ਦਿਵਾਲੀ-28

ਖ‌ਿਲਰੇ ਵਾਲ਼ 
ਕੁੱਛੜ ਬਾਲ
ਲੱਛਮੀ ਦੀ ਮੂਰਤ ਚੁੱਕੀ 
ਅਸੀਸਾਂ ਦਿੰਦੀ 
ਦੀਵਾਲੀ ਮੰਗੇ

ਅਵਨਿੰਦਰ ਮਾਂਗਟ

ਦਿਵਾਲੀ-27

ਦਿਵਾਲੀ ਦੀ ਰਾਤ

ਦੀਵਿਆਂ ਦੀ ਲੌਅ

ਨੱਚਦਾ ਚਾਨਣ

ਦੀਪੀ ਸੰਧੂ

ਦਿਵਾਲੀ-26

ਬਨੇਰੇ ਤੇ ਦੀਵੇ

ਘਰ ਦਾ ਚਿਰਾਗ

ਵਿਚ ਵਿਦੇਸ਼ਾਂ

ਕੰਵਲਜੀਤ ਹਰੀ ਨੌ

ਦਿਵਾਲੀ-25

ਪੀਰਖਾਨੇ ਦੀਵਾ ਜਗਾ

ਮੰਗ ਰਹੀ ਸੁੱਖ

ਵਾਹਿਗੁਰੂ ਮਿਹਰ ਕਰੀਂ

ਹਰਵਿੰਦਰ ਤਤਲਾ

ਦਿਵਾਲੀ-24

ਗਗਨ ਥਾਲ

ਤਾਰੇ ਦੀਪਕ

ਅਨੰਤ ਦਿਵਾਲੀ

ਅਮਰਾਓ ਸਿੰਘ ਗਿੱਲ 

ਦਿਵਾਲੀ-23

deewali di raat

deeve jaga banere

dekhe rasta

ਦਿਵਾਲੀ ਦੀ ਰਾਤ

ਦੀਵਾ ਜਗਾ ਬਨੇਰੇ

ਦੇਖੇ ਰਸਤਾ 

ਅਵੀ ਜਸਵਾਲ

ਦਿਵਾਲੀ-22

ਦੀਵੇ ਧਰਦੀ 

ਹਰ ਪੱਬ ਪੈਂਦਾ 

ਝਾਂਜਰ ਦਾ ਛਣਕਾਟਾ

ਅਰਵਿੰਦਰ ਕੌਰ

ਦਿਵਾਲੀ-21

ਦੀਵਾ ਬਾਲ ਕੇ 

ਹੱਥ ਜੋੜ ਰਹੀ

ਅੱਖਾਂ ਮੀਚ ਮੁਟਿਆਰ

ਹਰਿੰਦਰ ਅਨਜਾਣ

ਦਿਵਾਲੀ-20

ਘਰ ਹਨੇਰਾ

ਘੁਮਿਆਰ ਤੱਕੇ

ਬੇਗਾਨੇ ਬਨੇਰੇ ਦਾ ਦੀਵਾ

ਹਰਿੰਦਰ ਅਨਜਾਣ

ਦਿਵਾਲੀ-19

ਰੌਸ਼ਨ ਬਨੇਰੇ

ਬੱਚਿਆਂ ਦੇ ਚਮਕਣ

ਚਿੱਟੇ ਦੰਦ

ਸਰਬਜੀਤ ਸਿੰਘ ਖਹਿਰਾ

ਦਿਵਾਲੀ-18

ਚੂੜੇ ਵਾਲੀ ਬਾਂਹ 

ਮਹਿੰਦੀ ਵਾਲੇ ਹੱਥ 

ਬਾਲ ਰਹੀ ਦੀਵੇ

ਅਰਵਿੰਦਰ ਕੌਰ

ਦਿਵਾਲੀ-17

deewali eve

turned lights off

lighted candles

ਦਿਵਾਲੀ ਦੀ ਸ਼ਾਮ

ਬੱਤੀਆਂ ਬੁਝਾ ਕੇ

ਬਾਲ਼ੇ ਮੋਮਬੱਤੀਆਂ

ਅਵੀ ਜਸਵਾਲ

ਦਿਵਾਲੀ-16

ਦਿਵਾਲੀ ਦੀ ਰਾਤ

ਸ਼ੁਰਲੀ ਬਰਾਂਡੇ ਵਿਚ

ਨਰਮਾ ਸੜਿਆ

ਬਲਜੀਤ ਪਾਲ ਸਿੰਘ

ਦਿਵਾਲੀ-15

ਫੁੱਲ-ਝੜੀ…

ਤੇਜ਼ ਚਾਨਣ ਵਿਚ ਚਮਕੇ

ਤਿੱਖੇ ਨਕਸ਼

ਹਰਵਿੰਦਰ ਧਾਲੀਵਾਲ

ਦਿਵਾਲੀ-14

ਤਾਰਿਆਂ ਦੀ ਝਿਲਮਿਲ

ਦੀਵਿਆਂ ਦੀ ਲਾਈਨ

ਮੋਤੀਏ ਮਾਰੀਆਂ ਅੱਖਾਂ

ਗੀਤ ਅਰੋੜਾ

ਦਿਵਾਲੀ-13

ਮਜਦੂਰ ਵੇਖੇ

ਕਦੇ ਪਟਾਕਿਆਂ ਵੱਲ

ਕਦੇ ਪੈਸਿਆਂ ਵੱਲ

ਇੰਦਰਜੀਤ ਸਿੰਘ ਪੁਰੇਵਾਲ

ਦਿਵਾਲੀ-12

ਪਿੰਡ ਦੀ ਜੂਹ

ਇੱਕ ਦੀਵੇ ਦੀ ਮਧਮ ਲੋ

 ਸਾਂਝਾ ਖੂਹ

ਰੇਸ਼ਮ ਸਿੰਘ ਸਾਹਦਰਾ

ਦਿਵਾਲੀ-11

ਮੁੱਖੜੇ ‘ਤੇ

ਦੀਵੇ ਦਾ ਚਾਨਣ

ਜਗ-ਮਗ ਕਰੇ ਬਨੇਰਾ

ਇੰਦਰਜੀਤ ਸਿੰਘ ਪੁਰੇਵਾਲ

ਦਿਵਾਲੀ-10

ਬਨੇਰੇ ਤੇ ਦੀਵੇ ਰੱਖਦੀ

ਦੇ ਰਹੀ smile

ਆਖੇ happy diwali

ਹਰਿੰਦਰ ਅਨਜਾਣ 

ਦਿਵਾਲੀ-8

ਮੱਸਿਆ ਦੀ ਰਾਤ

ਬਨੇਰਿਆਂ ‘ਤੇ ਦੀਵੇ

ਅਸਮਾਨੀ ਤਾਰੇ

ਜਸਦੀਪ ਸਿੰਘ

ਦਿਵਾਲੀ-7

ਦਿਵਾਲੀ ਦੀ ਰਾਤ 

ਦੀਵੇ ਬਲ ਰਹੇ ਕਤਾਰ ‘ਚ

ਦੂਰ ਕਰਨ ਅੰਧਕਾਰ

ਹਾਇਗਾ: ਸੰਜੇ ਸਨਨ 

ਦੀਵਾਲੀ-6

ਸਜੀ ਰੰਗੋਲੀ

ਦੀਵਿਆਂ ਦੀ ਡਾਰ

ਥਿਰਕਣ ਰੌਸ਼ਨੀਆਂ

ਜਗਦੀਸ਼ ਕੌਰ

ਦਿਵਾਲੀ-5

ਹਨੇਰੀ ਰਾਤ

ਬਨੇਰਿਆਂ ਤੇ ਦੀਵੇ

ਵਿਹੜੇ ਚੱਲਣ ਫੁਲਝੜੀਆਂ

ਸੁਰਜੀਤ ਕੌਰ

ਦਿਵਾਲੀ-4

ਦਿਵਾਲੀ…

ਬਾਪੂ ਲਿਸ਼ਕਾਵੇ ਮੱਝਾਂ

ਸਰ੍ਹੋਂ ਦੇ ਤੇਲ ਨਾਲ਼ 

ਤੇਜੀ ਬੇਨੀਪਾਲ
 

ਦੀਵਾਲੀ-3

ਧੁਆਂਖਿਆ ਅਸਮਾਨ…

ਮੱਸਿਆ ਦੀ ਰਾਤ ਚਮਕਣ

ਤਾਰੇ ਜ਼ਮੀਨ ‘ਤੇ

ਹਾਇਗਾ: ਮੀਨੂੰ ਸਮੱਘ ਢਿਲੋਂ

ਦਿਵਾਲੀ-2

ਬੁਝ ਰਹੀ ਲੋ 

ਮਹਿੰਦੀ ਵਾਲੇ ਹੱਥ

ਓਟ ਦੇ ਰਹੇ

ਅਰਵਿੰਦਰ ਕੌਰ