Category Archives: ਬਾਪੂ

ਪਸੰਦ

06 ਐਤਵਾਰ ਜਨ. 2013

Posted by in ਜੀਵਨ/Life, ਤਾਨਕਾ, ਦੁਨਿਆਵੀ ਰਿਸ਼ਤੇ, ਬਾਪੂ, ਸੁਵੇਗ ਦਿਓਲ

≈ ਟਿੱਪਣੀ ਕਰੋ

ਲਿਆਈ ਆਪਣੀ ਪਸੰਦ
ਪ੍ਰੀਵਾਰ ਨੂੰ ਦਿਖਾਉਣ
ਖੂੰਡਾ ਖੂੰਜੇ ਰੱਖ
ਬਾਪੂ ਦਿਤਾ ਪਿਆਰ
ਦੋਨਾਂ ਨੂੰ ਕਲਾਵੇ ਲੈ

ਸੁਵੇਗ ਦਿਓਲ

ਰੌਣਕ

08 ਸ਼ਨੀਵਾਰ ਸਤੰ. 2012

Posted by in ਕੁਦਰਤ/Nature, ਜੀਵਨ/Life, ਬਾਪੂ, ਸਾਗਰ, ਸੁਵੇਗ ਦਿਓਲ

≈ ਟਿੱਪਣੀ ਕਰੋ

ਬੀਚ ਮੇਲੇ ਤੇ ਗਿਆ
ਇਕ ਬਾਬਾ ਕੂਣ੍ਹੀ ਮਾਰ
ਨਾਲ ਦੇ ਨੂੰ ਕਹੇ-
ਪਿੰਡਾਂ ਦੇ ਮੇਲਿਆਂ ਨਾਲੋਂ
ਏਥੇ ਡਾਢੀ ਵੱਖਰੀ ਰੌਣਕ 

ਸੁਵੇਗ ਦਿਓਲ

ਬੋਹੜ

01 ਸ਼ਨੀਵਾਰ ਸਤੰ. 2012

Posted by in ਕੁਦਰਤ/Nature, ਚਰਨ ਗਿੱਲ, ਜੀਵਨ/Life, ਬਾਪੂ, ਬਿਰਖ, ਹਾਇਬਨ/Haibun

≈ ਟਿੱਪਣੀ ਕਰੋ

ਸੁਰਜੀ ਬਾਬੇ ਨਾਲ ਕਈ ਵਾਰ ਬਹਿਸ ਹੋ ਜਾਂਦੀ . ਬਹੁਤ ਵਾਰ ਆਤਮਾ ਤੇ ਸਰੀਰ ਦੇ ਸੰਬੰਧਾਂ ਬਾਰੇ ਸਦੀਵੀ ਦਾਰਸ਼ਨਿਕ ਸਵਾਲ ਸਾਡੀ ਚਰਚਾ ਦਾ ਵਿਸ਼ਾ ਹੁੰਦੇ. ਰੱਬ ਦੀ ਹੋਂਦ ਬਾਰੇ ਵੀ ਵਿਵਾਦ ਛਿੜ ਪੈਂਦਾ. ਪਤਾ ਨਹੀਂ ਕਿਵੇਂ ਨਾਸਤਿਕ ਦ੍ਰਿਸ਼ਟੀਕੋਣ ਬਾਲ ਉਮਰੇ ਹੀ ਮੇਰੀ ਸੋਝੀ ਵਿੱਚ ਪ੍ਰਵੇਸ਼ ਕਰ ਗਿਆ ਸੀ ਮੈਂ ਬਾਬੇ ਨਾਲ ਉਲਝ ਪੈਣਾ. ਰੱਬ ਦੇ ਹੱਕ ਵਿੱਚ ਸੁਰਜੀ ਬਾਬਾ ….ਆਪਣੇ ਤਰਕ ਦੇ ਅਧਾਰ ਤੇ ਕਾਇਲ ਸੀ. ਬਾਬੇ ਨੇ ਕਹਿਣਾ, “ ਇਹ ਜਿਹੜੀ ‘ਮੈਂ’ ਤੇਰੇ ਅੰਦਰ ਬੋਲਦੀ ਹੈ ਇਹ ਕੀ ਹੈ ..ਇਹ ਕਿਥੋਂ ਆ ਗਈ ਜੇ ਰੱਬ ਨਹੀਂ ਹੈ ਤਾਂ?”

ਡੰਗਰਾਂ ਵਾਲਾ ਕੋਠਾ
ਹੁੱਕੇ ਦੀ ਗੁੜਗੁੜ ਨਾਲ ਹੋਰ ਵੀ
ਮੁੜ੍ਹਕੋ ਮੁੜ੍ਹਕੀ ਬਾਬਾ

ਅਨੇਕ ਦਾਰਸ਼ਨਿਕ ਸਵਾਲ ਬਾਬੇ ਨੇ ਅਚੇਤ ਹੀ ਮੇਰੇ ਅੰਦਰ ਰੋਪ ਦਿੱਤੇ ਜੋ ਦਿਨ ਬਦਿਨ ਨਵੇਂ ਨਵੇਂ ਟੂਸੇ ਕਢਣ ਲੱਗੇ ਤੇ ਆਖਿਰ ਵਿਸ਼ਾਲ ਗੁੰਝਲਦਾਰ ਬੋਹੜ ਆਕਾਰ ਧਾਰਨ ਕਰ ਗਏ .
……. ਲਿਖਤੀ ਸਭਿਆਚਾਰ ਤੋਂ ਉੱਕਾ ਅਨਜਾਣ ਪਰ ਜਬਾਨੀ ਸਭਿਆਚਾਰ ਦੇ ਚੰਗੇ ਪ੍ਰਵਾਨ ਚੜੇ ਚਿੰਤਕ ਬਾਬਾ ਸੁਰਜੀ ਦੀ ਦੇਣ ਮੈਨੂੰ ਕਦੇ ਨਹੀਂ ਭੁੱਲ ਸਕਦੀ . ਅੱਗੇ ਜਾ ਕੇ ਯੂਨਿਵਰਸਿਟੀ ਦੇ ਜ਼ਮਾਨੇ ਵਿੱਚ ਜਦੋਂ ਮੈਂ ਪੰਜਾਬੀ ਦੀ ਐਮ ਏ ਕਰਦਿਆਂ ਕਠੋ ਉਪਨਿਸ਼ਦ ਦਾ ਅਧਿਅਨ ਕਰ ਰਿਹਾ ਸੀ ਤਾਂ ਬਾਬੇ ਸੁਰਜੀ ਦਾ ਇੱਕ ਨਵਾਂ ਰੂਪ ਮੈਨੂੰ ਨਜ਼ਰੀਂ ਆਉਣ ਲੱਗਾ, ਮੈਨੂੰ ਉਹ ਮੇਰੀਆਂ ਸਿਧਾਂਤਕ ਰੁਚੀਆਂ ਦੇ ਪਾਲਣਹਾਰ ਵਜੋਂ ਹੋਰ ਵੀ ਵਧੇਰੇ ਅਹਿਮ ਲੱਗਣ ਲੱਗ ਪਿਆ.

ਬੁਢਾ ਬੋਹੜ 
ਅਨੇਕ ਆਵਾਜ਼ੀਂ ਚਰਚਾ ਚੱਲੀ 
ਮੱਲੀ ਚੱਪਾ ਚੱਪਾ ਥਾਂ

ਚਰਨ ਗਿੱਲ

ਨਿੰਮ

15 ਬੁੱਧਵਾਰ ਅਗ. 2012

Posted by in ਕੁਦਰਤ/Nature, ਗੁਰਮੁਖ ਭੰਦੋਹਲ ਰਾਈਏਵਾਲ, ਤਰੇਲ, ਬਾਪੂ, ਬਿਰਖ

≈ ਟਿੱਪਣੀ ਕਰੋ

‘ਤਾਇਆ ਸਿਆਂ ,ਹਾਅ ਸਵੇਰੇ ਸਵੇਰੇ ਨਿੰਮ ਤੋਂ ਕੀ ਤੋੜੀ ਜਾਨੈਂ ‘ਘਰਾਂ ਚੋਂ ਲੱਗਦੇ ਮਾਮੇ ਨੇ ਮੇਰੇ ਨਾਨਾ ਜੀ ਨੂੰ ਬੁਲਾਉਣ ਦੇ ਇਰਾਦੇ ਨਾਲ ਪੁਛਿਆ ,ਉਂਝ ਉਸ ਨੂੰ ਪਤਾ ਹੀ ਸੀ ਕਿ ਨਾਨਾ ਜੀ ਕੀ ਤੋੜ ਰਹੇ ਹਨ ..’ਮੱਲਾ ਮੈਂ ਤਾਂ ਦਾਤਣ ਤੋੜਨ ਆਸਤੇ ਸੋਟੀਆਂ ਮਾਰਦਾ ਸੀ .ਤੁਸੀਂ ਤਾਂ ਹਾਅ ਝੱਗ ਜੀ ਫੇਰ ਲੈਨੇ ਓਂ ਦੰਦਾਂ ਤੇ..ਮੈਥੋਂ ਇਹ ਯਭਖਾਨਾ ਹੁੰਦਾ ਨੀ ..ਨਾਲੇ ਸ਼ੇਰਾ ਦਾਤਨ ਤਾਂ ਬਹੁਤ ਵਧੀਆ ਚੀਜ਼ ਹੈ .ਆਹ ਦੇਖਲਾ ਤੇਰੇ ਦੰਦਾਂ ਨਾਲੋਂ ਮੇਰੇ ਦੰਦ ਅੱਜ ਵੀ ਕੈਮ ਪਏ ਆ ..ਹੁਣ ਵੀ ਛੱਲੀਆਂ ਚੱਬ ਲਈਦੀਆਂ ਨੇ ..ਤੇ ਆਹ ਗੰਨਾ ਤਾਂ ਰੋਜ਼ ਆਗੂਂ ਚੂਪੀਦਾ……
::

ਤਰੇਲੀ ਸਵੇਰ-
ਖੂੰਡੀ ਫ਼ਸਾ ਹਲੂਣੀ ਬਾਬੇ ਨੇ
ਨਿੰਮ ਦੀ ਪੱਕੜ ਟਾਹਣੀ

ਗੁਰਮੁਖ ਭੰਦੋਹਲ ਰਾਈਏਵਾਲ

ਬਾਪੂ

16 ਸੋਮਵਾਰ ਜਨ. 2012

Posted by in ਅਮਰਜੀਤ ਸਾਥੀ, ਜੀਵਨ/Life, ਬਾਪੂ

≈ ਟਿੱਪਣੀ ਕਰੋ

ਵੱਡੇ ਸ਼ੀਸ਼ੇ ਸਾਮ੍ਹਣੇ

ਸਿੱਧਾ ਹੋ ਹੋ ਖੜ੍ਹ ਰਿਹਾ 

ਖੂੰਡੀ ਲਈ ਲਕੋ

ਅਮਰਜੀਤ ਸਾਥੀ

Deepi Sair: wah ! my Dad does in front of camera.

ਦੀਪੀ ਸੈਰ ਜੀ ਦੇ ਵਿਚਾਰ ਤੋਂ ਪਰੇਰਿਤ ਹਾਇਕੂ ਦਾ ਇਕ ਹੋਰ ਰੂਪ:

  • ਫੋਟੋ ਰਿਹਾ ਖਿਚਾ…
    ਸਿੱਧਾ ਹੋਕੇ ਖੜ੍ਹਿਆ ਬਾਪੂ
    ਖੂੰਡੀ ਲਈ ਲੁਕਾ

ਚਾਰ ਹਾਇਕੂ

05 ਵੀਰਵਾਰ ਜਨ. 2012

Posted by in ਜੀਵਨ/Life, ਨਸ਼ੇ, ਪੰਜਾਬ/Punjab, ਬਾਪੂ, ਮਾਂ, ਸੰਜੇ ਸਨਨ

≈ ਟਿੱਪਣੀ ਕਰੋ

ਚੜ੍ਹਿਆ ਨਵਾਂ ਸਾਲ 
ਫੁੱਟਪਾਥ ਤੇ ਰਾਤ ਗੁਜਾਰੀ 
ਉੱਠਿਆ ਫਟੇ ਹਾਲ 

ਹੱਥ ਰਾਸ਼ਨ ਦੀ ਲਿਸਟ 
ਠੇਕੇ ਖਲੋ ਕੇ ਪੁੱਛ ਰਿਹਾ 
“ਰੇਟ ਟੁੱਟੇ ਜਾਂ ਨਹੀ” 

ਸਵੇਰੇ ਸਾਝਰੇ 
ਬਾਪੂ ਪੈਲੀਆਂ ਵੱਲ 
ਪੁੱਤ ਟਿਊਸ਼ਨ

ਪੁੱਤ ਚੜ੍ਹਿਆ ਤਾਪ 
ਡਾਕਟਰ ਨੂੰ ਵਖਾਵੇ ਨਾ 
ਬੈਠੀ ਕਰੇ ਜਾਪੁ

ਸੰਜੇ ਸਨਨ

ਦੋ ਹਾਇਕੂ

20 ਮੰਗਲਵਾਰ ਦਸੰ. 2011

Posted by in ਕੁਦਰਤ/Nature, ਜੀਵਨ/Life, ਤੇਜੀ ਬੇਨੀਪਾਲ, ਬਾਪੂ

≈ ਟਿੱਪਣੀ ਕਰੋ

ਚੰਨ ਉਜਾੜੀਂ ਚਮਕੇ
ਕਰੀਰ ਤੇ ਬਟੇਰ
ਬਾਪੂ ਦਾ ਹਲ੍ਹਟ ਚਲੇ

ਝੀਲ ਦਾ ਕਿਨਾਰਾ
ਧਰਤ ਤੇ ਲੀਕਾਂ
ਅੱਖਾਂ ਨਮ

ਤੇਜੀ ਬੇਨੀਪਾਲ