Category Archives: ਤਿਤਲੀ

ਤਿੰਨ ਹਾਇਕੂ

12 ਸੋਮਵਾਰ ਦਸੰ. 2011

Posted by in ਕੁਦਰਤ/Nature, ਜੀਵਨ/Life, ਤਿਤਲੀ, ਧਰਮ/Religion, ਪੰਜਾਬ/Punjab, ਬਚਪਨ, ਹਰਿੰਦਰ ਅਨਜਾਣ

≈ ਟਿੱਪਣੀ ਕਰੋ

ਉੱਚੀ ਉਡਾਰੀ ਲੈ
ਫਿਰ ਵਾਪਸ ਪਰਤੀ
ਫੁੱਲ ਤੇ ਤਿਤਲੀ

ਸਰਕਾਰੀ ਸਕੂਲ…
B for bench ਲਿਖਣ
ਭੁੰਜੇ ਬੈਠੇ ਬੱਚੇ

ਮੂਰਤੀ ਅੱਗੋਂ ਪੈਸੇ ਚੁੱਕਦਾ
ਹੱਸਦਾ ਪੁਜਾਰੀ ਆਖੇ
ਸਭ ਤੇਰੀ ਮਾਇਆ

ਹਰਿੰਦਰ ਅਨਜਾਣ

ਸੰਜੇ ਸਨਨ ਦੇ 10 ਹਾਇਕੂ

22 ਮੰਗਲਵਾਰ ਨਵੰ. 2011

Posted by in ਕੁਦਰਤ/Nature, ਜੀਵਨ/Life, ਤਿਤਲੀ, ਦੁਨਿਆਵੀ ਰਿਸ਼ਤੇ, ਪੰਛੀ, ਫੁੱਲ, ਸੰਜੇ ਸਨਨ

≈ 5 ਟਿੱਪਣੀਆਂ

(1)
ਬੈਂਕ ਮੂਹਰੇ
ਬੈਠਾ ਭਿਖਾਰੀ 
ਠੂਠਾ ਖਾਲੀ
(2)
ਨਿੱਘੀ ਧੁੱਪ
ਪੰਛੀ ਬੈਠਾ ਟਹਿਣੀ ਉੱਤੇ 
ਬਾਪੂ ਮੰਜੀ ਤੇ 
(3)
ਰੇਲਵੇ ਪਲੈਟਫਾਰਮ
ਕੋਈ ਗਲ਼ ਲੱਗ ਕੇ ਜਾ ਰਿਹਾ
ਕੋਈ ਸੀਨੇ ਲੱਗਣ ਆ ਰਿਹਾ

(4)
ਬਾਬਾ ਪੀਵੇ ਹੁੱਕਾ 
ਬੇਬੇ ਬੈਠ ਉਡੀਕੇ 
ਪੁੱਤ ਦਾ ਰੁੱਕਾ 

(5)
ਅਖਬਾਰ ਦੀ ਛੁੱਟੀ 
ਕੱਲ੍ਹ ਵਾਲਾ ਪੜ੍ਹਿਆ 
ਮੱਥਾ ਫੜਿਆ 

(6)
ਕਾਲੀ ਤਿਤਲੀ 
ਹੋਰ ਚਮਕਿਆ 
ਕੇਸਰੀ ਫੁੱਲ 
(7)
ਉਡ ਰਿਹਾ…
ਆਲ੍ਹਣੇ ਤੋਂ ਦੂਰ 
ਪੰਛੀ 
(8)
ਸੁਸਰਾਲ ਜਾਂਦਿਆਂ 
ਕਾਰ ਰਾਹ ,ਚ ਬੰਦ 
ਘਰਵਾਲੀ ਸ਼ੁਰੂ 
(9)
ਅਣਗਿਣਤ ਮੋਤੀ 
ਚਮਕ ਰਹੇ ਗੁਲਾਬ ਤੇ 
ਖੁਸ਼ਬੂ ਚਾਰੇ ਪਾਸੇ
(10)
ਹਰਾ ਘਾਹ 
ਤੁਰੀ ਜਾ ਰਹੀ ਨੰਗੇ ਪੈਰ 
ਓਸ ਦੀਆਂ ਬੂੰਦਾਂ ਤੇ

ਸੰਜੇ ਸਨਨ
______________

ਦਾਦਾ ਪੋਤਾ

21 ਸੋਮਵਾਰ ਨਵੰ. 2011

Posted by in ਕੁਦਰਤ/Nature, ਜੀਵਨ/Life, ਤਿਤਲੀ, ਫੁੱਲ, ਬਲਜੀਤ ਪਾਲ ਸਿੰਘ

≈ 2 ਟਿੱਪਣੀਆਂ

ਅਸੀਂ ਦੋਵੇਂ 

ਤਿਤਲੀਆਂ ਦੇ ਸ਼ੌਕੀਨ

ਮੈਂ ਅਤੇ ਮੇਰਾ ਪੋਤਾ

ਬਲਜੀਤ ਪਾਲ ਸਿੰਘ

ਪੋਤਾ ਦਿਖਾਵੇ ਦਾਦੇ ਨੂੰ 

ਫੁਲਾਂ ਤੇ ਬੈਠੀਆਂ

ਰੰਗ-ਬਰੰਗੀਆਂ ਤਿਤਲੀਆਂ…

ਕੁਲਜੀਤ ਮਾਨ ਵਲੋਂ ਸੁਝਾਇਆ ਰੂਪ।

ਅਸੀਂ ਦੋਵੇਂ 

ਤਿਤਲੀ ਦੇ ਪਿੱਛੇ 

ਮੈਂ ਤੇ ਪੋਤਾ

ਰਣਜੀਤ ਸਿੰਘ ਸਰਾ ਵਲੋਂ ਸੁਝਾਇਆ ਰੂਪ☬।

ਨੋਟ: ਉਪਰੋਕਤ ਤਿੰਨ ਹਾਇਕੂ ਇਕੋ ਵਿਚਾਰ/ਦ੍ਰਿਸ਼ ਨੂੰ ਦੱਸਣ ਅਤੇ ਦਰਸਾਉਣ ਦੇ ਅੰਤਰ ਨੂੰ ਪ੍ਰਗਟਾਉਣ ਲਈ ਦਿੱਤੇ ਗਏ ਹਨ। ਪਹਿਲਾ ਹਾਇਕੂ ਦਾਦੇ ਅਤੇ ਪੋਤੇ ਸ਼ੌਕ ਨੂੰ ਦੱਸਦਾ ਵਿਚਾਰ ਰੂਪ ਹੈ। ਦੂਸਰੇ ਰੂਪ ਵਿਚ ਬੱਚਾ ਦਾਦੇ ਨੂੰ ਤਿਤਲੀਆਂ ਦਿਖਾਉਂਦਾ ਦਰਸਾਇਆ ਹੈ ਅਤੇ ਤੀਸਰੇ ਰੂਪ ਵਿਚ ਦਾਦਾ ਅਤੇ ਪੋਤਾ ਤਿਤਲੀਆਂ ਦੇ ਪਿੱਛੇ ਜਾਂਦੇ ਦਰਸਾਏ ਹਨ।