Category Archives: ਹਵਾ

17 ਸੋਮਵਾਰ ਸਤੰ. 2012

Posted by in ਕੁਦਰਤ/Nature, ਜਸਪ੍ਰੀਤ ਕੌਰ ਪਰਹਾਰ, ਜੀਵਨ/Life, ਹਵਾ

≈ ਟਿੱਪਣੀ ਕਰੋ

ਵੀਰ ਦੀ ਦੁਕਾਨ ਚ’ ਓਹ ਵਾਰ- ੨ ਵੱੜ ਰਹੀ ਸੀ ਤੇ ਸ਼ਾਇਦ ਬੁਹਤ ਸਿਹ੍ਮੀ ਹੋਈ ਵੀ ਸੀ | ਉਹ ਤੇ ਉਸਦਾ ਦੋਸਤ ਉਸਨੁੰ ਵਾਰ ਵਾਰ ਬਾਹਰ ਕੱਢ ਰਹੇ ਸੀ ਪਰ ਓਹ ਮਾਸੂਮ ਬੁਹਤ ਹੀ ਡਰੀ ਸਿਹਮੀ ਹੋਣ ਕਰ ਕੇ ਫਿਰ ਕਿਸੇ ਖੱਲ੍ਹ ਖੂੰਜੇ ਚ ਜਾ ਵੱੜਦੀ | ਥੱਕ ਹਾਰ ਕੇ ਓ ਉਸਨੂੰ ਘਰ ਲੈ ਆਇਆ | ਛੋਟੀ ਦੱਸਦੀ ਸੀ ਕੇ ਦੀਦੀ ਬੁਹਤ ਹੀ ਪਿਆਰੀ ਆ ਚਿੱਟੇ ਖੰਭ ਤੇ ਸੰਤਰੀ ਰੰਗ ਦੀ ਚੁੰਝ ਹੈ ਓਹਦੀ | ਮੈਨੂੰ ਅਕਸਰ ਛੋਟੀ ਓਹਦੀਆਂ ਤਸਵੀਰਾਂ ਫੇਸਬੁੱਕ ਤੇ ਭੇਜਦੀ ਰਹਿੰਦੀ | ਛੋਟੀ ਦੱਸਦੀ ਸੀ ਕੇ ਦੀਦੀ ਆ ਮੇਰੀ ਪਿਆਰੀ ਚਿੱੜੀ ਜਦ
ਵੀ ਸੌਂਦੀ ਹੈ ਤਾਂ ਇੱਕ ਖੰਭ ਖੋਲ ਕੇ ਉਸ ਦੇ ਵਿੱਚ ਚੁੰਜ ਲੁਕੋ ਕੇ ਸੌਂਦੀ ਹੈ ਤੇ ਉਸ ਦੀ ਸੁੱਤੀ ਦੀ ਤਸਵੀਰ ਵੀ ਓਹਨੇ ਮੈਨੂੰ ਦਿਖਾਈ ਸੀ | ਮੇਰੀ ਵੀ ਜਿੱਦਾਂ ਓਹਦੇ ਨਾਲ ਇੱਕ ਸਾਂਝ ਜਿਹੀ ਕਾਇਮ ਹੋ ਗਈ ਸੀ ਪਰ ਕੁਝ ਦਿਨ ਹੋਏ ਓਹ ਮਾਸੂਮ ਅਚਾਨਕ ਹੀ ਸਦਾ ਲੈ ਸੌ ਗਈ ਤੇ ਛੋਟੀ ਕਾਫੀ ਉਦਾਸ ਸੀ ਕਹਿਣ ਲੱਗੀ ਦੀਦੀ ਸ਼ਾਇਦ ਇਸ ਨੂੰ ਵੀ ਪਤਾ ਲੱਗ ਗਿਆ ਕੇ ਮੈਂ ਜਾ ਰਹੀ ਹਾਂ ਕਿਉਂਕਿ ਉਸ ਦੇ ਮਰਨ ਤੋ ਦੋ ਦਿਨ ਬਾਅਦ ਹੀ ਛੋਟੀ ਦੇ ਘਰਵਾਲਾ ਉਸ ਨੂ ਵਿਦੇਸ਼ ਤੋਂ ਲੈਣ ਆ ਰਿਹਾ ਸੀ……………… :((

 

ਗਰਮ ਹਵਾ 
ਮੇਰੀ ਤਲੀ ਤੋਂ ਉੱਡਿਆ
ਚਿੱਟਾ ਖੰਭ

ਜਸਪ੍ਰੀਤ ਕੌਰ ਪਰਹਾਰ

ਦੁਪੱਟਾ

17 ਸੋਮਵਾਰ ਸਤੰ. 2012

Posted by in ਅਰਵਿੰਦਰ ਕੌਰ, ਕੁਦਰਤ/Nature, ਜੀਵਨ/Life, ਬਸਤਰ, ਹਵਾ

≈ ਟਿੱਪਣੀ ਕਰੋ

ਰੇਸ਼ਮੀ ਵਾਲ —
ਡਿੱਗ ਡਿੱਗ ਜਾਵੇ 
ਉਹਦਾ ਦੁਪੱਟਾ 

ਬਸੰਤੀ ਹਵਾ —
ਰੇਸ਼ਮੀਂ ਵਾਲਾਂ ਤੋਂ ਡਿਗਦਾ ਜਾਵੇ 
ਉਹਦਾ ਦੁਪੱਟਾ 

ਅਰਵਿੰਦਰ ਕੌਰ

ਕਣ

08 ਸ਼ਨੀਵਾਰ ਸਤੰ. 2012

Posted by in ਕੁਦਰਤ/Nature, ਨਿਰਮਲ ਸਿੰਘ ਧੌਂਸੀ, ਵਾਤਾਵਰਣ, ਹਵਾ

≈ ਟਿੱਪਣੀ ਕਰੋ

ਮੈਂ ਕੰਮ ਕਰਦੇ ਵੇਲੇ ਭਿੰਨ-ਿਵਭਿੰਨ ਤਕਨੀਕਾਂ ਵਰਤਦਾ ਹਾਂ, ਕੋਲੇ ਨਾਲ ਚਿੱਤਰ ਬਣਾਨਾਂ ਇਕ ਹੈ। ਇਹ ਚਿੱਤਰ ਅਕਸਰ ਵੱਡ-ਅਕਾਰੀ ਹੁੰਦੇ ਹਨ। ਕੋਲੇ ਦੀ ਕਾਲਖ਼ ਨੂੰ ਚਿਪਕਾਉਣ ਲਈ ਸਪਰੇ ਕਰਨੀ ਪੈਂਦੀ ਹੈ। ਚਿੱਤਰ ਵੱਡੇ ਹੋਣ ਕਰਕੇ ਕਈ ਵਾਰੀ ਕੋਲੇ ਦੀ ਕਾਲਖ਼ ਚੰਗੀ ਤਰਾਂ ਨਹੀਂ ਚਿਪਕ ਪਾਂਦੀ। ਮੇਰੀ ਚਿੱਤਰਸ਼ਾਲਾ ´ਚ ਕੋਲਾ ਚਿੱਤਰ ਕੰਧ ਨਾਲ ਲਟਕ ਰਿਹਾ ਹੈ ਮੈਂ ਦਰਵਾਜਾ ਖੋਲਦਾ ਹਾਂ ਇਕ ਹਵਾ ਦਾ ਬੁੱਲਾ ਕੀ ਨਜ਼ਾਰਾ ਦਿਖਾਂਦਾ ਹੈ ਕੋਸ਼ਿਸ਼ ਕਰਦਾ ਹਾਂ :

ਹਵਾ ਦਾ ਬੁੱਲਾ 
ਲੈ ਗਿਆ ਨਾਲ 
ਕਾਲਖ਼ ਦਾ ਕਣ

ਨਿਰਮਲ ਸਿੰਘ ਧੌਂਸੀ

ਟੁਣਕੇ

01 ਸ਼ਨੀਵਾਰ ਸਤੰ. 2012

Posted by in ਕੁਦਰਤ/Nature, ਜੀਵਨ/Life, ਯਾਦਾਂ, ਰਣਜੀਤ ਸਿੰਘ ਸਰਾ, ਸਾਗਰ, ਹਵਾ

≈ ਟਿੱਪਣੀ ਕਰੋ

ਸਿੱਲ੍ਹੇ ਪੁਰੇ ਦੇ ਬੁੱਲੇ 
ਵਿੰਡਚਾਈਮ ਦੇ ਟੁਣਕੇ ਲੈ ਗਏ 
ਸੁਰਤ ਸਮੁੰਦਰਾਂ ਪਾਰ 

dump easterly wind
my consciousness is across the oceans
riding wind-chime tinkles

ਰਣਜੀਤ ਸਿੰਘ ਸਰਾ

ਪਰਛਾਵੇਂ

03 ਸ਼ੁੱਕਰਵਾਰ ਅਗ. 2012

Posted by in ਕੁਦਰਤ/Nature, ਪਰਛਾਵਾਂ, ਪੱਤਾ, ਸਰਬਜੀਤ ਸਿੰਘ ਖਹਿਰਾ, ਹਵਾ

≈ ਟਿੱਪਣੀ ਕਰੋ

ਧੁੱਪੀਲਾ ਦਿਨ 
ਪੱਤਿਆਂ ‘ਤੇ ਪੱਤਿਆਂ ਦੇ ਪਰਛਾਵੇਂ
ਨੱਚਣ ਹਵਾ ਸੰਗ

sunny day
shadow of leaves on leaves
dances with wind

ਸਰਬਜੀਤ ਸਿੰਘ ਖਹਿਰਾ

ਰੰਗ

03 ਸ਼ੁੱਕਰਵਾਰ ਅਗ. 2012

Posted by in ਕੁਦਰਤ/Nature, ਤਾਨਕਾ, ਪੱਤਾ, ਫੁੱਲ, ਸਰਬਜੀਤ ਸਿੰਘ ਖਹਿਰਾ, ਹਵਾ

≈ ਟਿੱਪਣੀ ਕਰੋ

ਸਾਉਣ ਦੀ ਝੜੀ-
ਰੰਗਦਾਰ ਫੁੱਲ ਅਤੇ ਪੱਤੀਆਂ 
ਝੂਮਣ ਹਵਾ ਸੰਗ 
ਬਦਲਿਆ ਧੁੱਪਚੁੰਮੇ ਤੋਂ ਥੋੜਾ ਹਰਾ 
ਘਾਹ ਦਾ ਰੰਗ

rainy day –
colorful flowers and leaves
dances with wind
changes sun-kissed to greenish
color of grass

ਸਰਬਜੀਤ ਸਿੰਘ ਖਹਿਰਾ

ਨੀਲਕੰਠ

03 ਸ਼ੁੱਕਰਵਾਰ ਅਗ. 2012

Posted by in ਕੁਦਰਤ/Nature, ਪੰਛੀ, ਰਣਜੀਤ ਸਿੰਘ ਸਰਾ, ਵਰਖਾ, ਹਵਾ

≈ ਟਿੱਪਣੀ ਕਰੋ

ਵਰ੍ਹ ਚੁੱਕੀ ਘਟਾ 
ਹਵਾ ਵੱਲ ਮੂੰਹ ਕਰ ਬੈਠਾ 
ਖੰਭ ਖਿਲਾਰੀਂ ਨੀਲਕੰਠ 

after-rain clouds
a blue jay sits by unfolded wings
facing to the wind

ਰਣਜੀਤ ਸਿੰਘ ਸਰਾ

ਫੁੱਲ

27 ਸ਼ੁੱਕਰਵਾਰ ਜੁਲਾ. 2012

Posted by in ਕੁਦਰਤ/Nature, ਫੁੱਲ, ਰਣਜੀਤ ਸਿੰਘ ਸਰਾ, ਹਵਾ

≈ ਟਿੱਪਣੀ ਕਰੋ

ਸਾਉਣ ਸਵੇਰੀ ਬੁੱਲੇ 
ਟੁੱਟਕੇ ਕੁਝ ਪਲ ਉੱਡਿਆ 
ਬੋਗਨਵਿਲੀਆ ਦਾ ਫੁੱਲ 

Sawan morning gusty wind
bougainvillea flower flies for a moment
before settling on the street
ਰਣਜੀਤ ਸਿੰਘ ਸਰਾ

ਟੁਣਕਾਰ

26 ਵੀਰਵਾਰ ਜੁਲਾ. 2012

Posted by in ਕੁਦਰਤ/Nature, ਰਣਜੀਤ ਸਿੰਘ ਸਰਾ, ਸੰਗੀਤ, ਹਵਾ

≈ ਟਿੱਪਣੀ ਕਰੋ

ਸਲ੍ਹਾਬੀ ਹਵਾ ਦਾ ਬੁੱਲਾ 
ਨਮੋਲੀਆਂ ਦੀ ਦੜਕ ਦੜਕ ‘ਚ
ਵਿੰਡਚਾਈਮ ਦੀ ਟੁਣਕਾਰ

a gust of damp wind
sound of falling margosa seeds
with tinkles of wind-chimes
ਰਣਜੀਤ ਸਿੰਘ ਸਰਾ