Category Archives: ਅਵੀ ਜਸਵਾਲ

ਚੰਨ

17 ਸੋਮਵਾਰ ਸਤੰ. 2012

Posted by in ਅਵੀ ਜਸਵਾਲ, ਕੁਦਰਤ/Nature, ਚੰਨ

≈ ਟਿੱਪਣੀ ਕਰੋ

ਤੜਕੇ 3 ਕੁ ਵਜੇ ਝੀਲ ਦੇ ਕਿਨਾਰੇ ਖੜੀ ਨੂੰ ਪੂਰਾ ਚੰਨ ਅਸਮਾਨ ਵਿੱਚ ਤੇ ਝੀਲ ਵਿੱਚ ਉਸਦਾ ਪਰਛਾਵਾਂ ਨਜ਼ਰੀਂ ਪਿਆ ਤੇ ਆਪ ਮੁਹਾਰੇ ਮੂੰਹ ‘ਚੋਂ ਨਿਕਲਿਆ ਵਾਹ ਤੇਰੀ ਕੁਦਰਤ… ਤੂੰ ਹੀ ਤੂੰ ਹੀ…. ਉਸੇ ਟਾਈਮ ਕੁਝ ਘੰਟਿਆਂ ਬਾਅਦ ਇਕ 9 ਕੁ ਸਾਲ ਦੀ ਬੱਚੀ ਮੇਰੇ ਕੋਲ ਆਈ ‘ਤੇ ਕਹਿੰਦੀ ਮੈਂ ਚੰਨ ਵਿੱਚ ਗੂਰੂ ਨਾਨਕ ਦੇਵ ਜੀ ਨੂੰ ਦੇਖਿਆ, ਤੇ ਕਹਿੰਦੀ (I just love guru Nanak) ਆਈ ਜਸਟ ਲਵ ਗੁਰੂ ਨਾਨਕ ਜੀ…. ਮੈਂ ਉਸਨੂੰ ਕੁਛ ਕਹਿਣ ਦੀ ਬਜਾਏ ਕਿ ਬੇਟਾ ਇਸ ਤਰ੍ਹਾਂ ਨਹੀਂ ਹੁੰਦਾ ਬਸ ਉਸਨੂੰ hug ਕੀਤਾ ‘ਤੇ ਚੰਨ ਵੱਲ ਦੇਖਣ ਲੱਗ ਪਈ…..

ਪੂਰਨਮਾਸ਼ੀ 
ਚੰਨ ‘ਚੋ ਲੱਭਾਂ
ਗੁਰੂ ਨਾਨਕ

ਅਵੀ ਜਸਵਾਲ

ਇਸ਼ਤਿਹਾਰ

ਬਾਰਡਰ

19 ਐਤਵਾਰ ਅਗ. 2012

Posted by in ਅਵੀ ਜਸਵਾਲ, ਕੁਦਰਤ/Nature, ਜੀਵਨ/Life, ਪਾਣੀ

≈ ਟਿੱਪਣੀ ਕਰੋ

ਅਸੀਂ Nirmal, Gurwinder, Pushpinder ਹੁਸੈਨੀਵਾਲਾ ਬਾਰਡਰ ਦੇਖਣ ਜਾ ਰਹੇ ਸਾਂ ਅਗੇ ਵਹੀਕਲ ਪਾਰਕ ਕਰ ਕੇ ਤੁਰ ਕੇ ਜਾ ਰਹੇ ਸੀ ਤੇ ਨਿਰਮਲ ਬੋਲਿਆ ਅਵੀ ਉਹ ਦੇਖੋ ਪਾਕਿਸਤਾਨ ਵਾਲੀ ਸਾਈਡ ‘ਤੇ ਮੋਟਰ ਚੱਲ ਰਹੀ ਹੈ ਤੇ ਬੰਦਾ ਪਾਣੀ ਲਗਾ ਰਿਹਾ ਹੈ। ਮੈਂ ਕਿਹਾ ਫੈਂਸ ਦੇ ਨਾਲ ਹੀ ਇਥੇ ਕਿਵੇਂ ਤੇ ਮੈਂ ਰੁਕ ਕੇ ਫੋਟੋ ਖਿਚਣ ਲੱਗ ਪਈ।

ਸ਼ਾਮ ਦਾ ਘੁਸਮੁਸਾ
ਪਾਣੀ ਲਾਵੇ ਤਾਰ ਦੇ ਦੂਜੇ ਪਾਸੇ
ਹੁਸੀਨੀਵਾਲਾ ਬਾਰਡਰ

ਜਦੋਂ ਅਸੀਂ ਸ਼ੋਅ ਦੇਖ ਕੇ ਵਾਪਸ ਮੁੜੇ ਤੇ ਮੈਂ ਕਿਹਾ ਨਿਰਮਲ ਮਿਲਟਰੀ ਤੇ ਦੂਜੀ ਸਾਈਡ ‘ਤੇ ਖੜੀ ਹੈ ਇਹ ‘ਤੇ ਈੰਡੀਆ ਵਾਲੀ ਸਾੲੀਡ ਦਾ ਹੀ ਸੀ ‘ਤੇ ਉਹ ਸਾਰੇ ਬੜਾ ਹੱਸੇ ਕਿ ਅਵੀ ਖੜ੍ਹੀ ਫੋਟੋਆਂ ਖਿੱਚ ਰਹੀ ਸੀ ਉਸਦੀਆਂ ‘ਤੇ ਮੈਂ ਸੋਚ ਰਹੀ ਸੀ ਕੀ ਫਰਕ ਹੈ ਸਾਡੇ ਵਿੱਚ ਉਸੇ ਤਰ੍ਦੇ ਖੇਤ ਉਸੇ ਤਰਾਂ ਦੇ ਲੋਕ ਦੋਨੋ ਸਾਈਡ ਤੋਂ ਇੱਕ ਦੂਜੇ ਨੂੰ ਦੇਖਣ ਲਈ ਉਤਾਵਲੇ ਪਰ ਕੁਝ ਮਨਚਲੇ ਦੋਨੋ ਸਾਈਡ ਤੋਂ ਹੀ ਉਚੀ ਤੋਂ ਉਚੀ ਆਵਾਜ ਵਿੱਚ ਨਾਹਰੇ ਲਗਾ ਰਹੇ ਸਨ ਪਾਕਿਸਤਾਨ ਜਿੰਦਾਬਾਦ ਹਿੰਦੋਸਤਾਨ ਜਿੰਦਾਬਾਦ ਤੇ ਹੋਰ ਬਹੁਤ ਕੁਝ ਬੋਲ ਰਹੇ ਸਨ ਤੇ ਮੈਂ ਉਥੇ ਬੈਠੀ ਸੋਚ ਰਹੀ ਸੀ ਕਿ ਅਗਰ ਇਥੇ ਆ ਕੇ ਵੀ ਹੀ ਕਰਨਾ ਹੈ ਲੋਕਾ ਨੇ ਤੇ ਇਥੇ ਆਉਣ ਦਾ ਕੀ ਫਾਇਦਾ…..
ਹੁਸੈਨੀਵਾਲਾ ਬਾਰਡਰ
ਹਵਾ ਚ ਗੂੰਜੇ
ਜਿੰਦਾਬਾਦ ਜਿੰਦਾਬਾਦ

ਅਵੀ ਜਸਵਾਲ

ਡੱਡੂ

10 ਵੀਰਵਾਰ ਮਈ 2012

Posted by in ਅਵੀ ਜਸਵਾਲ, ਕੁਦਰਤ/Nature, ਖੂਹ, ਜੀਵ-ਜੰਤ, ਜੀਵਨ/Life, ਪੰਜਾਬ/Punjab, ਹਾਇਬਨ/Haibun

≈ ਟਿੱਪਣੀ ਕਰੋ

ਗਰਮੀ ਬਾਰੇ ਅੱਜ ਕਿਸੇ ਨੇ ਗੱਲ ਕੀਤੀ ਕਿ ਇੰਡੀਆ ‘ਚ ਗਰਮੀ ਹੋ ਗਈ। ਤੇ ਪਤਾ ਨਹੀਂ ਕਿਉਂ ਕੁਝ ਯਾਦਾਂ ਆ ਰਹੀਆਂ ਨੇ ਬਚਪਨ ਦੀਆਂ ਗਰਮੀਆਂ ਦੀਆਂ। ਅਸੀਂ ਸਹੇਲੀਆਂ ਨੇ ਇਕੱਠੀਆਂ ਹੋ ਕੇ ਸਕੂਲ ਜਾਣਾ ਹਮੇਸ਼ਾਂ ਉਲਟੀ ਸਾਈਡ ਤੇ ਹੀ ਤੁਰਨਾ…ਸਕੂਲ ਤੋਂ ਵਾਪਸ ਆਉਂਦਿਆਂ ਗਰਮੀ ਐਨੀ ਲੱਗਣੀ ਕਿ ਸਾਡੇ ਪਿੰਡ ਸਕੂਲ ਦੇ ਰਸਤੇ ‘ਚ ਇੱਕ ਖੂ੍ਹ ਹੁੰਦਾ ਸੀ ਟਿੰਡਾਂ ਵਾਲਾ ਉਥੇ ਪਾਣੀ ਨਾਲ ਚੁੰਨੀਆਂ ਗਿੱਲੀਆਂ ਕਰ ਕੇ ਸਿਰ ਤੇ ਲੈ ਲੈਣੀਆਂ ਮਜੇ ਨਾਲ ਉਥੇ ਠੰਢਾ ਪਾਣੀ ਪੀ ਕੇ ਫਿਰ ਘਰ ਵੱਲ ਜਾਣਾ ਉਹ ਖੂਹ ਚਲਦਾ ਰਹਿੰਦਾ ਹੁੰਦਾ ਸੀ। ਇੱਕ ਬਾਰ ਅਸੀਂ ਟਿੰਡ ਵਿੱਚ ਡੱਡੂ ਨਿਕਲਦਾ ਦੇਖ ਲਿਆ ਤੇ ਉਥੋਂ ਪਾਣੀ ਪੀਣਾ ਬੰਦ ਕਰ ਦਿੱਤਾ….
ਖੁਹ ਦੀਆਂ ਟਿੰਡਾਂ
ਛੜੱਪਾ ਮਾਰਿਆ ਡੱਡੂ
ਮੈਂ ਮਾਰੀ ਛਾਲ਼

ਅਵੀ ਜਸਵਾਲ