Category Archives: ਪੰਜਾਬ/Punjab

ਪੰਜਾਬ ਦੇ ਹਾਲਾਤ ਬਾਰੇ ਹਾਇਕੂ

04 ਮੰਗਲਵਾਰ ਅਗ. 2015

Posted by in ਦਰਬਾਰਾ ਸਿੰਘ ਖਰੌਡ, ਪੰਜਾਬ/Punjab, ਸੁਹਾਗ ਪਟਾਰੀ

≈ ਟਿੱਪਣੀ ਕਰੋ

ਟੈਗ

ਸੁਹਾਗ ਪਟਾਰੀ

ਅੰਦਰ ਕੱਜਲ ਦੀ ਡੱਬੀ 

ਉਤੋਂ ਰੇਸ਼ਮ ਨਾਲ ਸ਼ਿੰਗਾਰੀ 

ਦਰਬਾਰਾ ਸਿੰਘ ਖਰੌਡ 

ਇਸ਼ਤਿਹਾਰ

ਸੁਹਾਗ ਗੀਤ

03 ਸ਼ੁੱਕਰਵਾਰ ਜੁਲਾ. 2015

Posted by in ਗੁਰਮੀਤ ਸਿੰਘ ਸੰਧੂ, ਪੰਜਾਬ/Punjab, ਸੁਹਾਗ ਗੀਤ

≈ ਟਿੱਪਣੀ ਕਰੋ

ਟੈਗ

ਲੇਡੀਜ਼ ਸੰਗੀਤ-

ਇਕੱਲਿਆਂ ਹੀ ਗਾਵੇ ਦਾਦੀ

ਸੁਹਾਗ ਗੀਤ

اک سینریؤ:
لیڈیز سنگیت-
اکلیاں ہی گاوے دادی
سہاگ گیت

ਗੁਰਮੀਤ ਸਿੰਘ ਸੰਧੂ 

ਚਿੜੀ

16 ਸੋਮਵਾਰ ਸਤੰ. 2013

Posted by in ਅਰਵਿੰਦਰ ਕੌਰ, ਕੁਦਰਤ/Nature, ਝੱਖੜ, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਅਚਨਚੇਤ ਹਨੇਰੀ —
ਡਿਗੇ ਬਿਰਖ ਤੇ ਗਾ ਰਹੀ 
ਕੱਲੀ ਕਾਰੀ ਚਿੜੀ 

sudden storm–
a lone bird chirps
on the fallen tree

ਅਰਵਿੰਦਰ ਕੌਰ

ਗੀਝਾ

16 ਮੰਗਲਵਾਰ ਜੁਲਾ. 2013

Posted by in ਕੁਦਰਤ/Nature, ਗਰਮੀ/Summer, ਗੀਤ ਅਰੋੜਾ, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਵਿਵਹਾਰ

≈ ਟਿੱਪਣੀ ਕਰੋ

ਸ਼ਾਮ ਦਾ ਘੁਸ੍ਮੁਸਾ 
ਟਾਕੀਆਂ ਵਾਲੇ ਗੀਝੇ ਚੋਂ ਲਟਕਣ 
ਚੋਰੀ ਦੇ ਕਰੇਲੇ

ਗੀਤ ਅਰੋੜਾ

ਗਗਨਦੀਪ ਸਿੰਘ ਦੇ 5 ਹਾਇਕੂ

21 ਸ਼ੁੱਕਰਵਾਰ ਜੂਨ 2013

Posted by in ਕੁਦਰਤ/Nature, ਗਗਨਦੀਪ ਸਿੰਘ, ਗਰਮੀ/Summer, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬਰਖਾ/Rainy Season, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਮਾਂ ਲਿਪੇ ਮਿਟੀ
ਬੱਚਾ ਚੁੰਘੇ ਗੂਠਾ
ਓਟੇ ਓਹਲੇ

ਹੋਲੀ ਦੀ ਦੁਪਹਿਰ
ਪਿਚਕਾਰੀ ਨਾਲ ਭਿਜੀ
ਵਿਧਵਾ ਦੀ ਚੁੰਨੀ

ਗਿਲੇ ਖਾਲ਼ ‘ਚ
ਸੱਪ ਦੀ ਕੰਜ
ਪੈਰ ਤਰਭਕੇ ਰੁਕੇ

ਬਿਜਲੀ ਗੜਕੇ
ਮਾਂ ਨੇ ਲਕੋਈ
ਕਾਂਸੀ ਦੀ ਥਾਲੀ

ਬੱਦਲ ਲਸ਼ਕੇ
ਦੂਰ ਦੂਰ ਸੁੱਤੇ
ਮਾਮਾ ਤੇ ਭਾਣਜਾ

ਗਗਨਦੀਪ ਸਿੰਘ

ਅਮਲਤਾਸ

13 ਵੀਰਵਾਰ ਜੂਨ 2013

Posted by in ਅਡੰਬਰ, ਗਰਮੀ/Summer, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬਿਰਖ, ਰੋਜ਼ੀ ਮਾਨ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਅਮਲਤਾਸ ਦੀ ਛਾਂ – 
ਤਿੰਨ ਸੈਲ ਫੋਨਾਂ ਵਾਲਾ ਅਜਨਬੀ 
ਆਖਿਰ ਚੁੱਪ ਕੀਤਾ !
ਰੋਜ਼ੀ ਮਾਨ

ਤੱਤੀ ਤਵੀ

13 ਵੀਰਵਾਰ ਜੂਨ 2013

Posted by in ਗਰਮੀ/Summer, ਛੋਹ ਬਿੰਬ (Kinaesthetic/touch), ਤੇਜਿੰਦਰ ਸਿੰਘ ਗਿੱਲ, ਦ੍ਰਿਸ਼ਟ ਬਿੰਬ (Visual-Seeing), ਧਰਮ/Religion, ਪੰਜਾਬ/Punjab

≈ ਟਿੱਪਣੀ ਕਰੋ

ਮਘਦਾ ਸੂਰਜ-
ਤੱਤੀ ਤਵੀ ਤੇ ਬਿਰਾਜਮਾਨ 
ਸ਼ਹੀਦਾਂ ਦਾ ਸਿਰਤਾਜ

ਤੇਜਿੰਦਰ ਸਿੰਘ ਗਿੱਲ

 

ਕੂਕ

13 ਵੀਰਵਾਰ ਜੂਨ 2013

Posted by in ਛੋਹ ਬਿੰਬ (Kinaesthetic/touch), ਦਵਿੰਦਰ ਕੌਰ, ਦ੍ਰਿਸ਼ਟ ਬਿੰਬ (Visual-Seeing), ਪੰਛੀ, ਪੰਜਾਬ/Punjab, ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਤੇਜ ਬਰਸਾਤ …
ਪੌਣਾਂ ਵਿੱਚ ਘੁਲ ਗਈ
ਕੋਇਲ ਦੀ ਕੁਕ

ਦਵਿੰਦਰ ਕੌਰ

10 ਡਰਨੇ ਗੁਰਪ੍ਰੀਤ ਦੇ

21 ਵੀਰਵਾਰ ਫਰ. 2013

Posted by in ਗੁਰਪ੍ਰੀਤ, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab

≈ ਟਿੱਪਣੀ ਕਰੋ

ਡਰਨਾ : ਹਾਇਕੂ ਲੜੀ
੧
ਚਾਨਣੀ ਰਾਤ
ਹਾਕ ਮਾਰਦੀ ਜਾਪੇ
ਡਰਨੇ ਦੀ ਬਾਂਹ
੨
ਲਾਲ-ਗੁਲਾਲ
ਡਰਨੇ ਦੇ ਲੀੜੇ
ਫੌਜਣ ਦੀਆਂ ਗੱਲ੍ਹਾਂ
੩
ਆਨੀਂ-ਬਹਾਨੀਂ
ਹੋਲੀ ਖੇਡ ‘ਗੀ ਫੌਜਣ
ਡਰਨੇ ਨਾਲ
੪
ਖੇਤ ਛੜਿਆਂ ਦਾ
ਡਰਨੇ ਦੇ ਸਿਰ
ਸਿਹਰੇ ਲਮਕਣ
੫
ਅਪਣੇ ‘ਉਹਦੇ’
ਮੂੰਹ ‘ਚ ਬੁਰਕੀ ਪਾਉਂਦਿਆਂ
ਡਰਨੇ ਤੋਂ ਸੰਙੇ
੬
ਮੁੱਛਾਂ ਮਰੋੜੇ
ਡਰਨਾ ਅਜੇ ਵੀ
ਖੇਤ ਖਾਲ੍ਹੀ
੭
ਝੱਖੜ ਪਿੱਛੋਂ
ਡਿੱਗ ਪਿਆ ਡਰਨਾ ਵੀ
ਡਿੱਗੀ ਫਸਲ ਦੇ ਨਾਲ
੮
ਦਿਨੇ ਸੂਰਜ
ਡਰਨੇ ਦਾ ਸਾਥੀ
ਰਾਤ ਨੂੰ ਚੰਨ
੯
ਕਰਦਾ ਕਾਂ ਕਾਂ
ਡਰਨੇ ਦੇ ਸਿਰ ‘ਤੇ
ਬੈਠਾ ਬੁੱਢਾ ਕਾਂ
੧੦
ਪੁੱਠਾ-ਸਿੱਧਾ
ਇਕੋ ਜਿਹਾ
ਡਰਨੇ ਦਾ ਕੋਟ

ਠੱਕਾ

06 ਐਤਵਾਰ ਜਨ. 2013

Posted by in ਕੁਦਰਤ/Nature, ਛੋਹ ਬਿੰਬ (Kinaesthetic/touch), ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬੁਢਾਪਾ, ਲਖਵਿੰਦਰ ਸ਼ਰੀਂਹ ਵਾਲਾ, ਸਿਆਲ/Winter

≈ ਟਿੱਪਣੀ ਕਰੋ

ਵੱਗਦਾ ਠੱਕਾ
ਕੰਧ ਉਹਲੇ ਬੈਠਾ
ਬਾਬਾ ਬਖ਼ਤੌਰਾ

ਲਖਵਿੰਦਰ ਸ਼ਰੀਂਹ ਵਾਲਾ

ਚੇਪਾ

12 ਸ਼ੁੱਕਰਵਾਰ ਅਕਤੂ. 2012

Posted by in ਕੁਦਰਤ/Nature, ਗੁਰਮੁਖ ਭੰਦੋਹਲ ਰਾਈਏਵਾਲ, ਜੀਵਨ/Life, ਪੰਜਾਬ/Punjab, ਹਾਇਬਨ/Haibun

≈ ਟਿੱਪਣੀ ਕਰੋ

ਝੋਨੇ ਦੀ ਕਟਾਈ ਤੋਂ ਬਾਅਦ ਵੀ ਕਿਸੇ ਕਿਸੇ ਖੇਤ ਚ ਕਰਚੇ ਅਜੇ ਖੜੇ ਚਮਕ ਰਹੇ ਸੀ ! ਪਰ ਲਾਭ ਤਾਏ ਹੋਰਾਂ ਨੇ ਪਾਇਪ ਲਾਈਨ ਪਾਉਣ ਕਰਕੇ ਸਾਰਾ ਖੇਤ ਪਹਿਲਾ ਹੀ ਅੱਗ ਲਾ ਕਾਲਾ ਤੇ ਰੜਾ ਕਰ ਦਿੱਤਾ ਸੀ !…..ਸਾਡਾ ਘਰ ਉਹਨਾ ਦੀ ਮੋਟਰ ਕੋਲ ਹੋਣ ਕਰਕੇ ਕੋਈ ਨਾ ਕੋਈ ਉਹਨਾ ਦੇ ਘਰ ਦਾ ਜੀ ਆਇਆ ਹੀ ਰਹਿੰਦਾ ! ਕਦੇ ਵੈਸੇ ਗੱਲਾਂ ਬਾਤਾਂ ਲਈ ..ਤੇ ਕਦੇ ਕਿਸੇ ਸੰਦ ਲਈ..!..”ਉਹ ਗੁਰਮਖਾ… ਆ ਕਤੀੜ ਨੂੰ ਸੰਗਲ ਪਾ ਦੇ ਮੱਲਾ !… ਕਿਤੇ ਹੋਰ ਜਾਨ ਨੂੰ ਸਿਆਪਾ ਪੈ ਜੇ….!” ਕਾਲੇ ਖੇਤ ਚ ਬਗਲੇ ਵਾਂਗ ਦੂਰੋਂ ਚਮਕਦੇ ਆਉਂਦੇ ਭਾਗ ਤਾਏ ਨੇ ਕਿੱਲੇ ਕੁ ਦੀ ਵਾਟ ਤੋਂ ਉਚੀ ਵਾਜ ਮਾਰੀ….”ਬੰਨ ਤਾ ਤਾਇਆ ਆਜਾ !”…ਮੈਂ ਵੀ ਟਿਚਰ ਜੀ ਨਾਲ ਕਿਹਾ !…”ਕਿਵੇ ਆਏ ਪ੍ਰਗਟ ਦੇ ਬਾਪੂ ਜੀ ” …ਮੇਰੀ ਮਾਤਾ ਨੇ ਟੇਢੇ ਕੀਤੇ ਘੁੰਡ ਚੋ ਹੌਲੀ ਜਿਹੇ ਪੁਛਿਆ …” ਮੈਂ ਤਾਂ ਭਾਈ ਸਿੰਦਰ, ਗਲਾਸ ਲੈਣ ਆਇਆ ਸੀ.. ਆਹ ਕਸ਼ਮੀਰੀਆਂ ਦੀ ਰੋਟੀ ਤੇ ਚਾਹ ਲੈ ਕੇ ਆਇਆ ਸੀ ! ਲਗਦਾ ਨਿਆਣੇ ਗਲਾਸ ਪਾਉਣਾ ਭੁੱਲ ਗੇ !” ….ਮੈਂ ਅੰਦਰੋਂ ਗਲਾਸ ਲਿਆਇਆ ਤੇ ਤਾਏ ਦੇ ਨਾਲ ਏ ਤੁਰਨ ਲੱਗਾ ਸੀ ਤਾਂ ਪਿਛੋਂ ਸਾਡੇ ਲਾਣੇਦਾਰ ਨੇ ਤਾਏ ਨੂੰ ਛੇੜਨ ਦੇ ਬਹਾਨੇ ਨਾਲ ਕਿਹਾ…”ਵੀਰ ਧਿਆਨ ਰਖੀ ਪਹਾੜੀਆਂ ਦਾ ਜੇ ਸਾਡੀ ਕੋਈ ਮਝ ਚੋਰੀ ਹੋਈ ਤਾਂ ਤੇਰੀ ਖੁਰਲੀ ਤੋਂ ਖੋਲ ਲਿਆਉਣੀ ਆ ਅਸੀਂ”……”ਉਹ ਘੋਲ ਸਿਆਂ ਤੂੰ ਫਿਕਰ ਨਾ ਕਰ ! ਇਹ ਤਾ ਬੜੇ ਚੰਗੇ ਤੇ ਮਿਹਨਤੀ ਬੰਦੇ ਨੇ ..ਨਾਲ ਚੱਲਕੇ ਦੇਖ ਕਿਵੇਂ ਮਿੱਟੀ ਚ ਮਿੱਟੀ ਹੋ ਰਹੇ ਨੇ”…ਮੈਨੂੰ ਤੁਰਨ ਦੇ ਇਸ਼ਾਰੇ ਨਾਲ ਤਾਏ ਨੇ ਕਿਹਾ …..

ਕਹੀ ਦਾ ਚੇਪਾ-
ਇਕੋ ਬੁਰਕੀ ਨਘਾਰ ਗਿਆ
ਚਾਹ ਭਿਓੰਤੀ ਰੋਟੀ

ਗੁਰਮੁਖ ਭੰਦੋਹਲ ਰਾਈਏਵਾਲ

ਮੀਂਹ ਵਰ੍ਹੇ

01 ਸ਼ਨੀਵਾਰ ਸਤੰ. 2012

Posted by in ਜੀਵਨ/Life, ਪੰਜਾਬ/Punjab, ਬਰਖਾ/Rainy Season, ਵਰਖਾ, ਸੈਮ ਬਾਜਵਾ

≈ ਟਿੱਪਣੀ ਕਰੋ

ਮੀਂਹ ਵਰ੍ਹੇ
ਖਿੜਕੀ ‘ਚੋਂ ਝਾਕਣ
ਦੋ ਗੁਲਾਬ
****

ਮੀਂਹ ਵਰ੍ਹੇ
ਕੁੜੀ ਭਿੱਜ ਗਈ 
ਛਤਰੀ ਹੇਠ
****
ਮੀਂਹ ਵਰ੍ਹੇ
ਛੱਤ ‘ਤੇ ਬੈਠੇ ਕਬੂਤਰ
ਚੋਗੇ ਦੀ ਉਡੀਕ
****
ਮੀਂਹ ਵਰ੍ਹੇ
ਤੇਰੇ ਆਉਣ ਦੀ ਉਡੀਕ
ਦਿਲ ਧੜਕੇ
****
ਮੀਂਹ ਵਰ੍ਹੇ
ਫੁੱਲ ਦਾ ਆਸਰਾ 
ਤਿਤਲੀ ਲੱਭੇ
****
ਮੀਂਹ ਵਰ੍ਹੇ
ਹੋਸਟਲ ਦੀ ਛੱਤ
ਖਾਲੀ ਖਾਲੀ

ਸੈਮ ਬਾਜਵਾ

ਸਕੂਲੋਂ ਭੱਜੇ ਮੁੰਡੇ

01 ਸ਼ਨੀਵਾਰ ਸਤੰ. 2012

Posted by in ਜੀਵਨ/Life, ਧੀਦੋ ਗਿੱਲ, ਪੰਜਾਬ/Punjab, ਬਚਪਨ

≈ ਟਿੱਪਣੀ ਕਰੋ

ਸਕੂਲੋਂ ਭੱਜੇ ਮੁੰਡੇ
ਖੇਡਣ ਨਿੱਮ ਤੇ
ਟੁੱਕਣ ਨਿਮੋਲੀਆਂ

****

ਸਕੂਲੋਂ ਭੱਜੇ ਮੁੰਡੇ
ਭਾਠਕਾਂ ਵਾਲੇ ਖੂਹ ਵਿੱਚ
ਖਾਣ ਠੰਡੇ ਕਰ ਕਰ ਖਰਬੂਜੇ
****

ਤਿੱਖੜ ਦੁਪਹਿਰਾ
ਖੂਹ ਨਹਾਤੇ , ਸੁੱਕੀ ਨੀਕਰ
ਘਰ ਨੂੰ ਆਉਂਦੇ ਆਉਂਦੇ

ਧੀਦੋ ਗਿੱਲ

ਸਕੂਲੋਂ ਭੱਜੇ ਮੁੰਡੇ

01 ਸ਼ਨੀਵਾਰ ਸਤੰ. 2012

Posted by in ਜੀਵਨ/Life, ਪੰਜਾਬ/Punjab, ਬਚਪਨ, ਵਿਵੇਕ ਭਾਰਦਵਾਜ 'ਬੋਪਾਰਾਏ'

≈ ਟਿੱਪਣੀ ਕਰੋ

ਸਕੂਲੋਂ ਭੱਜੇ ਮੁੰਡੇ

ਚੱਲੇ ਨਹਿਰ ‘ਚ

ਲਾਉਣ ਤਾਰੀਆਂ

****

ਸਕੂਲੋਂ ਭੱਜੇ ਮੁੰਡੇ

ਮੁੜੇ ਰੋਂਦੇ ਰੋਂਦੇ

ਬਾਪੂ ਦੇ ਹੱਥ ਡਾਂਗ

ਵਿਵੇਕ ਭਾਰਦਵਾਜ ‘ਬੋਪਾਰਏ’

ਸਕੂਲੋਂ ਭੱਜੇ ਮੁੰਡੇ

01 ਸ਼ਨੀਵਾਰ ਸਤੰ. 2012

Posted by in ਕਮਲਜੀਤ ਮਾਂਗਟ, ਜੀਵਨ/Life, ਪੰਜਾਬ/Punjab, ਬਚਪਨ

≈ ਟਿੱਪਣੀ ਕਰੋ

ਸਕੂਲੋਂ ਭੱਜੇ ਮੁੰਡੇ
ਗਏ ਘਲਾੜੀ ਤੇ
ਖਾਣ ਤੱਤਾ-ਤੱਤਾ ਗੁੜ

****

ਸਕੂਲੋਂ ਭੱਜੇ ਮੁੰਡੇ
ਲੁੱਕੇ ਕਮਾਦ ਚ’
ਚੂਪਣ ਗੰਨੇ

****

ਸਕੂਲੋਂ ਭੱਜੇ ਮੁੰਡੇ
ਗਏ ਹਵੇਲੀ ਚ’
ਚੜਾਉਣ ਪਤੰਗ

****

ਸਕੂਲੋਂ ਭੱਜੇ ਮੁੰਡੇ
ਬੈਠੇ ਮੋਟਰ ਤੇ
ਖੇਡਣ ਤਾਸ਼

****

ਸਕੂਲੋਂ ਭੱਜੇ ਮੁੰਡੇ
ਗਏ ਗੁਰਦੁਆਰੇ
ਛੱਕਣ ਪ੍ਰਸ਼ਾਦੇ

****

ਸਕੂਲੋਂ ਭੱਜੇ ਮੁੰਡੇ
ਗਏ ਸਹਿਰ
ਵੇਖਦੇ ਫਿਲਮ

****

ਸਕੂਲੋਂ ਭੱਜੇ ਮੁੰਡੇ
ਨਾਲ ਦੇ ਪਿੰਡ
ਖੇਡਣ ਕਬੱਡੀ

****

ਸਕੂਲੋਂ ਭੱਜੇ ਮੁੰਡੇ
ਗਏ ਸੁਣਨ
ਅੰਨ੍ਹੇਂ ਦਾ ‘ਖਾੜਾ

****

ਸਕੂਲੋਂ ਭੱਜੇ ਮੁੰਡੇ
ਪਿੰਡ ਦੇ ਬਾਹਰ
ਖੇਡਣ ਗੁੱਲੀ-ਡੰਡਾ

****

ਸਕੂਲੋਂ ਭੱਜੇ ਮੁੰਡੇ
ਬੈਠੇ ਨਹਿਰ ਤੇ
ਖਾਣ ਜਾਮਣਾਂ

****

ਸਕੂਲੋਂ ਭੱਜੇ ਮੁੰਡੇ
ਵੇਖਣ ਗਏ
ਫਿਲਮ ਦੀ ਸ਼ੂਟਿੰਗ

ਕਮਲਜੀਤ ਮਾਂਗਟ