ਰੁੱਤ ਬਦਲੀ

ਪੱਖਾ ਚੱਲਣ ਤੇ

ਉੱਡ ਗਏ ਬੋਟ

ਖਿੱਲਰ ਗਿਆ ਆਲਣਾ

ਹਰਪ੍ਰੀਤ ਸਿੰਘ

ਪੋਹ ਮਹੀਨਾ

ਪੋਹ ਮਹੀਨੇ ਸਿਮਰਨਾ –

ਬਾਬਾ ਕਰਦਾ ਦਿਵਸ ਰਾਤ

‘ਜਪੁਜੀ’ ਦਾ ਸੌ ਪਾਠ

ਹਰਪ੍ਰੀਤ ਸਿੰਘ

ਸਹੁਰੇ ਪੇਕੇ

ਚੱਲੇ ਸਹੁਰੇ ਪੇਕੇ

ਕਾਠੀ ਵਾਲ਼ਾ ਪੈਡਲ ਮਾਰੇ

ਕਲੀਅਰ ਵਾਲ਼ੀ ਗੋਟਾ ਵੇਖੇ

ਹਰਪਰੀਤ ਸਿੰਘ

ਵਟਵਾਰੇ ਦੀ ਕੰਧ

ਕੰਧ ਵਟਵਾਰੇ ਦੀ…

ਥੜ੍ਹਾ ਇੱਟਾਂ ਦਾ ਲੱਗਿਆ

ਬਾਪੂ ਦੀ ਹਿੱਕ ਉੱਤੇ

ਹਰਪ੍ਰੀਤ ਸਿੰਘ

ਫਸਲੀ

ਮੰਡੀ ਫਸਲ ਆਈ

ਅਮਰੂਦਾਂ ਵਾਲੇ ਨੇ ਲਾ ਲੀ

ਚਾਹ ਦੀ ਰੇੜ੍ਹੀ

ਹਰਪ੍ਰੀਤ ਸਿੰਘ

ਜੇਲ੍ਹ ਬਨੇਰੇ

ਮੁਲਾਕਾਤੀਆਂ ਆਉਣੈਂ…

ਜੇਲ੍ਹ ਬਨੇਰੇ ਕਾਂ ਬੋਲਦਾ

ਕਿਸੇ ਨਾ ਸੁਣਿਆ

ਹਰਪ੍ਰੀਤ ਸਿੰਘ

ਪਰਵਾਸੀ ਪੰਛੀ

ਕਿੰਨਾ ਰੁੱਝਿਆ ਲਗਦੈ

ਚੋਗੇ ਦੀ ਤਲਾਸ਼ ਵਿਚ

ਪਰਦੇਸੀ ਹੋਇਆ ਪੰਛੀ

ਹਰਪ੍ਰੀਤ ਸਿੰਘ

ਦਸਤਕ-੨

ਪਥਵਾੜੇ ਵੱਲ ਨੂੰ
ਭੱਜੀਆਂ ਮਾਈਆਂ
ਕਣੀਆਂ ਕਿਰੀਆਂ ਟੀਨਾਂ ਉੱਤੇ

ਹਰਪ੍ਰੀਤ ਸਿੰਘ