾ ਆਗਾਜ਼ –
ਵਿਹੜਿਓਂ ਨਿੱਮ ਵੱਢਕੇ ਨਾਹਵੇ
ਡਿਟੋਲ ਸਾਬਣ ਨਾਲ

ਗੁਰਵਿੰਦਰ ਸਿੰਘ ਸਿੱਧੂ

ਕਿਣ ਮਿਣ

ਭਾਦੋਂ ਦੀ ਕਿਣ-ਮਿਣ –
ਵਿਧਵਾ ਦੇ ਹਟਕੋਰਿਆਂ ‘ਚ 
ਵਰਖਾ ਦੀ ਰੁਣ-ਝੁਣ 

ਸੰਜੇ ਸਨਨ

ਜਨਮ ਦਿਨ

ਬਹੱਤਰਵਾਂ ਮਨਾਇਆ
ਰਹਿੰਦੇ ਜਨਮ ਦਿਨਾਂ ਦਾ ਗਣਿਤ
ਅਜੇ ਸਮਝ ਨਾ ਆਇਆ

ਦਰਬਾਰਾ ਸਿੰਘ

ਚਿੜੀ

ਅਚਨਚੇਤ ਹਨੇਰੀ —
ਡਿਗੇ ਬਿਰਖ ਤੇ ਗਾ ਰਹੀ 
ਕੱਲੀ ਕਾਰੀ ਚਿੜੀ 

sudden storm–
a lone bird chirps
on the fallen tree

ਅਰਵਿੰਦਰ ਕੌਰ

ਹਨੇਰੀ

ਚੱਲੇ ਤੇਜ ਹਨੇਰੀ –
ਖੇਤਾਂ ਵਿਚ ਲਹਿਰਾਉਂਦੀ ਫਸਲ 
ਹੋਈ ਪਲ ਵਿਚ ਢੇਰੀ

ਲਵਤਾਰ ਸਿੰਘ

ਡੋਲੀ

ਚੜ੍ਹਿਆ ਅੱਸੂ
ਧੀ ਦੀ ਡੋਲੀ ਤੋਰਨੀ
ਕੋਲ ਨਾ ਧੇਲਾ

ਪ੍ਰਭਜੋਤ ਕੌਰ

spring fields – every thing is busy with living

Valeria Simonova-Cecon

ਬਸੰਤ ਚੁਫੇਰੇ –
ਹਰ ਸ਼ੈ ਰੁੱਝੀ
ਜੀਵਨ ਆਹਰੇ

ਵਲੇਰੀਆ ਸਿਮੋਨੋਵਾ-ਚੈਕਨ

ਅਨੁਵਾਦ: ਅਮਰਜੀਤ ਸਾਥੀ

ਤੀਆਂ

ਸਾਵਣ ਦੇ ਮਹੀਨੇ , ਤੀਆਂ ਦੇ ਤਿਓਹਾਰ ਨੂੰ ਵਿਆਹੀਆਂ ਵਰੀਆਂ ਕੁੜੀਆਂ , ਆਪਣੇ ਆਪਣੇ ਪੇਕੇ ਘਰ , ਫੇਰਾ ਮਾਰਣ ਜਾਂਦੀਆਂ ! ਇੱਕ ਪਾਸੇ ਤਾਂ ਮਾਂ ਆਪਣੀ ਧੀ ਨੂੰ ਵੀ ਉਡੀਕਦੀ ਹੈ ਕਿ , ਕਦੋਂ ਉਹ ਆਪਣੇ ਸਹੁਰਿਆਂ ਤੋਂ ਵਾਪਸ ਆਵੇਗੀ , ਦੂਜੇ ਪਾਸੇ ਉਹ ਆਪ ਵੀ ਇਸ ਤਿਓਹਾਰ ਉੱਤੇ ਆਪਣੇ ਪੇਕੇ ਘਰ ਨੂੰ ਯਾਦ ਕਰਦੀ ਹੈ , ਕਿ ਓਹ ਆਪਣੀਆਂ ਜੁੰਮੇਵਾਰੀਆਂ ਦੇ ਹੇਠਾਂ ਆਪਣੇ ਮਾਇਕੇ ਜਾ ਨਹੀਂ ਸਕਦੀ , ਇਸ ਦੁਵੱਲੀ ਪੀੜ ਵਿੱਚ ਮਾਂ ਆਪਣਾ ਇਹ ਦਰਦ , ਕਦੇ ਤਾਂ ਬੂਹੇ ਦੇ ਉਹਲਿਓਂ ਧੀ ਦਾ ਰਾਹ ਤੱਕਦੀ ਹੈ , ਅਤੇ ਕਦੇ ਆਪਣੇ ਪੇਕਿਆਂ ਦੇ ਰਾਹ ਨੂੰ ਵੀ ਨਿਹਾਰਦੀ ਹੋਈ , ਬੱਸ , ਆਪਣੇ ਹੰਝੂਆਂ ਨੂੰ ਹੀ ਗਲੇ ਲਾਉਂਦੀ ਆਪਣੇ ਪੱਲੂ ਨਾਲ ਪੂੰਝ ਲੈਂਦੀ ਹੈ !

ਤੀਆਂ ਦੀ ਝੜੀ 
ਅੱਖਾਂ ਪੂੰਝੇ ਮਾਂ 
ਬੂਹੇ ਪਿੱਛੇ ਖੜ੍ਹੀ

ਜਸਮੇਰ ਸਿੰਘ ਲਾਲ 

ਨੀ ਕੁੜੀਓ,,,ਨੀ ਅੜੀਓ…..ਨੀ ਧੀਓ ….ਆਪਾਂ ਫੇਸ ਬੁੱਕ ਉੱਤੇ ਜੁੜੇ ਰਿਸ਼ਤੇ ਵੀ , ਕਦੀ ਇੱਕ ਦੂਜੇ ਨੂੰ ਮਿਲ ਪਾਵਾਂਗੇ ਕਿ ਨਾ …ਅੱਜ ਮੇਰੀਆਂ ਅੱਖਾਂ ਵੀ ਸੱਜਲ ਹਨ ! ਤੁਹਾਨੂੰ ਰੱਬ ਦੀਆਂ ਰੱਖਾਂ ! ਇਸ ਦੁਨੀਆਂ ਦੀ ਭੀੜ ਵਿੱਚ , ਤੁਸੀਂ ਜਿੱਥੇ ਜੱਥੇ ਵੀ ਹੋ , ਆਪਣੇ ਰਿਸ਼ਤਿਆਂ ਨੂੰ ਜਾਣੋ , ਉਨ੍ਹਾਂ ਨੂੰ ਪਹਿਚਾਣੋ, ਮਿਲੋ ਵਰਤੋ , ਸੁਖੀ , ਖੁਸ਼ਹਾਲ , ਤੰਦਰੁਸਤ ਅਤੇ ਲੰਮੀਆਂ ਉਮਰਾਂ ਮਾਣੋ !

ਚਿੜੀ

ਚੂਕੀ ਚਿੱੜੀ ~
ਹਾਲ਼ੀਆਂ ਹੱਥ ਹਰਨਾਲੀਆਂ
ਮੁਟਿਆਰਾਂ ਹੱਥ ਮਧਾਣੀਆਂ

ਦਵਿੰਦਰ ਕੌਰ

ਪਕੌੜੇ

ਭਾਰਤੀ ਵਿਦਿਆਰਥੀਆਂ ਤੇ ਵੀਜ਼ਾ ਸ਼ਰਤਾਂ ਦੀ ਸਖ਼ਤਾਈ ਕਰਕੇ ਅਜਕਲ ਇੰਗਲੈਂਡ ਦੀਆਂ ਯੂਨੀਵਰਸਿਟੀਆਂ ਚ ਉਨ੍ਹਾਂ ਦੇ ਗਿਣਤੀ ਘਟ ਰਹੀ ਹੈ ਪਰ ਕਿਸੇ ਕਾਰਣ ਕਰਕੇ ਚੀਨੀ ਵਿਦਿਆਰਥੀਆਂ ਦੀ ਗਿਣਤੀ ਵਧ ਰਹੀ ਹੈ ।ਮੇਰੀ ਧੀ ਦੇ ਹੋਸਟਲ ਦੇ ਫਲੈਟ ਦੀਆਂ ਸਾਥਣਾਂ ਪਹਿਲੇ ਦੋ ਸਾਲ ਭਾਰਤੀ ਸਨ , ਪਰ ਅਖੀਰਲਾ ਸਾਲ ਚੀਨਣਾ ਨਾਲ ਬਿਤਾਇਆ ।
ਸਾਂਝੀ ਰਸੋਈ ਚ ਜਿਥੇ ਪਹਿਲਾਂ ਕਰੀ ਦੀ ਵਾਸ਼ਨਾ ਆਉਂਦੀ ਸੀ, ਉਥੇ ਅਖੀਰਲੇ ਸਾਲ, ਚੀਨੀ ਖਾਣੇ ਦੀ ਮਹਿਕ ਦਰਵਾਜ਼ੇ ਵੜਦਿਆਂ ਮੂੰਹ ਚ ਪਾਣੀ ਲਿਆ ਦਿੰਦੀ …
ਕਰੀ ਤੇ ਭਾਰੂ 
ਚੀਨੀ ਪਕੋੜੀਆਂ ਦੀ ਮਹਿਕ . . .
ਕਾਲਜ ਦਾ ਭੋਜਨ
ਦੀਪੀ ਸੈਰ

ਤੋਤਾ

ਘਨਘੋਰ ਘਟਾਵਾਂ –
ਅਧਪੱਕੇ ਜਾਮਨੂ ਟੁੱਕੇ 
ਗਾਨੀ ਵਾਲਾ ਤੋਤਾ

ਗੀਤ ਅਰੋੜਾ

ਗਲਵੱਕੜੀ

ਸਾਉਣ ਮਹੀਨਾ –
ਬਿਜਲੀ ਦੀ ਆਵਾਜ਼ ਨਾਲ
ਹੋਰ ਕਸੀ ਗਲ਼ਵੱਕੜੀ

ਮੁਖਵੀਰ ਸਿੰਘ

ਇੱਸਾ ਦੀ ਯਾਦ

ਟਿਪ ਟਿਪ ਬਾਰਿਸ਼
ਮੇਰੇ ਚਾਹ ਦੇ ਕੱਪ ‘ਚ
ਉਠੀ ਲਹਿਰ
ਚੇਤਿਆਂ ‘ਚ ਮੁਸਕਰਾਇਆ
ਕੋਬਾਯਾਸ਼ੀ ਇੱਸਾ

ਹਰਲੀਨ ਸੋਨਾ

ਸਤਰੰਗੀ ਪੀਂਘ

ਸਾਵਨ ਦੀ ਸ਼ਾਮ –
ਬੱਚੀ ਮਿਣੇ ਸਤਰੰਗੀ ਪੀਂਘ
ਨਿੱਕੀਆਂ ਬਾਹਾਂ ਖਿਲਾਰ

ਪ੍ਰੇਮ ਮੈਨਨ

ਰਿਸ਼ਤਾ

ਤੇਰਾ ਮੇਰਾ ਰਿਸ਼ਤਾ —
ਠੰਡੀ ਠੰਡੀ ‘ਵਾ ‘ਚ 
ਸੁਬਕ ਸਾਹ

ਸ਼ਿੰਦਰ ਸ਼ਿੰਦ

ਦੀਵਾ

ਤਨਦੀਪ ਤਮੰਨਾ ਦਾ ਕਵਿਤਾ ਸੰਗ੍ਰਿਹ ‘ਇੱਕ ਦੀਵਾ ਇੱਕ ਦਰਿਆ ‘ ਪੜ੍ਹ ਕੇ ਹਟਿਆ ਹਾਂ ..ਕਿਤਾਬ ਬੇਹੱਦ ਚੰਗੀ ਲੱਗੀ ..ਉੱਤਮ ਸ਼ਾਇਰੀ ਪੜ੍ਹਨ ਨੂੰ ਮਿਲੀ ਤਾਂ ਰੂਹ ਤ੍ਰਿਪਤ ਹੋ ਗਈ ..ਕਿਤਾਬ ਪੜ੍ਹਨ ਲਈ ਇੱਕ ਹਫਤੇ ਦਾ ਸਮਾਂ ਲੱਗਿਆ .. ਇਸ ਇੱਕ ਹਫਤੇ ਦੌਰਾਨ ਇੰਝ ਲੱਗਿਆ ਜਿਵੇਂ ਕੋਈ ਅਦੁੱਤੀ ਸ਼ਕਤੀ ਮੈਨੂੰ ਕੁਦਰਤ ਦੇ ਹਰ ਅਚੰਭੇ ਤੋਂ ਜਾਣੂ ਕਰਵਾ ਰਹੀ ਹੋਵੇ ..ਇਸ ਸਮੇਂ ਦੌਰਾਨ ਮੈਂ ਮਨੁੱਖੀ ਜਿੰਦਗੀ ਦੀ ਆਤਮਿਕ ਪੀੜ ਅਤੇ ਸੁਹਜ ਸੁਆਦਾਂ ਨੂੰ ਮਾਣਦਾ ਹੋਇਆ ਚੰਨ ,ਤਾਰੇ, ਸੂਰਜ,ਨਦੀਆਂ ,ਜੰਗਲਾਂ ,ਸਮੁੰਦਰ ,ਝਰਨੇ ,ਕਾਲੇ ਬੱਦਲਾਂ ਆਦਿ ਦੀ ਸੁਭਾਵਕ ਹੀ ਸੈਰ ਕਰਦਾ ਰਿਹਾ ਹਾਂ ..ਇਹੀ ਨਹੀਂ ,ਇੰਝ ਲੱਗਦਾ ਹੈ ਜਿਵੇਂ ਮੈਂ ਅਗਲੇ ਪਿਛਲੇ ਜਨਮਾਂ ਦੀ ਵੀ ਸੈਰ ਕਰ ਲਈ ਹੋਵੇ …

ਆਜੜੀ ਕੁੜੀ ਨੇ

ਧੋਤਾ ਵਗਦੀ ਨਦੀ ‘ਚ ਮੂੰਹ-

ਖਿੜਿਆ ਗੁਲਾਬ

ਹਰਵਿੰਦਰ ਧਾਲੀਵਾਲ

ਪੀਂਘ

ਸਾਓੁਣ ਮਹਿਨਾ –
ਪੀਂਘ ਦੀ ਪਹਿਲੀ ਚੜ੍ਹਾਣ ਨਾਲ
ਪਿੱਪਲ ਤੋਂ ਵਰ੍ਹੀਆ ਕਣੀਆਂ…

ਜ਼ਿੱਮੀ ਭੁੱਲਰ

ਬੁਢਾਪਾ

ਨਵਾਰੀ ਪਲੰਘ 
ਇਕ ਪਾਸੇ ਮੈਂ
ਇਕ ਪਾਸੇ ਉਹ
ਨਾ ਜਾਣੇ ਕਦੋਂ ਵਿਚਕਾਰ
ਆ ਸੁੱਤਾ ਬੁਢਾਪਾ

ਅਮਰਜੀਤ ਸਾਥੀ

ਗੀਝਾ

ਸ਼ਾਮ ਦਾ ਘੁਸ੍ਮੁਸਾ 
ਟਾਕੀਆਂ ਵਾਲੇ ਗੀਝੇ ਚੋਂ ਲਟਕਣ 
ਚੋਰੀ ਦੇ ਕਰੇਲੇ

ਗੀਤ ਅਰੋੜਾ

ਬੱਦਲ਼

ਸਾਉਣ ਮਹੀਨਾ –
ਚਿੱਟੇ ਵਰ੍ਹਕੇ ਲੰਘੇ
ਪਿੱਛੇ ਰਹਿਗੇ ਕਾਲੇ

ਬਲਜਿੰਦਰ ਜੌੜਕੀਆਂ

 

ਚੜ੍ਹਦਾ ਸੂਰਜ

ਚੜ੍ਹਦਾ ਸੂਰਜ 
ਚਿਤਰਦਿਆਂ
ਢਲ ਗਿਆ ਸੂਰਜ

ਗੁਰ ਪ੍ਰੀਤ

ਗਗਨਦੀਪ ਸਿੰਘ ਦੇ 5 ਹਾਇਕੂ

ਮਾਂ ਲਿਪੇ ਮਿਟੀ
ਬੱਚਾ ਚੁੰਘੇ ਗੂਠਾ
ਓਟੇ ਓਹਲੇ

ਹੋਲੀ ਦੀ ਦੁਪਹਿਰ
ਪਿਚਕਾਰੀ ਨਾਲ ਭਿਜੀ
ਵਿਧਵਾ ਦੀ ਚੁੰਨੀ

ਗਿਲੇ ਖਾਲ਼ ‘ਚ
ਸੱਪ ਦੀ ਕੰਜ
ਪੈਰ ਤਰਭਕੇ ਰੁਕੇ

ਬਿਜਲੀ ਗੜਕੇ
ਮਾਂ ਨੇ ਲਕੋਈ
ਕਾਂਸੀ ਦੀ ਥਾਲੀ

ਬੱਦਲ ਲਸ਼ਕੇ
ਦੂਰ ਦੂਰ ਸੁੱਤੇ
ਮਾਮਾ ਤੇ ਭਾਣਜਾ

ਗਗਨਦੀਪ ਸਿੰਘ

ਘੁਰਾੜੇ

ਤੂਫਾਨੀ ਰਾਤ-

ਘੁਰਾੜਿਆਂ ਚ ਰਲਗੱਡ

ਵਾਛੜ ਦਾ ਸ਼ੋਰ

ਹਰਕੀ ਜਗਦੀਪ ਵਿਰਕ

ਮੀਂਹ

ਇਸ ਨੂੰ ਦੋਹਾਂ ਤਰੀਕਿਆਂ ਨਾ਼ ਲਿਖਿਆ ਜਾ ਸਕਦਾ ਹੈ:

ਤੁਪਕਾ – ਤੁਪਕਾ 

ਸਹਿਜੇ ਹੀ ਦਰਿਆ ਚ ਰਲਿਆ

ਮੀਂਹ ਦਾ ਸ਼ੋਰ

ਜਾਂ
ਮੀਂਹ ਦਾ ਸ਼ੋਰ 

ਸਹਿਜੇ ਹੀ ਦਰਿਆ ਚ ਰਲਿਆ 

ਤੁਪਕਾ – ਤੁਪਕਾ

ਹਰਲੀਨ ਸੋਨਾ

 

ਕਲਿਕ

ਰੌਸ਼ਨੀ ਨੇ ਧੋਤਾ
ਕਾਰਨਸ ‘ਤੇ ਬੁੱਧ
ਬਸ ਇੱਕ ਕਲਿਕ …

ਜਗਦੀਸ਼ ਕੌਰ

ਮੱਛੀ

ਸ਼ੂਕਦਾ ਦਰਿਆ-
ਚੁੱਪਚਾਪ ਅਲੋਪ ਹੋਈ
ਇਕ ਮੱਛਲੀ

ਹਰਲੀਨ ਸੋਨਾ

ਜੋੜਾ

ਲੜਦੇ ਉਠੇ ਪ੍ਰੇਮੀ 
ਬੈਂਚ ਆ ਬੈਠਾ ਕਲੋਲਾਂ ਕਰਦਾ 
ਪੰਛੀ ਜੋੜਾ

ਸੁਰਜੀਤ ਸਿੰਘ ਪਾਹਵਾ