ਜੜ੍ਹਾਂ جڑھاں

ਪੁੱਟਿਆ ਦਰਖਤ

ਦਿਖਾਵੇ ਡੂੰਘੀਆਂ ਜੜ੍ਹਾਂ

ਡੂੰਘਾ ਟੋਆ

ਸਪਨਾ ਬਾਂਸਲ

پٹیا درخت
دکھاوے ڈونگھیاں جڑھاں
ڈونگھا ٹوآ

 

سپنا بانسل

ਪਾ-ਗੱਲ پا-گلّ

ਹਸਪਤਾਲ ਚੋਂ ਗੁਆਚਿਆ

ਇਕ ਪਾਗਲ

ਆਰਟ-ਗੈਲਰੀ ਚੋਂ ਲੱਭਿਆ

ਗੁਰਪ੍ਰੀਤ

ہسپتال چوں گاچیا
اک پاگل
آرٹ-گیلری چوں لبھیا

گرپریت

ਚੰਨ چن

ਛੋਟਾ ਬੱਚਾ
ਬਾਪੂ ਦੀ ਗੋਦੀ
ਚੰਨ ਨੂੰ ਆਖੇ ਆਜਾ ਆਜਾ

ਪਰਾਗ ਰਾਜ ਸਿੰਗਲਾ

چھوٹا بچہ
باپو دی گودی
چن نوں آکھے آجا آجا

پراگ راج سنگلا

ਮੈਂ میں

ਸੁਫਨੇ ‘ਚ

ਸਾਧ ਮੈਂ

ਜਾਗਦਿਆਂ ਚੋਰ

ਗੁਰਪ੍ਰੀਤ

سفنے ‘چ
سادھ میں
جاگدیاں چور

گرپریت

ਮੈਂ ਕਿੱਥੇ میں کتھے

ਘਰ ਦੇ ਬਾਹਰ

ਮੇਰੇ ਨਾਮ ਦੀ ਤਖਤੀ

ਅੰਦਰਲੀ ਕੰਧ ‘ਤੇ ਫੋਟੋ ਟੰਗੀ

ਪਰਾਗ ਰਾਜ ਸਿੰਗਲਾ

گھر دے باہر
میرے نام دی تختی
اندرلی کندھ ‘تے فوٹو ٹنگی

پراگ راج سنگلا

ਜ਼ਿੰਦਗੀ زندگی

ਕੰਡਾ ਚੁਭਿਆ

ਅੱਖ ਖੁੱਲ੍ਹੀ

ਫੁੱਲ ਖਿੜਿਆ

ਗੁਰਪ੍ਰੀਤ

کنڈا چبھیا
اکھ کھلھی
پھلّ کھڑیا

گرپریت

ਘਰ ਦਾ ਕੰਮ

ਸਕੂਲੋਂ ਗੈਰ-ਹਾਜ਼ਰ

ਦੋਸਤ ਦੇ ਘਰ ਵੱਡਾ ਕੁੱਤਾ

ਟੀਚਰ ਤੋਂ ਡਰ ਲੱਗੇ

ਗੁਰਪ੍ਰੀਤ ਸਿੰਘ , ਜਮਾਤ ਸੱਤਵੀਂ , ਸ ਮ ਸਕੂਲ , ਫਤਿਹਪੁਰ (ਮਾਨਸਾ )

ਹਾਣੀ ہانی

ਹਾਣ ਦੇ ਮਿਸਤਰੀ ਨੂੰ

ਭੱਜ ਭੱਜ ਫੜਾਵੇ ਇੱਟਾਂ

ਤਿੱਖੇ ਨਕਸ਼ ਮਜ਼ੂਰਨ ਦੇ

ਗੁਰਪ੍ਰੀਤ

ہان دے مِستری نوں
بھجّ بھجّ پھڑاوے اِٹاں
تکھے نِقش مزورن دے

گرپریت

ਬੁੱਤ بُتّ

ਬੰਦਿਆਂ ਸਾਹਵੇਂ

ਖੜਾ ਹੈ ਹੱਥ ਜੋੜੀ

ਪੱਥਰ ਦਾ ਬੁੱਤ ਵੀ

ਗੁਰਪ੍ਰੀਤ

بندیاں ساہویں
کھڑا ہے ہتھ جوڑی
پتھر دا بُتّ وی

گرپریت
شاہ مُکھی روپ جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਬੁੱਤ

ਕੀੜੇ ਮਕੌੜਿਆਂ ਦਾ ਘਰ

ਸ਼ਾਂਤ ਮੁਸਕ੍ਰਾਉਂਦਾ ਪੱਥਰ ਦਾ ਬੁੱਤ

ਪਾਰਕ ਦੇ ਇਕ ਖੂੰਝੇ

ਗੁਰਪ੍ਰੀਤ

ਰਾਹ راہ

ਘਰ ਨੂੰ ਜਾਂਦਾ ਰਾਹ

ਨਾਲੋ-ਨਾਲ ਕਰਿਆਨਾ ਸਟੋਰ

ਤੇ ਵਾਇਨ-ਸ਼ਾਪ

ਗੁਰਪ੍ਰੀਤ

گھر نوں جاندا راہ
نالو-نالو کریانہ سٹور
تے وائن-شاپن

گرپریت
شاہ مُکھی روپ : جسوندر سنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਕੁੰਭਕਾਰ ਦਾ ਸੁਪਨਾ کُمبھکار دا سُپنا

ਚਾਨਣ ਦੇ ਅੱਖਰ

ਮਿੱਟੀ ਦੀ ਪੋਥੀ

ਸੁਪਨਾ ਕੁੰਭਕਾਰ

ਗੁਰਪ੍ਰੀਤ

چانن دے اکھّر
مِٹی دی پوتھی
سپنا کمبھکار

گرپریت
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਫੁੱਲ پھُل

ਫੁੱਲ ਖਿੜਣ

ਖੂਸ਼ਬੂਆਂ ਦੇਣ

ਮੁਰਝਾ ਜਾਣ

ਸਟੀਫਨ ਮਸੀਹ , ਜਮਾਤ ਬਾਰਵੀਂ , ਸ ਸ ਸਕੂ਼ਲ , ਰਾਮਗੜ੍ਹ ਸ਼ਾਹਪੁਰੀਆਂ (ਮਾਨਸਾ )

پھُل کھِرن
خُسبوآں دین
مُرجھا جان

سٹیفن مسیح :  جماعت بارویں ، س س سکول ، رامگڑھ شاہپریاں مانسا
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਸਫਰ سفر

ਖੱਬਾ ਹੱਥ ਪਲੋਸੋ

ਸੱਜੇ ਮੋਢੇ ਨੂੰ

ਸਫਰ ਤੋਂ ਮੁੜ ਖੋਲਾਂ ਬੈਗ

ਗੁਰਪ੍ਰੀਤ

کھبّا ہتھّ پلوسے
سجّے موڈھے نوں
سفر توں مُڑ کھولاں بَیگ

گُرپریت
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਸੰਗ سنگ

ਲੋਕੀ ਨੱਚਣ

ਮੈਂ ਦੇਖਾਂ ਚਾਅ ਚੜੇ

ਪਰ ਨੱਚਣ ਤੋਂ ਸੰਗਾਂ

ਸਤਨਾਮ ਸਿੰਘ , ਜਮਾਤ ਬਾਰਵੀਂ , ਸ ਸ ਸਕੂਲ , ਰਾਮਗੜ੍ਹ ਸ਼ਾਹਪੁਰੀਆਂ (ਮਾਨਸਾ )

لوکی نچن
میں دیکھاں چاء چڑے
پر نچن توں سنگاں

ستنام سنگھ ، جماعت بارویں ، س س سکول ، رامگڑھ شاہپریاں مانسا
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਪੈੱਨ پَین

ਲਿਖਾਂ ਅੱਖਰ ਮੋਤੀਆਂ ਵਾਂਗ

ਪੈੱਨ ਵੀ ਕਰੇ ਹਿੱਲ-ਜੁਲ

ਨਾਲੋ ਨਾਲ

ਜਸਵਿੰਦਰ ਸਿੰਘ , ਜਮਾਤ ਬਾਰਵੀਂ , ਸਰਕਾਰੀ ਸੈਕੰਡਰੀ ਸਕੂਲ , ਰਾਮਗੜ੍ਹ ਸ਼ਾਹਪੁਰੀਆ

لِکھاں اّکھر موتِیاں وانگ
پَین وی کرے ہِلجُل
نالو نال

جسوِندر سِنگھ  ، جماعت بارویں ، س س سکول ، رامگڑشاہپریاں  مانسا
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਦੀਵਾ دِیوا

ਬੇਟੂ ਨੇ ਬਣਾਇਆ

ਡਰਾਇੰਗ ਕਾਪੀ ਤੇ ਦੀਵਾ

ਤੇਲ ਤੋਂ ਬਿਨਾਂ ਵੀ ਜਗਦਾ ਹੈ

ਗੁਰਪ੍ਰੀਤ

بیٹو نے بنایا
ڈرائنگ کاپی ‘تے دِیوا
تیل توں بِنا وی جگدا ہے

گُرپرِیت
شاہ مُکھی روپ : جسوِندر سِنگھ
ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਖੇਡਾਂ کھیڈاں

ਬੱਚੇ ਦਾ ਖਿਡੌਣਾ

ਬਾਪੂ ਬੈਠਾ

ਕੱਲ੍ਹਾ ਖੇਡੇ

ਪਰਾਗ ਰਾਜ ਸਿੰਗਲਾ

بّچے دا کھِڈونا
باپو بَیٹھا
‘کّلا  کھیڈے

پراگ راج سِنگلا
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਸ਼ੀਸ਼ਾ شِیشا

ਸ਼ੀਸਾ ਦੇਖਾਂ

ਮੁਸਕ੍ਰਾਵਾਂ, ਘੂਰੀ ਵੱਟਾਂ

ਖੁੱਲ੍ਹ ਕੇ ਹੱਸਾਂ

ਗੁਰਪ੍ਰੀਤ

شیشا دیکھاں
مُسکراواں گھوری وّٹاں
کھُّلھ کے ہّساں

گُرپرِیت

شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਤੁਰਨਾ تُرنا

ਇਕ ਪੈਰ

ਇਕ ਬਸਾਖੀ

ਉਹ ਨੱਚਦਾ ਆਵੇ

ਪਰਾਗ ਰਾਜ ਸਿੰਗਲਾ

اِّک پَیر
اِّک بساکھی
اوہ نچدا آوے

پراگ راج سِنگلا

شاہ مُکھی روپ : جسوِندر سِنگھ 

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਉਡਾਣ اُڈان

ਕੂੜੇ ਦੇ ਢੇਰ ਚੋਂ

ਕਾਗਜ਼ ਚੁਗਦਾ ਬੱਚਾ

ਉਡਦੇ ਜਹਾਜ਼ ਵੱਲ ਵੇਖੇ

ਰਮਨਜੋਤ ਕੌਰ ,ਉਮਰ ੧੧ ਸਾਲ , ਮਾਨਸਾ

کوڑے دے ڈھیر ،چوں
کاگز چُگدا بّچہ
اُڈدے جحاز وّل ویکھے

رمنجوت کور ۱۱ سال مانسا

شاہ مُکھی روپ : جسوِندر سِنگھ 

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਭੈਣਾਂ بھَیناں

ਰੁੱਖ ਦੀ ਛਾਵੇਂ

ਪੜ੍ਹੇ ਕਿਤਾਬ ਨੂਰ

ਛਮ-ਛਮ ਕਰੇ ਸਰੂਰ

ਕਾਜਲ ਗਰਗ

ਨੋਟ: ਨੂਰ ਤੇ ਸਰੂਰ  ਕਾਜਲ ਦੀਆਂ ਬੇਟੀਆਂ ਦੇ ਨਾਂ ਹਨ

نوٹ : نور اتے سرور کاجل دِیاں بیٹِیاں دے نام ہن

رُّکھ دی چھاویں
پڑھے کِتاب نور
چھم چھم کرے سرور

کاجل گرگ
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਬਟੂਆ بٹوآ

ਮੇਰਾ ਬਟੂਆ

ਖਾਲ੍ਹੀ ਗਰੀਬ

ਭਰਿਆ ਅਮੀਰ

ਸਤਪ੍ਰੀਤ ਸਿੰਘ

 

میرا بٹوآ
کھالی غریب
بھریا عمیر

ستپریت سنگھ
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਉਡੀਕ

ਤੇਰੀ ਉਡੀਕ ਚ ਸਜਿਆ ਬੈਠਾਂ

ਸਫੇਦ ਕਮੀਜ ਨੂੰ ਦਿੱਤਾ ਨੀਲ

ਕਿਤੋਂ ਕਿਤੋਂ ਦਿਸ ਰਿਹਾ ਹੈ

ਗੁਰਪ੍ਰੀਤ

تیری اُڈیک وِّچ سجیا بَیٹھاں
سفید کمیج نوں دِّتا نیل
کِتوں کِتوں دِس رہا ہے

گُرپرٖت
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਗੁਲਾਬ

ਟਹਿਣੀ ਝੂਮਦਾ ਗੁਲਾਬ

ਪੁਲਿਸ ਦੀ ਵਰਦੀ ‘ਚ

ਟਰੈਫਿਕ ਸੰਭਾਲਦੀ ਮੁਟਿਆਰ

ਗੁਰਪ੍ਰੀਤ

ٹہنی جھومدا گُلاب
پُلِس وردی .چ
ٹرَیفِک سنبھالدی مُٹیار

گُرپریت
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ

ਚੁੱਪ

ਮਾਂ  ਚੁੱਪ ਹੋ ਗਈ

ਭਰ ਗਿਆ ਵਿਹੜਾ

ਆਵਾਜ਼ਾਂ ਨਾਲ

ਅਨੇਮਨ ਸਿੰਘ

ماں چُپ ہو گئی
بھر گیا وہڑا
اَوازاں نال

انیمن سِنگھ

شاہ مُکھی روپ: جسوِندر سِنگھ
ਸ਼ਾਹਮੁਖੀ ਰੂਪ:ਜਸਵਿੰਦਰ ਸਿੰਘ

ਅਨਾਮ

ਚਿੜੀ ਦੇ ਪੌਂਚੇ ਜਿੱਡਾ ਸ਼ਹਿਰ

ਨਹੀਂ ਦਿਸੇ ਕਦੇ ਇਕ ਦੂਜੇ ਨੂੰ

ਮੈਂ ਤੇ ਮੇਰਾ ਛੋਟਾ ਭਰਾ

ਗੁਰਪ੍ਰੀਤ

چڑی دے پہنچے جنا شہر
نہیں دسے کدے اک دوجے نوں
میں تے میرا چھوتا بھرا

گرپریت

شاہ مُکھی لپئ انتر : جسوندر سنگھ
ਸ਼ਾਂਹਮੁਖੀ ਲਿੱਪੀ ਅੰਤਰ : ਜਸਵਿੰਦਰ ਸਿੰਘ

ਫੈਕਟਰੀ

ਧੂੰਆਂ-ਧਾਰ ਆਕਾਸ਼

ਬਣਾਉਂਦੀ ਤੌਲੀਏ

ਫੈਕਟਰੀ ਇਹ ਖਾਸ 

ਗੁਰਪ੍ਰੀਤ

ਬੂਹਾ

ਹਰ ਸਾਹ ਨਾਲ

ਆਵੇ ਜਾਵੇ ਜ਼ਿੰਦਗੀ

ਬੂਹਾ ਖੁਲ੍ਹੇ ਭਿੜੇ

ਬਲਜੀਤ ਪਾਲ ਸਿੰਘ

ਠੰਢ !

ਸਕੂਲੋਂ ਆਉਂਦਿਆਂ ਹੀ

ਠਰਦੀ ਗੁੱਡੀ ਨੂੰ ਚੁੱਕਿਆ

ਤੇ ਲੁਕੋ ਲਿਆ ਰਜਾਈ ਚ

ਸਨੋਅ ਸਾਦਗੀ , 7 ਸਾਲ

ਪ੍ਰਣ

ਦੋਸਤ ਨੇ ਵਧਾਈ ਦਿੱਤੀ

ਨਵਾਂ ਸਾਲ ਖੁਸ਼ੀਆਂ ਲਿਆਵੇ

ਸਰਕਾਰੀ ਫੋਨ ਤੋਂ 

ਪਰਾਗ ਰਾਜ ਸਿੰਗਲਾ

ਠੰਢ !

ਇੰਨੀ ਠੰਢ !

ਨਾ ਠਰੇ ਬਾਪੂ ਦੇ ਹੱਥ

ਨਾ ਤੇਸੀ ਕਾਂਡੀ

ਗੁਰਪ੍ਰੀਤ

ਵੰਡ

ਪਿਉ ਦੀ ਮੌਤ

ਪਿੱਛੇ ਛੱਡ ਗਿਆ ਤਿੰਨ ਮੁੰਡੇ

ਤਿੰਨ ਥਾਂ ਪਿਆ ਭੋਗ

ਗੁਰਪ੍ਰੀਤ

ਕਲਾਕਾਰ

ਬੱਚੇ ਹੱਥ ਆਇਆ

ਹਿਸਾਬ-ਕਿਤਾਬ ਵਾਲਾ ਕਾਗਜ਼

ਜਹਾਜ਼ ਬਣ ਗਿਆ

ਗੁਰਪ੍ਰੀਤ

ਪ੍ਰਦੂਸ਼ਣ

ਅੰਮ੍ਰਿਤ ਵੇਲਾ

ਗੁੰਮ-ਸੁੰਮ ਚਹਿਚਹਾਟ

ਸ਼ੋਰ ਸਪੀਕਰਾਂ ਦਾ

ਬਲਜੀਤਪਾਲ ਸਿੰਘ

ਪਾਣੀ-ਸੰਕਟ

ਧਰਤੀ ਹੇਠਲਾ ਪਾਣੀ

ਹੋਰ ਹੇਠਾਂ ਹੋਰ ਹੇਠਾਂ

ਘਰਾਂ ਦੇ ਸਿਰਾਂ ਤੇ ਟੈਂਕੀਆਂ

ਪਰਾਗ ਰਾਜ ਸਿੰਗਲਾ

ਪ੍ਰਦੇਸੀ

ਪ੍ਰਦੇਸੀ ਮੁੜਦੇ ਇਥੇ
ਆਪਣੇ ਨਿੱਘੇ ਘਰੀਂ
ਯੂਰਪ ਵਿਚ ਵਿੰਟਰ

ਬਲਜੀਤ ਪਾਲ ਸਿੰਘ

ਵੰਡ

ਜੌੜੇ ਭਰਾਵਾਂ ਵੰਡ ਪਾਈ

ਇੱਕ ਹਿੱਸੇ ਬਾਪੂ ਆਇਆ

ਇੱਕ ਹਿੱਸੇ ਮਾਈ

ਪਰਾਗ ਰਾਜ ਸਿੰਗਲਾ

ਨਾ-ਪਸੰਦ

ਧੱਕੇ ਨਾਲ ਮਿਲੀ ਕਿਤਾਬ

ਸੈਲਫ ਤੇ ਰੱਖ ਦਿੱਤੀ

ਬਿਨ੍ਹ ਪੜ੍ਹੇ ਹੀ

ਬਲਜੀਤ ਪਾਲ ਸਿੰਘ

ਮਾਂ

ਅਖਬਾਰ ਫਰੋਲਦੀ

ਪੜ੍ਹ ਪੜ੍ਹ ਤਸਵੀਰਾਂ

ਮਾਂ ਖਬਰਾਂ ਸੋਚਦੀ

ਪਰਾਗ ਰਾਜ ਸਿੰਗਲਾ

ਰਾਤ

ਸਿਆਲ ਦੀ ਠੰਢੀ ਰਾਤ

ਮੇਰਾ ਰੁੱਸਿਆ ਭਰਾ ਬਣਾਵੇ

ਗੁਆਢੀਆਂ ਦਾ ਪਲੰਘ

ਗੁਰਪ੍ਰੀਤ

ਇਕਮਿਕਤਾ

ਇਧਰ ਰੁਪਈਏ

ਉਧਰ ਡਾਲਰ

ਲਾਲਚ ਇੱਕੋ

ਬਲਜੀਤਪਾਲ ਸਿੰਘ

 

ਰੁੱਖ ਦਾ ਰੁਖਪਣ

ਲੱਕੜਹਾਰਾ

ਸੁੱਤਾ ਰੁੱਖ ਹੇਠ

ਹੱਥ ਕੁਹਾੜਾ

ਚਰਨਜੀਤ ਸਿੰਘ

ਅੱਗ

ਇਕ ਪਲ ਰੁਕਿਆ ਹੱਥ

ਅਗਲੇ ਪਲ ਲਾ ‘ਤੀ

ਅੱਗ ਪਰਾਲੀ ਨੂੰ

ਗੁਰਲਾਭ ਸਿੰਘ ਸਰਾਂ

ਜ਼ਿੰਦਗੀ

ਪਿੰਡ ਜੀਵਨਪੁਰਾ

ਪੱਕੀ ਕੰਧ ਸਮਸ਼ਾਨ ਦੀ

ਘਰ ਕੱਚੇ

 ਗੁਰਪ੍ਰੀਤ

ਪੰਜਾਬ

ਕੋਠੇ ਚੜ੍ਹ ਕੇ ਦੇਖਿਆ

ਟਾਵਰ ਮੰਦਰ ਚਾਰ-ਚੁਫੇਰੇ

ਰੁੱਖ ਟਾਂਵਾਂ-ਟਾਂਵਾਂ

ਪਰਾਗ ਰਾਜ ਸਿੰਗਲਾ

ਬਾਪੂ

ਭੋਰ ਭੋਰ ਚਿੜੀਆਂ ਨੂੰ ਪਾਵੇ

ਮੰਜੇ ‘ਤੇ ਬੈਠਾ ਬਾਪੂ

ਰੋਟੀ ਖਾਵੇ

ਤਨਵੀਰ

ਸ਼ਾਮ

ਗਲਾਸ ਭਰੇ

ਖਾਲ੍ਹੀ

ਮੁੜ ਭਰੇ

ਤਾਰਾ ਚੰਦ ਸ਼ਰਮਾਂ