ਖੇਤ

ਇਮਾਰਤਾਂ ਕਲੋਨੀਆਂ

ਕਾਰਖਾਨੇ ਉੱਗ ਰਹੇ

ਖੁੱਸ ਰਹੇ ਨੇ ਖੇਤ

ਬਲਜੀਤਪਾਲ ਸਿੰਘ

ਕਾਰ ਸੇਵਾ

ਕਣਕ ਘਰ ਆਈ
ਨਾਲ ਹੀ ਆਏ
ਕਾਰ ਸੇਵਾ ਵਾਲੇ

ਬਲਜੀਤ ਪਾਲ ਸਿੰਘ

ਪੋਹਲ਼ੀ

ਹਨੇਰੀ ਆਈ
ਪੋਹਲੀ ਦੇ ਬੂਟੇ
ਗਿੱਟੇ ਛਿੱਲਣ

ਬਲਜੀਤ ਪਾਲ ਸਿੰਘ

ਨਰਮਾ

ਨਰਮੇ ਦਾ ਢੇਰ
ਛੋਟਾ ਜਿਹਾ
ਬਰਫ ਦਾ ਪਹਾੜ

ਬਲਜੀਤ ਪਾਲ ਸਿੰਘ

ਭੱਠੇ

ਜਿੱਧਰ ਦੇਖਾਂ

ਪਿੰਡ ਵਿਚ ਚੌਦਾਂ ਭੱਠੇ

ਚਾਰ ਚੁਫੇਰੇ ਧੂਆਂ

ਬਲਜੀਤ ਪਾਲ ਸਿੰਘ

ਦਾਦਾ ਪੋਤਾ

ਅਸੀਂ ਦੋਵੇਂ 

ਤਿਤਲੀਆਂ ਦੇ ਸ਼ੌਕੀਨ

ਮੈਂ ਅਤੇ ਮੇਰਾ ਪੋਤਾ

ਬਲਜੀਤ ਪਾਲ ਸਿੰਘ

ਪੋਤਾ ਦਿਖਾਵੇ ਦਾਦੇ ਨੂੰ 

ਫੁਲਾਂ ਤੇ ਬੈਠੀਆਂ

ਰੰਗ-ਬਰੰਗੀਆਂ ਤਿਤਲੀਆਂ…

ਕੁਲਜੀਤ ਮਾਨ ਵਲੋਂ ਸੁਝਾਇਆ ਰੂਪ।

ਅਸੀਂ ਦੋਵੇਂ 

ਤਿਤਲੀ ਦੇ ਪਿੱਛੇ 

ਮੈਂ ਤੇ ਪੋਤਾ

ਰਣਜੀਤ ਸਿੰਘ ਸਰਾ ਵਲੋਂ ਸੁਝਾਇਆ ਰੂਪ☬।

ਨੋਟ: ਉਪਰੋਕਤ ਤਿੰਨ ਹਾਇਕੂ ਇਕੋ ਵਿਚਾਰ/ਦ੍ਰਿਸ਼ ਨੂੰ ਦੱਸਣ ਅਤੇ ਦਰਸਾਉਣ ਦੇ ਅੰਤਰ ਨੂੰ ਪ੍ਰਗਟਾਉਣ ਲਈ ਦਿੱਤੇ ਗਏ ਹਨ। ਪਹਿਲਾ ਹਾਇਕੂ ਦਾਦੇ ਅਤੇ ਪੋਤੇ ਸ਼ੌਕ ਨੂੰ ਦੱਸਦਾ ਵਿਚਾਰ ਰੂਪ ਹੈ। ਦੂਸਰੇ ਰੂਪ ਵਿਚ ਬੱਚਾ ਦਾਦੇ ਨੂੰ ਤਿਤਲੀਆਂ ਦਿਖਾਉਂਦਾ ਦਰਸਾਇਆ ਹੈ ਅਤੇ ਤੀਸਰੇ ਰੂਪ ਵਿਚ ਦਾਦਾ ਅਤੇ ਪੋਤਾ ਤਿਤਲੀਆਂ ਦੇ ਪਿੱਛੇ ਜਾਂਦੇ ਦਰਸਾਏ ਹਨ।  

ਨੇਲਕਟਰ

ਚੌਥੀ ਵਿਚ ਪੜ੍ਹਦਿਆਂ

ਬਾਪੂ ਦਾ ਦਿੱਤਾ ਨੇਲ-ਕੱਟਰ

ਅਜੇ ਵੀ ਸਾਂਭ ਰੱਖਿਆ

ਬਲਜੀਤ ਪਾਲ ਸਿੰਘ

ਦਿਵਾਲੀ-16

ਦਿਵਾਲੀ ਦੀ ਰਾਤ

ਸ਼ੁਰਲੀ ਬਰਾਂਡੇ ਵਿਚ

ਨਰਮਾ ਸੜਿਆ

ਬਲਜੀਤ ਪਾਲ ਸਿੰਘ

ਆਲ੍ਹਣਾ آلھنا

ਝੱਖੜ ਲੰਘਿਆ…

ਗ਼ਾਇਬ ਘੁੱਗੀ ਦਾ ਆਲ੍ਹਣਾ

ਬਚਿਆ ਬਿਜੜੇ ਦਾ

ਬਲਜੀਤਪਾਲ ਸਿੰਘ

جھکھڑ لنگھیا…
غائب گھگی دا آلھنا
بچیا بجڑے دا

بلجیتپال سنگھ

شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਹਾਇਬਰਿਡ ہائبرڈ

ਸੁਣਕੇ ਅਜੀਬ ਨਾਂ

ਹਾਇਬਰਿਡ ਬੀਜਾਂ ਦੇ

ਦੁਬਿਧਾ ਵਿਚ ਕਿਸਾਨ

ਬਲਜੀਤਪਾਲ ਸਿੰਘ

سُنکے عجیب ناں
ہائبرڈ بیجاں دے
دُبدھا وچ کِرسان

بلجیتپال سنگھ
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਕੱਸੀਏ کسیئے

ਗਰਮੀਆਂ ਦੀਆਂ ਛੁੱਟੀਆਂ

ਬੱਚਿਆਂ ਹੱਥ

ਕਿਤਾਬਾਂ ਦੀ ਥਾਂ ਕੱਸੀਏ

ਬਲਜੀਤਪਾਲ ਸਿੰਘ

گرمیاں دیاں چھُٹیاں
بچیاں ہتھ
کتاباں دی تھاں کسیئے

بلجِیتپال سِنگھ

شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਯਾਦਾਂ یاداں

ਬੇਬੇ ਦੀਆਂ ਐਨਕਾਂ

ਬਾਪੂ ਦੀ ਘੜੀ

ਬੱਚਿਆਂ ਦਾ ਖਜਾਨਾ

ਬਲਜੀਤਪਾਲ ਸਿੰਘ

بیبے دِیاں اَینکاں
باپو دی گھڑی
بّچیاں دا خزانہ

بلجِیتپال سِنگھ
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਬੱਚੇ بّچے

ਲੱਗਦੇ ਪਿਆਰੇ

ਘਰਾਂ ‘ਚ ਬੱਚੇ

ਅੰਬਰ ‘ਚ ਤਾਰੇ

ਬਲਜੀਤਪਾਲ ਸਿੰਘ

لگدے پیارے
گھراں ‘چ بّچے
امبر ‘چ تارے

بلجِیتپال سِنگھ

شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਸਪੀਕਰ سپِیکر

ਪਰੀਖਿਆ ਦੇ ਦਿਨ

ਤਿਆਰੀ ਕਰਵਾਵੇ

ਸਪੀਕਰਾਂ ਦਾ ਸ਼ੋਰ

ਬਲਜੀਤਪਾਲ ਸਿੰਘ

پرِیکھیا دے دِن
تیاری کرواوے
سپِیکراں دا شور

بلجِیتپال سِنگھ
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਪਰਦੂਸ਼ਣਗੜ੍ਹ

ਸ਼ੋਰ ਮਸ਼ੀਨਾਂ ਦਾ

ਧੂੜ ਧੂੰਆਂਧਾਰ

ਨਾਂ ਪ੍ਰਦੂਸ਼ਣਗੜ੍ਹ

ਬਲਜੀਤਪਾਲ ਸਿੰਘ

شور مشینا دا
دھُوڑ دھوُاں دھار
ناں پردُوشنگڑھ

بلجیتپال سنگھ
گُرمُکھی انُواد:امرجیت ساتھی

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

 

ਨਾਨਕੇ

ਮਾਂ ਅਤੇ ਮਾਮਾ

ਦੋਵੇਂ ਮੋਏ

ਵਿਸਰੇ ਨਾਨਕੇ

ਬਲਜੀਤਪਾਲ ਸਿੰਘ

ماں تے ماما
دوویں موے
وِسرے نانکے

بلجیتپال سِنگھ
شاہ مُکھی روپ: جسوِندر سِنگھ

ਸ਼ਾਹਮੁਖੀ ਰੂਪ:ਜਸਵਿੰਦਰ ਸਿੰਘ

 

ਟੀਚਰ

ਚੱਲ ਰਿਹਾ ਕੰਪਿਉਟਰ

ਚੁੱਪ ਚੁੱਪੀਤਾ ਵੇਖਦਾ

ਖੜ੍ਹਾ ਪੁਰਾਣਾ ਟੀਚਰ

ਬਲਜੀਤਪਾਲ ਸਿੰਘ

چّل رہا کمپیوٹر

چُپ چُپِیتا ویکھدا

کھڑھا پُرانا تِیچر

بلجیتپال سنگھ

شاھمُکھی: جسوندر سنگھ
ਸ਼ਾਹਮੁਖੀ ਲਿੱਪੀਅੰਤਰ:ਜਸਵਿੰਦਰ ਸਿੰਘ

ਵੰਡ

ਪੁੱਤਾਂ ਕੀਤਾ

ਕਿਆਰਾ ਕਿਆਰਾ

ਵੰਡ ਬਾਪੂ ਦਾ ਖੇਤ

ਬਲਜੀਤਪਾਲ ਸਿੰਘ

پُتاں کِیتا
کیارا کیارا
ونڈ باپ دا کھیت

بلجیتپال سِنگھ
گُرمُکھی لِّپی انتر: جسوِندر سِنگھ

ਸ਼ਾਹਮੁਖੀ ਲਿੱਪੀਅੰਤਰ:ਜਸਵਿੰਦਰ ਸਿੰਘ

ਬਾਬਾ ਪੋਤਾ

ਬਾਬਾ ਖੇਤ ਨੂੰ

ਤੁਰਦਾ ਜਾਵੇ

ਪੋਤਾ ਬਾਈਕ ‘ਤੇ

ਬਲਜੀਤਪਾਲ ਸਿੰਘ

بابا کھیت نوں
تُردا جاوے
پوتا بائک تے

بلجیتپال سنگھ

شاہ مُکھی لپی انتر: جسوندر سنگھ
ਸ਼ਾਹਮੁਖੀ ਲਿੱਪੀਅੰਤਰ: ਜਸਵਿੰਦਰ ਸਿੰਘ

ਘੋੜਾ

ਬੱਚਾ ਕਹਿੰਦਾ

ਝੂਟੇ ਲੈਣੇ

ਡੈਡੀ ਬਣੋ ਘੋੜਾ

ਬਲਜੀਤਪਾਲ ਸਿੰਘ

بّچا کہندا
جھوٹے لینے
ڈیڈی بنو گھوڑا

بلجیتپال سنگھ

شاہ مُکھی لپی انتر : جسوندر سنگھ
ਸ਼ਾਹਮੁਖੀ ਲਿੱਪੀਅੰਤਰ : ਜਸਵਿੰਦਰ ਸਿੰਘ

ਤੰਦਾਂ

ਵੱਡੇ ਕੱਢਣ ਕੰਧਾਂ

ਨਿਕੇ ਬੱਚੇ ਜੋੜਣ

ਮੋਹ ਦੀਆਂ ਤੰਦਾਂ

ਬਲਜੀਤਪਾਲ ਸਿੰਘ

وُڈے کُڈھن کندھاں
نکے جوڑن
موھ دیاں تندوں

بلجیتپال سنگھ

ਲਿੱਪੀਅੰਤਰ: ਜਸਵਿੰਦਰ ਸਿੰਘ

ਚਾਹ

ਨਿੱਕੀ ਗੁੱਡੀ ਆਕੇ ਪੁੱਛੇ

ਡੈਡੀ ਜੀ ਜੇ ਠੰਡ ਲੱਗਦੀ

ਚਾਹ ਬਣਾਕੇ ਲਿਆਵਾਂ

ਬਲਜੀਤਪਾਲ ਸਿੰਘ

نّکئ گُڈئ آکے پُّچھے
ڈیڈئ جئ جے ٹھنڈ لگدئ
چاھ بنا کہ لیاواں

بلجیت پال سنگھ

جسوندر : لّپئ انتر

ਲਿੱਪੀਅੰਤਰ: ਜਸਵਿੰਦਰ ਸਿੰਘ

ਰਾਸ਼ੀਫਲ

ਉੱਪਰ ਲਿਖਿਆ

ਨਾਨਕਸ਼ਾਹੀ ਜੰਤਰੀ

ਅੰਦਰ ਰਾਸ਼ੀਫਲ

ਬਲਜੀਤਪਾਲ ਸਿੰਘ

اُپر لکھیا
نانکشاہئ جنترئ
اندر راشئ پھل

بلجیتپال سنگھ

لّپئ انتر : جسوندر

ਲਿੱਪੀਅੰਤਰ: ਜਸਵਿੰਦਰ ਸਿੰਘ

ਦਾਦੇ ਦੀ ਫੋਟੋ

ਡਰਾਇੰਗ ਰੂਮ ਵਿਚ

ਮਲਿਕਾ ਦੀ ਫੋਟੋ

ਦਾਦੇ ਦੀ ਸਟੋਰ ਵਿਚ

ਬਲਜੀਤਪਾਲ ਸਿੰਘ

ڈراینگ روم وچ
ملکا دئ پھوتو
دادے دئ سٹور وچ

بلجیتپال سنگھ

جسوندر : لّپئ انتر
ਸ਼ਾਹਮੁਖੀ ਲਿੱਪੀਅੰਤਰ : ਜਸਵਿੰਦਰ

ਚੜ੍ਹਾਵਾ

ਰੱਬ ਦੇ ਘਰ-

ਸੇਵਕ ਰੱਖਦੇ ਨਜ਼ਰ

ਗੋਲਕ ਉੱਤੇ

ਬਲਜੀਤਪਾਲ ਸਿੰਘ

ਬੂਹਾ

ਹਰ ਸਾਹ ਨਾਲ

ਆਵੇ ਜਾਵੇ ਜ਼ਿੰਦਗੀ

ਬੂਹਾ ਖੁਲ੍ਹੇ ਭਿੜੇ

ਬਲਜੀਤ ਪਾਲ ਸਿੰਘ

ਪ੍ਰਦੂਸ਼ਣ

ਅੰਮ੍ਰਿਤ ਵੇਲਾ

ਗੁੰਮ-ਸੁੰਮ ਚਹਿਚਹਾਟ

ਸ਼ੋਰ ਸਪੀਕਰਾਂ ਦਾ

ਬਲਜੀਤਪਾਲ ਸਿੰਘ

ਪ੍ਰਦੇਸੀ

ਪ੍ਰਦੇਸੀ ਮੁੜਦੇ ਇਥੇ
ਆਪਣੇ ਨਿੱਘੇ ਘਰੀਂ
ਯੂਰਪ ਵਿਚ ਵਿੰਟਰ

ਬਲਜੀਤ ਪਾਲ ਸਿੰਘ

ਨਾ-ਪਸੰਦ

ਧੱਕੇ ਨਾਲ ਮਿਲੀ ਕਿਤਾਬ

ਸੈਲਫ ਤੇ ਰੱਖ ਦਿੱਤੀ

ਬਿਨ੍ਹ ਪੜ੍ਹੇ ਹੀ

ਬਲਜੀਤ ਪਾਲ ਸਿੰਘ

ਇਕਮਿਕਤਾ

ਇਧਰ ਰੁਪਈਏ

ਉਧਰ ਡਾਲਰ

ਲਾਲਚ ਇੱਕੋ

ਬਲਜੀਤਪਾਲ ਸਿੰਘ

 

ਤੀਜਾ

ਤੀਜਾ ਖੁਸ਼

ਲੜ ਰਹੇ

ਦੋ ਮਿੱਤਰ

ਬਲਜੀਤ ਪਾਲ ਸਿੰਘ

ਪਾਣੀ-ਸੰਕਟ

ਨਹਿਰ ਖਾਲ੍ਹੀ

ਪਿਆਸੇ ਰੁੱਖ

ਮੁਰਝਾਏ ਮਨੁੱਖ

ਬਲਜੀਤ ਪਾਲ ਸਿੰਘ

ਗੋਲਕ

ਰੱਬ ਦੇ ਘਰ

ਸੇਵਕ ਲੜਦੇ

ਗੋਲਕ ਖਾਤਰ

ਬਲਜੀਤ ਪਾਲ ਸਿੰਘ

ਬੱਚਾ

ਖੁਸ਼ੀ ਖੁਸ਼ੀ ਬਣਾਵੇ

ਢਾਹ ਕੇ ਵੀ ਖੁਸ਼ ਹੋਵੇ

ਬੱਚਾ ਆਪਣਾ ਘਰ

ਬਲਜੀਤ ਪਾਲ ਸਿੰਘ

ਖਿੜ ਖਿੜ ਹੱਸੇ ਖਿੜਿਆ ਨਰਮਾ ਚੁਗੇ ਮੁਟਿਆਰ

ਬਲਜੀਤ ਪਾਲ ਸਿੰਘ

ਅੱਜ

ਲਗਾਮ ਮਾੜੀ

ਸਵਾਰ ਕੱਚਾ

ਘੋੜਾ ਅੱਥਰਾ

ਬਲਜੀਤਪਾਲ ਸਿੰਘ

ਪੜ੍ਹਣੋਂ ਹਟਿਆ

ਸਕੂਲੋਂ ਬਾਹਰ 

ਗੰਨਾ ਚੂਪੇ 

ਪੜ੍ਹਣੋ ਹਟਿਆ ਮੁੰਡਾ

ਬਲਜੀਤਪਾਲ ਸਿੰਘ

ਜੰਗ

ਮਧੋਲੀਆ ਫਸਲਾਂ 

ਧੁਆਂਖੇ ਦਰਖਤ 

ਜੰਗ ਲੱਗਕੇ ਹਟੀ 

ਬਲਜੀਤ ਪਾਲ ਸਿੰਘ

ਜੋਤਸ਼ੀ

ਸਾਇਕਲ ਤੋਂ ਡਿੱਗਾ

ਦੋ ਥਾਈਂ ਟੁੱਟੀ

ਜੋਤਸ਼ੀ ਦੀ ਲੱਤ

ਬਲਜੀਤ ਪਾਲ ਸਿੰਘ

ਘਰ

ਨਿੰਮ ਦਾ ਰੁੱਖ

ਤਣੇ ‘ਚ ਖੋੜ੍ਹ

ਤੋਤੇ ਦਾ ਘਰ

ਬਲਜੀਤਪਾਲ ਸਿੰਘ

ਚੁੱਪ

ਬਿੱਲੀ ਬੋਲੀ

ਚੁੱਪ ਹੋ ਗਿਆ

ਗਾਉਂਦਾ ਪਰਿੰਦਾ

ਬਲਜੀਤ ਪਾਲ ਸਿੰਘ

ਬੱਚਾ ਬੀਮਾਰ

ਬੱਚੇ ਨੂੰ ਬੁਖਾਰ –

ਬੂਹਾ, ਖਿੜਕੀ, ਪਰਦੇ

ਸਾਰਾ ਘਰ ਬੀਮਾਰ

ਬਲਜੀਤ ਪਾਲ ਸਿੰਘ

ਬਸਤੇ

ਛੁੱਟੀਆਂ ਮੁੱਕੀਆਂ

ਬੱਚੇ ਲੱਭਣ

ਵਿਸਰੇ ਬਸਤੇ

ਬਲਜੀਤ ਪਾਲ ਸਿੰਘ

ਟਟੀਹਰੀ

ਖੇਤ ਵਾਹੁੰਦਿਆਂ

ਮਸਾਂ ਬਚਾਏ

ਟਟੀਹਰੀ ਦੇ ਆਂਡੇ

ਬਲਜੀਤ ਪਾਲ ਸਿੰਘ

ਸੰਦ ਸਹਾਰੇ

ਬਾਪੂ ਸਾਂਭੇ ਸੰਦ

ਹੀਅਰਿੰਗ-ਏਡ ਐਨਕ

ਅਤੇ ਬਣਾਉਟੀ ਦੰਦ

ਬਲਜੀਤਪਾਲ ਸਿੰਘ

ਗਰਮ ਗੁਡਾਈ

ਗਰਮੀ ਕਾਰਨ

ਸਕੂਲ ਬੰਦ

ਬੱਚੇ ਗੁੱਡਣ ਨਰਮਾ

ਬਲਜੀਤ ਪਾਲ ਸਿੰਘ