ਵੰਗਾਂ

ਚੁਗ ਰਹੀ ਹੈ
ਉਹ ਟੁੱਟੀਆਂ ਵੰਗਾਂ ਦੇ ਟੋਟੇ
ਤੇਰੇ ਜਾਣ ਤੋਂ ਬਾਅਦ

ਗੁਰਮੇਲ ਬਦੇਸ਼ਾ

ਕਾਂ

ਢਲਾਣੀ ਛੱਤ 
ਬੋਲ ਰਿਹਾ ਪੱਛਮੀ ਕਾਂ
ਯਾਦ ਬਨੇਰੇ ਦੀ

ਗੁਰਮੇਲ ਬਦੇਸ਼ਾ

ਅੰਬੀ

ਬਾਲੜੀ ਕੁੜੀ 
ਉਡਿਆ ਜਾਂਦਾ ਤੋਤਾ ਦੇਖੇ 
ਹੱਥ ਟੁੱਕੀ ਅੰਬੀ

ਗੁਰਮੇਲ ਬਦੇਸ਼ਾ

ਘੋਗੇ

ਨਵ-ਵਿਆਹੀ ਜੋੜੀ
ਵਟਾਵੇ ਛੱਲੇ -ਮੁੰਦੀਆਂ ਬੀਚ ਤੇ 
ਮੇਰੇ ਹੱਥ ਸਿੱਪੀਆਂ-ਘੋਗੇ

ਗੁਰਮੇਲ ਬਦੇਸ਼ਾ

ਰੁਮਾਲ

ਹੰਝੂਆਂ ਦੀ ਸਾਂਝ 
ਜੇਬ ਚ ਸਾਂਭ ਰੱਖਿਆ
ਅਣ-ਧੋਤਾ ਰੁਮਾਲ

ਗੁਰਮੇਲ ਬਦੇਸ਼ਾ

ਵੇਖਿਆ ਸੁਣਿਆ

ਗੁਰਮੇਲ ਬਦੇਸ਼ਾ

ਘਰ ਦਾ ਮੋਢੀ

ਗੁਰਮੇਲ ਬਦੇਸ਼ਾ

ਦਸ਼ਾਲਾਏ ਕੁਦਰਤ

ਗੁਰਮੇਲ ਬਦੇਸ਼ਾ (ਧੰਨਵਾਦ ਸਹਿਤ ਤੇਜੀ ਬਿਨੇਪਾਲ ਦੀ ਵਾਲ ਤੋਂ)

ਬੋਟੀਆਂ بوٹیاں

ਪਹਾੜ ਦੀਆਂ ਬੋਟੀਆਂ

ਮਸ਼ੀਨਾਂ ਚੱਬ ਰਹੀਆਂ

ਕੰਕਰ ਰੋੜੇ ਬਜਰੀ

ਗੁਰਮੇਲ ਬਦੇਸ਼ਾ

پہاڑ دیاں بوٹیاں
مشیناں چبّ رہیاں
کنکر روڑے بجری

گورمیل بدیشا
شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਅੰਤਮ ਇੱਛਾ انتم اِچھا

ਅੰਤਮ ਇੱਛਾ..

ਸ਼ੱਕਰ ਰੋਗੀ ਨੇ ਮੰਗੀ

ਇਕ ਘੁੱਟ ਸ਼ਹਿਦ ਦੀ

ਗੁਰਮੇਲ ਬਦੇਸ਼ਾ

انتم اِچھا..
شکر روگی نے منگی
اِک گھُٹّ شہد دی

 گورمیل بدیشا
شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਅੰਤਰਰਾਸ਼ਟਰੀ ਸੰਤ

ਉੱਤੇ ਗੁੰਮਟ ਥੱਲੇ ਭੋਰਾ

ਲਾਹੇਬੰਦ ਰਹੇ ਸੰਤਾਂ ਨੂੰ

ਹਰ ਵਿਦੇਸ਼ੀ ਦੌਰਾ

ਗੁਰਮੇਲ ਬਦੇਸ਼ਾ

ਕਿਸਾਨ

ਸਿਰ ‘ਤੇ ਹਾਵੀ

ਧੀ ਦੀ ਡੋਲ਼ੀ

ਬੈਂਕ ਤਕਾਵੀ

ਗੁਰਮੇਲ ਬਦੇਸ਼ਾ