ਨਵਾਂ ਸਾਲ

ਹਰ ਪਰਭਾਤ ਮੁਬਾਰਕ

ਹਰ ਦਿਨ ਸ਼ੁਰੂ ਹੁੰਦਾ

ਇਕ ਨਵਾਂ ਸਾਲ

ਅਮਰਜੀਤ ਸਾਥੀ

ਇਸ਼ਤਿਹਾਰ

ਬੰਬ

ਕੁੱਤਾ ਸੁੰਘ ਨਾਂ ਸਕਿਆ

ਬੰਦੇ ਦੇ ਜਿਹਨ ‘ਚ

ਲੁਕੋਇਆ ਬੰਬ

ਗੁਰਮੀਤ ਸੰਧੂ

H1 N1

ਮਿੱਤਰ ਮਿਲਾਉਂਦੇ

ਹੱਥ ਧੋ ਧੋ ਕੇ

ਗੁਰਿੰਦਰਜੀਤ ਸਿੰਘ

ਦੋ ਜ਼ਾਵੀਏ

ਰੁੱਖ  ਇੱਕ

ਕਵੀ ਤੇ ਵਪਾਰੀ

ਦੋ ਜ਼ਾਵੀਏ

ਜਸਵਿੰਦਰ ਸਿੰਘ

ਨਾਲ਼ ਨਾਲ਼

side by side

on the prayer step

a lama’s shoes & mine

John Brandi

ਪੂਜਾ-ਘਰ ਦੇ ਦੁਆਰ

ਨਾਲ਼ ਨਾਲ਼ ਪਏ

ਲਾਮੇ ਦੇ ਤੇ ਮੇਰੇ ਜੁੱਤੇ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਵਾਰਤਾ

watching on TV

a century long narrative

summed up in minutes

ਟੀ ਵੀ ਉੱਤੇ ਵੇਖਾਂ

ਸਦੀਆਂ ਲੰਮੀ ਵਾਰਤਾ

ਮਿੰਟਾਂ ਵਿਚ ਸਮੇਟੀ

ਤਿਸਜੋਤ

ਮਨ-੨

ਪਿੰਡ ਵਿਚ ਰੌਲ਼ਾ ਸਾਰੇ

ਅਪਣੇ ਮਨ ਨੂੰ ਹੌਲ਼ਾ ਕਰਦਾ

ਮਾਰ ਮਾਰ ਲਲਕਾਰੇ

ਦਰਬਾਰਾ ਸਿੰਘ

ਨੋਟ: ਇਹ ਹਾਇਕੂ ਦਰਬਾਰਾ ਸਿੰਘ ਨੇ ਗੁਰਿੰਦਰਜੀਤ ਸਿੰਘ ਹੋਰਾਂ ਦੇ ਹਾਇਕੂ ਮਨ (੨੪ ਦਸੰਬਰ ੨੦੦੯) ‘ਤੇ ਟਿੱਪਣੀ ਦੇ ਰੂਪ ਵਿਚ ਲਿਖੀ ਸੀ ਪਰ ਇਸ ਹਾਇਕੂ ਦਾ ਅਪਣਾ ਹੀ ਪੰਜਾਬੀ ਰੰਗ ਹੈ ਇਸ ਕਰਕੇ ਵੱਖਰਾ ਛਾਪ ਰਹੇ ਹਾਂ।

ਧੁੰਦਲੀ ਆਸ

the young beggar’s eyes

clouded with hope

centuries old

John Brandi

ਨਿੱਕੇ ਭਿਖਾਰੀ ਦੀਆਂ

ਅੱਖਾਂ ਵਿਚ ਧੁੰਦਲੀ

ਸਦੀਆਂ ਪੁਰਾਣੀ ਆਸ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਸ਼ੀਸ਼ਾ

ਸ਼ੀਸ਼ੇ ਸਾਹਵੇਂ ਸੋਚਾਂ

ਚੰਗਾ ਬਣਾਂ

ਕਿ ਚੰਗਾ ਦਿੱਸਾਂ

ਜਸਵਿੰਦਰ ਸਿੰਘ

ਉਡਾਰੀ

ਪੰਛੀ ਉੱਡਿਆ…

ਬਿਨ ਖੰਭਾਂ ਤੋਂ

ਸੋਚਾਂ ਉੱਡੀਆਂ

ਸੁਰਜੀਤ ਕਲਸੀ

ਛਤਰੀ

a man in the rain

using his umbrella

for a cane

John Brandi

ਮੀਂਹ ਦੇ ਵਿਚ ਬੰਦਾ

ਵਰਤ ਰਿਹਾ ਅਪਣੀ

ਛਤਰੀ ਛੜੀ ਵਾਂਗ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਫੋਟੋ

ਨਵੇਂ ਫਰੇਮ ‘ਚ

ਨਵੀਂ ਫੋਟੋ ਲਾਉਣ ਲੱਗੇ

ਹੋਰ ਪੁਰਾਣੀ ਲੱਗੇ

ਗੁਰਮੀਤ ਸੰਧੂ

ਭਰਮ

ਭਰਮ ਪਾਲ਼ਦਾ ਬੰਦਾ–

ਬਾਹਰ ਜਗਾਈ ਬੱਤੀ

ਅੰਦਰ ਘੁੱਪ ਹਨੇਰਾ

ਰੇਸ਼ਮ ਸਿੰਘ ਸੈਣੀ

ਠੰਢ !

ਇੰਨੀ ਠੰਢ !

ਨਾ ਠਰੇ ਬਾਪੂ ਦੇ ਹੱਥ

ਨਾ ਤੇਸੀ ਕਾਂਡੀ

ਗੁਰਪ੍ਰੀਤ

ਲਾੜੀ

stepping from her limo

the bride parts her veil

to answer a call

John Brandi

ਲਿਮੋ ਚੋਂ ਉਤਰਕੇ

ਲਾੜੀ ਨੇ ਘੁੰਡ ਚੁੱਕਿਆ

ਫੋਨ ਕਾਲ ਲੈਣ ਲਈ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਬੇਤਾਜ

ਪੱਤੇ ਫੁੱਲ ਗੁਆ ਕੇ

ਬਿਰਖ ਬਣੇ

ਬੇਤਾਜ ਬਾਦਸ਼ਾਹ

ਜਗਜੀਤ ਸੰਧੂ

ਦਿਲ ਦੀ ਵਾਦੀ

ਨੰਗੇ ਪੈਰੀਂ ਆਓ

ਸੱਜਰੀ ਤ੍ਰੇਲ ‘ਤੇ

ਸੁਰਜੀਤ ਕਲਸੀ

ਅਸੀਸ

before giving his blessing

the swami asks

for a cigarette

John Brandi

ਅਸੀਸ ਦੇਣ ਤੋਂ ਪਹਿਲਾਂ

ਸਵਾਮੀ ਜੀ ਨੇ ਮੰਗੀ

ਸਿਗਰਟ ਪੀਣ ਨੂੰ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਅੱਕ ਦੇ ਫੁੱਲ

ਰੂੜੀ ਉੱਗਿਆ ਅੱਕ

ਟਹਿਣੀ ਲੱਗੇ ਫੁੱਲ

ਉੱਪਰ ਬੈਠੀ ਤਿੱਤਲੀ

ਮੋਹਨ ਗਿੱਲ

ਧੂਤੇ

ਹਾਇਗਾ: ਜਸਵਿੰਦਰ ਸਿੰਘ

ਹਰੀ ਅੱਖ

my whole face

in the tiny green eye

of a temple fly

John Brandi

ਮੇਰਾ ਪੂਰਾ ਚਿਹਰਾ

ਮੰਦਰ ਦੀ ਮੱਖੀ ਦੀ

ਨਿੱਕੀ ਹਰੀ ਅੱਖ ਵਿਚ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਵੰਡ

ਪਿਉ ਦੀ ਮੌਤ

ਪਿੱਛੇ ਛੱਡ ਗਿਆ ਤਿੰਨ ਮੁੰਡੇ

ਤਿੰਨ ਥਾਂ ਪਿਆ ਭੋਗ

ਗੁਰਪ੍ਰੀਤ

ਦਿਨ

ਪਹੁ-ਫੁਟਾਲਾ ਜਾਗੇ ਸਾਰੇ

ਪਰ ਉਸ ਦਾ ਦਿਨ

ਚੜ੍ਹਿਆ ਮੂੰਹ ਹਨੇਰੇ

ਸੁਰਜੀਤ ਕਲਸੀ

ਬੁੱਧ

all that Budha

rebelled against

still in place

John Brandi

ਓਹ ਸਭ ਜਿਸ ਵਿਰੁੱਧ

ਬੁੱਧ ਨੇ ਕਰੀ ਬਗਾਬਤ

ਅਜੇ ਵੀ ਹੈ ਕਾਇਮ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਮਨ

ਦੁਖੀ ਮਨ

ਤਾਰੇ ਗਿਣਦਾ

ਹੌਲ਼ਾ ਹੋਇਆ

ਗੁਰਿੰਦਰਜੀਤ ਸਿੰਘ

ਅੰਤਰਰਾਸ਼ਟਰੀ ਸੰਤ

ਉੱਤੇ ਗੁੰਮਟ ਥੱਲੇ ਭੋਰਾ

ਲਾਹੇਬੰਦ ਰਹੇ ਸੰਤਾਂ ਨੂੰ

ਹਰ ਵਿਦੇਸ਼ੀ ਦੌਰਾ

ਗੁਰਮੇਲ ਬਦੇਸ਼ਾ

ਸਾਧੂ

the sadhu

wipes ash dust

from his Rolex

John Brandi

ਸਾਧੂ ਝਾੜੇ

ਰਾਖ ਧੂੜ

ਅਪਣੀ ਰੋਲੈਕਸ* ਤੋਂ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

*ਰੋਲੈਕਸ- ਇਕ ਕੀਮਤੀ ਘੜੀ

ਕਲਾਕਾਰ

ਬੱਚੇ ਹੱਥ ਆਇਆ

ਹਿਸਾਬ-ਕਿਤਾਬ ਵਾਲਾ ਕਾਗਜ਼

ਜਹਾਜ਼ ਬਣ ਗਿਆ

ਗੁਰਪ੍ਰੀਤ

ਪ੍ਰਦੂਸ਼ਣ

ਅੰਮ੍ਰਿਤ ਵੇਲਾ

ਗੁੰਮ-ਸੁੰਮ ਚਹਿਚਹਾਟ

ਸ਼ੋਰ ਸਪੀਕਰਾਂ ਦਾ

ਬਲਜੀਤਪਾਲ ਸਿੰਘ

ਸਰਦਲ

ਨਾ ਅੰਦਰ

ਨਾ ਬਾਹਰ

ਘਰ ਦੀ ਸਰਦਲ

ਸੰਦੀਪ ਧਨੋਆ

ਸੂਰਜਮੁਖੀ

ਸੂਰਜ ਦੇ ਮੁੱਖ ਵੱਲ

ਤੱਕਦਾ ਤੱਕਦਾ ਸੂਰਜਮੁਖੀ

ਘੁੰਮ ਗਿਆ ਪੂਰਬ ਤੋਂ ਪੱਛਮ

ਸੁਰਜੀਤ ਕਲਸੀ

ਧੁੰਦ

the mountain world

the valley world

–all that haze between

John Brandi

ਪਰਬਤ ਦੀ ਦੁਨੀਆਂ

ਵਾਦੀ ਦੀ ਦੁਨੀਆਂ

— ਕਿੰਨੀਂ ਧੁੰਦ ਵਿਚਾਲ਼ੇ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਪਾਣੀ-ਸੰਕਟ

ਧਰਤੀ ਹੇਠਲਾ ਪਾਣੀ

ਹੋਰ ਹੇਠਾਂ ਹੋਰ ਹੇਠਾਂ

ਘਰਾਂ ਦੇ ਸਿਰਾਂ ਤੇ ਟੈਂਕੀਆਂ

ਪਰਾਗ ਰਾਜ ਸਿੰਗਲਾ

ਬੂਰ

under the flowering

mango, bees circle

a drumming sadhu

John Brandi

ਬੂਰ ਆਏ ਅੰਬ ਹੇਠ

ਮਖੀਆਂ ਮੰਡਲਾਉਣ

ਢੋਲੀ-ਸਾਧ ਦੁਆਲ਼ੇ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਡੁੱਬਦਾ ਸੂਰਜ

ਹਾਇਕੂ: ਗੁਨਗੀਤ ਸਿੰਘ, ੧੦ ਵਰਸ, ਪੰਜਾਬ।

ਹਾਇਗਾ: ਜਸਵਿੰਦਰ ਸਿੰਘ

ਘਰ

ਕਮਰੇ ਦੀ ਬੱਤੀ ਜਗਾਈ

ਘਰ ਅੰਦਰ ਹੀ ਦਿੱਸਿਆ

ਜੀਵਨ ਦਾ ਹਰ ਰਾਹ

ਜਗਜੀਤ ਸੰਧੂ

ਬਿਖੜਾ ਮਾਰਗ

entering the brambles

mind set straight

on a crooked path

John Brandi

ਬੀਆਬਾਨ ਵਿਚ ਜਾ ਰਿਹਾ

ਕਰ ਕੇ ਧਿਆਨ ਇਕਾਗਰ

ਬਿਖੜੇ ਮਾਰਗ ‘ਤੇ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਧਰੂ-ਤਾਰਾ

ਟੀ ਵੀ ‘ਤੇ ਬੁਲਿਟਿਨ ਦੀਆਂ ਮੁੱਖ ਸੁਰਖੀਆਂ ‘ਚ ਇੱਕ ਵੀ ਖਬਰ ਸੁਖਾਵੀਂ ਨਹੀਂ। ਰੋਜ਼ਾਨਾ ਉਹੀ ਬੰਬ ਧਮਾਕੇ, ਕਤਲੋ-ਗਾਰਤ, ਭ੍ਰਿਸ਼ਟਾਚਾਰ, ਸ਼ੋਸ਼ਣ…. ਬਸ ਮੁਲਕ ਦਾ ਨਾਂ ਬਦਲ ਜਾਂਦਾ ਹੈ ਜਾਂ ਮਰਨ ਵਾਲ਼ਿਆਂ ਦੀ ਗਿਣਤੀ। ਟੈਲੀਵਿਜ਼ਨ ਬੰਦ ਕਰਕੇ ਮੈਂ ਕਿਤਾਬ ਚੁੱਕ ਲਈ।

“ਮਾਂ, ਸਵੇਰੇ ਮੈਨੂੰ ਤਿੰਨ ਵਜੇ ਜਗਾ ਦੇਣਾ” ਬੇਟੀ ਨੇ ਕਿਹਾ।

“ਕਿਉਂ ਸਕੂਲ ਨੀ ਜਾਣਾ? ” ਪੁੱਛਣ ਤੇ ਬੇਟੀ ਬੋਲੀ “ਜਾਣੈ। ਪਰ ਮੈਂ ਨੌਰਥ ਸਟਾਰ (ਉੱਤਰੀ ਧਰੁਵ ਦਾ ਤਾਰਾ) ਦੇਖਣੈ। ਯੂ ਨੋ ਮਾਂ, ਮੈਂ ਇੱਕ ਬੁੱਕ ਪੜ੍ਹ ਰਹੀ ਹਾਂ। ਬਹੁਤ ਟਾਈਮ ਪਹਿਲਾਂ ਅਮਰੀਕਾ ਵਿਚ ਕਾਲੇ ਲੋਕਾਂ ਨੂੰ ਸਲੇਵਜ਼ (ਗੁਲਾਮ) ਬਣਾ ਕੇ ਰੱਖਦੇ ਸੀ। ਸਾਰਾ ਦਿਨ ਵਿਚਾਰੇ ਕੰਮ ਕਰਦੇ ਸੀ, ਬੱਚਿਆਂ ਨੂੰ ਵੀ ਕੰਮ ਕਰਨਾ ਪੈਂਦਾ ਸੀ। ਨਾਲੇ ਕੁੱਟਦੇ ਵੀ ਸੀ, ਖਾਣਾ ਵੀ ਥੋੜਾ ਦਿੰਦੇ ਸੀ ਤੇ ਕੋਈ ਸਕੂਲ ਵੀ ਨੀ ਸੀ ਹੁੰਦਾ। ਪਤੈ, ਉਨ੍ਹਾਂ ਨੂੰ ਸਿਰਫ਼ 3 ਸੈਂਟਸ ਦਿਨ ਦੇ ਮਿਲਦੇ ਸੀ ਕੰਮ ਕਰਕੇ। ਫਿਰ ਇਕ ਦਿਨ ਕੋਈ ਹੋਰ ‘ਮਾਸਾ’* ਉਨ੍ਹਾਂ ਵਿਚੋਂ ਚੁਣ ਕੇ ਸਲੇਵਜ਼ ਖਰੀਦਕੇ ਲੈ ਜਾਂਦਾ ਸੀ। ਕੋਈ ਬੱਚਾ ਕਿਤੇ, ਮੰਮੀ ਕਿਤੇ ਹੋਰ, ਪਾਪਾ ਕਿਤੇ ਹੋਰ। ਪਰ ਕੈਨੇਡਾ ‘ਚ ਕੋਈ ਇੱਦਾਂ ਨੀ ਸੀ ਕਰਦਾ। ਉਨ੍ਹਾਂ ਕੋਲ ਮੈਪ ਤਾਂ ਨੀ ਸੀ ਹੁੰਦੇ ਪਰ ਲੋਕ ਰਾਤ ਨੂੰ ਚੋਰੀ ਚੋਰੀ ਨੌਰਥ ਸਟਾਰ ਦੀ ਡਾਇਰੈਕਸ਼ਨ ‘ਚ ਤੁਰ ਕੇ ਤੇ ਚੰਗੇ ਗੋਰਿਆਂ ਦੀ ਹੈਲਪ ਨਾਲ ਕੈਨੇਡਾ ਆ ਜਾਂਦੇ ਸਨ। ਬਟ, ਇਟ ਵਾਜ਼ ਨੌਟ ਈਜ਼ੀ( ਪਰ ਆਸਾਨ ਨਹੀਂ ਸੀ)। ਅੱਛਾ ਦੱਸੋ, ਉਠਾਉਂਗੇ ਨਾ…..ਪਲੀਜ਼।” ਮੈਂ ਹਾਮੀ ਭਰੀ।

ਹਥਲੀ ਕਿਤਾਬ ਤੋਂ ਮੇਰਾ ਧਿਆਨ ਉੱਖੜ ਗਿਆ;

ਰੋਜ਼ ਚੜ੍ਹਦੈ

ਧਰੂ-ਤਾਰਾ —

ਅਸੀਂ ਘੂਕ ਸੁੱਤੇ

*ਮਾਸਾ – ਗੁਲਾਮਾਂ ਵੱਲੋਂ ਵਰਤਿਆ ਜਾਂਦਾ ‘ਮਾਸਟਰ’ ਦਾ ਸੰਖੇਪ ਰੂਪ

ਬੋਟ

ਝੱਖੜ ਲੋਟ ਭਾਵੇਂ ਨਾ ਲੋਟ

ਪੰਛੀ ਉੱਡੇ ਓਧਰ ਨੂੰ

ਜਿੱਧਰ ਉਸਦੇ ਬੋਟ

ਗੁਰਪ੍ਰੀਤ ਮਾਨ

ਭੀੜ

Crowded ferry—

Sitting on each other’s laps

Suddenly, no caste

John Brandi

ਬੇੜੀ ਦੇ ਵਿਚ ਭੀੜ–

ਇਕ ਦੂਜੇ ਦੀ ਗੋਦ ’ਚ ਬੈਠੇ

ਜਾਤ-ਪਾਤ ਨੂੰ ਭੁੱਲ ਕੇ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਡੇਰਾ

ਚੜ੍ਹਦੀ ਮਾਇਆ ਮੋਟੀ

ਡੇਰੇ ਬਦਲਿਆ ਰੂਪ

ਕੁਟੀਆ ਦੀ ਥਾਂ ਕੋਠੀ

ਗੁਰਿੰਦਰਜੀਤ ਸਿੰਘ

ਡੁੱਬਦਾ ਸੂਰਜ

Helped into her dress

The naked child raises her arms

To the setting sun

John Brandi

ਕੱਪੜੇ ਪਵਾਉਣ ਲੱਗੀ

ਬਸਤਰਹੀਣ ਬੱਚੀ ਨੇ ਹੱਥ ਚੁੱਕੇ

ਡੁੱਬਦੇ ਸੂਰਜ ਵੱਲ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਪਰਦੂਸ਼ਨ

ਅੰਬਰੀਂ ਧੂਆਂ

ਜਲ ਵਿਚ ਵਿਹੁ

‘ਵਾ ਵਿਚ ਰਾਖ

ਅਮਰਜੀਤ ਸਾਥੀ

ਬਤਖ਼ਾਂ

ਆਪਣੇ ਖੰਭ ਸੰਭਾਲ਼

ਝੀਲ ‘ਚ ਬਤਖ਼ਾਂ ਤੈਰਨ

ਲੈ ਪਰਛਾਵੇਂ ਨਾਲ਼

ਜਗਜੀਤ ਸੰਧੂ

ਤਾਲ

After the drumming

A starry sky

Continues the beat

John Brandi

ਢੋਲ ਵੱਜਣੋਂ ਹਟਿਆ

ਤਾਰਿਆਂ ਭਰਿਆ ਅੰਬਰ

ਜ਼ਾਰੀ ਰੱਖੇ ਤਾਲ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਪੈੜਾਂ

ਦਿਲ ਤੇ ਯਾਦਾਂ

ਰੇਤ ਤੇ ਪੈੜਾਂ

ਛੱਡ ਗਏ ਸੱਜਣ

ਜਸਵਿੰਦਰ ਸਿੰਘ

ਲੋੜਾਂ-ਥੁੜਾਂ

ਸਿਰ ਢਕਾਂ

ਜਾਂ ਫਿਰ ਆਪਣੇ ਪੈਰ

ਸਰਦੀ ਵਿਚ ਰਜਾਈ

ਯੋਸਾ ਬੂਸੋਨ

ਅਨੁਵਾਦ : ਪਰਮਿੰਦਰ ਸੋਢੀ

ਜਾਪਾਨੀ ਹਾਇਕੂ ਸ਼ਾਇਰੀ ਵਿਚੋਂ ਧੰਨਵਾਦ ਸਹਿਤ

ਜੌੜਾ ਘਰ

those of money

and those of rags—

their sandals in a single pile

John Brandi

ਧਨਵਾਨਾਂ ਦੇ

ਅਤੇ ਗਰੀਬਾਂ ਦੇ

ਪਏ ਜੁੱਤੇ ਇਕੋ ਪਾਲ਼

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਪ੍ਰਦੇਸੀ

ਪ੍ਰਦੇਸੀ ਮੁੜਦੇ ਇਥੇ
ਆਪਣੇ ਨਿੱਘੇ ਘਰੀਂ
ਯੂਰਪ ਵਿਚ ਵਿੰਟਰ

ਬਲਜੀਤ ਪਾਲ ਸਿੰਘ

ਵੰਡ

ਜੌੜੇ ਭਰਾਵਾਂ ਵੰਡ ਪਾਈ

ਇੱਕ ਹਿੱਸੇ ਬਾਪੂ ਆਇਆ

ਇੱਕ ਹਿੱਸੇ ਮਾਈ

ਪਰਾਗ ਰਾਜ ਸਿੰਗਲਾ

ਧੁਨ

ਕੰਪਿਊਟਰ ਕਰੈਸ਼

ਅਚਾਨਕ ਕੰਨੀਂ ਪਈ

ਪਹਾੜੀਆਂ ਦੀ ਧੁਨ

ਗੁਰਿੰਦਰਜੀਤ ਸਿੰਘ

ਘੁੰਡ

evening light –

through her veil

everything hidden revealed

John Brandi

ਸੰਝ ਦਾ ਚਾਨਣ –

ਘੁੰਡ ਵਿਚੋਂ ਦਿਸ ਰਿਹਾ

ਸਭ ਕੁਝ ਲੁਕਾਇਆ ਉਸਦਾ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਫੁੱਟੀਆਂ

ਖੇਤਾਂ ਵਿਚ ਖਲੋਤੀ

ਖਿੜੀ ਕਪਾਹ ਦੀ ਖੇਤੀ

ਟਾਹਣੀ ਟਾਹਣੀ ਮੋਤੀ

ਸ਼ੁਮਿਤਾ ਦੀਦੀ ਸੰਧੂ

ਸੰਝ ਦਾ ਤਾਰਾ

shining bright

between the nettles

evening’s first star

John Brandi

ਤੇਜ਼ ਲਿਸ਼ਕਦਾ

ਬਿੱਛੂ ਬੂਟੀ ਵਿਚਦੀ

ਸੰਝ ਦਾ ਪਹਿਲਾ ਤਾਰਾ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਵਾਇਰਸ

H1 N1 ਦਾ ਰੋਗੀ

ਬੀਵੀ ਬੱਚੇ ਬੈਠੇ ਦੂਰ

ਵਿਚ ਵਾਇਰਸ ਦੀ ਕੰਧ

ਬਰਜਿੰਦਰ ਢਿਲੋਂ

ਤਿਕੋਨ

ਪਿਓ ਠੇਕੇ

ਮਾਂ ਲੇਡੀਜ਼ ਸੰਗੀਤ

ਬੱਚੇ ਗੁਰਮਤਿ ਕੈਂਪ

ਹਾਇਗਾ: ਜਸਵਿੰਦਰ ਸਿੰਘ

ਨਾ-ਪਸੰਦ

ਧੱਕੇ ਨਾਲ ਮਿਲੀ ਕਿਤਾਬ

ਸੈਲਫ ਤੇ ਰੱਖ ਦਿੱਤੀ

ਬਿਨ੍ਹ ਪੜ੍ਹੇ ਹੀ

ਬਲਜੀਤ ਪਾਲ ਸਿੰਘ

ਟੂਣਾਕਾਰ

in the hand

of the medicine man

plastic arrows

John Brandi

ਟੂਣਾਕਾਰ ਦੇ

ਹੱਥ ਵਿਚ

ਪਲਾਸਟਿਕ ਦੇ ਤੀਰ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ

ਤੰਦ

ਚੁੱਲ੍ਹੇ ਅੱਡੋ ਅੱਡ

ਘਰ ਵਿਚ ਕੱਢੀ ਲੀਕ

ਤੰਦ ਪਿਆਰ ਦੀ ਵੱਢ

ਗੁਰਪ੍ਰੀਤ ਮਾਨ

ਤਿਤਲੀ

a butterfly

from one child to another

in a paper cup

John Brandi

ਇਕ ਤਿਤਲੀ

ਇਕ ਬੱਚੇ ਤੋਂ ਦੂਜੇ ਤੱਕ

ਕਾਗ਼ਜ਼ ਦੇ ਕੱਪ ਵਿਚ

ਜੌਨ ਬਰੈਂਡੀ

ਅਨੁਵਾਦ: ਅਮਰਜੀਤ ਸਾਥੀ