ਚੋਲ

ਸਧੂੰਰੀ ਸਾਮ
ਚੁੜੇ ਵਾਲੇ ਹੱਥ
ਚੋਲ ਪਿਛਾ ਵੱਲ ਸੁੱਟਣ

ਇਕਬਾਲ ਭਾਮ

ਇਸ਼ਤਿਹਾਰ

ਬੇਂਗਣ

ਮੁਕਲਾਬੇ ਦਾ ਦਿਨ –
ਬਿਨ ਸੁਆਦ ਲਏ ਲੰਘਾਈ
ਬੇਂਗਣ ਦੀ ਸਬਜ਼ੀ

ਸਰਬਜੀਤ ਸਿੰਘ ਖਹਿਰਾ

ਪੁੜੇ

ਬੁੰਦਾ-ਬਾਂਦੀ
ਚੁੜੇ ਵਾਲੀ ਬਣਾਵੇ
ਖੀਰ ਨਾਲ ਪੁੜੇ

ਸੁਖਵਿੰਦਰ ਵਾਲੀਆ

ਘੋਗੇ

ਨਵ-ਵਿਆਹੀ ਜੋੜੀ
ਵਟਾਵੇ ਛੱਲੇ -ਮੁੰਦੀਆਂ ਬੀਚ ਤੇ 
ਮੇਰੇ ਹੱਥ ਸਿੱਪੀਆਂ-ਘੋਗੇ

ਗੁਰਮੇਲ ਬਦੇਸ਼ਾ

ਨਵਵਿਆਹੀਆਂ

ਪਿੰਡ ਦਾ ਬੱਸ ਅੱਡਾ 
ਦੋ ਨਵਵਿਆਹੀਆਂ ਮੁਟਿਆਰਾਂ 
ਇੱਕ ਆਈ – ਇੱਕ ਚੱਲੀ

ਸੁਰਿੰਦਰ ਸਪੇਰਾ

ਪੱਖੀ

ਬਿਜਲੀ ਦਾ ਕੱਟ 
ਚੂੜ੍ਹੇ ਵਾਲੀ ਝੱਲੇ 
ਦਹੇਜ ਵਾਲੀ ਪੱਖੀ

ਗੁਰਪ੍ਰੀਤ ਸਿੰਘ ਢਿੱਲੋ

ਚੁੰਨੀ

ਦਰਵਾਜਾ ਖੜਕਿਆ-
ਮਹਿੰਦੀ ਵਾਲੇ ਹੱਥਾਂ ਨੇ 
ਸੰਵਾਰ ਲਈ ਚੁੰਨੀ

ਸਰਦਾਰ ਧਾਮੀ

ਨੇਗ

ਦੇ ਰਹੇ ਨੇਗ 
ਚੋੰਕੇ ਚੜਾਉਣ ਤੋਂ ਬਾਅਦ 
ਨਵ-ਵਿਆਹੀ ਨੂੰ

ਮਨਦੀਪ ਮਾਨ

ਅਲਾਰਮ

ਕੀਤੀ ਛੇੜਖਾਨੀ
ਨਵ-ਨਵੇਲੀ ਦੁਲਹਨ ਨੇ
ਅਲਾਰਮ ਨਾਲ

ਕੁਲਜੀਤ ਮਾਨ

ਦੁੱਧ

ਪੋਹ ਮਹੀਨਾ—
ਫੜਾਵੇ ਦੁੱਧ ਦਾ ਗਲਾਸ
ਸੱਜ ਵਿਆਹੀ
……………………
ਸੱਜ ਵਿਆਹੀ
ਫੜਾਵੇ ਦੁੱਧ ਦਾ ਗਲਾਸ
ਸੰਗਦੀ-ਸੰਗਦੀ

ਪੁਸ਼ਪਿੰਦਰ ਸਿੰਘ ਪੰਛੀ