ਰੋਸ਼ਨੀ

ਚੰਨ ਰੋਸ਼ਨਾਇਆ ~
ਖਿੜਕੀ ਦੇ ਬੰਦ ਪਰਦੇ ‘ਤੇ 
ਬੱਲਬ ਦੀ ਰੋਸ਼ਨੀ

ਸਰਬਜੀਤ ਸਿੰਘ ਖਹਿਰਾ

ਇਸ਼ਤਿਹਾਰ

ਬੁੱਧ

ਕਾਰਾਂ ਦੀ ਕਤਾਰ 
ਸੜਕ ਬਣੀ ਸ਼ੀਸ਼ਾ 
ਹੱਸਦਾ ਬੁੱਧ

ਹਰਕੀ ਵਿਰਕ

ਫੇਸਬੁੱਕ

ਫੇਸਬੁੱਕ
ਪੁੱਤਰ ਨੇ ਭੇਜੀ
ਪਿਤਾ ਨੂੰ ਫ੍ਰੈਂਡ-ਰੁਕੈਸਟ

ਕਮਲਜੀਤ ਮਾਂਗਟ

ਹੰਝੂ

ਵੀਡੀਓ ਚੈਟ –
ਪੂੰਝ ਸਕਿਆ ਨਾ
ਮਾਂ ਦੇ ਹੰਝੂ

ਵਿਕਰਾਂਤ ਸਿੰਘ

ਚੰਨ

ਸੰਧੂਰੀ ਸ਼ਾਮ 
ਬਸ ਦੇ ਨਾਲ ਨਾਲ ਚਲੇ 
ਏਕਮ ਦਾ ਚੰਨ

ਸੁਖਵਿੰਦਰ ਵਾਲੀਆ

ਵੇਟਿੰਗ

ਬੱਚੇ ਵਿਅਸਤ ਚੈਟਿੰਗ ‘ਤੇ 
ਘਰਵਾਲੀ ਦੇਖੇ ਸੋਪ- ਓਪੇਰਾ 
ਆਪਾਂ ਫੇਰ ਵੇਟਿੰਗ ‘ਚ

ਸੰਜੇ ਸਨਨ

ਮੱਛਰ

ਚਾਨਣੀ ਛੱਤ 
ਮੇਰੇ ਕੰਨ ਅਤੇ ਮੋਬਾਇਲ ਵਿਚਾਲੇ 
ਮੱਛਰ ਦੀ ਭਿਣਕ

a mosquito’s whine
between my ear and cell phone
moonlit roof

ਰਣਜੀਤ ਸਿੰਘ ਸਰਾ

ਬਿਜਲੀ

ਫੋਨ ‘ਤੇ ਪੁੱਛੇ
ਟੱਬਰ ਦੀ ਸੁੱਖ ਸਾਂਦ
ਬਿਜਲੀ ਦਾ ਹਾਲ

ਗੁਰਮੀਤ ਸੰਧੂ

ਬਿਜਲੀ

ਬਿਜਲੀ ਗੁੱਲ
ਫਰਿੱਜ਼ ਵੱਲ ਜਾਂਦਾ
ਮੁੜਿਆ ਘੜੇ ਵੱਲ

ਇੰਦਰਜੀਤ ਸਿੰਘ ਪੁਰੇਵਾਲ

ਲਾਂਵ

ਪਹਿਲੀ ਲਾਂਵ-
ਜੋੜੀ ਨਾਲ ਘੁੰਮਦਾ
ਵੀਡੀਓਗ੍ਰਾਫ਼ਰ

ਗੁਰਿੰਦਰ ਸਿੰਘ

ਚੌਸੀਆਂ

ਵਿਸ਼ਕਰਮਾ ਡੇ-
ਤਿੱਖੀਆਂ ਕਰੇ ਚੌਸੀਆਂ
ਅਧੂਰੀ ਮੂਰਤ ਕੋਲ

ਕੁਲਜੀਤ ਮਾਨ

ਟਰੇਂਨ

ਉਹੀ ਸੀ
ਟਰੇਂਨ ਚੱਲ ਪਈ
ਉਹੀ ਤਾਂ ਸੀ

ਸਰਦਾਰ ਧਾਮੀ

ਲਾਟੂ

ਸਾਵਣ ਛਰਾਟੇ
ਕਦੇ ਜਗਿਆ ਕਦੇ ਬੁਝਿਆ
ਬਿਜਲੀ ਦਾ ਲਾਟੂ

ਅਮਰਾਓ ਸਿੰਘ ਗਿੱਲ

ਸੀਟੀਆ

ਬਿਜਲੀ ਗਈ- 
ਗੁਆਂਡ ‘ਚ ਮਾਰੇ 
ਕੋਈ ਸੀਟੀਆ

ਰਘਬੀਰ ਦੇਵਗਨ 

ਫੋਟੋ

ਨਿਜੀ ਹਸਪਤਾਲ
ਮੱਖੀਆਂ ਮਾਰਨ ਦੀ ਮਸ਼ੀਨ ਲਾਗੇ 
ਮੁਸਕੁਰਾਂਦੇ ਬੁੱਧ ਦੀ ਫੋਟੋ

ਹਰਿੰਦਰ ਅਨਜਾਣ 

ਗਵਾਚੀ

ਆਈ ਬਿਜਲੀ
ਪੱਖੇ ਦੀ ਅਵਾਜ ‘ਚ ਗਵਾਚੀ
ਡੱਡੂਆਂ ਦੀ ਗੜੈਂ ਗੜੈਂ

ਵਰਿੰਦਰ ਸ਼ੈਲੀ 

ਤਰਲ

ਤੱਤੀ ‘ਵਾ 
ਨਦੀ ਦੇ ਤਲ ‘ਤੇ ਵਹਿ ਰਿਹਾ 
ਕਾਰਖਾਨਿਆਂ ਦਾ ਤਰਲ

ਰਣਜੀਤ ਸਿੰਘ ਸਰਾ

ਸਾਇਕਲ

ਤੇਜ਼ ਕਾਰ ਦੀ ਹਵਾ ,
ਧੱਕਾ ਮਾਰੇ ,
ਸਾਇਕਲ ਵਾਲੇ ਨੂ

ਜੋਨੀ ਜੱਬੋਵਾਲ

ਬਲੈਕ ਹੋਲ

ਹਬਲ ਟੈਲੀਸਕੋਪ –
ਵੇਖੇ ਚੰਨ ਸਿਤਾਰੇ ਨਿਗਲਦਾ
ਬਲੈਕ ਹੋਲ
ਮਹਿੰਦਰ ਸਿੰਘ

ਲੋਅ

ਫੁੱਲਾਂ ਕੋਲੋਂ ਲੰਘਦਿਆਂ
ਖਿੜ ਗਿਆ ਉਦਾਸ ਚਿਹਰਾ
ਸੈਲ ਫੋਨ ਦੀ ਲੋਅ

ਗੁਰਮੀਤ ਸੰਧੂ

ਭਮੱਕੜ

ਘੁੱਪ ਹਨੇਰਾ 
ਮੋਬਾਇਲ ਦੀ ਜਗਦੀ ਸਕ੍ਰੀਨ ਤੇ 
ਭਮੱਕੜ ਬੈਠ ਗਿਆ

ਪ੍ਰੇਮ ਮੈਨਨ

ਕੰਬਦੀ ਸੂਈ

ਭਾਰ- ਤੋਲ ਮਸ਼ੀਨ 
ਕੰਬਦੀ ਕੰਬਦੀ ਸੂਈ ਟਿਕੀ 
ਨੜ੍ਹਿਨਵੇਂ ‘ਤੇ

ਸਰਬਜੋਤ ਬਹਿਲ 

ਜਹਾਜ ਕੀੜੀ ਦੀ ਤੋਰ

ਡੁੱਬਣ ਤੋਂ ਪਹਿਲਾਂ
ਪੋਹ ਦਾ ਸੂਰਜ ਚਮਕੇ
ਸਰਕਦੇ ਜਹਾਜ ‘ਤੇ
before setting
december sun shines on
sliding aeroplane

ਰਣਜੀਤ ਸਿੰਘ ਸਰਾ

ਗੀਜ਼ਰ

ਅੱਤ ਦੀ ਸਰਦੀ

ਨਾਹਾਂਦਿਆਂ ਬਿਜਲੀ ਗੁੱਲ

ਗੀਜ਼ਰ ਬੰਦ

ਸੁਰਿੰਦਰ ਸਪੇਰਾ 

ਐਨਕ ਦੀ ਡੰਡੀ

ਦੇ ਕੇ ਮਰੋੜੀ
ਅੰਮਾਂ ਨੇ ਐਨਕ ਦੀ ਡੰਡੀ
ਧਾਗੇ ਨਾਲ ਜੋੜੀ

ਅਮਰਾਓ ਗਿੱਲ

ਏਲਿਵੇਟਰ

ਸ਼ਾਪਿਂਗ ਮਾਲ 

ਮਾਪੇ ਕਰਨ ਖਰੀਦਦਾਰੀ

ਬੱਚੇ ਝੂੱਟਣ ਏਲਿਵੇਟਰ 

ਸੰਜੇ ਸਨਨ

ਸਾਇਕਲ

ਮੱਸਿਆ ਦੀ ਰਾਤ

ਸਾਇਕਲ ਚਲਾਵੇ

ਡਾਇਨੇਮੋ ਦਾ ਚਾਨਣ

ਰਵਿੰਦਰ ਰਵੀ