ਰਿਸ਼ਤਾ

ਪੜੇ ਅਖਬਾਰ
ਦਰਵਾਜੇ ਬੈਠਾ ਛੱੜਾ
ਲੱਭੇ ਰਿਸ਼ਤਾ

ਲਵਤਾਰ ਸਿੰਘ

ਗੁਲ-ਗਲਾ

ਗੁਆਂਢ ਚ’ ਵਿਆਹ
ਛੜੇ ਨੇ ਪੁਆਇਆ
ਝੋਲੀ ਗੁਲ-ਗਲਾ

ਕਮਲਜੀਤ ਮਾਂਗਟ

ਛੜਾ

ਰੱਖੜੀ ਦਾ ਦਿਨ –
ਨਵੀਂ ਗੁਆਂਢਣ ਦੀਆਂ ਦੋ ਧੀਆਂ 
ਛੜਾ ਲੁਕਦਾ ਫਿਰੇ

ਸੰਜੇ ਸਨਨ

ਛੜਾ

ਸੁੱਕਾ ਸਾਉਣ – 
ਵੇਖ ਨਵ -ਵਿਆਹੀ ਜੋੜੀ
ਛੜਾ ਮੁਸਕਰਾਉਂਦਾ

ਸੰਜੇ ਸਨਨ

ਛੜਾ

ਕਿਸਮਤ ਪੁੜੀ– 
ਛੜੇ ਨੂੰ ਨਿਕਲੀ 
ਨੇਲ ਪੌਲਿਸ਼

ਜਗਰਾਜ ਸਿੰਘ ਨਾਰਵੇ

ਜੇਠ

ਤੂੜੀ ਖੇਤ
ਕਣਕ ਮੰਡੀ ‘ਚ
ਤੇ ਛੜਾ ਜੇਠ 

ਸੁਖਵਿੰਦਰ ਵਾਲੀਆ

ਕੁੜਤੀ

ਤੇਜ ਹਨੇਰੀ-
ਕੁੜਤੀ ਜਾ ਲਿਪਟੀ
ਛੜੇ ਦੇ ਮੰਜੇ ਨੂੰ

ਗੁਰਮੁਖ ਭੰਦੋਹਲ ਰਾਈਏਵਾਲ

ਛੜੇ

ਰੋਟੀ ਪਕਾਉਂਦੇ
ਛੜੇ ਦਾ ਹੱਥ ਸੜਿਆ
ਜਾਗੋ ਦੀ ਆਵਾਜ਼ ਸੁਣ

ਇੰਦਰਜੀਤ ਸਿੰਘ ਪੁਰੇਵਾਲ 

ਛੜਾ

ਗੁਆਂਡਣ ਪਾਣੀ ਵਾਰੇ 

ਬਾਰੀ ਵਿਚੋਂ ਤੱਕੇ 

ਛੜੇ ਦੀ ਮਾਂ

ਰਜਵੰਤ ਸਿੱਧੂ

ਛੜਾ

ਢਲ਼ਦੀ ਸ਼ਾਮ…

ਐਨਕਾਂ ਲਾ ਕੇ ਛੜਾ

ਪੜ੍ਹੇ ਮੈਟਰੀਮੋਨੀਅਲ

ਸਹਿਜਪ੍ਰੀਤ ਮਾਂਗਟ

ਚੁੱਲ੍ਹਾ چُلہہ

ਛੜਿਆਂ ਦਾ ਚੁੱਲ੍ਹਾ…

ਬਾਹਰੋਂ ਬੁਝੀਆਂ ਪਾਥੀਆਂ

ਅੰਦਰ ਅੱਗ ਧੁਖੇ

ਅਮਰਾਓ ਸਿੰਘ ਗਿੱਲ

چھڑیاں دا چُلہہ باہروں بُجھِیاں پاتھِیاں اندروں اّگ دھُکھے

امراو سِنگھ گِّل
شاہ مُکھی روپ : جسوِندر سِنگھ

ਸ਼ਾਹਮੁਖੀ ਰੂਪ : ਜਸਵਿੰਦਰ ਸਿੰਘ