ਡੱਕਾ

ਨਿੱਕੀ ਜਿੰਦ –
ਨਿੱਕੇ ਜਿਹੇ ਹੱਥ ਨਾਲ
ਬੱਚੇ ਚੁੱਕਿਆ ਡੱਕਾ

ਧੀਦੋ ਗਿੱਲ

ਦੀਵਾ

ਬੁਝ ਗਿਆ ਦੀਵਾ
ਅਪਣੇ ਹਿੱਸੇ ਦੀ
ਲੋਅ ਦੇਕੇ..

ਧੀਦੋ ਗਿੱਲ

ਜੁਗਨੂੰ

ਪੱਤਝੜ ਦੀ ਦਸਤਕ-
ਜੁਗਨੂੰ ਛੁਪਿਆ
ਪੱਤ ਖੜਕਦੇ

ਧੀਦੋ ਗਿੱਲ

ਕੁੜੀਆਂ

ਟੈਸਟ ਸੈਂਟਰ ਦੇ ਵੇਹੜੇ-
ਕੋਟਲਾ ਛਪਾਕੀ 
ਖੇਡਣ ਕੁੜੀਆਂ

ਧੀਦੋ ਗਿੱਲ

ਸਕੂਲੋਂ ਭੱਜੇ ਮੁੰਡੇ

ਸਕੂਲੋਂ ਭੱਜੇ ਮੁੰਡੇ
ਖੇਡਣ ਨਿੱਮ ਤੇ
ਟੁੱਕਣ ਨਿਮੋਲੀਆਂ

****

ਸਕੂਲੋਂ ਭੱਜੇ ਮੁੰਡੇ
ਭਾਠਕਾਂ ਵਾਲੇ ਖੂਹ ਵਿੱਚ
ਖਾਣ ਠੰਡੇ ਕਰ ਕਰ ਖਰਬੂਜੇ
****

ਤਿੱਖੜ ਦੁਪਹਿਰਾ
ਖੂਹ ਨਹਾਤੇ , ਸੁੱਕੀ ਨੀਕਰ
ਘਰ ਨੂੰ ਆਉਂਦੇ ਆਉਂਦੇ

ਧੀਦੋ ਗਿੱਲ

ਅੱਕ

ਰੋਹੀ ਦਾ ਅੱਕ-
ਸੁੱਕੇ ਦੁੱਧ ਗਿੱਟੇ ਗਜਰਾ
ਬੱਚਾ ਵਿਲਕੇ ਦੁੱਧ ਨੂੰ

ਧੀਦੋ ਗਿੱਲ

ਤੀਲਾ

ਰੁਮਕਦੀ ਠੰਡੀ ਹਵਾ-
ਵਗਦੀ ਨਦੀ
ਤੈਰਦਾ ਇੱਕ ਤੀਲਾ

cool breeze-
river streams
along rides a straw

ਧੀਦੋ ਗਿੱਲ

ਹਾਉੱਕਾ

ਤੁਰੀ ਰੇਲ ਗੱਡੀ-
ਅਫਗਾਨੀ ਔਰਤ, ਭਰਿਆ ਲੰਬਾ ਹਾਉੱਕਾ
ਹੱਥ ਛਾਤੀ ਤੇ

The rail coach steams off-
an Afghan woman sighs deep
her hand on chest

ਧੀਦੋ ਗਿੱਲ

ਲੰਬੇ ਵਾਲ

ਕਬੂਤਰ

ਚੰਦ ਮਾਮਾ

ਕੁਦਰਤੀ ਰੰਗ

ਸੂਹੇ ਫੁੱਲ
ਕੰਡੇ ਅੰਗ ਸੰਗ
ਕੁਦਰਤੀ ਰੰਗ

ਧੀਦੋ ਗਿੱਲ