ਸੁਰਖੀ

ਸ਼ੀਸ਼ੇ ਮੂਹਰੇ
ਸੁਰਖੀ ਲਾਉਂਦੀ ਮੁਟਿਆਰ –
ਉੱਬਲਿਆ ਦੁੱਧ
ਪ੍ਰੀਤ ਰਾਜਪਾਲ

ਟੈਟੂ

ਝੱਗਾ ਚੁੱਕ ਦਿਖਾਏ
ਰੰਗ ਬਰੰਗੇ ਟੈਟੂ 
ਧੁੰਨੀ ਕੋਲ ਪਵਾਏ

ਇੰਦਰਜੀਤ ਸਿੰਘ ਪੁਰੇਵਾਲ

ਡੰਡ

ਪੋਹ ਦੀ ਠੰਢ
ਉਸਤਾਦ ਬੈਠਾ ਅੱਗ ਸੇਕੇ 
ਮੁੰਡੇ ਕੱਢਣ ਡੰਡ

ਸੰਜੇ ਸਨਨ

ਚਾਲ

ਸੁਹਣੀ ਕੁੜੀ
ਪੈਰ ‘ਚ ਕੰਡਾ
ਚਾਲ ਖਰਾਬ

ਮਨਜੀਤ ਕੌਰ 

 

ਸਮੁੰਦਰ ਕਿਨਾਰਾ

ਸਮੁੰਦਰ ਕਿਨਾਰਾ
ਤੁਰੇ ਠੁੱਮਕ ਠੁੱਮਕ
ਰੇਤ ਲੱਗੀ ਝਾਂਜਰ

ਤੇਜੀ ਬੈਨੀਪਾਲ

ਪੱਗ

ਸੰਵਾਰੇ ਪੱਗ ਦੇ ਪੇਚ

ਬਾਜ ਦੇ ਨਾਲ

ਮੁੜ ਮੁੜ ਦੇਖੇ ਨਕਸ਼

ਤੇਜੀ ਬੇਨੀਪਾਲ

ਇਕ ਹਾਇਕੂ ਦੋ ਰੂਪ

ਕੱਪੜੇ ਪਾਏ ਸੁੱਕਣੇ
ਕੋਠੇ ਚੜ੍ਹਦੀ ਬਾਰ ਬਾਰ 
ਧੁੱਪ ਸੇਕਣ ਬਹਾਨੇ

ਕੱਪੜੇ ਪਾਏ ਸੁੱਕਣੇ
ਕੋਠੇ ਚੜ੍ਹਦੀ ਬਾਰ ਬਾਰ
ਗੋਡੇ ਫੜ ਕੇ

ਸੰਜੇ ਸਨਨ