ਹਾਸਾ

ਖੁਸ਼ਕ ਰਾਤ –
ਸੁੰਨੇ ਕਮਰੇ ਚ’ ਗੂੰਜਿਆ
ਚਿਰਾ ਪਿਛੋ ਹਾਸਾ

Davinder Kaur

ਇਸ਼ਤਿਹਾਰ

ਚਿੜੀ

ਅਚਨਚੇਤ ਹਨੇਰੀ —
ਡਿਗੇ ਬਿਰਖ ਤੇ ਗਾ ਰਹੀ 
ਕੱਲੀ ਕਾਰੀ ਚਿੜੀ 

sudden storm–
a lone bird chirps
on the fallen tree

ਅਰਵਿੰਦਰ ਕੌਰ

ਇੱਸਾ ਦੀ ਯਾਦ

ਟਿਪ ਟਿਪ ਬਾਰਿਸ਼
ਮੇਰੇ ਚਾਹ ਦੇ ਕੱਪ ‘ਚ
ਉਠੀ ਲਹਿਰ
ਚੇਤਿਆਂ ‘ਚ ਮੁਸਕਰਾਇਆ
ਕੋਬਾਯਾਸ਼ੀ ਇੱਸਾ

ਹਰਲੀਨ ਸੋਨਾ

ਪੀਂਘ

ਸਾਓੁਣ ਮਹਿਨਾ –
ਪੀਂਘ ਦੀ ਪਹਿਲੀ ਚੜ੍ਹਾਣ ਨਾਲ
ਪਿੱਪਲ ਤੋਂ ਵਰ੍ਹੀਆ ਕਣੀਆਂ…

ਜ਼ਿੱਮੀ ਭੁੱਲਰ

ਗਗਨਦੀਪ ਸਿੰਘ ਦੇ 5 ਹਾਇਕੂ

ਮਾਂ ਲਿਪੇ ਮਿਟੀ
ਬੱਚਾ ਚੁੰਘੇ ਗੂਠਾ
ਓਟੇ ਓਹਲੇ

ਹੋਲੀ ਦੀ ਦੁਪਹਿਰ
ਪਿਚਕਾਰੀ ਨਾਲ ਭਿਜੀ
ਵਿਧਵਾ ਦੀ ਚੁੰਨੀ

ਗਿਲੇ ਖਾਲ਼ ‘ਚ
ਸੱਪ ਦੀ ਕੰਜ
ਪੈਰ ਤਰਭਕੇ ਰੁਕੇ

ਬਿਜਲੀ ਗੜਕੇ
ਮਾਂ ਨੇ ਲਕੋਈ
ਕਾਂਸੀ ਦੀ ਥਾਲੀ

ਬੱਦਲ ਲਸ਼ਕੇ
ਦੂਰ ਦੂਰ ਸੁੱਤੇ
ਮਾਮਾ ਤੇ ਭਾਣਜਾ

ਗਗਨਦੀਪ ਸਿੰਘ

ਮੀਂਹ

ਇਸ ਨੂੰ ਦੋਹਾਂ ਤਰੀਕਿਆਂ ਨਾ਼ ਲਿਖਿਆ ਜਾ ਸਕਦਾ ਹੈ:

ਤੁਪਕਾ – ਤੁਪਕਾ 

ਸਹਿਜੇ ਹੀ ਦਰਿਆ ਚ ਰਲਿਆ

ਮੀਂਹ ਦਾ ਸ਼ੋਰ

ਜਾਂ
ਮੀਂਹ ਦਾ ਸ਼ੋਰ 

ਸਹਿਜੇ ਹੀ ਦਰਿਆ ਚ ਰਲਿਆ 

ਤੁਪਕਾ – ਤੁਪਕਾ

ਹਰਲੀਨ ਸੋਨਾ

 

ਅਮਲਤਾਸ

ਅਮਲਤਾਸ ਦੀ ਛਾਂ – 
ਤਿੰਨ ਸੈਲ ਫੋਨਾਂ ਵਾਲਾ ਅਜਨਬੀ 
ਆਖਿਰ ਚੁੱਪ ਕੀਤਾ !
ਰੋਜ਼ੀ ਮਾਨ

ਪਾਰਕ

ਮਿਉਂਸਪਲ ਪਾਰਕ –

ਇੱਕ ਕੋਨੇ ਤਾੜੀਆਂ ਦੀ ਗੂਂਜ

ਦੂਜੇ ਪਾਸੇ ਠਹਾਕੇ

ਸੰਜੇ ਸਨਨ 

ਕੂਕ

ਤੇਜ ਬਰਸਾਤ …
ਪੌਣਾਂ ਵਿੱਚ ਘੁਲ ਗਈ
ਕੋਇਲ ਦੀ ਕੁਕ

ਦਵਿੰਦਰ ਕੌਰ

ਬਿੰਦੀ

ਪੁੰਨਿਆ ਦਾ ਚੰਨ…
ਸੁਹਾਗਪੇਟੀ ‘ਚ ਪਈ
ਫਿੱਟੀ ਸੰਧੂਰੀ ਬਿੰਦੀ

ਅਨੂਪ ਬਾਬਰਾ

ਸ਼ਾਂਤ ਸਵੇਰ

ਅੰਮਿ੍ਤ ਵੇਲਾ-
ਦੱਬੇ ਪੈਰੀਂ ਤੁਰੇ ਫ਼ੱਕਰ
ਟਾਪਾਂ ਦੀ ਆਵਾਜ਼

ਗੁਰਵਿੰਦਰ ਸਿੰਘ ਸਿੱਧੂ

ਬੰਜਾਰੇ ਦਾ ਗੀਤ

ਝਿਲਮਿਲਾਉਂਦਿਆਂ ਲਾਟਾਂ –
ਬਿਨ ਸਾਜ਼ ਬੰਜਾਰੇ ਦਾ ਗੀਤ
ਸਰਦ ਹਵਾ ‘ਤੇ ਸਵਾਰ

flickering flames –
a gypsy’s unaccompanied song
riding on cold breeze

jhilmilaundiyaa’n laattaa’n –
bin saaz banjaaray da geet
sard hawa ‘te sawaar

ਹਾਇਕੂ ਅਤੇ ਚਿਤਰ:  ਰੋਜ਼ੀ ਮਾਨ

ਟਟੀਹਰੀ

ਨੋ ਮੈਨ’ਜ਼ ਲੈਂਡ–
ਰਫਲ ਦੇ ਪਟਾਕੇ ਮਗਰੋਂ
ਟਟੀਹਰੀ ਦਾ ਸ਼ੋਰ

ਜੁਗਰਾਜ ਸਿੰਗ ਨਾਰਵੇ

ਚੱਪਲਾਂ

ਦੂਰ ਦੁਮੇਲ ~
ਮਾਂ ਦੀਆਂ ਘਿਸਰਦੀਆ ਚੱਪਲਾਂ ਨਾਲ
ਡੰਗੋਰੀ ਦੀ ਟਿਕ ਟਿਕ

ਦੀਪੀ ਸੈਰ

ਅਲਾਰਮ

ਸਵੇਰ ਦਾ ਅਲਾਰਮ –
ਉਣੀਂਦੇ ਚਿਹਰੇ ‘ਤੇ
ਸੂਰਜ ਦੀਆਂ ਕਿਰਨਾ

ਦਵਿੰਦਰ ਕੌਰ