ਸੈਰ

ਨੰਗੇ ਪੈਰੀਂ ਸੈਰ
ਪੌਣ ਸੁਆਰੇ ਵਾਲ਼ ਓਸਦੇ
ਘਾਹ ਪਿਆ ਧੋਵੇ ਪੈਰ

ਜਗਜੀਤ ਸੰਧੂ

ਮੁੰਦਰੀ

ਉਹ ਪਲੋਸੇ
ਹੀਰੇ ਦੀ ਮੁੰਦਰੀ 
ਖੰਭ ਕਲਮ ਨਾਲ਼

she caresses
her diamond ring
with quill-pen

वह छूआए
हीरे की अंगूठी को
कलम की पंखुरी से

ਜਗਜੀਤ ਸੰਧੂ

ਮੌਸਮ

ਨੰਗੀ ਸ਼ਾਖ ‘ਤੇ ਫੁੱਲ ਟਿਕਾ ਕੇ
ਕਮਰੇ ਅੰਦਰ ਏ ਸੀ ਲਾ ਕੇ
ਪੀਲੇ ਪੱਤੇ ਫ਼ਰਸ਼ ‘ਤੇ ਵਾਹ ਕੇ
ਤਪਦੀ ਧੁੱਪ ‘ਚ ਵਸਤਰ ਪਾ ਕੇ 
ਚਾਰੇ ਮੌਸਮ ਚਾਰ ਰਿਹਾਂ

ਜਗਜੀਤ ਸੰਧੂ

ਕੀਮਤ

ਤੇਰੀ ਬਾਂਹ ‘ਤੇ ਨਾਂ ਖੁਣਵਾ ਕੇ
ਉਂਗਲੀ ਦੇ ਵਿੱਚ ਮੁੰਦਰੀ ਪਾ ਕੇ
ਕੋਠੀ ਤੇਰੇ ਨਾਂ ਕਰਵਾ ਕੇ
ਕੁਨਬੇ ਦੀ ਕੀਮਤ ਸਮਝਾ ਕੇ
ਦੇਖ, ਮੈਂ ਤੈਨੂੰ ਮਾਰ ਰਿਹਾਂ

ਜਗਜੀਤ ਸੰਧੂ

ਬਿਰਖ

ਕਿੰਨਾ ਸੰਜਮੀ
ਬਿਰਖ ਝੂਮਦਾ
ਸਿਰਫ਼ ਪੌਣ ਸੰਗ

ਜਗਜੀਤ ਸੰਧੂ

ਬਾਜ਼ਾਰ

ਵੱਡਾ ਬਾਜ਼ਾਰ
ਕਿੰਨੇ ਲੋਕ ਆਉਣ
ਮੇਰੇ ਪਿੱਛੇ

ਜਗਜੀਤ ਸੰਧੂ

ਖੁਸ਼ਬੋ

ਬਾਰਿਸ਼ ਸਕੀ ਨਾ ਧੋ
ਤਨ ‘ਚੋਂ ਹਾਲੇ ਵੀ ਆਵੇ
ਸੰਦਲੀ ਜਹੀ ਖੁਸ਼ਬੋ

धो न सकी वर्षा
तन मेरा अब तक भी है
संदल से महका

After heavy rain
the body still emanates
a sandal fragrance

ਜਗਜੀਤ ਸੰਧੂ

ਅੱਖਾਂ

ਮੈਨੂੰ ਤੱਕ ਕੇ
ਗੱਲ੍ਹਾਂ ਭਖੀਆਂ, ਬਾਹਾਂ ਖੁੱਲ੍ਹੀਆਂ
ਅੱਖਾਂ ਹੋਈਆਂ ਬੰਦ

on seeing me
her cheeks glow, arms open
eyes close

मुझे देख कर
कपोल भखे, बाहें खुलीं
आँखें हुईं बंद

ਜਗਜੀਤ ਸੰਧੂ

ਗੂੰਗੀ

ਗੂੰਗੀ ਕੁੜੀ
ਗੱਲਾਂ ਕਰੇ
ਬੋਲੇ ਨਾ

ਜਗਜੀਤ ਸੰਧੂ

ਬੱਦਲ਼

ਬਾਲ ਚੀਖਿਆ…
ਔਹ ਡਿੱਗੇ ਬੱਦਲ਼
ਔਥੇ, ਝੀਲ ‘ਚ

child screams…
whoa! clouds fell
there, in the lake

बाल चिल्लाया…
वो गिरे बादल
वहाँ, झील में

ਜਗਜੀਤ ਸੰਧੂ

ਪੱਤੇ

ਰੁੱਖ ਹੇਠ ਬੈਠਾ ਗਾਵੇ
ਝੋਲ਼ੀ ਅੰਦਰ ਪੱਤੇ ਡਿੱਗਣ
ਘੁੰਮ ਘੁੰਮ ਕੇ 

singing under a tree
leave fall in the lap
whirl swirl twirl 

वृक्ष के नीचे गायन 
गोद में पत्ते गिरें 
घूम घूम के

ਜਗਜੀਤ ਸੰਧੂ

ਟੋਪ

ਪਹਿਨ ਕੇ ਵੇਖੇ
ਮਰਦਾਂ ਵਾਲਾ ਟੋਪ
‘ਕੱਲੀ ਮੁਸਕਾਵੇ

Trying on 
A mens hat
Smiles by herself

पहन कर देखे 
मर्दों का टोप 
अकेली मुस्कराए

ਜਗਜੀਤ ਸੰਧੂ 

ਪਾਰਲਰ

ਬਿਊਟੀ ਪਾਰਲਰ
ਬੁੱਲਾਂ ‘ਚ ਐਨਕਾਂ
ਅੱਖਾਂ ਤੇ ਖੀਰੇ

ਜਗਜੀਤ ਸੰਧੂ

ਪੌਣ

ਰੁੱਝੀ ਪੌਣ
ਧਰਤੀ ਉੱਤੋਂ ਕੂੜਾ ਹੂੰਝੇ
ਅੰਬਰ ਉੱਤੋਂ ਬੱਦਲ਼

व्यस्त पवन 
धरती से कूड़ा बुहारे 
आकाश से बादल 

Busy breeze
Sweeping dirt off the land
clouds off the sky

ਜਗਜੀਤ ਸੰਧ

ਛੋਹ

ਤੇਰੀ ਛੋਹ –
ਖਾਲੀ ਕੱਪ ‘ਚੋਂ 
ਅਜੇ ਵੀ ਪੀਵਾਂ

छुअन तुम्हारी 
खाली कप से
अभी तक पीऊँ 

your touch
still sipping on
empty cup

ਜਗਜੀਤ ਸੰਧੂ

ਦਸਤਾਨੇ

ਮਾਂ ਸਾਂਭੇ ਸਲ਼ਾਈਆਂ 
ਆਹਾ! ਨਵੇਂ ਦਸਤਾਨੇ
ਉਣੇ ਵੀ ਗਏ

माँ ने संभाल दीं सिलाईयां 
अहा! नए दस्ताने 
बुन भी दिए 

mom puts away needles
Aha! new gloves 
knit already

ਜਗਜੀਤ ਸੰਧੂ

ਤਲ਼ੀਆਂ

ਸਰਸਰਾਹਟ ਚ ਲੀਨ
ਰੁੱਖ ਦੇ ਪਤਝੜੀ ਪੱਤੇ
‘ਤੇ ਸਾਡੀਆਂ ਤਲ਼ੀਆਂ

busy in rustling
autumn leaves of tree
and our palms

सरसराहट में लीन 
वृक्ष के हेम्न्ति पत्ते 
व हमारी हथेलियाँ

ਜਗਜੀਤ ਸੰਧੂ

ਪੰਛੀ

ਸ਼…..ਸ਼ਸ਼..ਸ਼ਾਂਤ

ਤਸਵੀਰ ਚੋਂ ਪੰਛੀ

ਕਿਤੇ ਉੱਡ ਨਾ ਜਾਣ

ਜਗਜੀਤ ਸੰਧੂ

ਅਕਸ

ਸ਼ੀਸ਼ੇ ਅੰਦਰ
ਹਰ ਸਾਹ ਮਗਰੋਂ
ਅਕਸ ਧੁੰਦਲਾ ਹੋਵੇ

ਜਗਜੀਤ ਸੰਧੂ

ਵਾਯੂਮੰਡਲ

ਬਾਲ ਬਣਾਵੇ ਬੁਲਬੁਲੇ

ਸਤਰੰਗੇ ਪਾਣੀ ਦੇ ਉੱਡਣ

ਨਿੱਕੇ ਵੱਡੇ ਵਾਯੂਮੰਡਲ

ਜਗਜੀਤ ਸੰਧੂ

ਜਗਜੀਤ ਸੰਧੂ ਦੇ ੫ ਹਾਇਕੂ

ਸਰਦਲ ਕੋਲ ਪਏ
ਤੇਰੇ ਖਤ ਤੇ ਡਿੱਗੇ
ਫੁੱਲ ਤਰੇਲ ਧੁੱਪ
—
ਪਤਝੜ ਰੁੱਤੇ
ਪੀਲੇ ਪੱਤੇ ਬਣੇ ਗਲੀਚਾ
ਤੇ ਸਾਵੇ ਸਿਰ ਉੱਤੇ
—
ਸਾਹਮਣੇ ਪਹਾੜ ‘ਤੇ
ਕਿਸ ਨੇ ਲਟਕਾਏ
ਰੰਗ ਬਿਰੇੰਗੇ ਘਰ
—
ਸਿਲ੍ਹੀ ਅੱਖ
ਵੇਖ ਕੇ ਮੇਰੀ ਅੱਖ ‘ਚ
ਪਾਣੀ ਹਿੱਲੇ
—
ਉਸ ਖੋਲ੍ਹਿਆ
ਵਾਈਨ ਬੋਤਲ ਦੇ ਸੰਗ
ਭਰੇ ਹੋਏ ਮਨ ਨੂੰ

ਜਗਜੀਤ ਸੰਧੂ

collected by Sandip Sital

ਬਾਰਿਸ਼

Vancouver rain…

a tap flowing

without any reason

Jagjit Sandhu 

ਵੈਨਕੂਵਰ ਬਰਖਾ…

ਬਿਨਾ ਲੋੜ ਤੋਂ

ਚਲਦੀ ਟੂਟੀ

ਜਗਜੀਤ ਸੰਧੂ

ਕਤਾਰ قطار

ਖੜ੍ਹੇ ਬੰਨ੍ਹ ਕਤਾਰ-

ਢਲਾਣ ਉੱਤੇ ਰੁੱਖ

ਜੀਕੂੰ ਚੜ੍ਹਨ ਪਹਾੜ

ਜਗਜੀਤ ਸੰਧੂ

کھڑے بنھ قطار-
ڈھلان اتے رکھ
جیکوں چڑھن پہاڑ

جگجیت سندھو
شاہ مُکھی روپ : جسوندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਦੁਬਿਧਾ دُبدھا

ਅੱਜ ਤੋਂ ਹਾਇਕੂ ਦੀ ਵਿਧਾ ਨਾਲ਼ ਜੁੜਦਾ/ਮਿਲਦਾ ਇਕ ਹੋਰ ਕਾਵਿਕ ਰੂਪ ‘ਤਾਨਕਾ’ ਅਰੰਭ ਕੀਤਾ ਜਾ ਰਿਹਾ ਹੈ। ਇਸ ਵਿਧਾ ਬਾਰੇ ਹੋਰ ਜਾਣਕਾਰੀ ਲੇਖ ‘ਤਾਨਕਾ ਕੀ ਹੈ?’ ਵਿਚ ਦਿੱਤੀ ਗਈ ਹੈ। ਆਸ ਹੈ ਪੰਜਾਬੀ ਹਾਇਕੂਕਾਰ ਇਸ ਕਾਵਿਕ ਰੂਪ ਨੂੰ ਵੀ ਸਵੀਕਾਰ ਕਰਨਗੇ।

ਅਸੀਂ ਬੜੇ ਮਾਣ ਨਾਲ ਬਲਾਗ ‘ਤੇ ਜਗਜੀਤ ਸੰਧੂ ਹੋਰਾਂ ਦਾ ਇਹ ਤਾਨਕਾ ਪੇਸ਼ ਕਰਦੇ ਹਾਂ।

ਹਾੜ੍ਹ ਦੀ ਸੁਸਤ ਦੁਪਹਿਰੇ
ਮੰਦਰ ਵਿੱਚ ਪੁਜਾਰੀ ਸੁੱਤਾ
ਥਿੰਦੇ ਟੱਲ `ਤੇ ਮੱਖੀਆਂ
ਦੇਹਲ਼ੀ `ਤੇ ਸ਼ਰਧਾਲੂ ਸੋਚੇ
ਟੱਲ ਵਜਾਵਾਂ ਕਿ ਮੁੜ ਜਾਵਾਂ

ਜਗਜੀਤ ਸੰਧੂ

اج توں ہائکو دی ودھا نال جڑدا/ملدا اِک ہور کاوک روپ ‘تانکا’ ارمبھ کیتا جا رہا ہے۔ اِس ودھا بارے ہور جانکاری لیکھ ‘تانکا کی ہے؟’ وچ دِتی گئی ہے۔ آس ہے پنجابی ہائکوکار اِس کاوک روپ نوں وی سویکار کرنگے۔
اسیں بڑے مان نال بلاگ ‘تے جگجیت سندھو ہوراں دا ایہہ تانکا پیش کردے ہاں۔

ہاڑھ دی سست دوپیہرے
مندر وچّ پجاری ستا
تھندے ٹلّ `تے مکھیاں
دیہلی `تے شردھالو سوچے
ٹلّ وجاواں کہ مڑ جاواں

جگجیت سندھو
شاہ مُکھی روپ : جسوندر سنگھ

ਸਰਦਲ سردل

ਆਦਿ ਅੰਤ

ਵਿਚਕਾਰ

ਧਰਤੀ ਸਰਦਲ

ਜਗਜੀਤ ਸੰਧੂ

ਨੋਟ: ਅਮਰਜੀਤ ਸਾਥੀ ਦੇ ਜਨਮ ਦਿਨ ਨੂੰ ਸਮਪਰਤ।

آد انت
وچکار
دھرتی سردل

نوٹ: امرجیت ساتھی دے جنم دن نوں سمپرت۔

جگجیت سندھو
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਪੰਜ਼ੇਬ پنزیب

ਕਾਲ਼ੀ ਬੋਲ਼ੀ ਰਾਤ

ਮਾਉਰੀ* ਕੁੜੀ ਦੇ ਪੈਰੀਂ

ਜੁਗਨੂਆਂ ਦੀ ਪਾਜ਼ੇਬ

ਜਗਜੀਤ ਸੰਧੂ

*ਨਿਊਜ਼ੀਲੈਂਡ ਦੇ ਮੂਲ਼ਵਾਸੀ

کالی بولی رات
ماؤری٭ کُڑی دے پیریں
جُگنوآں دی پازیب

٭نیوزیلینڈ دے مولواسی

جگجیت سندھو
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਘਰ گھر

ਸਾਹਮਣੇ ਪਹਾੜ ‘ਤੇ

ਕਿਸ ਨੇ ਲਟਕਾਏ

ਰੰਗ ਬਿਰੰਗੇ ਘਰ

ਜਗਜੀਤ ਸੰਧੂ

ساہمنے پہاڑ ‘تے
کس نے لٹکائے
رنگ برنگے گھر

جگجیت سندھو
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਧੂਆਂ دھوآں

ਹਾਰੀ ਵਿਚੋਂ ਨਿਕਲ਼

ਥਮਲੇ ਨੂੰ ਜਾ ਲਿਪਟੀ

ਧੂਏਂ ਦੀ ਵੇਲ

ਜਗਜੀਤ ਸੰਧੂ

ہاری وچوں نِکل
تھملے نوں جا لِپٹی
دھوئیں دی ویل

جگجیت سندھو
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਜੰਤ جنت

ਸਰਘੀ ਵੇਲ਼ੇ

ਜੰਤ ਉਨੀਂਦੇ

ਰੁੱਖ ਤਰੇਲ਼ੇ

ਜਗਜੀਤ ਸੰਧੂ

سرگھی  ویلے
جنت اُنِیندے
رُّکھ تریلے

جگجِیت سندھو

شاہ مُکھی روپ : جسوَندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਨਵਾਂ ਪਿੰਡ نواں پِنڈ

ਨਵਾਂ ਪਿੰਡ…

ਖੇਤਾਂ ਵਿਚ ਬਰੂਦ ਉੱਗਿਆ

ਚੁੱਲ੍ਹਿਆਂ ਦੇ ਵਿਚ ਘਾਹ

ਜਗਜੀਤ ਸੰਧੂ

نواں پِنڈ
کھیتاں وِأچ برود اُّگیا
چُّلہیاں دے وِّچ گھاہ

جگجَیت سندھو

شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਮਨ من

ਮਨ ਨਾ ਸਕਿਆ ਧੋ

ਤਨ ‘ਚੋਂ ਹਾਲੇ ਵੀ ਆਵੇ

ਸੰਦਲੀ ਜਹੀ ਖੁਸ਼ਬੋ

ਜਗਜੀਤ ਸੰਧੂ

من نہ سکیا دھو
تن چوں ہالے وی آوے
سندلی جِہی خُشبو

جگجیت سندھو
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਤਾੜੀਆਂ تاڑِیاں

After the poem-

thundering applause

and rain on the tent

ਪੰਡਾਲ ‘ਤੇ ਬਰਸਾਤ-

ਕਵਿਤਾ ਮਗਰੋਂ

ਤਾੜੀਆਂ ਦੀ ਅਵਾਜ਼

ਜਗਜੀਤ ਸੰਧੂ

 

پنڈال تے  برسات
کوِتا مگروں
تاڑِیاں دی برسات 

 جگجیت سندھو

شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਭਰਿਆ ਮਨ بھریا من

She uncorked

a wine bottle

and heavy heart

ਉਸ ਖੋਲ੍ਹਿਆ

ਵਾਈਨ ਬੋਤਲ ਦੇ ਸੰਗ

ਭਰੇ ਹੋਏ ਮਨ ਨੂੰ

ਜਗਜੀਤ ਸੰਧੂ

اُس نے کھوہلیا
وائین بوتل دے سنگ
بھرے ہوئے من نوں

جگجیت سندھو
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਵਾਕ واک

ਪੰਛੀ ਚਹਿਕ ਪਿਆ

ਉੱਠ ਵੇ ਮਨਾ ਸੁੱਤਿਆ

ਸਰਘੀ ਨੇ ਵਾਕ ਲਿਆ

ਜਗਜੀਤ ਸੰਧੂ

پنچھی چہک پیا
اُٹھ وے مناں سُّتیا
سرگھی نے واک لیا

جگجیت سندھو
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਸੂਰਜ

ਰੁੱਤ ਬਦਲੀ

ਸੰਗਤਰੀ ਸੂਰਜ

ਬੁੱਲ੍ਹ ਸੁਕਾਵੇ

ਜਗਜੀਤ ਸੰਧੂ

 

رُّت بدلی
سنگتری سورج
بُلھ سُکاوے

جگجیت سندھو
شاہمُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਕਿਰਸਾਨ

ਜੁਗ ਜੀਵੇ ਕਿਰਸਾਨ

ਧਰਤੀ ਰੰਗੇ ਵੰਨ ਸੁਵੰਨੀ

ਅੰਦਰ ਬੀਆਬਾਨ

ਜਗਜੀਤ  ਸੰਧੂ

جُگ جیوے کِرسان
دھرتی رنگے ون سُوّنی
اندر بِیابان

جگجیت سندھو

شاھمُکھی: جسوندر سنگھ
ਸ਼ਾਹਮੁਖੀ ਲਿੱਪੀਅੰਤਰ:ਜਸਵਿੰਦਰ ਸਿੰਘ

ਡਰਨਾ

ਕਪਾਹ ਦੁੱਧ ਚਿੱਟੀ

ਡਰਨੇ ਦਾ ਝੱਗਾ

ਮੈਲ਼ਾ-ਕੁਚੈਲ਼ਾ

ਜਗਜੀਤ ਸੰਧੂ

کپاہ دُّدھ چِّٹی
ڈرنے دا جھّگا
میلا کُچَیلا

جگجیت سندھو
شاہ مُکھی روپ:جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਨੀਂਦ

ਨਹੀਂ ਜੀ ਨਹੀਂ…

ਮੈਂ ਟਾਰਚ ਨਹੀਂ ਭੁੱਲਾ

ਨੀਂਦ ‘ਚ ਚੱਲ ਰਿਹਾਂ

ਜਗਜੀਤ ਸੰਧੂ

نہیں جی نہیں
میں ٹارچ نہیں بھُلا
نیند ‘چ چّل رِہاں

جگجیت سندھو
شاہ مُکھی روپ: جسوِندر سِنگھ

ਸ਼ਾਹਮੁਖੀ ਰੂਪ: ਜਸਵਿੰਦਰ ਸਿੰਘ

ਮਹਿਕ

ਮੇਰੇ ਬੁੱਲ੍ਹਾਂ ਉੱਤੇ

ਉਸਨੇ ਉਂਗਲ਼ ਰੱਖੀ

ਸੰਤਰੇ ਦੀ ਮਹਿਕ

ਜਗਜੀਤ ਸੰਧੂ

میرے بُلہاں اُتے
اُسنے اُنگل رّکھی
سنترے دی مہک
جگجیت سندھو

شاہ مُکھی روپ: جسوندر سینگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਬੰਦ

ਮੇਜ਼ ਦੇ ਉੱਤੇ

ਪੁੱਠੀ ਕੁਰਸੀ

ਬੱਤੀ ਬੰਦ

ਜਗਜੀਤ ਸੰਧੂ

میز دے اُتے

پُٹھی کُرسی

بّتی بند

جگجیت سندھو
شاہ مُکھی : جسوِندر سِنگھ
ਸ਼ਾਹਮੁਖੀ ਰੂਪ: ਜਸਵਿੰਦਰ ਸਿੰਘ

ਮੂਰਤ

ਹਾਇਕੂ ਮੂਰਤ

ਲੇਖਕ ਮਨ ਦੀ

ਪੜ੍ਹ ਕੇ ਵੇਖਾਂ

ਜਗਜੀਤ ਸੰਧੂ

میرا حائیکو

من دی مورت

پڑھ کے  چھوہو

جگجیت سندھو

جسوِندر سِنگھ شاہ مُکھ ی

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਥਿੰਧਾ

ਇੱਕ ਸਿਰਹਾਣਾ ਥਿੰਧਾ

ਮਾਂ ‘ਤੇ ਦਾਦੀ ਲੜੀਆਂ

ਦੋ ਸਿਰਹਾਣੇ ਸਿੱਲ੍ਹੇ

ਜਗਜੀਤ ਸੰਧੂ

اِک سِرہانا تھِندھے کرکے
ماں تے دادی لڑیاں
دو سِرہانے سِلہے

جگجیت سندھو

شاھمُکھی:جسوندر سنگھ

ਸ਼ਾਹਮੁਖੀ ਲਿੱਪੀਅੰਤਰ:ਜਸਵਿੰਦਰ ਸਿੰਘ

ਚੌਧਰੀ

ਭੋਲ਼ੇ-ਭਾਲ਼ੇ ਸ਼ਬਦਾਂ ਦੇ ਵਿੱਚ

[{(“, !; ।: –/…?”)}]

ਬਣ ਬੈਠੇ ਘੜੰਮ ਚੌਧਰੀ

ਜਗਜੀਤ ਸੰਧੂ

بھولے بھالے شبداں دے وچ
[{(“, !; ।: –/…?”)}]
بن بَیٹھے گھڑّم چوُدھری
جگجیت سندھو

ساھمُکھی لپی انقر: جسوندر سنگھ
ਸ਼ਾਂਹਮੁਖੀ ਲਿੱਪੀਅੰਤਰ : ਜਸਵਿੰਦਰ ਸਿੰਘ

ਕਬਰਾਂ

ਕਬਰਾਂ ‘ਤੇ ਡਿਗਿਆ ਬੰਬ

ਠਹਾਕੇ ਜਿਹਾ ਧਮਾਕਾ

ਬੜੀ ਦੂਰ ਤੱਕ ਸੁਣਿਆ

ਜਗਜੀਤ ਸੰਧੂ

قبراں تے ڈگیا بمب
تھہاکے جہا دھماکہ
بڑئ دور تُک سُنیا

جگجیت سندھو

جسوندر : لّپئ انتر

ਲਿੱਪੀਅੰਤਰ: ਜਸਵਿੰਦਰ ਸਿੰਘ

ਚੀਖ

ਮੌਣ ‘ਤੇ ਧਰਕੇ

ਸਾਲੂ, ਸੱਗੀ, ਚੂੜਾ

ਖੂਹ ਵਿੱਚ ਡੁੱਬੀ ਚੀਖ

ਜਗਜੀਤ ਸੰਧੂ

مون تے دھرکے
سالؤ سُگئ چوڑا
کھوہ وچ ڈُبئ چیخ

جگجیت سندھو

جسوندر : لّپئ انتر

ਸ਼ਾਹਮੁਖੀ ਲਿੱਪੀਅੰਤਰ : ਜਸਵਿੰਦਰ

ਕੁੜਤਾ

ਬੱਚਾ ਆਖੇ ਦੇਖੋ

ਡੈਡੀ ਕਿੰਞ ਵੜਦਾ ਏ

ਅਪਣੇ ਕੁੜਤੇ ਅੰਦਰ

ਜਗਜੀਤ ਸੰਧੂ

ਦਾਦੀ-ਮਾਂ

ਬੱਚਾ ਪੁੱਛੇ ਦਾਦੀ-ਮਾਂ

ਬਿਨ ਕੰਬਲ਼ ਤੋਂ ਕੀਕੂੰ

ਸੌਂਊਂ ਚੰਦਰਮਾ

ਜਗਜੀਤ ਸੰਧੂ

ਬਰਫ

ਪਹਿਲੀ ਬਰਫ ਦਾ

ਉਂਜਲ਼ ਭਰਿਆ

ਹੋਇਆ ਪਾਣੀ ਪਾਣੀ

ਜਗਜੀਤ ਸੰਧੂ

ਅਹਿੱਲ ਪਰਬਤ

ਨਜ਼ਰ ਘੁਮਾਵਾਂ

ਅਜ਼ਲਾਂ ਤੋਂ ਅਹਿੱਲ ਪਰਬਤ

ਘੁੰਮਣ ਲਾਵਾਂ

ਜਗਜੀਤ ਸੰਧੂ

ਜੰਗਾਲ਼

ਵੱਡੇ ਬਾਈ ਦੀ ਡਾਂਗ

ਸੰਮਾਂ ਉੱਤੇ ਜੰਗਾਲ਼

ਮਿਟਿਆ ਜਾ ਕੋਈ ਨਾਂਮ

ਜਗਜੀਤ ਸੰਧੂ

ਦਾਗ

ਸਭ ਕਰਵਾਵੇ ਯਾਦ

ਦੁੱਧ ਚਿੱਟੀ ਕਮੀਜ਼ `ਤੇ

ਰੈੱਡ-ਵਾਈਨ ਦਾ ਦਾਗ

ਜਗਜੀਤ ਸੰਧੂ

ਬੇਤਾਜ

ਪੱਤੇ ਫੁੱਲ ਗੁਆ ਕੇ

ਬਿਰਖ ਬਣੇ

ਬੇਤਾਜ ਬਾਦਸ਼ਾਹ

ਜਗਜੀਤ ਸੰਧੂ

ਘਰ

ਕਮਰੇ ਦੀ ਬੱਤੀ ਜਗਾਈ

ਘਰ ਅੰਦਰ ਹੀ ਦਿੱਸਿਆ

ਜੀਵਨ ਦਾ ਹਰ ਰਾਹ

ਜਗਜੀਤ ਸੰਧੂ

ਬਤਖ਼ਾਂ

ਆਪਣੇ ਖੰਭ ਸੰਭਾਲ਼

ਝੀਲ ‘ਚ ਬਤਖ਼ਾਂ ਤੈਰਨ

ਲੈ ਪਰਛਾਵੇਂ ਨਾਲ਼

ਜਗਜੀਤ ਸੰਧੂ

ਮੌਜੇ

ਮੌਜੇ ਮੇਚ ਦੇ

ਪੈਰੀਂ ਪਾਏ

ਕੱਕੇ ਰੇਤ ਦੇ

ਜਗਜੀਤ ਸੰਧੂ

ਪਾੜ੍ਹੇ

ਉਹ ਪੜ੍ਹੇ ਕਿਤਾਬ

ਦੂਰ ਬੈਠਾ ਮੈਂ

ਪੜ੍ਹਾਂ ਉਸਦਾ ਚਿਹਰਾ

ਜਗਜੀਤ ਸੰਧੂ

ਅੱਖ ਖੁੱਲ੍ਹੀ

ਸਵੇਰੇ ਅੱਖ ਖੁੱਲ੍ਹੀ

ਫੁੱਲ ਖਿੜਿਆ

ਸਿਰਹਾਣੇ ‘ਤੇ

ਜਗਜੀਤ ਸੰਧੂ

ਲੀੜੇ

ਪਾਟੇ ਲੀੜਿਆਂ

ਵਾਲ਼ੀ ਮਾਈ

ਚੁਗੇ ਕਪਾਹ

ਜਗਜੀਤ ਸੰਧੂ

ਹੌਲ਼ੀ ਹਵਾ

ਹੌਲ਼ੀ ਹਵਾ ਨਾਲ਼

ਬਰਫ ਗਿਰਦੀ

ਘੁੰਮ ਘੁੰਮ ਕੇ

ਜਗਜੀਤ ਸੰਧੂ

ਪਹਿਲੀ ਬਰਫ

ਮੇਰੇ ਦਰ ‘ਤੇ

ਬਰਫ ਆਈ

ਪਾਣੀ ਬਣੀ

ਜਗਜੀਤ ਸੰਧੂ