Category Archives: ਬਰਖਾ/Rainy Season

ਕਿਣ ਮਿਣ

16 ਸੋਮਵਾਰ ਸਤੰ. 2013

Posted by in ਕੁਦਰਤ/Nature, ਬਰਖਾ/Rainy Season, ਰੁੱਤਾਂ/Seasons, ਵਰਖਾ

≈ ਟਿੱਪਣੀ ਕਰੋ

ਭਾਦੋਂ ਦੀ ਕਿਣ-ਮਿਣ –
ਵਿਧਵਾ ਦੇ ਹਟਕੋਰਿਆਂ ‘ਚ 
ਵਰਖਾ ਦੀ ਰੁਣ-ਝੁਣ 

ਸੰਜੇ ਸਨਨ

ਤੋਤਾ

22 ਸੋਮਵਾਰ ਜੁਲਾ. 2013

Posted by in ਕੁਦਰਤ/Nature, ਦ੍ਰਿਸ਼ਟ ਬਿੰਬ (Visual-Seeing), ਪੰਛੀ, ਪੰਜਾਬ/Punjab, ਬਰਖਾ/Rainy Season

≈ ਟਿੱਪਣੀ ਕਰੋ

ਘਨਘੋਰ ਘਟਾਵਾਂ –
ਅਧਪੱਕੇ ਜਾਮਨੂ ਟੁੱਕੇ 
ਗਾਨੀ ਵਾਲਾ ਤੋਤਾ

ਗੀਤ ਅਰੋੜਾ

ਪੀਂਘ

17 ਬੁੱਧਵਾਰ ਜੁਲਾ. 2013

Posted by in ਕੁਦਰਤ/Nature, ਛੋਹ ਬਿੰਬ (Kinaesthetic/touch), ਜ਼ਿੱਮੀ ਭੁੱਲਰ, ਦ੍ਰਿਸ਼ਟ ਬਿੰਬ (Visual-Seeing), ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਸਾਓੁਣ ਮਹਿਨਾ –
ਪੀਂਘ ਦੀ ਪਹਿਲੀ ਚੜ੍ਹਾਣ ਨਾਲ
ਪਿੱਪਲ ਤੋਂ ਵਰ੍ਹੀਆ ਕਣੀਆਂ…

ਜ਼ਿੱਮੀ ਭੁੱਲਰ

ਗਗਨਦੀਪ ਸਿੰਘ ਦੇ 5 ਹਾਇਕੂ

21 ਸ਼ੁੱਕਰਵਾਰ ਜੂਨ 2013

Posted by in ਕੁਦਰਤ/Nature, ਗਗਨਦੀਪ ਸਿੰਘ, ਗਰਮੀ/Summer, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬਰਖਾ/Rainy Season, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਮਾਂ ਲਿਪੇ ਮਿਟੀ
ਬੱਚਾ ਚੁੰਘੇ ਗੂਠਾ
ਓਟੇ ਓਹਲੇ

ਹੋਲੀ ਦੀ ਦੁਪਹਿਰ
ਪਿਚਕਾਰੀ ਨਾਲ ਭਿਜੀ
ਵਿਧਵਾ ਦੀ ਚੁੰਨੀ

ਗਿਲੇ ਖਾਲ਼ ‘ਚ
ਸੱਪ ਦੀ ਕੰਜ
ਪੈਰ ਤਰਭਕੇ ਰੁਕੇ

ਬਿਜਲੀ ਗੜਕੇ
ਮਾਂ ਨੇ ਲਕੋਈ
ਕਾਂਸੀ ਦੀ ਥਾਲੀ

ਬੱਦਲ ਲਸ਼ਕੇ
ਦੂਰ ਦੂਰ ਸੁੱਤੇ
ਮਾਮਾ ਤੇ ਭਾਣਜਾ

ਗਗਨਦੀਪ ਸਿੰਘ

ਮੀਂਹ

13 ਵੀਰਵਾਰ ਜੂਨ 2013

Posted by in ਦ੍ਰਿਸ਼ਟ ਬਿੰਬ (Visual-Seeing), ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening), ਹਰਲੀਨ ਸੋਨਾ

≈ ਟਿੱਪਣੀ ਕਰੋ

ਇਸ ਨੂੰ ਦੋਹਾਂ ਤਰੀਕਿਆਂ ਨਾ਼ ਲਿਖਿਆ ਜਾ ਸਕਦਾ ਹੈ:

ਤੁਪਕਾ – ਤੁਪਕਾ 

ਸਹਿਜੇ ਹੀ ਦਰਿਆ ਚ ਰਲਿਆ

ਮੀਂਹ ਦਾ ਸ਼ੋਰ

ਜਾਂ
ਮੀਂਹ ਦਾ ਸ਼ੋਰ 

ਸਹਿਜੇ ਹੀ ਦਰਿਆ ਚ ਰਲਿਆ 

ਤੁਪਕਾ – ਤੁਪਕਾ

ਹਰਲੀਨ ਸੋਨਾ

 

ਕੂਕ

13 ਵੀਰਵਾਰ ਜੂਨ 2013

Posted by in ਛੋਹ ਬਿੰਬ (Kinaesthetic/touch), ਦਵਿੰਦਰ ਕੌਰ, ਦ੍ਰਿਸ਼ਟ ਬਿੰਬ (Visual-Seeing), ਪੰਛੀ, ਪੰਜਾਬ/Punjab, ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਤੇਜ ਬਰਸਾਤ …
ਪੌਣਾਂ ਵਿੱਚ ਘੁਲ ਗਈ
ਕੋਇਲ ਦੀ ਕੁਕ

ਦਵਿੰਦਰ ਕੌਰ

ਜੁਗਨੂੰ

12 ਸ਼ੁੱਕਰਵਾਰ ਅਕਤੂ. 2012

Posted by in ਅਰਵਿੰਦਰ ਕੌਰ, ਛੋਹ ਬਿੰਬ (Kinaesthetic/touch), ਜੀਵਨ/Life, ਜੁਗਨੂੰ, ਦ੍ਰਿਸ਼ਟ ਬਿੰਬ (Visual-Seeing), ਬਰਖਾ/Rainy Season

≈ ਟਿੱਪਣੀ ਕਰੋ

ਨਿੱਕੀ ਨਿੱਕੀ ਕਣੀ 
ਮੇਰੀ ਤਲੀ ਤੇ 
ਉਹਦੇ ਹੰਝੂ 

a slight drizzle
on my palm–
her tears

ਅਰਵਿੰਦਰ ਕੌਰ

(ਜੁਗਨੂੰ ਨੂੰ ਮੁਖਾਤਿਬ )

ਮੀਂਹ ਵਰ੍ਹੇ

01 ਸ਼ਨੀਵਾਰ ਸਤੰ. 2012

Posted by in ਜੀਵਨ/Life, ਪੰਜਾਬ/Punjab, ਬਰਖਾ/Rainy Season, ਵਰਖਾ, ਸੈਮ ਬਾਜਵਾ

≈ ਟਿੱਪਣੀ ਕਰੋ

ਮੀਂਹ ਵਰ੍ਹੇ
ਖਿੜਕੀ ‘ਚੋਂ ਝਾਕਣ
ਦੋ ਗੁਲਾਬ
****

ਮੀਂਹ ਵਰ੍ਹੇ
ਕੁੜੀ ਭਿੱਜ ਗਈ 
ਛਤਰੀ ਹੇਠ
****
ਮੀਂਹ ਵਰ੍ਹੇ
ਛੱਤ ‘ਤੇ ਬੈਠੇ ਕਬੂਤਰ
ਚੋਗੇ ਦੀ ਉਡੀਕ
****
ਮੀਂਹ ਵਰ੍ਹੇ
ਤੇਰੇ ਆਉਣ ਦੀ ਉਡੀਕ
ਦਿਲ ਧੜਕੇ
****
ਮੀਂਹ ਵਰ੍ਹੇ
ਫੁੱਲ ਦਾ ਆਸਰਾ 
ਤਿਤਲੀ ਲੱਭੇ
****
ਮੀਂਹ ਵਰ੍ਹੇ
ਹੋਸਟਲ ਦੀ ਛੱਤ
ਖਾਲੀ ਖਾਲੀ

ਸੈਮ ਬਾਜਵਾ

ਸਾਉਣ

20 ਸੋਮਵਾਰ ਅਗ. 2012

Posted by in ਕੁਦਰਤ/Nature, ਪੰਛੀ, ਬਰਖਾ/Rainy Season, ਬੱਦਲ਼, ਹਰਵਿੰਦਰ ਧਾਲੀਵਾਲ, ਹਾਇਬਨ/Haibun

≈ ਟਿੱਪਣੀ ਕਰੋ

ਨਵੇਂ ਚੰਦਾਂ ਵਾਲੀ ਭੂਆ ਕੱਲ ਤੀਆਂ ਦੀ ਗੱਲ ਛੇੜ ਕੇ ਬੈਹ ਗਈ ..ਅਖੇ ਤੀਆਂ ਤਾਂ ਸਾਡੇ ਵੇਲੇ ਲੱਗਦੀਆਂ ਸੀ …ਵਿਆਹੀਆਂ ਨੇ ਸਾਉਣ ਚੜਨ ਤੋਂ ਪਹਿਲਾਂ ਹੀ ਸੁਨੇਹੇ ਘੱਲਣ ਲੱਗ ਜਾਣਾ ਬੀ ਮੈਨੂੰ ਲੈ ਜਿਓ ਆ ਕੇ ਤੀਆਂ ਤੋਂ ਪਹਿਲਾਂ ਪਹਿਲਾਂ …ਆਥਣੇ ,ਕੀ ਕੁਆਰੀਆਂ ..ਕੀ ਵਿਆਹੀਆਂ ..ਲਹਿੰਦੇ ਆਲੇ ਪਾਸੇ ਪਈ ਸ਼ਾਮਲਾਟ ਜਮੀਨ ‘ਚ ਕੱਠੀਆਂ ਹੋ ਜਾਣਾ ..ਗਿੱਧੇ ਵਿੱਚ ਓਹ ਧਮੱਚੀ ਮਚਾਉਣੀ ..ਓਹ ਧਮੱਚੀ ਮਚਾਉਣੀ ..ਕਾਲੇ ਬੱਦਲਾਂ ਦੀ ਗਰਜ ਵੀ ਫਿੱਕੀ ਪੈ ਜਾਣੀ –

ਕਾਲੀ ਘਟਾ –
ਗਿੱਧੇ ਦੀ ਧੂੜ ‘ਚ ਉੱਡੀਆਂ
ਰੰਗ ਬਿਰੰਗੀਆਂ ਚੁੰਨੀਆਂ

ਚਲ ਛੱਡ ਮਨਾ …ਹੁਣ ਤਾਂ ਨਾ ਹੀ ਕਿਧਰੇ ਤੀਆਂ ਲੱਗਦੀਆਂ ਹਨ ਤੇ ਨਾ ਹੀ ਕੁੜੀਆਂ ਇੱਕਠੀਆਂ ਹੋ ਬਹਿੰਦੀਆਂ ਹਨ ..ਉੱਪਰੋਂ ਸਾਉਣ ਵੀ ਸੁੱਕਾ..! ਜਿਵੇਂ ਹੀ ਬੱਦਲਵਾਈ ਹੁੰਦੀ ਹੈ ,ਵੱਗਦੀ ਹਵਾ ਪਤਾ ਨਹੀਂ ਬੱਦਲਾਂ ਨੂੰ ਕਿੱਧਰ ਲੈ ਜਾਂਦੀ ਹੈ –

ਸੁੱਕਾ ਸਾਉਣ –
ਵੱਗਦੀ ਹਵਾ ‘ਚ ਜਰਾ ਕੁ ਹਿੱਲੀ
ਖਾਲੀ ਪੀਂਘ

ਹਾਂ,ਵੇਹੜੇ ਦੇ ਤੂਤ ਤੇ ਲੱਗਦੈ ,ਜਿਵੇਂ ਸਾਉਣ ਦੇ ਸੋਕੇ ਦਾ ਕੋਈ ਅਸਰ ਨਾ ਹੋਵੇ …ਹਰੀਆਂ ਕਚੂਰ ਲਗਰਾਂ ..ਪੂਰੀ ਸੰਘਣੀ ਛਾਂ ..ਮੇਰੇ ਸਾਹਮਣੇ ਹੀ ਮੇਰੀ ਪਤਨੀ ਨੇ ਵਿਹੜੇ ਵਿੱਚ ਬਿਸਕੁਟਾਂ ਵਾਲਾ ਪੀਪਾ ਝਾੜ ਦਿੱਤਾ ..ਤੂਤ ਦੇ ਕਚੂਰ ਪੱਤਿਆਂ ਚੋਂ ਪਹਿਲਾਂ ਚਾਰ ਪੰਜ ਚਿੜੀਆਂ ਵਿਹੜੇ ‘ਚ ਆ ਬੈਠੀਆਂ ..ਮੈਂ ਪੀਂਘ ਨੂੰ ਹੱਥ ਪਾ ਕੇ ਖੜਾ ਰਿਹਾ ..ਵੇਹੰਦੇ ਵੇਹੰਦੇ ਅੱਠ ਦਸ ਹੋਰ ਚਿੜੀਆਂ ਆ ਬੈਠੀਆਂ ..ਇੰਝ ਵਾਹਵਾ ਰੌਣਕ ਲੱਗ ਗਈ –

ਅਖੀਰ ਸਾਉਣ –
ਬਿਸਕੁਟਾਂ ਦੀ ਭੋਰ ਚੋਰ ਚੁਗੇ
ਚਿੜੀਆਂ ਦੀ ਡਾਰ

ਹਰਵਿੰਦਰ ਧਾਲੀਵਾਲ

ਭਾਂਡਾ

04 ਸੋਮਵਾਰ ਜੂਨ 2012

Posted by in ਕੁਦਰਤ/Nature, ਦਰਬਾਰਾ ਸਿੰਘ, ਬਰਖਾ/Rainy Season, ਵਰਖਾ

≈ ਟਿੱਪਣੀ ਕਰੋ

ਦੋ ਰੂਪਾ ‘ਚ 

ਖਾਲੀ ਭਾਂਡਾ
ਵਰ੍ਹਦੇ ਮੀਂਹ ਵਿਚ ਧਰਿਆ-
ਨੱਕੋ ਨੱਕ ਭਰਿਆ
—————-
ਮੀਂਹ ਵਰ੍ਹਿਆ-
ਇਕ ਵੀ ਬੂੰਦ ਸਾਂਭ ਨਾ ਸਕਿਆ
ਭਾਂਡਾ ਭਰਿਆ

ਦਰਬਾਰਾ ਸਿੰਘ

ਝਨਾਂ

28 ਸ਼ਨੀਵਾਰ ਅਪ੍ਰੈ. 2012

Posted by in ਅਰਵਿੰਦਰ ਕੌਰ, ਕੁਦਰਤ/Nature, ਦਰਿਆ, ਪਹਾੜ, ਬਰਖਾ/Rainy Season

≈ ਟਿੱਪਣੀ ਕਰੋ

ਕਾਲੀ ਰਾਤ ਪਹਾੜੀ 
ਦੂਰ ਤੱਕ ਦਿਸ ਰਿਹਾ 
ਝਨਾਂ ਚਾਨਣੀ ਭਰਿਆ 
…….
ਸੰਘਣੇ ਰੁੱਖ ਹਨੇਰਾ
ਪਹਾੜਾਂ ‘ਚੋਂ ਜਾ ਰਿਹਾ
ਝਨਾਂ ਚਾਨਣੀ ਭਰਿਆ

ਅਰਵਿੰਦਰ ਕੌਰ