ਖਾਲੀ ਥਾਂ

ਭਰਿਆ ਸਰਵਰ
ਪੌਣ ਸੁਗੰਧੀਆਂ
ਸੱਜਣ ਦੀ ਥਾਂ ਖਾਲੀ

ਤਿਸਜੋਤ

ਘੰਟੀਆਂ

ਸੁੰਨਾਂ ਪੁਸਤਕਾਲਾ

ਸੁਣਦੀਆਂ ਲਗਾਤਾਰ

ਮੰਦਰ ਦੀਆਂ ਘੰਟੀਆਂ

ਦਵਿੰਦਰ ਪੂਨੀਆ

ਵਧਦੀ ਉਮਰ

ਵਧਦੀ ਜਾਏ ਉਮਰ
ਹੌਲ਼ੀ ਹੌਲ਼ੀ ਨੇੜੇ
ਆਉਂਦੀ ਜਾਏ ਕਬਰ

ਰਾਜ

ਘੁੱਗੀ ਬੋਲੇ

ਸਿਖਰ ਦੁਪਹਿਰਾ

ਪਿੰਡਾ ਸੇਕੇ ਲੂ

ਟਾਹਲੀ ‘ਤੇ ਘੁੱਗੀ ਬੋਲੇ

ਮਹਾਂਦੇਵ ਸਿੰਘ

ਪੁਰਾਣਾ ਪੱਤਾ

ਨਵੀਆਂ ਕਰੂੰਬਲ਼ਾ

ਟਹਿਣੀਂ ਫਸਿਆ

ਇਕ ਪੁਰਾਣਾ ਪੱਤਾ

ਦਰਬਾਰਾ ਸਿੰਘ

ਅੱਜ ਦੀ ਮੁਟਿਆਰ

ਅਜੋਕੀ ਮੁਟਿਆਰ

ਸਿਰ ਉੱਤੇ ਸੱਗੀ ਫੁੱਲ

ਹੱਥ ‘ਚ ਕੋਕਾ ਕੋਲਾ

ਗਗਨਦੀਪ ਬਧੇਸ਼ਆ

ਮਦਰ’ਜ਼ ਡੇ

ਮੈਂ ਤੇਰੇ ਬੱਚਿਆਂ ਦੀ ਮਾਂ

ਤੂੰ ਮਦਰ’ਜ਼ ਡੇ ਵੀ

ਮੇਰੇ ਨਾਲ ਹੀ ਮਨਾ

ਗੁਰਿੰਦਰਜੀਤ ਸਿੰਘ

ਤਿਪ ਤਿਪ

ਚੋਂਦੀ ਟੂਟੀ

ਤਿਪ ਤਿਪ ਤਿਪ

ਇਕ ਦਿਨ ਹੋਰ ਲੰਘਿਆ

ਦਵਿੰਦਰ ਪੂਨੀਆ

ਨਿੱਘੇ ਨਿੱਘੇ

ਠੰਡੇ ਹੱਥ

ਗਰਮ ਚਾਹ ਦਾ ਗਲਾਸ

ਨਿੱਘਾ ਨਿੱਘਾ

ਹਰਸ਼ਪਿੰਦਰ ਪੂਨੀਆ

ਰੀਸੈੱਸ਼ਨ

ਬਜ਼ਾਰ ‘ਚ ਮੰਦਾ
ਬਾਪੂ ਰਹੇ ਘਰ
ਬੱਚਿਆਂ ਲਈ ਚੰਗਾ

ਰਾਜ

ਮੱਝਾਂ

ਛੋਟਾ ਛੋਟਾ ਘਾਹ

ਨਿੱਕੇ ਫੁੱਲ

ਮੱਝਾਂ ਚਰਦੀਆਂ

ਮਹਾਂਦੇਵ ਸਿੰਘ

ਬੁਕੇ

ਪ੍ਰਬੰਧਕ ਖਿੜੇ

ਮਹਿਮਾਨ ਖਿੜੇ

ਮੁਰਝਾਏ ਬੁਕੇ

ਅਮਰਜੀਤ ਸਾਥੀ

ਬੁਕੇ=bouquet=ਗੁਲਦਸਤਾ

ਵਿਕੇ ਹਨ੍ਹੇਰਾ

ਸੂਰਜ ਛਿਪਿਆ

ਚੋਣਾਂ ਵਾਲੀ ਰਾਤ

ਹਨ੍ਹੇਰਾ ਵਿਕਿਆ

ਗੁਰਿੰਦਰਜੀਤ ਸਿੰਘ

ਮੁੜੇ ‘ਕੱਲੇ ‘ਕੱਲੇ

ਅੰਤਮ ਸੰਸਕਾਰ ਲਈ

ਗਏ ਸਾਰੇ ‘ਕੱਠੇ

ਮੁੜੇ ‘ਕੱਲੇ ‘ਕੱਲੇ

ਗੁਰਪ੍ਰੀਤ

=

ਗੋਲਕ = ਸਰੋਵਰ

ਚੜ੍ਹਾਵਾ = ਮੱਛੀਆਂ

ਪੁਜਾਰੀ = ਘੜਿਆਲ

ਅਨਾਮ

ਘੜਿਆਲ=ਮਗਰਮੱਛ=crocodile

ਸਿੱਲ੍ਹ

ਮੰਡੀ ਵਿੱਚ ਬੈਠਾ

ਸਿਲ੍ਹੀ ਕਣਕ ਦੀ ਰਾਖੀ

ਅੰਬਰ ਵਲ ਵੇਖੇ

ਗੁਰਮੀਤ ਸੰਧੂ

ਖ਼ਬਰ

ਪੜ੍ਹ ਰਿਹਾ ਅਖ਼ਬਾਰ

ਨੀਝ ਲਾ ਕੇ ਵੇਖਦਾ

ਸਿਰਫ਼ ਇਸ਼ਤਿਹਾਰ

ਦਰਬਾਰਾ ਸਿੰਘ

(੧੯-੦੨-੦੯)

ਬੱਦਲ਼ ਰੰਗਲੇ

ਚੁੰਨੀ ਉਡੇ

ਮੁਟਿਆਰ ਦੀ

ਬੱਦਲ਼ ਰੰਗਲੇ

ਸੁਰਮੇਲ ਕੌਰ

ਬਹੁ-ਅਰਥੀ ਹਾਏ

ਹੋਈ ਡਾਢੀ ਪੀੜ

ਬੇਬੇ ਬੋਲੀ ਹਾਏ!

ਨਰਸ ਬੋਲੀ ਹਾਏ

ਅਮਰਜੀਤ ਸਾਥੀ

ਕੰਬਾਈਨ

ਕਣਕ ਕੱਟੇ

ਖੇਤ ਵਿਚ ਕੰਬਾਈਨ

ਪਿੱਛੇ ਇਕ ਮਜਦੂਰ

ਮਹਾਂਦੇਵ ਸਿੰਘ

ਜਲ ਤੇ ਰਾਖ

pour this water and ash

on the roots

of some old tree

Diane di Prima (USA)

ਇਹ ਜਲ ਤੇ ਰਾਖ

ਪਾਉਣਾ ਜੜਾਂ ਉੱਤੇ

ਕਿਸੇ ਵੱਡੇ ਰੁੱਖ ਦੇ

ਡੀਐਨ ਡੀ ਪਰਾਇਮਾ (ਯੂ ਐੱਸ ਏ)

ਅਨੁਵਾਦ: ਅਮਰਜੀਤ ਸਾਥੀ

ਡਰਨਾ ੩

ਡਰਨੇ ਬਦਲਿਆ ਰੂਪ

ਲਾਹਕੇ ਕੁੜਤਾ ਚਾਦਰਾ

ਪਾਈਂ ਖੜ੍ਹਾ ਸੂਟ

ਰਾਜ

ਪੀਲ਼ੇ ਪੱਤੇ

trees hand over

their yellow leaves

to become green again

Pradeep Maithani (Singapore)

Translated from Hindi by Angelee Deodhar

ਬਿਰਖ ਸੌਂਪ ਦਿੰਦੇ

ਪੱਤੇ ਪੀਲ਼ੇ ਪੀਲ਼ੇ

ਹਰੇ ਹੋਣ ਲਈ

ਪ੍ਰਦੀਪ ਮੈਥਾਨੀ (ਸਿੰਘਾਪੁਰ)

ਅਨੁਵਾਦ: ਅਮਰਜੀਤ ਸਾਥੀ

ਤਾੜੀਆਂ

ਭਾਰੀ ਭਰਕਮ ਰੁੱਖ

ਰੁਮਕੇ ‘ਵਾ

ਤਾੜੀਆਂ ਮਾਰਨ ਪੱਤ

ਇਕ਼ਬਾਲ ਦੀਪ

ਨੋਟ: ਇਕਬਾਲ ਦੀਪ ਦੀ ਪੁਸਤਕ ‘ਖਿਣ’ ਵਿਚੋਂ ਧਨਵਾਦ ਸਹਿਤ।

ਦੂਹਰਾ ਜਸ਼ਨ

ਘਰ ਵਿਚ

ਬੱਚਿਆਂ ਦਾ ਈਸਟਰ

ਮੇਰੀ ਵੈਸਾਖੀ

ਗੁਰਿੰਦਰਜੀਤ ਸਿੰਘ

ਡਰਨਾ ੨

ਮੁੱਛਾਂ ਮਰੋੜੇ

ਡਰਨਾ ਅਜੇ ਵੀ

ਖੇਤ ਖਾਲ੍ਹੀ

ਗੁਰਪ੍ਰੀਤ

ਪੰਜਾਹਵਾਂ ਸਾਲ ੨

ਉਮਰ ਪੰਜਾਹਵਾਂ ਸਾਲ

ਪਲ ਪਲ ਤੁਪਕਾ ਤੁਪਕਾ

ਸੁਕਦਾ ਜਾਂਦਾ ਤਾਲ

ਅਨਾਮ

ਰਾਖਾ

ਪੱਕੀ ਕਣਕ ‘ਚ

ਰਾਖੀ ਕਰੇ ਡਰਨਾ

ਇਕ ਦਾਣਾ ਨਾ ਖਾਵੇ

ਸੁਰਮੇਲ ਕੌਰ.

ਭੋਲ਼ੀ ਨੂੰਹ

ਸੇਵਾ ਕਰੇ ਨੂੰਹ ਭੋਲ਼ੀ

ਸੁੱਤੀ ਸੱਸ ਜਗਾਕੇ

ਦਏ ਨੀਂਦ ਦੀ ਗੋਲ਼ੀ

ਦਰਬਾਰਾ ਸਿੰਘ

ਦੇਸੋਂ ਮੁੜਿਆ

ਝੀਲ ‘ਚ ਉਤਰਿਆ
ਮੁਰਗਾਬ ਜੋੜਾ
ਦੇਸੋਂ ਪਰਤਿਆ

ਗੁਰਮੀਤ ਸੰਧੂ

ਮਾਈ

ਭਾਂਡੇ ਮਾਂਜਣ ਆਈ

ਵਿਹਲੀ ਮਾਲਕਣ ਨਾਲੋਂ

ਤਿੱਗਣੀ ਉਮਰ ਦੀ ਮਾਈ

ਅਮਰਜੀਤ ਸਾਥੀ

ਜੀਵਨ-ਜਹਾਜ਼

ਅੰਬਰਾਂ ‘ਚ ਬਣੇ ਮਿਟੇ

ਚਿੱਟੀ ਧੂੰਏ ਦੀ ਲਕੀਰ

ਜੀਵਨ ਦਾ ਜਹਾਜ਼

ਗੁਰਿੰਦਰਜੀਤ ਸਿੰਘ

ਅਮਲੀ

ਮੁੰਡਾ ਜੰਮਿਆ ਅਮਲੀ
ਕੁੱਖ ‘ਚ ਜਿਹੜੀ ਮਾਰੀ
ਕੁੜੀ ਕਿਓਂ ਨਾ ਜੰਮ ਲਈ

ਰਾਜ

ਧੁੰਦ ‘ਚ ਚਿੜੀ

ਗਹਿਰੀ ਧੁੰਦ

ਚਿੜੀ ਦੀ ਆਵਾਜ਼

ਸ਼ਾਇਦ ਨੇੜੇ ਹੈ ਕਿਤੇ

ਹਰਸ਼ਪਿੰਦਰ ਪੂਨੀਆ

ਮਾਂ ਨੂੰ ਲੱਭੇ

ਮੁੜ ਮੁੜ ਨਿਪਲ ਚੱਬੇ

ਰੀਂ ਰੀਂ ਕਰਦਾ ਬੱਚਾ

ਫੀਡਰ ਚੋਂ ਮਾਂ ਲੱਭੇ

ਦਰਬਾਰਾ ਸਿੰਘ

ਅਸੀਮ ਪੰਛੀ

ਵਾਘਿਓਂ ਪਾਰ ਪਰਿੰਦਾ

ਲੰਘਿਆ ਮਾਰ ਉਡਾਰੀ

ਵੀਜ਼ਾ ਭਾਲੇ ਬੰਦਾ

ਗੁਰਮੀਤ ਸੰਧੂ

ਵਧ ਰਹੀ ਉਮਰ

ਸੁਸਤ ਹੁੰਦਾ ਜਾ ਰਿਹਾਂ

ਮੈਂ ਜੁਰਾਬਾਂ ਉਤਾਰਾਂ

ਹੁਣ ਬਿਸਤਰੇ ‘ਚ ਵੜ ਕੇ

ਸ਼ੀਕੀ ਮਾਸਾਓਕਾ (੧੮੬੭-੧੯੦੨), ਜਾਪਾਨ।

ਪਰਮਿੰਦਰ ਸੋਢੀ ਦੀ ਪੁਸਤਕ ‘ਜਾਪਾਨੀ ਹਾਇਕੂ ਸ਼ਾਇਰੀ’ ਵਿਚੋਂ ਧਨਵਾਦ ਸਹਿਤ।

ਕਾਂ ਬੋਲੇ

ਬਨੇਰੇ ਬੋਲੇ ਕਾਂ

ਮਾਂ ਪਕਾਉਂਦੀ ਰੋਟੀ

ਬੂਹੇ ਵੱਲ ਦੇਖੇ

ਮਹਾਂਦੇਵ ਸਿੰਘ

ਡੋਡੇ

ਰਲ਼ਕੇ ਪੀਂਦੇ ਡੋਡੇ

ਭਈਆ ਤੇ ‘ਸਰਦਾਰ’

ਦੋਵੇਂ ਰੋਡੇ ਭੋਡੇ

ਰਾਜ

ਲਿਸ਼ਕੇ ਰੰਗ

ਜੇ ਮੀਂਹ ਪਵੇ

ਤੇ ਸੂਰਜ ਲਿਸ਼ਕੇ

ਤੁਸੀਂ ਵੇਖੋਂਗੇ ਰੰਗ

ਓਸਵਾਲਦੋ ਮਾਇਰ ਸੰਤਾਮਾਰੀਆ, ੧੧ ਵਰ੍ਹੇ, ਮੈਕਸੀਕੋ।

ਅਨੁਵਾਦ: ਅਮਰਜੀਤ ਸਾਥੀ

ਮੋਹ

ਦਿਨੇ ਲੜੇ ਸੀ ਜਿਹੜੇ

ਰਾਤੀਂ ਇਕ ਦੂਜੇ ਦੇ

ਸੁੱਤੇ ਹੋ ਹੋ ਨੇੜੇ

ਦਰਬਾਰਾ ਸਿੰਘ

(੨੧ ਫਰਵਰੀ ੨੦੦੯)

ਬੱਚਾ ਤੇ ਕਤੂਰਾ

ਪਿਆਸਾ ਕਤੂਰਾ

ਬੱਚਾ ਪਿਲਾਵੇ

ਕੌਲੀ ‘ਚ ਪਾਣੀ

ਹਰਸ਼ਪਿੰਦਰ ਪੂਨੀਆ

ਮੋਤੀ ਹਸੇ

ਉਹ ਹਸੀ

ਮੋਤੀ ਦਿਸੇ  ਮੋਤੀ ਦਿਸੇ

ਉਹ  ਹਸੀ

ਜਗਜੀਤ ਸੰਧੂ

ਗੁਬਾਰਾ

ਘਾਹ ‘ਤੇ ਪਿਆ

ਚਿੱਟੇ ਬੱਦਲ਼ ਵੇਖ ਰਿਹਾ

ਮੈਂ ਹਾਂ ਇਕ ਗੁਬਾਰਾ

ਚੋ ਜਿਨ ਸੂ, ੧੩ ਵਰ੍ਹੇ, ਕੋਰੀਆ।

ਅਨੁਵਾਦ: ਅਮਰਜੀਤ ਸਾਥੀ

ਚਿੱਠੀ

ਲਿਖੇ ਧੀ

ਮਾਂ ਨੂੰ ਚਿੱਠੀ

ਅੱਖਰ ਸਿੱਲ੍ਹੇ

ਗੁਰਪ੍ਰੀਤ

ਦੂਰ ਦੂਰ

ਬੈਠ ਬੈਂਚ ‘ਤੇ ਕੋਲ ਕੋਲ
ਗੱਲਾਂ ਕਰਨ
ਮੋਬਾਇਲ ‘ਤੇ ਦੂਰ ਦੂਰ

ਗੁਰਮੀਤ ਸੰਧੂ

ਚੁਲ੍ਹਕੀ

ਨਿੱਕੀ ਜਿਹੀ ਚੁਲ੍ਹਕੀ*

ਸਾਰਾ ਅੰਬਰ

ਇਸ ਦੇ ਅੰਦਰ

ਲੂਕਾ ਅਸਤਿਸਨਾ, ੯ ਵਰ੍ਹੇ, ਇਟਲੀ।

ਅਨੁਵਾਦ: ਅਮਰਜੀਤ ਸਾਥੀ

Puddle= ਚੁਲ੍ਹਕੀ = ਰੁਕੇ ਪਾਣੀ ਦੀ ਟੁਕੜੀ

ਅਲਾਰਮ

ਅਲਾਰਮ ਵੱਜਿਆ

ਉੱਠਕੇ ਬੰਦ ਕੀਤਾ

ਪੰਜ ਮਿੰਟ ਹੋਰ ਸੌਂ ਲਾਂ

ਹਰਸ਼ਪਿੰਦਰ ਪੂਨੀਆ

ਟੁੱਟੀ ਗਾਨੀ

ਗਾਨੀ ਟੁੱਟੀ

ਧਾਗੇ ਚੋਂ, ਨੈਣਾਂ ਚੋਂ

ਮੋਤੀ ਖਿੱਲਰੇ

ਜਗਜੀਤ ਸੰਧੂ

ਰੁੱਸੇ ਸੇਵ

In the supermarket

Apples in the row

Look angry

Ryota Sato, 12 years, Japan.

ਸੁਪਰਮਾਰਕਿਟ

ਕਤਾਰਾਂ ਵਿਚ ਪਏ ਸੇਵ

ਲਗਦੇ ਗੁੱਸੇ ਗੁੱਸੇ

ਰਿਓਤਾ ਸਾਤੋ, ੧੨ ਵਰ੍ਹੇ, ਜਾਪਾਨ।

ਅਨੁਵਾਦ: ਅਮਰਜੀਤ ਸਾਥੀ

ਪੌੜੀ

ਖੜ੍ਹੀ ਖੜੋਤੀ ਪੌੜੀ
ਲੋਕੀ ਚੜ੍ਹਦੇ
ਉੱਤਰਦੇ

ਗੁਰਿੰਦਰਜੀਤ ਸਿੰਘ

ਐਨੀ ਭੁੱਖੀ

ਮੈਂ ਐਨੀ ਭੁੱਖੀ ਹਾਂ

ਕਿ ਖਾ ਜਾਵਾਂ ਇਕ ਹਾਥੀ

ਸ਼ੁਕਰ ਹੈ ਸਾਡੇ ਕੋਲ਼ ਅਲੂਚੇ ਨੇ

ਸ਼ਾਰਲਟ ਮਿਸ਼ੈਲ, ੯ ਵਰ੍ਹੇ, ਕੈਨੇਡਾ।

ਸੇਲ ਸੇਲ

“ਹੁਣੇ ਖਰੀਦੋ!”

ਮਾਲ ‘ਚੋਂ ਬਾਹਰ

ਆਕਾਸ਼ ਚੁੱਪ ਨੀਲਾ

ਅੰਬਰੀਸ਼

ਰੂਪ-ਬਦਲੀ

ਕੁੜੀਆਂ ਬਣਾ‘ਤੀਆਂ ਮੁੰਡੇ

ਲਾ ਲਾ ਮੁਛਾਂ ਬੇਟੀ ਨੇ

ਅੱਜ ਦਾ ਅਖ਼ਬਾਰ ਪੜ੍ਹਦਿਆਂ

ਗੁਰਪ੍ਰੀਤ

ਦੇਸ਼ ਦਾ ਵੀਜ਼ਾ

ਦੇਸ਼ ਦਾ ਲੱਗਾ ਵੀਜ਼ਾ
ਹੱਥ ਵਿੱਚ ਟੈਚੀ
ਮੂੰਹ ਵਿੱਚ ਪੀਜ਼ਾ

ਗੁਰਿੰਦਰਜੀਤ ਸਿੰਘ

ਬੰਦਗੋਭੀ

Miss cabbage

You wrap yourself in many leaves

Why do you hide your heart?

He Xin, 10 years, China.

ਨੀ ਬੰਦਗੋਭੀਏ

ਐਨੇ ਪੱਤਿਆਂ ਅੰਦਰ ਲਿਪਟੀ

ਕਿਉਂ ਲਕੋਂਦੀ ਅਪਣਾ ਦਿਲ

ਹੀ ਜ਼ਿਨ, ੧੦ ਵਰ੍ਹੇ, ਚੀਨ।

ਅਨੁਵਾਦ: ਅਮਰਜੀਤ ਸਾਥੀ

ਨਵੀਂ ਤਰੀਕ

ਓਹੀ ਰਾਹ ਓਹੀ ਬੱਸ

ਓਹੀ ਭਿਖਾਰੀ ਓਹੀ ਮੈਂ

ਨਵੀਂ ਤਰੀਕ

ਹਰਸ਼ਪਿੰਦਰ ਪੂਨੀਆ

ਮੂੰਹ ਵਿਚ ਪਾਣੀ

I stand and stare

At the mangos

My mouth waters

John Udui, 16 years, Palau.

ਮੈਂ ਖੜ੍ਹਾ ਵੇਖੀ ਜਾਵਾਂ

ਅੰਬਾਂ ਵੱਲ

ਮੂੰਹ ਵਿਚ ਆਵੇ ਪਾਣੀ

ਜਾਨ ਉਦੂਈ, ੧੬ ਵਰ੍ਹੇ, ਪਲਾਓ।

ਅਨੁਵਾਦ: ਅਮਰਜੀਤ ਸਾਥੀ

ਘੁੰਮਣੀ ਕੁਰਸੀ

ਵੱਭਵੀਂ ਕੁਰਸੀ ‘ਤੇ ਬੈਠ

ਹੋਰ ਵੀ ਸੁਹਣੇ ਲੱਗਣ

ਅਮਲਤਾਸ਼ ਤੇ ਲਾਅਨ

ਅੰਬਰੀਸ਼

ਹੁਣੇ ਲੱਗਣ

ਹੁਣੇ ਲੱਗਣ ਅਮਰੂਦ

ਨੰਨ੍ਹਾ ਹਿਲਾਵੇ

ਆਪਣੇ ਜਿੱਡੇ ਬੂਟੇ ਨੂੰ

ਗੁਰਪ੍ਰੀਤ