ਬੋਟ

ਆਲ੍ਹਣੇ `ਚੋਂ ਡਿਗਿਆ
ਕਾਂ ਤੋਂ ਜਾਨ ਬਚਾਉਂਦਾ
ਚਿੜੀ ਦਾ ਬੋਟ

ਸੈਮ ਬਾਜਵਾ

ਚਿੜੀ

ਪੀਲੀ ਚੁੰਜ
ਚੋਗ ਉਡੀਕੇ
ਚਿੜੀ ਦਾ ਬੱਚਾ

ਸੁਰਜੀਤ ਸਿੰਘ ਪਾਹਵਾ

ਬੋਟ

ਬਿਜਲੀ ਕੜਕੀ
ਚਿੜੀ ਨੇ ਘੁੱਟਿਆ
ਪਰਾਂ ਹੇਠ ਬੋਟ

ਇੰਦਰਜੀਤ ਸਿੰਘ ਪੁਰੇਵਾਲ

ਖੰਭ

ਪਹਿਲੀ ਓੁਡਾਰੀ
ਚੁੰਝ ਨਾਲ ਸਵਾਰੇ
ਬੋਟ ਦੇ ਖੰਭ

ਲਵਤਾਰ ਸਿੰਘ

ਬੋਟ

ਬੱਦਲ ਚਾਲ-
ਬੋਟ ਪੰਛੀ- ਪਰਾਂ ਦੇ ਹੇਠ
ਸੁੱਕੇ ਪੱਤੀਂ ਰੁੱਖ

ਦਰਬਾਰਾ ਸਿੰਘ

ਬੋਟ

ਠੰਡੀ ਸ਼ਾਮ-
ਚਿੜੀ ਦੇ ਆਲ੍ਹਣੇ ਚ 
ਬੋਟਾਂ ਦੀ ਚੀ ਚੀ

ਤੇਜੀ ਬੇਨੀਪਾਲ

ਬੋਟ

ਮਾਂ ਗਵਾਹ-
ਬੋਟ ਦੀ ਪਹਿਲੀ ਉੜਾਨ
ਇੱਥੇ ਤੋਂ ੳੇੱਥੇ

mom witness-
baby bird’s first flight
here to there

ਸਰਬਜੀਤ ਸਿੰਘ ਖਹਿਰਾ

ਬੋਟ

ਹੱਥ ‘ਚ ਬੋਟ
ਖਿੜ ਖਿੜ ਹੱਸਣ
ਨਿੱਕੇ ਨਿਆਣੇ

ਗੀਤ ਅਰੋੜਾ