Category Archives: ਵਿਵਹਾਰ

ਗੀਝਾ

16 ਮੰਗਲਵਾਰ ਜੁਲਾ. 2013

Posted by in ਕੁਦਰਤ/Nature, ਗਰਮੀ/Summer, ਗੀਤ ਅਰੋੜਾ, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਵਿਵਹਾਰ

≈ ਟਿੱਪਣੀ ਕਰੋ

ਸ਼ਾਮ ਦਾ ਘੁਸ੍ਮੁਸਾ 
ਟਾਕੀਆਂ ਵਾਲੇ ਗੀਝੇ ਚੋਂ ਲਟਕਣ 
ਚੋਰੀ ਦੇ ਕਰੇਲੇ

ਗੀਤ ਅਰੋੜਾ

ਇਸ਼ਤਿਹਾਰ

ਬੋਤਲ

27 ਸ਼ਨੀਵਾਰ ਅਕਤੂ. 2012

Posted by in ਜਗਰਾਜ ਸਿੰਘ ਨਾਰਵੇ, ਜੀਵਨ/Life, ਰੀਤੀ ਰਿਵਾਜ, ਵਿਵਹਾਰ

≈ ਟਿੱਪਣੀ ਕਰੋ

Haibun:::
ਤਾਇਆ ਜਾਗਰ ਸਿਉਂ ਕਬਜ ਨਾਲ ਅਕਸਰ ਤੰਗ ਰਹਿੰਦਾ ਸੀ ਅਤੇ ਉਹ ਛੜਾ ਹੋਣ ਕਰਕੇ ਆਪਣੀ ਇਹ ਤਕਲੀਫ਼ ਹਰ ਕਿਸੇ ਨੂੰ ਨਾ ਦਸਦਾ | ਆਵਦੇ ਭਤੀਜਿਆਂ ਨੂੰ ਡਾਹਡਾ ਮੋਹ ਕਰਦਾ | ਕਦੇ ਕਦੇ ਉਹ ਮੱਦਦ ਮੰਗਦਾ, “ਓਏ ਮੁੰਡਿਆ … ਕੱਢ ਸ਼ਕੂਟਰ ਤੇ ਲੈ ਚੱਲ ਮੈਨੂੰ ਛਿੰਦੇ ਡਾਕਟਰ ਕੋਲ… ਮੈਂ ਬੜਾ ਤੰਗ ਆਂ” … ਅਤੇ ਟੱਬਰ ‘ਚੋਂ ਕੋਈ ਨਾ ਕੋਈ ਉਸਨੂੰ ਡਾਕਟਰ ਦੇ ਲੈ ਜਾਂਦਾ ਤਾਂ ਉਹ ਲੱਖਾਂ ਅਸੀਸਾਂ ਦਿੰਦਾ ! ਪਰ ਉਹ ਦਵਾਈਆਂ ਖਾ ਕੇ ਖੁਸ਼ ਨਹੀਂ ਸੀ …. ਉਹਨਾਂ ਨੂੰ ਕਦੇ ਕਦਾਈਂ ਚਾਰ ਛਿੱਲੜ ਦੇ ਕੇ ਦੇਸੀ ਦਾਰੂ ਲੈਣ ਭੇਜਦਾ… ਆਪ ਵੀ ਦੋ-ਤਿੰਨ ਹਾੜੇ ਲਾਉਂਦਾ ਅਤੇ ਛਿੱਟ ਛਿੱਟ ਮੁੰਡਿਆਂ ਨੂੰ ਵੀ ਲਵਾ ਛੱਡਦਾ… ਅਸਲ ‘ਚ ਇਹ ਹੀ ਉਸਦੀ ਬਿਮਾਰੀ ਦਾ ਸੌਖਾ ਇਲਾਜ ਸੀ | ਐਸਾ ਘੱਟੋ ਘੱਟ ਉਹ ਦਿਨ-ਦਿਹਾਰ, ਵਿਸਾਖੀ, ਲੋਹੜੀ , ਦੀਵਾਲੀ ਤੇ ਤਾਂ ਜਰੂਰ ਹੀ ਕਰਦਾ ਹੁੰਦਾ ਸੀ | ਐਤਕੀਂ ਦੀਵਾਲੀ ‘ਚ ਹਾਲੇ ਤਿੰਨ ਦਿਨ ਰਹਿੰਦੇ ਸਨ ਅਤੇ ਠੰਡ ਕਾਫੀ ਉੱਤਰ ਆਈ ਸੀ … ਤਾਇਆ ਬੋਲਿਆ, “ਉਏ ਪੁੱਤ ਰੂਪਿਆ…ਆਹ ਫੜ ਪੈਸੇ ਜਾਹ ਰਾਮਦਾਸੀਆਂ ਦੇ ਜੀਤ ਸਿਉਂ ਫੌਜੀ ਕੋਲੋਂ ਇੱਕ ਰੰਮ ਦੀ ਬੋਤਲ ਫੜ ਕੇ ਲਿਆ…” …

ਦੀਵਾਲੀ ਦਾ ਦਿਨ-
ਜਾਗਰ ਦੇਖੇ ਬੋਤਲ ਵੱਲ 
ਤੇ ਸਜੀਆਂ ਭਰਜਾਈਆਂ

ਜਗਰਾਜ ਸਿੰਘ ਨਾਰਵੇ

ਹੰਝੂ

20 ਸੋਮਵਾਰ ਅਗ. 2012

Posted by in ਕੁਦਰਤ/Nature, ਗ਼ਮ (grief), ਚਰਨ ਗਿੱਲ, ਜੀਵਨ/Life, ਵਿਵਹਾਰ, ਹਾਇਬਨ/Haibun

≈ ਟਿੱਪਣੀ ਕਰੋ

ਸੰਤਾਲੀ ਦੇ ਹੱਲੇ .. ਕਾਫਲਾ ਬਣਾ ਲਿਆ ਓਸ ਥਾਣੇਦਾਰ ਨੇ . ਅਖੇ ਚਲੋ ਮੁਸਲਮਾਨੋ ਤੁਹਾਨੂੰ ਮਲੇਰਕੋਟਲੇ ਪਹੁੰਚਾ ਦੇਵਾਂ . ਤੇ ਅੱਗੇ ਲਸੋਈ ਦੇ ਉਰ੍ਹਾਂ ਕੱਲਰਾਂ ਵਿੱਚ ਗੋਲੀ ਦਾ ਹੁਕਮ ਦੇ ਦਿੱਤਾ . ਖੂਨ ਨਾਲ ਲਾਲ ਹੋਈ ਚਿੱਟੀ ਕੱਲਰ ਦੀ ਮਿੱਟੀ ਮੈਂ ਆਪ ਅੱਖੀਂ ਦੇਖੀ ਐ .. ਕਹਿੰਦੇ ਕਹਿੰਦੇ ਰੁਕ ਗਿਆ ਖੈਰਦੀਨ ਕਿ ਪ੍ਰੀਤਮ …ਜਰਗੜੀ ਦੇ ਪੁਲ ਕੋਲ ਨਹਿਰੋਂ ਪਾਰ . ਬੜੀਆਂ ਲਾਸਾਂ ਪਈਆਂ… ਸਾਨੂੰ ਲੱਗਿਆ ਬਈ ਕੋਈ ਹਿੱਲਿਐ . ਦੋ ਕੁ ਕਿੱਲੇ ਦੇ ਫਰਕ … ਜਾ ਕੇ ਦੇਖਿਆ ਇੱਕ ਮੁੰਡਾ ਜਿਉਂਦਾ ਸੀ..ਇਹੀ ਛੇ ਸੱਤ ਸਾਲ ਦਾ ਹੋਣੈਂ .’ਕੱਲਾ ਰਹਿ ਗਿਆ ਸੀ .. ਦੇਖਿਆ ਨਾ ਜਾਵੇ…

ਚਿੱਟੀ ਮਿੱਟੀ ਤੇ ਡੁੱਲ੍ਹਿਆ ਖੂਨ 
ਪੱਗ ਦੇ ਲੜ ਨਾਲ ਮੈਂ ਪੂੰਝਾਂ ਹੰਝੂ
ਵਹਿੰਦੇ ਪਰਲ ਪਰਲ

ਚਰਨ ਗਿੱਲ

ਛਿੱਲੜਾਂ

20 ਸੋਮਵਾਰ ਅਗ. 2012

Posted by in ਜੀਵਨ/Life, ਤੇਜੀ ਬੇਨੀਪਾਲ, ਵਿਵਹਾਰ

≈ ਟਿੱਪਣੀ ਕਰੋ

ਪੁਰਾਣੀ ਗੱਲ ਐ ਮੇਰਾ ਫੁੱਫੜ ਸਾਡੇ ਪਿੰਡ ਹੀ ਰਹਿੰਦਾ ਆ ਅਕਸਰ ਹੀ ਸਿਗਰਟਾਂ ਦੀ ਡੱਬੀ ਚ ਪੈਸੇ ਪਾ ਲੈਦਾ,ਕੇਰਾਂ
ਡੱਬੀ ਚੋ ਪੈਸੇ ਕੱਢਣੇ ਭੁੱਲ ਗਿਆ ਮੇਰੇ ਪਿੰਡ ਦੇ ਹੀ ਇੱਕ ਹੋਰ ਬੰਦੇ ਨੇ ਦੇਖ ਲਏ ਤੇ ਰੁਪਏ ਕੱਢ ਲਏ,ਇਸ ਤੋ ਬਾਦ ਉਸਦੀ ਆਦਤ ਹੀ ਬਣਗੀ ਉਹ ਅਕਸਰ ਡੱਬੀਆ ਹੀ ਫਰੋਲ ਦਾ ਰਹਿੰਦਾ ਸੀ,ਕਈ ਵਾਰੀ ਮਜ਼ਾਕ ਦੇ ਤੋਰ ਤੇ ਰੱਸੀ ਨਾਲ ਨੋਟ ਬੰਨ੍ਹ ਕੇ ਪਹੇ ਚ ਰੱਖ ਦੇਣਾ ਉਸ ਦੇਖਕੇ ਉਸਨੇ ਚੱਕਣ ਦੀ ਕੋਸ਼ਿਸ਼ ਕਰਨੀ ਅਸੀ ਹੋਲੀ.. ਧਾਗਾ ਖਿੱਚ ਲੈਣਾ ਇਸੇ ਤ੍ਰਰਾਂ ਕਈ.. ਮਜ਼ਾਕ ਕੀਤਾ…

ਲੰਘਦਾ ਵੜ੍ਹਦਾ
ਫਰੋਲੇ ਡੱਬੀਆ
ਨਿਗਾਹ ਛਿੱਲੜਾਂ ਚ

ਤੇਜੀ ਬੇਨੀਪਾਲ

ਮਜ਼ਦੂਰ

15 ਬੁੱਧਵਾਰ ਅਗ. 2012

Posted by in ਕਮਲਜੀਤ ਮਾਂਗਟ, ਕੁਦਰਤ/Nature, ਘਰ, ਜੀਵਨ/Life, ਧੰਦੇ, ਵਿਵਹਾਰ

≈ ਟਿੱਪਣੀ ਕਰੋ

ਸਾਮ ਦਾ ਵੇਲਾ
ਛੁੱਟੀ ਕਰ ਮਜ਼ਦੂਰ
ਤੁਰਿਆ ਘਰ ਵੱਲ
—————–
ਸਾਮ ਦਾ ਵੇਲਾ
ਛੁੱਟੀ ਕਰ ਮਜ਼ਦੂਰ
ਝਾੜੇ ਪਰਨਾ

—————–
ਸਾਮ ਦਾ ਵੇਲਾ
ਛੁੱਟੀ ਕਰ ਮਜ਼ਦੂਰ
ਗਿਆ ਹਾਤੇ ਤੇ

ਕਮਲਜੀਤ ਮਾਂਗਟ