ਸਤਰੰਗੀ ਪੀਂਘ

ਸਾਵਨ ਦੀ ਸ਼ਾਮ –
ਬੱਚੀ ਮਿਣੇ ਸਤਰੰਗੀ ਪੀਂਘ
ਨਿੱਕੀਆਂ ਬਾਹਾਂ ਖਿਲਾਰ

ਪ੍ਰੇਮ ਮੈਨਨ

ਸੈਂਟਾ ਕਲਾਜ਼

ਅਮਰੀਕਨ ਪੋਤਾ
ਦੇਖ ਚਿੱਟੀ ਦਾਹੜੀ
ਆਖੇ ਸਾਂਤਾ ਕਲਾਜ

ਰਾਜਿੰਦਰ ਸਿੰਘ

ਡੱਕਾ

ਨਿੱਕੀ ਜਿੰਦ –
ਨਿੱਕੇ ਜਿਹੇ ਹੱਥ ਨਾਲ
ਬੱਚੇ ਚੁੱਕਿਆ ਡੱਕਾ

ਧੀਦੋ ਗਿੱਲ

ਮੋਰ

ਕੱਚਾ ਕੋਠਾ
ਨਿੱਕੜੀ ਨੇ ਮਾਰੀ ਕਿੱਲਕਾਰੀ
ਵੇਖ ਪੈਲ ਪੌਂਦਾ ਮੋਰ

ਅਮਨਪ੍ਰੀਤ ਪੰਨੂ

ਭਾਫ਼

ਉੱਠੇ ਭਾਫ਼
ਚਾਹ ਦੇ ਗ਼ਿਲਾਸ ‘ਚੋਂ
ਨਿੱਕੜਾ ਮਾਰੇ ਫ਼ੂਕਾਂ

ਉਮੇਸ਼ ਘਈ

ਸੁੰਡੀ

ਭੋਲੀ ਬੱਚੀ 
ਸਾਰੀ ਰਾਤ ਚਿੰਬੜੀ ਰਹੀ
ਡੰਡੀ ਨਾਲ ਸੁੰਡੀ

ਦਰਬਾਰਾ ਸਿੰਘ

ਮੇਲਾ

ਭਰਿਆ ਮੇਲਾ 
ਛੁੱਟੀ ਉੰਗਲ ਬਾਪ ਦੀ 
ਕੁਰਲਾਂਦਾ ਬਾਲ

ਨਿਰਮਲ ਸਿੰਘ ਧੌਂਸੀ

ਪੈੜ

ਤ੍ਰੇਲੀ ਸਵੇਰ
ਦਾਦੇ ਦੀ ਪੈੜ,ਚ ਪੈੜ
ਪਿਛੇ ਭੱਜੇ ਪੋਤਾ

ਲਵਤਾਰ ਸਿੰਘ

ਸ਼ੋਰ

ਗੱਡੀਆਂ ਦਾ ਸ਼ੋਰ
ਸੁੱਤਾ ਘੂਕ
ਮਾਂ ਦੀ ਗੋਦ

ਬਲਵਿੰਦਰ ਸਿੰਘ ਮੋਗਾ

ਖੰਭ

ਸ਼ਾਮੀ ਹੋਈ ਠੰਡ
ਖੰਭ ਬੋਚੇ ਬੱਚੀ 
ਕਰਕੇ ਪੱਖਾ ਬੰਦ

ਰਾਜਿੰਦਰ ਸਿੰਘ ਘੁੱਮਣ

ਸਵਾਲ

ਬੱਚੇ ਦੇ ਸਵਾਲ
ਮੱਥੇ ਤੇ ਹੱਥ ਰੱਖ
ਹੱਸਦੀ ਮਾਂ

ਦਵਿੰਦਰ ਪਾਠਕ ‘ਰੂਬਲ

ਬਾਲ

ਸ਼ੀਸ਼ਾ-
ਆਪਾ ਕੁੱਦ ਕੁੱਦ ਤੱਕੇ 
ਚਾਮਲਿਆ ਬਾਲ

ਨਿਰਮਲ ਸਿੰਘ ਧੌਂਸੀ

ਸਭਾ

ਸਵੇਰ ਦੀ ਸਭਾ,
ਅੱਜ ਦਾ ਵਿਚਾਰ,
ਬੱਚਾ ਪੁੱਟੇ ਘਾਹ….

ਦਵਿੰਦਰ ਪਾਠਕ ‘ਰੂਬਲ’

ਬੱਚਾ

ਸਿਧਾਰਥ ਆਰਟਿਸਟ

ਸੂਰਜ

ਧੁੰਦਲਾ ਸ਼ੀਸ਼ਾ
ਨੰਨਾਂ ਹੱਥ ਉੱਕਰੇ
ਚਮਕਦਾ ਸੂਰਜ

ਨਿਰਮਲ ਸਿੰਘ ਧੌਂਸੀ

ਪੋਤਾ

ਘਨੇੜੇ ਬੈਠਾ ਪੋਤਾ 
ਲੰਮੀ ਬਾਂਹ ਕਰ 
ਜਾਮਣਾ ਤੋੜੇ

ਸਹਿਜਪ੍ਰੀਤ ਮਾਂਗਟ

ਸਕੂਲੋਂ ਭੱਜੇ ਮੁੰਡੇ

ਬੈਠੇ ਸੁਣ ਰਹੇ 

ਗਾਉਣ ਵਾਲੀ

ਸਹਿਜਪ੍ਰੀਤ ਮਾਂਗਟ

ਸਕੂਲੋਂ ਭੱਜੇ ਮੁੰਡੇ

ਦਾਖਲ ਹੋਏ
ਓਸੇ ਜਮਾਤ ‘ਚ ਦੋਬਾਰਾ-
ਸਕੂਲੋਂ ਭਜਦੇ ਮੁੰਡੇ

ਗੁਰਮੀਤ ਸੰਧੂ

ਸਕੂਲੋਂ ਭੱਜੇ ਮੁੰਡੇ

ਸਕੂਲੋਂ ਭੱਜੇ ਮੁੰਡੇ
ਖੇਡਣ ਨਿੱਮ ਤੇ
ਟੁੱਕਣ ਨਿਮੋਲੀਆਂ

****

ਸਕੂਲੋਂ ਭੱਜੇ ਮੁੰਡੇ
ਭਾਠਕਾਂ ਵਾਲੇ ਖੂਹ ਵਿੱਚ
ਖਾਣ ਠੰਡੇ ਕਰ ਕਰ ਖਰਬੂਜੇ
****

ਤਿੱਖੜ ਦੁਪਹਿਰਾ
ਖੂਹ ਨਹਾਤੇ , ਸੁੱਕੀ ਨੀਕਰ
ਘਰ ਨੂੰ ਆਉਂਦੇ ਆਉਂਦੇ

ਧੀਦੋ ਗਿੱਲ

ਸਕੂਲੋਂ ਭੱਜੇ ਮੁੰਡੇ

ਚੱਲੇ ਨਹਿਰ ‘ਚ

ਲਾਉਣ ਤਾਰੀਆਂ

****

ਸਕੂਲੋਂ ਭੱਜੇ ਮੁੰਡੇ

ਮੁੜੇ ਰੋਂਦੇ ਰੋਂਦੇ

ਬਾਪੂ ਦੇ ਹੱਥ ਡਾਂਗ

ਵਿਵੇਕ ਭਾਰਦਵਾਜ ‘ਬੋਪਾਰਏ’

ਸਕੂਲੋਂ ਭੱਜੇ ਮੁੰਡੇ

ਸਕੂਲੋਂ ਭੱਜੇ ਮੁੰਡੇ
ਗਏ ਘਲਾੜੀ ਤੇ
ਖਾਣ ਤੱਤਾ-ਤੱਤਾ ਗੁੜ

****

ਸਕੂਲੋਂ ਭੱਜੇ ਮੁੰਡੇ
ਲੁੱਕੇ ਕਮਾਦ ਚ’
ਚੂਪਣ ਗੰਨੇ

****

ਸਕੂਲੋਂ ਭੱਜੇ ਮੁੰਡੇ
ਗਏ ਹਵੇਲੀ ਚ’
ਚੜਾਉਣ ਪਤੰਗ

****

ਸਕੂਲੋਂ ਭੱਜੇ ਮੁੰਡੇ
ਬੈਠੇ ਮੋਟਰ ਤੇ
ਖੇਡਣ ਤਾਸ਼

****

ਸਕੂਲੋਂ ਭੱਜੇ ਮੁੰਡੇ
ਗਏ ਗੁਰਦੁਆਰੇ
ਛੱਕਣ ਪ੍ਰਸ਼ਾਦੇ

****

ਸਕੂਲੋਂ ਭੱਜੇ ਮੁੰਡੇ
ਗਏ ਸਹਿਰ
ਵੇਖਦੇ ਫਿਲਮ

****

ਸਕੂਲੋਂ ਭੱਜੇ ਮੁੰਡੇ
ਨਾਲ ਦੇ ਪਿੰਡ
ਖੇਡਣ ਕਬੱਡੀ

****

ਸਕੂਲੋਂ ਭੱਜੇ ਮੁੰਡੇ
ਗਏ ਸੁਣਨ
ਅੰਨ੍ਹੇਂ ਦਾ ‘ਖਾੜਾ

****

ਸਕੂਲੋਂ ਭੱਜੇ ਮੁੰਡੇ
ਪਿੰਡ ਦੇ ਬਾਹਰ
ਖੇਡਣ ਗੁੱਲੀ-ਡੰਡਾ

****

ਸਕੂਲੋਂ ਭੱਜੇ ਮੁੰਡੇ
ਬੈਠੇ ਨਹਿਰ ਤੇ
ਖਾਣ ਜਾਮਣਾਂ

****

ਸਕੂਲੋਂ ਭੱਜੇ ਮੁੰਡੇ
ਵੇਖਣ ਗਏ
ਫਿਲਮ ਦੀ ਸ਼ੂਟਿੰਗ

ਕਮਲਜੀਤ ਮਾਂਗਟ

ਗੁੱਲੀ

ਤ੍ਰਖਾਣ ਕੋਲ ਬੈਠਾ
ਛੋਟਾ ਜਿਹਾ ਬੱਚਾ
ਘੜਾਵੇ ਗੁੱਲੀ ਡੰਡਾ

ਕਮਲਜੀਤ ਮਾਂਗਟ

ਤੁਰਿਆ

ਸਾਰਾ ਟੱਬਰ ਖੁੱਸ਼
ਮੰਜੇ ਦੀ ਬਾਹੀ ਛੱਡ
ਤੁਰਿਆ ਬੱਚਾ

ਲਵਤਾਰ ਸਿੰਘ

ਨੰਨੇ

ਨੰਨੇ ਹਥ
ਦੋੜ ਕੇ ਕਰੇ ਗੱਡੀ ਸਾਫ਼
ਕਸਟਮ ਚੋਂਕ

ਸਤਵਿੰਦਰ ਗਿੱਲ

ਬਿਜਲੀ

ਬਿਜਲੀ ਦੀ ਲਿਸਕ 
ਬੱਚਾ ਡਰਿਆ ਸੁਣ 
ਬੱਦਲਾਂ ਦੀ ਗੜਗੜਾਹਟ

ਧਰਮਿੰਦਰ ਸਿੰਘ ਭੰਗੂ

ਸਕੂਲ

ਭਾਂਡੇ ਮਾਂਜਦੀ ਕੁੜੀ
ਨੀਜ ਲਾ ਕੇ ਵੇਖੇ
ਸਕੂਲ ਬਸ

ਗੁਰਬਾਜ ਛੀਨਾ

ਫੁਹਾਰ

ਭਾਦੋਂ ਦੀ ਫੁਹਾਰ –
ਚਲਦੀ ਕਾਰ ਚੋਂ ਦਿਤੀ 
ਬੱਚੀ ਨੇ ਮੁਸਕਾਨ

ਸਰਬਜੀਤ ਸਿੰਘ ਖਹਿਰਾ

ਆਸ਼ੀਰਵਾਦ

ਮੱਥੇ ‘ਤੇ ਚੁਮੰਨ ~
ਬੱਚੀ ਸੋਹਣੇ ਸੁਪਨੇ ਲਈ 
ਮੰਗੇ ਆਸ਼ੀਰਵਾਦ

ਸਰਬਜੀਤ ਸਿੰਘ ਖਹਿਰਾ

ਭਾਸ਼ਣ

ਅਜਾਦੀ ਦਿਵਸ
ਬਾਲ ਮਜਦੂਰੀ ਤੇ ਭਾਸ਼ਣ
ਧੁੱਪੇ ਖੜ੍ਹੇ ਸਕੂਲੀ ਬੱਚੇ

ਹਰਿੰਦਰ ਅਨਜਾਣ

ਅਜ਼ਾਦੀ

ਅਜ਼ਾਦੀ ਦਿਵਸ~
ਲਾਲ ਬੱਤੀ ਤੇ ਖੜ੍ਹਾ
ਮੰਗੇ ਅੱਧ ਨੰਗਾ ਬੱਚਾ

ਜਸਦੀਪ ਸਿੰਘ

ਆਜ਼ਾਦੀ

ਆਜ਼ਾਦੀ ਦਿਵਸ
ਬੱਚਾ ਮੁਠੀ ‘ਚੋਂ ਛੱਡੇ 
ਸੁਰਖ ਚੀਚ ਵਹੁਟੀ

ਪ੍ਰੇਮ ਮੈਨਨ

ਛੱਪੜੀ

ਔੜ ਚ ਛਰਾਟਾ –
ਬੱਚੇ ਦੇ ਛੜੱਪੇ ਨੇ ਉਥੱਲੀ
ਨਿੱਕੀ ਛੱਪੜੀ

late monsoon –
a kid’s little feet
empty the puddle

ਸੁਰਮੀਤ ਮਾਵੀ

ਪਾਰੀ

ਛੋਟਾ ਬੱਚਾ 
ਖੁੱਦ ਨੂੰ ਕਰੇ ਪਾਰੀ 
ਸ਼ੀਸ਼ੇ ਵਿੱਚ

ਰੁਪਿੰਦਰ ਸਿੰਘ ਰੂਪ

ਸੁਰਮਾ

ਨੈਣੀ ਸੁਰਮਾ ਪਵਾ 
ਮੰਮੀ ਤੋਂ ਦੋ ਗੁੱਤਾਂ ਕਰਵਾ 
ਕਹਿੰਦੀ “ਦੇਖੋ ਡੈਡੀ 

ਜਸਪ੍ਰੀਤ ਸਿੰਘ ਵਿਰਦੀ 

ਛੁਣਛਣਾ

ਹਾੜ੍ਹ ਦੀ ਦੁਪਹਿਰ
ਮਾਂ ਗੋਦੀ ਚ ਪਿਆ ਬਾਲ 
ਖੜਕਾਵੇ ਛੁਣਛਣਾ

ਤੇਜੀ ਬੇਨੀਪਾਲ

ਖਿੱਲਾਂ

ਮਾਇਕਰੋ ਓਵਨ
ਦਾਣੇ ਬਣ ‘ਗੇ ਖਿੱਲਾਂ 
ਖਿੜ ਖਿੜ ਹੱਸੇ ਬੱਚਾ

ਜਗਰਾਜ ਸਿੰਘ ਨਾਰਵੇ

ਬਾਲੜੀਆਂ

ਬੱਦਲਾਂ ਦੀ ਛਾਂ – 
ਮੁੱਠੀਆਂ ਮੀਚ ਕੇ ਤੁਰਨ 
ਦੋ ਨਿੱਕੀਆਂ ਬਾਲੜੀਆਂ

ਪ੍ਰੀਤ ਰੰਧਾਵਾ

ਧਰੇਕ

ਧਰੇਕ ਦੀ ਛਾਂ
ਮਾਂ ਦੀ ਗੋਦੀ ਸਿਰ ਰੱਖ 
ਸੁੱਤੀ ਨਿੱਕੜੀ

ਹਰਵਿੰਦਰ ਧਾਲੀਵਾਲ

ਟਿੱਕਾ

ਸੁਬ੍ਹਾ ਦਾ ਸੂਰਜ –
ਸਕੂਲ ਜਾਂਦੇ ਨੂੰ ਮਾਂ ਲਾਵੇ 
ਕਾਲਾ ਟਿੱਕਾ

ਗੁਰਮੁਖ ਭੰਦੋਹਲ ਰਾਈਏਵਾਲ

ਕਾਂ

ਆਟੇ ਦੀ ਚਿੜੀ
ਲੈ ਉੱਡਿਆ ਕਾਂ
ਰੋਵੇ ਬੱਚਾ

ਤੇਜੀ ਬੇਨੀਪਾਲ

ਅੰਬ

ਰੇਹੜੀ ‘ਤੇ ਅੰਬ
ਮਾਂ ਦੀ ਫੜੀ ਉਂਗਲ਼
ਦੁਪੱਟਾ ਖਿੱਚੇ

ਪ੍ਰੇਮ ਮੈਨਨ

ਗੁੱਡੀ

ਬਚਪਨ ਦੀ ਯਾਦ-
ਘਰ ਸਾਫ਼ ਕਰਦਿਆਂ ਲੱਭੀ
ਟੁੱਟੀ ਹੋਈ ਗੁੱਡੀ

ਗੁਰਸਿਮਰਨ ਕੌਰ

ਬੋਟ

ਹੱਥ ‘ਚ ਬੋਟ
ਖਿੜ ਖਿੜ ਹੱਸਣ
ਨਿੱਕੇ ਨਿਆਣੇ

ਗੀਤ ਅਰੋੜਾ

ਕਲਮ

ਕੂਲੇ-ਕੂਲੇ ਹੱਥ
ਸਰਕੰਡੇ ਦੀ ਕਲਮ 
ਫੱਟੀ ਤੇ ਵੈਹਣ ਮੋਤੀ

ਪਰਮਿੰਦਰ ਜੱਸਲ

ਨੀਲਾ ਅੰਬ

ਆਂਗਨਵਾੜੀ 
ਬੱਚੀ ਅੰਬ ‘ਚ ਭਰੇ 
ਨੀਲਾ ਰੰਗ 

ਸਤਵਿੰਦਰ ਸਿੰਘ

ਬੁਲਬਲੇ

ਫੂਕਾਂ ਮਾਰਨ
ਗੋਲ ਮਟੋਲ ਚੁਲਬਲੇ
ਬਣਦੇ ਬੁਲਬਲੇ

ਪ੍ਰੇਮ ਮੈਨਨ

ਦਸਤਾਨੇ

ਮਾਂ ਸਾਂਭੇ ਸਲ਼ਾਈਆਂ 
ਆਹਾ! ਨਵੇਂ ਦਸਤਾਨੇ
ਉਣੇ ਵੀ ਗਏ

माँ ने संभाल दीं सिलाईयां 
अहा! नए दस्ताने 
बुन भी दिए 

mom puts away needles
Aha! new gloves 
knit already

ਜਗਜੀਤ ਸੰਧੂ

ਨੇਲ ਪੋਲਿਸ਼

ਨਿੱਕੇ ਨਿੱਕੇ ਹੱਥ
ਮਾਂ ਲਾਵੇ ਨੇਲ ਪੋਲਿਸ਼
ਪਾਰਟੀ ਦੀ ਤਿਆਰੀ 

ਜਗਦੀਪ ਸਿੰਘ ਮੁਲਾਂਪੁਰ

ਵਾਢੀ

ਵਾਢੀ ਦਾ ਜ਼ੋਰ
ਬੱਚੇ ਕਰਨ ਜਿੱਦ
ਨਾਨਕੀ ਜਾਣਾ

ਲਖਵਿੰਦਰ ਸ਼ਰੀਂਹ  ਵਾਲਾ

ਨਾਮ

ਜਮੇਟਰੀ ਬੋਕਸ
ਉੱਪਰ ਖੁਣਿਆ ਇਕ ਨਾਮ 
ਟੁੱਟਾ ਫੁੱਟਾ

ਗੁਰਮੁਖ ਭੰਦੋਹਲ ਰਾਈਏਵਾਲ

ਡੱਬੇ

ਲੰਘੀ ਜਾਂਦੀ ਰੇਲ 
ਸਾਇਕਲ ਦੇ ਡੰਡੇ ‘ਤੇ ਬੈਠਾ 
ਬੱਚਾ ਗਿਣੇ ਡੱਬੇ

ਸਤਵਿੰਦਰ ਸਿੰਘ

ਗ੍ਰਹਿ

ਪੋਤਾ ਦੱਸੇ ਬੇਬੇ ਨੂੰ
ਚੜਦੇ ਤਾਰੇ ਵਲ ਉਂਗਲ ਕਰ
”ਇਹ ਤਾ ਗ੍ਰਹਿ ਏ”

ਰਜਿੰਦਰ ਸਿੰਘ ਘੁੰਮਣ

ਛੋਟੀ ਬੱਚੀ

ਗੁੱਡੀ ਦੀਆਂ ਮੀਢੀਆਂ 
ਨਵੇਂ ਕਲਿੱਪ ਲਾ ਰਹੀ 
ਛੋਟੀ ਬੱਚੀ 

ਅਰਵਿੰਦਰ ਕੌਰ

ਮਦਰੱਸਾ

ਮਦਰਸੇ ਜਾਂਦਿਆਂ

ਰਾਹ ਵਿਚ ਖੇਡੇ

ਚੁੱਪ ਕਰਕੇ…

ਕੁਲਜੀਤ ਮਾਨ

ਨਾਨਕੇ

ਧੁੱਪੇ ਬੈਠੇ

ਖਾਣ ਮੁੰਗਫਲੀ

ਨਾਨਕੇ ਆਏ ਨਿਆਣੇਂ

ਸੁਖਵਿੰਦਰ ਵਾਲੀਆ

ਟੁੱਲ

ਮਾਰ ਗੁੱਲੀ ਨੂੰ ਟੁੱਲ

ਸ਼ਹਿਰੀ ਬੱਚਾ ਆਖੇ

ਵੱਟ ਏ ਗੁੱਡ ਸ਼ਾਟ

ਹਰਵਿੰਦਰ ਤਤਲਾ

ਬਾਸੀ ਰੋਟੀ

ਰਸੋਈ ਘਰ ਭਾਲ਼ੇ
ਸਕੂਲੋਂ ਨੱਠਿਆ ਬਾਲ
ਬਾਸੀ ਰੋਟੀ

ਕ਼ਮਰ ਉਜ਼ ਜ਼ਮਾਨ

ਬੁੱਢੀ ਮਾਈ

ਪੱਛਮ ਵੱਲ ਸੂਰਜ
ਬੱਚੇ ਦੋੜ ਰਹੇ
ਬੁੱਢੀ ਮਾਈ ਪਿੱਛੇ

ਅਵੀ ਜਸਵਾਲ

ਧੂਣੀ

ਧੁੰਦਲੀ ਸਰਦ ਸਵੇਰ

ਚਾਹ ਵਾਲੇ ਗਲਾਸ ਧੋਵੇ ਨਿੱਕਾ ਬਾਲ 

ਅਖਬਾਰਾਂ ਦੀ ਧੂਣੀ ਬਾਲ

ਸੁਰਮੀਤ ਮਾਵੀ

ਘਾਊ ਮਾਊ

ਸਕੂਲ ਜਾਣ ਸਮੇ

‌ਪੇਟ ਫੜ ਆਖੇ

ਘਾਉ ਮਾਉ ਹੁੰਦੀ

ਹਰਿੰਦਰ ਅਨਜਾਣ