ਦਾਦੀ

ਦੇਖੇ ਦਾਦੀ ਮਾਂ 
ਇੱਕ ਠੇਡੇ ਨਾਲ ਹੋਰ ਦੂਰ 
ਹੋਈ ਪੋਤੇ ਦੀ ਗੇੰਦ

ਜਗਰਾਜ ਸਿੰਘ ਨਾਰਵੇ

ਛੁਣਛਣਾ

ਹਾੜ੍ਹ ਦੀ ਦੁਪਹਿਰ
ਮਾਂ ਗੋਦੀ ਚ ਪਿਆ ਬਾਲ 
ਖੜਕਾਵੇ ਛੁਣਛਣਾ

ਤੇਜੀ ਬੇਨੀਪਾਲ

ਹਵਾ ਦੇ ਗੁਬਾਰੇ

ਅਰੋੜਾ ਗੀਤ

ਹੂਈ ਸ਼ਾਮ
ਗੁਬਾਰੇ ਵਾਲੇ ਨੇ ਉਡਾਏ
ਅਣਵਿਕੇ ਗੁਬਾਰੇ… 

ਡੱਟ

ਸੋਢੇ ਦਾ ਡੱਟ

ਕੱਢ ਕੇ ਦੋ ਮੋਰੀਆਂ 

ਬੱਚੇ ਬਣਾਈ ਭੰਬੀਰੀ

ਜਗਰਾਜ ਸਿੰਘ ਨੌਰਵੇ

ਗੁੱਡੀ

ਨਿੱਘੀ ਦੁਪਹਿਰ ਤੁਣਕੇ

ਚੂੜੇ ਵਾਲੀ ਹੱਥ ਚਰਖੜੀ

ਗੁੱਡੀ ਅਸਮਾਨ

ਸੁਖਵਿੰਦਰ ਵਾਲੀਆ

ਖਿਡੌਣੇ

ਖਿਡੌਣੇ ਵੇਖ-

ਮਾਂ ਦੀ ਅੱਖ ‘ਚ ਹੰਝੂ

ਬੱਚੀ ਰੋਵੇ

ਲਾਲੀ ਕੋਹਾਲਵੀ