ਬੁਰਕੀਆਂ بُرکیاں

ਬੇਬੇ ਵੰਡੇ ਬੁਰਕੀਆਂ

ਘੁੱਗੀਆਂ ਨੂੰ ‘ਆ…ਆ’

ਕਾਵਾਂ ਨੂੰ ‘ਜਾਹ…ਜਾਹ’

ਕੁਲਪ੍ਰੀਤ ਬਡਿਆਲ

بیبے ونڈے بُرکیاں
گھگیاں نوں آ…آ
کاواں نوں  جاہ…جاہ

کلپریت بڈیال

شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਇਸ਼ਤਿਹਾਰ

ਧੁਨ دھن

ਛੀ..ਓ..ਛੀ ਦੀ ਧੁਨ

ਮਾਰ ਸੜ੍ਹਾਕੇ ਪੀਂਦੀਆਂ

ਮੱਝਾਂ ਖੇਲ਼ ਚੋਂ ਪਾਣੀ

ਕੁਲਪ੍ਰੀਤ ਬਡਿਆਲ

چھی..او..چھی دی دھن ‘تے
مار سڑھاکے پیندیاں
مجھاں کھیل چوں پانی

کلپریت بڈیال

شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਪੈਲ پیل

ਮੰਜੇ ਥੱਲੇ ਟੋਕਰਾ

ਪੈਲ ਪਾਏ ਅੰਬ

ਮਹਿਕੇ ਸਾਰਾ ਘਰ

ਕੁਲਪ੍ਰੀਤ ਬਡਿਆਲ

منجے تھلے ٹوکرا
پیل پائے امب
مہکے سارا گھر

کلپریت بڈیال

ਗੜੈਂ ਗੜੈਂ گڑیں گڑیں

ਟਿੱਪ ਟਿੱਪ ਗੜੈਂ ਗੜੈਂ

ਛੱਪੜ ਪੀਲੇ ਡੱਡੂ

ਕੜਾਹੀ ਵਿਚ ਪਕੌੜੇ

ਕੁਲਪ੍ਰੀਤ ਬਡਿਆਲ

ٹپّ ٹپّ گڑیں گڑیں
چھپڑ پیلے ڈڈو
کڑاہی وچ پکوڑے

کُلپریت بڈیال
شاہ مُکھی روپ:جسوندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਬੀਜ بیج

ਲੱਭਾ:

ਇਕ ਬੀਜ

ਬਗੈਰ ਬੀਜ ਸੰਤਰੇ ‘ਚੋਂ

ਕੁਲਪ੍ਰੀਤ ਬਡਿਆਲ

لبھا:

اک بیج

بغیر بیج سنترے ‘چوں

کلپریت بڈیال
شاہ مُکھی روپ : جسوندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਭਰਿੰਡਾਂ بھرِنڈاں

ਸਿਖਰ ਦੁਪਹਿਰਾ

ਨਲ਼ਕੇ ਉੱਤੇ ਲੱਗਿਆ

ਧਮੂੜੀਆਂ ਦਾ ਪਹਿਰਾ

ਕੁਲਪ੍ਰੀਤ ਬਡਿਆਲ

سِکھر دُپہرا
نلکے اُتے لگیا
دھموڑیاں دا پہرہ

کُلپریت بڈیال
شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਤੇਲ تیل

ਤੇਲ ਉੱਤੇ

ਤੇਲ ਥੱਲੇ

ਸਾਗਰ ਵਿਚਕਾਰ

ਕੁਲਪ੍ਰੀਤ ਬਡਿਆਲ

تیل اُتّے
تیل تھلّے
ساگر وچکار

کُلپریت بڈیال
شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ :  ਜਸਵਿੰਦਰ ਸਿੰਘ

ਸਾਗਰ

Haiga: Kulpreet Badial

ਛੈਣੇ

ਮੰਗਣ ਚੁੱਪ ਦਾ ਦਾਨ

ਦੋ ਵਾਜੇ ਦੋ ਢੋਲਕੀਆਂ

ਪੰਜ ਛੈਣੇ ਗਲਤਾਨ

ਕੁਲਪ੍ਰੀਤ ਬਡਿਆਲ

 

منگن چُّپ دا دان
دو واجے دو ڈھولکیاں
پنج چھَینے گلتان

کُلپریت بڈیال
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਕੌਲ

ਹਾਇਗਾ: ਕੁਲਪ੍ਰੀਤ ਬਡਿਆਲ

photo

چند دیخِ
بِگسحِ
کؤلار

گُرمیت سندھو
شاہ مُکھی روپ: جسوِندر سِنگھ

 ਸ਼ਾਹਮੁਖੀ ਰੂਪ :ਜਸਵਿੰਦਰ ਸਿੰਘ

credit : http://www.flickr.com/photos/artalways/15231884/

Gurbani link : http://www.srigranth.org/servlet/gurbani.gurbaniAction=Page&Param=1180&english=t&id=50859#l50859

ਧੂਣੀ

ਸਰਦ ਸਵੇਰੇ ਧੁੰਦ

ਬੁੱਕਲ਼ ਅੰਦਰ ਰਾਤ ਦੀ

ਧੂਣੀ ਦੀ ਖੁਸ਼ਬੂ

ਕੁਲਪ੍ਰੀਤ ਬਡਿਆਲ

 

سرد سویرے دھُند
بُّکل اندر رات دی
دھوُنی دی خُشبو

کُلپریت بڈیال
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ: ਜਸਵਿੰਦਰ ਸਿੰਘ

ਭਾਫ਼

ਸਰਦ ਸਵੇਰੇ ਖੂਹ ਦੀ

ਸੱਜਰੀ ਵਗਦੀ ਆੜ ਚੋਂ

ਉੱਡੇ ਯੁੱਗਾਂ ਦੀ ਭਾਫ਼

ਕੁਲਪ੍ਰੀਤ ਬਡਿਆਲ

سرد سویرے کھوہ دی
سّجری وگدی آڑ ‘چوں
اُڈے یُگاں دی بھاف

کُلپریت بڈیال

شاہ مُکھی روپ: جسوندر سنگھ

ਸ਼ਾਹਮੁਖੀ ਰੂਪ: ਜਸਵਿੰਦਰ ਸਿੰਘ

ਮੇਘ

ਹਾਇਗਾ:

ਕੁਲਪ੍ਰੀਤ ਬਡਿਆਲ

http://www.srigranth.org/servlet/gurbani.gurbani?Action=KeertanPage&K=1267&L=17&Lang=1&I=8531

ਭਾਈ ਨਿਰਮਲ ਸਿੰਘ ਜੀ ਦਾ ਇਸ ਸ਼ਬਦ ਦਾ ਗਾਇਨ ਸੁਣਨ ਲਈ ਲਿੰਕ:

http://www.youtube.com/watch?v=Z7BVWrrEOFo

ਫੋਟੋ ਲਿੰਕ:

http://www.flickr.com/photos/curiousbystander/2560795361/

برس

میگھ جی

تِل بِلم نہ لاوُ

شبد گُرو ارجَن دیو جی

ہاءیگا:کُلپرِیت بڈیال
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ:ਜਸਵਿੰਦਰ ਸਿੰਘ

ਬ੍ਰਹਮੁ ਪਾਤੀ

ਹਾਇਗਾ: ਕੁਲਪ੍ਰੀਤ ਬਡਿਆਲ

brahma_vishnu_mahesh

photo credit : http://www.flickr.com/photos/sparkys/379806096/

Gurbani reference (Kabir) :

http://www.srigranth.org/servlet/gurbani.gurbani?Action=Page&Param=479&english=t&id=21676#l21676

برہم پاتی
بِشن ڈاری
پھوُل شنکر دیو

ہایگا :کُلپریت بڈیال

شاہ مُکھی: جسوِندر سِنگھ

ਸ਼ਾਹਮੁਖੀ ਰੂਪ:ਜਸਵਿੰਦਰ ਸਿੰਘ

ਚਿੜੀ ਚੁਹਕੀ

ਸ਼ਲੋਕ: ਸ਼੍ਰੀ ਗੁਰੂ ਅਰਜਨ ਦੇਵ ਜੀ

http://www.srigranth.org/servlet/gurbani.gurbani?Action=Page&Param=319&english=t&id=14562#l14562

ਫੋਟੋ: ਵਿਲਿਅਮ ਡਾਲਟਨ

http://www.flickr.com/photos/bovinacowboy/547877997/

ਹਾਇਗਾ: ਕੁਲਪ੍ਰੀਤ ਬਡਿਆਲ

چِڑی چُہکی
پہو پھُتی
وگن بہُت ترنگ

شلوک سری گُرو ارجن دیو جی

ھایگا:کُلپریت بڈیال
شاھمُکھی: جسوندر سنگھ
ਸ਼ਾਹਮੁਖੀ ਲਿੱਪੀਅੰਤਰ:ਜਸਵਿੰਦਰ ਸਿੰਘ

ਕਿਰਤ

ਕੀਬੋਰਡ ਦੀ ਟਿਕ ਟਿਕ

ਮਾਉਸ ਦੀ ਕਲਿੱਕ ਕਲਿੱਕ

ਮੇਰੀ ਦਸਾਂ ਨੌਹਾਂ ਦੀ ਕਿਰਤ

ਕੁਲਪ੍ਰੀਤ ਬਡਿਆਲ

ਹਾਲੋਈਨ

Halloween = ਹਾਲੋਈਨ

31 October. The eve of ‘All Saint’s Day’

੩੧ ਅਕਤੂਬਰ ਨੂੰ ਪੱਛਮੀਂ ਦੇਸ਼ਾਂ ਵਿਚ ਮਨਾਇਆ ਜਾਂਦਾ ‘ਸਰਵ ਸੰਤ ਦਿਵਸ’

ਹਾਇਗਾ: ਕੁਲਪ੍ਰੀਤ ਬਡਿਆਲ

ਮਾਂ

ਮਾਂ ਵਰਤਾਈ ਰੋਟੀ

ਰੋਕੀਆਂ ਨਾਂ ਰੁਕਣ

ਘੀ ਦੀਆਂ ਤਤੀਹਰੀਆਂ

ਕੁਲਪ੍ਰੀਤ ਬਡਿਆਲ

ਸੱਥ

ਸੱਥ ਲੱਗਿਆ ਦਰਬਾਰ

ਬੈਠੇ ਸੁਣਦੇ ਬਾਬੇ

ਇਕ ਪੜ੍ਹੇ ਅਖਬਾਰ

ਕੁਲਪ੍ਰੀਤ ਬਡਿਆਲ

ਵਿਚਾਰ ਵਟਾਂਦਰਾ

ਨਿਮਨ ਲਿਖਤ ਹਾਇਕੂ ਵਾਰੇ, ਜੋ ੧੯ ਜੁਲਾਈ ਨੂੰ ਛਪੀ ਸੀ, ਸੁਹਿਰਦ ਮਿੱਤਰਾਂ ਨੇ ਆਪੋ ਆਪਣੇ ਵਿਚਾਰ ਦਿੱਤੇ ਹਨ ਜੋ ਹਾਇਕੂ ਵਿਧਾ ਵਾਰੇ ਮਹੱਤਵ ਪੂਰਨ ਅਤੇ ਜਾਣਕਾਰੀ ਭਰਪੂਰ ਹਨ। ਹਾਇਕੂ ਅਤੇ ਟਿੱਪਣੀਆਂ ਹੇਠ ਦਿੱਤੀਆਂ ਜਾ ਰਹੀਆਂ ਹਨ ਤਾਂ ਜੋ ਇਸ ਵਿਸ਼ੇ ਉੱਤੇ ਹੋਰ ਵਿਚਾਰ ਵਟਾਂਦਰਾ ਕੀਤਾ ਜਾ ਸਕੇ। ਕਿਰਪਾ ਕਰਕੇ ਅਪਣੇ ਵਿਚਾਰ ਜਰੂਰ ਲਿਖੋ ਜੀ।

ਜਦੋਂ ਤੀਕ ਚੁੱਪ ਸੀ

ਅਣਕਿਹਾ ਕੋਲ਼ ਸੀ

ਬੋਲਕੇ ਗੁਆ ਲਿਆ

ਅਮਰਜੀਤ ਸਾਥੀ

ਕੁਲਪ੍ਰੀਤ ਬਡਿਆਲ: Beautiful – this is one of those amazing Aha !! moments where the haiku can make you feel exactly what the poet felt.

ਦਰਬਾਰਾ ਸਿੰਘ: khubsurat expression ,khubsurat bhav
donan da nhin jbav
pathak laon hisab

band muthi te khuli di dastan

ਬਲਰਾਜ ਚੀਮਾ: To me , sir, the idea and its expression is great, and can claim its place among the rare gems in the realm of ideas.
Haiku would question the suggestion of idea howsoever noble it be!
My humble suggestion!

ਗੁਰਿੰਦਰਜੀਤ ਸਿੰਘ: Saathi Sahib!
Cheema Sahib wala vichaar mere vi dil ch ayea siii…

Otherwise, inha 3 lines which everything is great.

ਅਮਰਜੀਤ ਸਾਥੀ: ਚੀਮਾ ਸਾਹਿਬ ਅਤੇ ਗੁਰਿੰਦਰਜੀਤ ਜੀ ਤੁਹਾਡੇ ਕਿੰਤੂ ਬੜੇ ਵਾਜਬ ਹਨ। ਮੈਨੂੰ ਵੀ ਇਕ ਨਜ਼ਰ ਇਸ ਤਰਾਂ ਹੀ ਮਹਿਸੂਸ ਹੁੰਦਾ ਹੈ। ਪਰ ਆਓ ਵਿਚਾਰ ਕਰੀਏ ਕਿ ਕੀ ਇਹ ਹਾਇਕੂ ਕਿਸੇ ਪੱਧਰ ‘ਤੇ ਹਾਇਖੂ ਦੀ ਵਿਧਾ ਉੱਤੇ ਪੂਰਾ ਉਤਰ ਦਾ ਹੈ ਜਾਂ ਨਹੀਂ। ਪਹਿਲਾਂ ਹਾਇਕੂ ਦੇ ਬੁਨਿਆਦੀ ਗੁਣਾਂ ਨੂੰ ਨਿਸ਼ਚਤ ਕਰ ਲਈਏ:

੧. ਹਾਇਕੂ ਦਾ ਮੂ਼ਲ ਆਧਾਰ ‘ਹਾਇਕੂ ਛਿਣ’ ਹੈ। ਭਾਵ ਕਿਸੇ ਘਟਨਾ ਦਾ ਉਹ ਛਿਣ ਜਿਸ ਨੇ ਕਵੀ ਨੂੰ ਆਨੰਦ ਦਾ, ਆਹਾ! ਦਾ, ਦਰਦ ਦਾ, ਪੀੜ ਦਾ, ਇਕੱਲ ਦਾ, ਜਾਂ ਹੋਰ ਕੋਈ ਅਲੌਕਿਕ ਅਹਿਸਾਸ ਕਰਵਾਇਆ ਹੈ ਜੋ ਉਹ ਪਾਠਕਾਂ ਨਾਲ਼ ਸਾਂਝਾ ਕਰਨਾ ਚਾਹੁੰਦਾ ਹੈ।

੨. ਕਵੀ ਨੇ ਉਸ ‘ਹਾਇਕੂ ਛਿਣ’ ਨੂੰ ਉਨ੍ਹਾਂ ਬਿੰਬਾ ਰਾਹੀਂ ਪਰਗਟ ਕਰਨਾ ਹੁੰਦਾ ਹੈ ਜਿਨ੍ਹਾਂ ਰਾਹੀਂ ਉਸ ਨੂੰ ਇਹ ਅਨੁਭਵ ਹੋਇਆ ਹੋਵੇ। ਜਿਸ ਲਈ ਉਹ ਦੇਖੇ(visual), ਸੁਣੇ (aural), ਸੁੰਘੇ (smell), ਛੋਹੇ (touch), ਚੱਖੇ(taste) ਬਿੰਬਾਂ ਦੀ ਵਰਤੋਂ ਕਰਦਾ ਹੈ। ਇਸ ਦੇ ਨਾਲ਼ ਹੀ ਜਾਪਾਨੀ ਹਾਇਕੂ ਵਿਧਾ ਅਨੁਸਾਰ ਇਕ ਛੇਵੇਂ ਇੰਦਰੀ-ਬੋਧ ਨੂੰ ਵੀ ਸਵੀਕਾਰ ਕੀਤਾ ਜਾਂਦਾ ਹੈ ਜੋ ਸਮੁੱਚੇ ਇੰਦਰੀ-ਬੋਧ(senses) ਅਤੇ ਮਨ (mind) ਦੀ ਸਾਂਝੀ ਕਿਰਤ ਹੁੰਦਾ ਹੈ।

ਇਸ ਹਾਇਕੂ ਵਿਚ ‘ਹਾਇਕੂ ਛਿਣ’ ਉਹ ਪਲ ਹੈ ਜਦੋਂ ਕਵੀ ਨੂੰ ਕੁਝ ਕਹਿਕੇ ਇਹ ਅਹਿਸਾਸ ਹੁੰਦਾ ਹੈ ਕਿ ਉਸ ਨੂੰ ਇਹ ਕਹਿਣਾ ਨਹੀਂ ਚਾਹੀਦਾ ਸੀ। ਪਰ ਨਾਲ਼ ਹੀ ਦੋ ਵਿਅਕਤੀਆਂ ਦਾ ਆਪਸ ਵਿਚ ਜਾਂ ਕੁਝ ਲੋਕਾਂ ਨਾਲ਼ ਵਾਰਤਾਲਾਪ ਕਰਨ ਦਾ ਦ੍ਰਿਸ਼ ਅਤੇ ਕੁਝ ਬੋਲਣ ਦਾ ਬਿੰਬ ਵੀ ਜ਼ਿਹਨ ਵਿਚ ਉੱਭਰਦੇ ਹਨ। ਹੋ ਸਕਦਾ ਹੈ ਪਾਠਕ ਦੇ ਮਨ ਵਿਚ ਵੀ ਇਸ ਤਰਾਂ ਦੀ ਕੋਈ ਵਾਪਰੀ ਹੋਈ ਘਟਨਾ ਯਾਦ ਆ ਗਈ ਹੋਵੇ ਅਤੇ ਉਸ ਦਾ ਅਹਿਸਾਸ ਹੋਰ ਤੀਖਣ ਹੋ ਗਿਆ ਹੋਵੇ। ਜੇ ਇਹ ਹਾਇਕੂ ਪਾਠਕ ਨਾਲ਼ ਇਸ ਤਰਾਂ ਦਾ ਸੰਵਾਦ-ਸੰਚਾਰ ਸਥਾਪਤ ਕਰ ਸਕੀ ਹੈ ਤਾਂ ਹਾਇਕੂ ਵਿਧਾ ਦੇ ਘੇਰੇ ਵਿਚ ਆ ਸਕਦੀ ਹੈ।

ਇਸ ਵਿਸ਼ੇ ਨੂੰ ਹੋਰ ਵਿਚਾਰਨ ਦੀ ਲੋੜ ਹੈ ਸੋ ਕਿਰਪਾ ਕਰਕੇ ਅਪਣੇ ਵਿਚਾਰ ਜਰੂਰ ਸਾਂਝੇ ਕਰੋ ਜੀ।

ਬਲਰਾਜ ਚੀਮਾ: I still feel the moment was well served by the first line when it reads -as long as it is mute-
once the the mystrey is shattered and the unsaid is lost, the element of idea or the thought is evoked even in its absence; i mean even if whatever was unexpressed was lost. Again it sounds more like a matter of perception as to whatever was inartculated and the mystery surrounding it, was dissolved into another sphere of nothingness.
May be we can dig deeper into the plane of non-existence and perhaps come up with something more convincing.

ਪੱਤਰਕਾਰੀ

ਮੁਫ਼ਤ ਮਿਲੇ ਅਖਬਾਰ –

ਜੋਤਸ਼ ਜੋਸ਼-ਜਵਾਨੀ

ਕਾਲ਼ੇ ਜਾਦੂ ਦੀ ਭਰਮਾਰ

ਕੁਲਪ੍ਰੀਤ ਬਡਿਆਲ

ਦੁਪਹਿਰਖਿੜੀ

ਖਿੜਨ ਖਿਲਾਰਨ

ਰੰਗਲਾ ਹਾਸਾ

ਦੁਪਹਿਰਖਿੜੀਆਂ

ਕੁਲਪ੍ਰੀਤ ਬਡਿਆਲ

ਰਾਗ ਭੁਪਾਲੀ

ਫੋਟੋ: ਮੇਹਰ ਗੁਲ/Photo: Mehr Gul

ਹਾਇਗੀਤ: ਕੁਲਪ੍ਰੀਤ ਬਡਿਆਲ/Haigeet: Kulpreet Badial

ਰਾਗ ਭੂਪਾਲੀ ਸੁਣਨ ਲਈ ਲਿੰਕ:

http://www.sitarplayer.net/tabla/saadh_dee_chhann.mp3

ਗੰਡੇਰੀਆਂ

ਬੱਛਾ ਮਾਰੇ ਪੂੰਛ –

ਤੂੜੀ-ਹਰੇ ਦਾ ਕੁੰਡ

ਕਿਤੇ ਕਿਤੇ ਗਲੇਰੀਆਂ

ਕੁਲਪ੍ਰੀਤ ਬਡਿਆਲ

ਡਕਾਨੂੰ

ਹਰੇ ਡਕਾਨੂੰ …

ਡੇਕ ਬੱਝੀ ਬੱਕਰੀ

ਚਰੇ ਡਕਾਨੂੰ

ਕੁਲਪ੍ਰੀਤ ਬਡਿਆਲ

ਚੁਲ੍ਹੇ-ਨਿਉਂਦਾ

ਸੱਜਰਾ ਵਗਿਆ ਖੇਤ

ਟਟੀਹਰੀਆਂ ਨੂੰ

ਚੁਲ੍ਹੇ-ਨਿਉਂਦਾ

ਕੁਲਪ੍ਰੀਤ ਬਡਿਆਲ

ਜਾਗ

ਦਿਨ ਚੜ੍ਹੇ ਦੀ ਲਾਲੀ

ਘੁੱਟ ਭਰਾਂ ਚਾਹ ਦਾ

ਹਾਇਕੂ ਡੱਬਾ ਖਾਲੀ

ਕੁਲਪ੍ਰੀਤ ਬਡਿਆਲ

ਨਾਮਕਰਨ

ਪੰਜਾਬੀ ਨਾਮਕਰਨ…

ਟਰੈਕਟਰ ਡੀ ਟੀ ੧੪

‘ਲੰਬੜਾਂ ਦੀ ਖੋਤੀ’

ਕੁਲਪ੍ਰੀਤ ਬਡਿਆਲ

ਨੋਟ: ਡੀ ਟੀ ੧੪= ਇਕ ਛੋਟੇ ਆਕਾਰ ਦੇ ਟਰੈਕਟਰ ਦੇ ਮਾਡਲ ਦਾ ਨਾਂ।

ਟਰੈਕਟਰ ਸੰਗੀਤ

ਆਈਸ਼ਰ ਧੁਕ-ਧੁਕ

ਜ਼ੀਟਰ ਘੀਂ-ਘੀਂ

ਸੁਰ ਮੈਸੀ ਰਸ-ਭਿੰਨੀ

ਕੁਲਪ੍ਰੀਤ ਬਡਿਆਲ

ਫੁੱਲ ਖਿੜੇ ਦੇ ਖਿੜੇ

ਚਿੱਟੀਆਂ ਚੁੱਨੀਆਂ

ਚੀਕ ਚਿਹਾੜਾ

ਸਤਵਰਗ ਖਿੜੇ ਦੇ ਖਿੜੇ

ਕੁਲਪ੍ਰੀਤ ਬਡਿਆਲ

ਨੋਟ: ਸਤਵਰਗ = ਗੈਂਦੇ ਦੇ ਫੁੱਲ

ਅਸਰਾਜੇ ਦੀ ਧੁਨੀ

ਹਾਇਗਾ: ਕੁਲਪ੍ਰੀਤ ਬਡਿਆਲ

ਨੋਟ : ਆਸਾ ਤੜਕੇ ਸਵੇਰ ਦਾ ਰਾਗ ਹੈ । ਗੁਰਬਾਣੀ ਵਿਚ ‘ਆਸਾ ਦੀ ਵਾਰ’ ਨੂੰ ਟੁੰਡੇ ਅਸਰਾਜੇ ਦੀ ਧੁਨੀ ਵਿਚ ਗਾਣ ਦਾ ਆਦੇਸ਼ ਹੈ । ਪਰਚੱਲਤ ਧੁਨ ਕੁਛ ਇਸ ਤਰਾਂ ਹੈ:-

http://www.sitarplayer.net/tabla/asa.wav

ਦੌੜ

ਹਾਇਗਾ: ਕੁਲਪ੍ਰੀਤ ਬਡਿਆਲ

ਰਾਗ ਬਿਲਾਵਲ

ਹਾਇਗਾ: ਕੁਲਪ੍ਰੀਤ ਬਡਿਆਲ

ਨੋਟ: ਭਾਰਤੀ ਸ਼ਾਸ਼ਤਰੀ ਸੰਗੀਤ ਰਾਗਾਂ ‘ਤੇ ਅਧਾਰਤ ਹੈ ਅਤੇ ਹਰ ਰਾਗ ਕਿਸੇ ਵੇਲੇ ਜਾਂ ਰੁੱਤ ਦੀ ਸੁਰ ਨੂੰ ਅਭਿਵਿਅਕਤ ਕਰਦਾ ਹੈ। ਆਸਾ ਰਾਗ ਅਤੇ ਭੈਰਬ ਰਾਗ ਪ੍ਰਭਾਤ ਦੇ ਰਾਗ ਹਨ ਅਤੇ ਬਿਲਾਵਲ ਕੋਈ ਪਹਿਰ ਕੁ ਦਿਨ ਚੜ੍ਹਣ ਵੇਲੇ ਗਾਇਆ ਜਾਂਦਾ ਹੈ। ਇਹ ਰਾਗ ਸ਼ਾਂਤੀ, ਟਿਕਾਓ ਅਤੇ ਆਨੰਦ ਨੂੰ ਪ੍ਰਗਟ ਕਰਦਾ ਹੈ। ਇਸ ਹਾਇਕੂ ਵਿਚਲਾ ਬਿੰਬ ਵੀ ਰਾਗ ਬਿਲਾਵਲ ਦਾ ਹੀ ਵਿਸਥਾਰ ਹੈ।

ਰਾਗ ਬਿਲਾਵਲ ਗਾਇਕ ਕੁਲਪ੍ਰੀਤ ਬਡਿਆਲ

ਅਧ-ਖਿੜੇ ਫੁੱਲ

ਸਕੂਲੇ ਪੜ੍ਹਾਉਂਦੇ –

ਅਧ-ਖਿੜੇ ਫੁੱਲਾਂ ਨੂੰ

ਤਿਤਲੀਆਂ ਤੇ ਭੂੰਡ

ਕੁਲਪ੍ਰੀਤ ਬਡਿਆਲ

ਰੋਟੀ-ਵੰਡ

ਗਿਣੇ ਨਾਲ਼ੇ ਚਿਣੇ ਮਾਂ

ਛਾਬੇ ਵਿਚ ਰੋਟੀਆਂ

ਚਿੜੀਆਂ ਦੀ..ਕੁੱਤੇ ਦੀ..ਸਾਧ ਦੀ…

ਕੁਲਪ੍ਰੀਤ ਬਡਿਆਲ

ਤੂੜੀ

ਜੀ ਟੀ ਰੋਡ ‘ਤੇ ਧੁੰਦ

ਗੱਡੇ ‘ਤੇ ਚੜ੍ਹਗੀ ਗੱਡੀ

ਜਨੇਤੀ ਤੂੜੋ-ਤੂੜੀ

ਕੁਲਪ੍ਰੀਤ ਬਡਿਆਲ