Category Archives: ਕੁਦਰਤ/Nature

ਵਸੀਲਾ / ਪੰਛੀ

03 ਸ਼ੁੱਕਰਵਾਰ ਜੁਲਾ. 2015

Posted by in ਪੰਛੀ, ਰਘਬੀਰ ਦੇਵਗਨ, ਵਸੀਲਾ

≈ ਟਿੱਪਣੀ ਕਰੋ

ਟੈਗ

ਜੀਉਣ ਦੇ ਵਸੀਲੇ~

ਦਾੜ੍ਹੇ ਦੀ ਓਟ ‘ਚ ਟਿਕਾਵੇ ਚਿੜੀ

ਬਿਖਰੇ ਤੀਲੇ 

ਰਘਬੀਰ ਦੇਵਗਨ 

ਇਸ਼ਤਿਹਾਰ

ਕੁਦਰਤ / ਪੰਛੀ

03 ਸ਼ੁੱਕਰਵਾਰ ਜੁਲਾ. 2015

Posted by in ਕੁਦਰਤ/Nature, ਪੰਛੀ, ਰਘਬੀਰ ਦੇਵਗਨ

≈ ਟਿੱਪਣੀ ਕਰੋ

ਟੈਗ

ਖੁੱਲਾ ਅੰਬਾਰ ~ 

ਪਾਣੀ ਦੇ ਕੁੰਡੇ ਲਾਗੇ ਉਤਰੀ 

ਘੁੱਗੀਆ ਦੀ ਡਾਰ

ਰਘਬੀਰ ਦੇਵਗਨ 

ਗੁਲਾਬ

03 ਸ਼ੁੱਕਰਵਾਰ ਜੁਲਾ. 2015

Posted by in ਗੁਰਮੀਤ ਸਿੰਘ ਸੰਧੂ, ਗੁਲਾਬ, ਵੇਲ ਬੂਟੇ

≈ ਟਿੱਪਣੀ ਕਰੋ

ਟੈਗ

ਲਿਪਟੀ ਵੇਲ ਲਾਹਾਂ-

ਵਲੂੰਧਰੇ ਹੱਥ ਨੇ ਕੀਤਾ

ਹੋਰ ਸੂਹਾ ਗੁਲਾਬ

اج دا ہائکو:
لپٹی ویل لاہاں-
ولوندھرے ہتھ نے کیتا
ہور سوہا گلاب

ਗੁਰਮੀਤ ਸਿੰਘ ਸੰਧੂ 

ਹੁਨਾਲ

05 ਸ਼ੁੱਕਰਵਾਰ ਜੂਨ 2015

Posted by in ਕੁਦਰਤ/Nature, ਗੁਰਮੀਤ ਸਿੰਘ ਸੰਧੂ, ਸੁਝਾਅ, ਹੁਨਾਲ

≈ ਟਿੱਪਣੀ ਕਰੋ

ਟੈਗ

ਹੁਨਾਲ ਦਾ ਮੀਂਹ-

ਹੇਠਲੇ ਪੱਤੇ ‘ਤੇ ਸਰਕੀ

ਪਹਿਲੀ ਕਣੀ

ہنال دا مینہہ-

ہیٹھلے پتے ‘تے سرکی

پہلی کنی

ਗੁਰਮੀਤ ਸਿੰਘ ਸੰਧੂ 

ਚਿੜੀ

16 ਸੋਮਵਾਰ ਸਤੰ. 2013

Posted by in ਅਰਵਿੰਦਰ ਕੌਰ, ਕੁਦਰਤ/Nature, ਝੱਖੜ, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਅਚਨਚੇਤ ਹਨੇਰੀ —
ਡਿਗੇ ਬਿਰਖ ਤੇ ਗਾ ਰਹੀ 
ਕੱਲੀ ਕਾਰੀ ਚਿੜੀ 

sudden storm–
a lone bird chirps
on the fallen tree

ਅਰਵਿੰਦਰ ਕੌਰ

06 ਮੰਗਲਵਾਰ ਅਗ. 2013

Posted by in ਕੁਦਰਤ/Nature, ਦ੍ਰਿਸ਼ਟ ਬਿੰਬ (Visual-Seeing), ਬਸੰਤ/Spring, ਵਲੇਰੀਆ ਸਿਮੋਨੋਵਾ-ਚੈਕਨ/Valeria Simonova-Cecon

≈ ਟਿੱਪਣੀ ਕਰੋ

spring fields –
every thing is busy
with living

Valeria Simonova-Cecon

ਬਸੰਤ ਚੁਫੇਰੇ –
ਹਰ ਸ਼ੈ ਰੁੱਝੀ
ਜੀਵਨ ਆਹਰੇ

ਵਲੇਰੀਆ ਸਿਮੋਨੋਵਾ-ਚੈਕਨ

ਅਨੁਵਾਦ: ਅਮਰਜੀਤ ਸਾਥੀ

ਦੀਵਾ

17 ਬੁੱਧਵਾਰ ਜੁਲਾ. 2013

Posted by in ਕੁਦਰਤ/Nature, ਹਰਵਿੰਦਰ ਧਾਲੀਵਾਲ, ਹਾਇਬਨ/Haibun

≈ ਟਿੱਪਣੀ ਕਰੋ

ਤਨਦੀਪ ਤਮੰਨਾ ਦਾ ਕਵਿਤਾ ਸੰਗ੍ਰਿਹ ‘ਇੱਕ ਦੀਵਾ ਇੱਕ ਦਰਿਆ ‘ ਪੜ੍ਹ ਕੇ ਹਟਿਆ ਹਾਂ ..ਕਿਤਾਬ ਬੇਹੱਦ ਚੰਗੀ ਲੱਗੀ ..ਉੱਤਮ ਸ਼ਾਇਰੀ ਪੜ੍ਹਨ ਨੂੰ ਮਿਲੀ ਤਾਂ ਰੂਹ ਤ੍ਰਿਪਤ ਹੋ ਗਈ ..ਕਿਤਾਬ ਪੜ੍ਹਨ ਲਈ ਇੱਕ ਹਫਤੇ ਦਾ ਸਮਾਂ ਲੱਗਿਆ .. ਇਸ ਇੱਕ ਹਫਤੇ ਦੌਰਾਨ ਇੰਝ ਲੱਗਿਆ ਜਿਵੇਂ ਕੋਈ ਅਦੁੱਤੀ ਸ਼ਕਤੀ ਮੈਨੂੰ ਕੁਦਰਤ ਦੇ ਹਰ ਅਚੰਭੇ ਤੋਂ ਜਾਣੂ ਕਰਵਾ ਰਹੀ ਹੋਵੇ ..ਇਸ ਸਮੇਂ ਦੌਰਾਨ ਮੈਂ ਮਨੁੱਖੀ ਜਿੰਦਗੀ ਦੀ ਆਤਮਿਕ ਪੀੜ ਅਤੇ ਸੁਹਜ ਸੁਆਦਾਂ ਨੂੰ ਮਾਣਦਾ ਹੋਇਆ ਚੰਨ ,ਤਾਰੇ, ਸੂਰਜ,ਨਦੀਆਂ ,ਜੰਗਲਾਂ ,ਸਮੁੰਦਰ ,ਝਰਨੇ ,ਕਾਲੇ ਬੱਦਲਾਂ ਆਦਿ ਦੀ ਸੁਭਾਵਕ ਹੀ ਸੈਰ ਕਰਦਾ ਰਿਹਾ ਹਾਂ ..ਇਹੀ ਨਹੀਂ ,ਇੰਝ ਲੱਗਦਾ ਹੈ ਜਿਵੇਂ ਮੈਂ ਅਗਲੇ ਪਿਛਲੇ ਜਨਮਾਂ ਦੀ ਵੀ ਸੈਰ ਕਰ ਲਈ ਹੋਵੇ …

ਆਜੜੀ ਕੁੜੀ ਨੇ

ਧੋਤਾ ਵਗਦੀ ਨਦੀ ‘ਚ ਮੂੰਹ-

ਖਿੜਿਆ ਗੁਲਾਬ

ਹਰਵਿੰਦਰ ਧਾਲੀਵਾਲ

ਪੀਂਘ

17 ਬੁੱਧਵਾਰ ਜੁਲਾ. 2013

Posted by in ਕੁਦਰਤ/Nature, ਛੋਹ ਬਿੰਬ (Kinaesthetic/touch), ਜ਼ਿੱਮੀ ਭੁੱਲਰ, ਦ੍ਰਿਸ਼ਟ ਬਿੰਬ (Visual-Seeing), ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਸਾਓੁਣ ਮਹਿਨਾ –
ਪੀਂਘ ਦੀ ਪਹਿਲੀ ਚੜ੍ਹਾਣ ਨਾਲ
ਪਿੱਪਲ ਤੋਂ ਵਰ੍ਹੀਆ ਕਣੀਆਂ…

ਜ਼ਿੱਮੀ ਭੁੱਲਰ

ਗੀਝਾ

16 ਮੰਗਲਵਾਰ ਜੁਲਾ. 2013

Posted by in ਕੁਦਰਤ/Nature, ਗਰਮੀ/Summer, ਗੀਤ ਅਰੋੜਾ, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਵਿਵਹਾਰ

≈ ਟਿੱਪਣੀ ਕਰੋ

ਸ਼ਾਮ ਦਾ ਘੁਸ੍ਮੁਸਾ 
ਟਾਕੀਆਂ ਵਾਲੇ ਗੀਝੇ ਚੋਂ ਲਟਕਣ 
ਚੋਰੀ ਦੇ ਕਰੇਲੇ

ਗੀਤ ਅਰੋੜਾ

ਗਗਨਦੀਪ ਸਿੰਘ ਦੇ 5 ਹਾਇਕੂ

21 ਸ਼ੁੱਕਰਵਾਰ ਜੂਨ 2013

Posted by in ਕੁਦਰਤ/Nature, ਗਗਨਦੀਪ ਸਿੰਘ, ਗਰਮੀ/Summer, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬਰਖਾ/Rainy Season, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਮਾਂ ਲਿਪੇ ਮਿਟੀ
ਬੱਚਾ ਚੁੰਘੇ ਗੂਠਾ
ਓਟੇ ਓਹਲੇ

ਹੋਲੀ ਦੀ ਦੁਪਹਿਰ
ਪਿਚਕਾਰੀ ਨਾਲ ਭਿਜੀ
ਵਿਧਵਾ ਦੀ ਚੁੰਨੀ

ਗਿਲੇ ਖਾਲ਼ ‘ਚ
ਸੱਪ ਦੀ ਕੰਜ
ਪੈਰ ਤਰਭਕੇ ਰੁਕੇ

ਬਿਜਲੀ ਗੜਕੇ
ਮਾਂ ਨੇ ਲਕੋਈ
ਕਾਂਸੀ ਦੀ ਥਾਲੀ

ਬੱਦਲ ਲਸ਼ਕੇ
ਦੂਰ ਦੂਰ ਸੁੱਤੇ
ਮਾਮਾ ਤੇ ਭਾਣਜਾ

ਗਗਨਦੀਪ ਸਿੰਘ

ਮੀਂਹ

13 ਵੀਰਵਾਰ ਜੂਨ 2013

Posted by in ਦ੍ਰਿਸ਼ਟ ਬਿੰਬ (Visual-Seeing), ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening), ਹਰਲੀਨ ਸੋਨਾ

≈ ਟਿੱਪਣੀ ਕਰੋ

ਇਸ ਨੂੰ ਦੋਹਾਂ ਤਰੀਕਿਆਂ ਨਾ਼ ਲਿਖਿਆ ਜਾ ਸਕਦਾ ਹੈ:

ਤੁਪਕਾ – ਤੁਪਕਾ 

ਸਹਿਜੇ ਹੀ ਦਰਿਆ ਚ ਰਲਿਆ

ਮੀਂਹ ਦਾ ਸ਼ੋਰ

ਜਾਂ
ਮੀਂਹ ਦਾ ਸ਼ੋਰ 

ਸਹਿਜੇ ਹੀ ਦਰਿਆ ਚ ਰਲਿਆ 

ਤੁਪਕਾ – ਤੁਪਕਾ

ਹਰਲੀਨ ਸੋਨਾ

 

ਅਮਲਤਾਸ

13 ਵੀਰਵਾਰ ਜੂਨ 2013

Posted by in ਅਡੰਬਰ, ਗਰਮੀ/Summer, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬਿਰਖ, ਰੋਜ਼ੀ ਮਾਨ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਅਮਲਤਾਸ ਦੀ ਛਾਂ – 
ਤਿੰਨ ਸੈਲ ਫੋਨਾਂ ਵਾਲਾ ਅਜਨਬੀ 
ਆਖਿਰ ਚੁੱਪ ਕੀਤਾ !
ਰੋਜ਼ੀ ਮਾਨ

ਕੂਕ

13 ਵੀਰਵਾਰ ਜੂਨ 2013

Posted by in ਛੋਹ ਬਿੰਬ (Kinaesthetic/touch), ਦਵਿੰਦਰ ਕੌਰ, ਦ੍ਰਿਸ਼ਟ ਬਿੰਬ (Visual-Seeing), ਪੰਛੀ, ਪੰਜਾਬ/Punjab, ਬਰਖਾ/Rainy Season, ਵਰਖਾ, ਸ਼ਰਵਣ ਬਿੰਬ (Auditory-Listening)

≈ ਟਿੱਪਣੀ ਕਰੋ

ਤੇਜ ਬਰਸਾਤ …
ਪੌਣਾਂ ਵਿੱਚ ਘੁਲ ਗਈ
ਕੋਇਲ ਦੀ ਕੁਕ

ਦਵਿੰਦਰ ਕੌਰ

ਹਾਇਕੂ ਅਤੇ ਹਾਇਬਨ – ਨਿਰਮਲ ਸਿੰਘ ਧੌਂਸੀ

26 ਸ਼ੁੱਕਰਵਾਰ ਅਪ੍ਰੈ. 2013

Posted by in ਕੁਦਰਤ/Nature, ਜੀਵਨ/Life, ਨਾਰਵੇ, ਨਿਰਮਲ ਸਿੰਘ ਧੌਂਸੀ, ਰੁੱਤਾਂ/Seasons, ਹਾਇਬਨ/Haibun

≈ ਟਿੱਪਣੀ ਕਰੋ

ਛੱਬੀ ਜਨਵਰੀ-
ਧੁੱਪੇ ਬੈਠਾ ਸੇਕੇ 
ਸੰਤਾਲੀ ਦੀਆਂ ਸੱਟਾਂ 
——-
ਪਰਦੇਸੀ ਪੁੱਤ ਦਾ ਬੇਟਾ-
ਦਾਦੀ ਬੁੱਕਲ ਵਿੱਚ ਲੁਕੋਵੇ 
ਕਾਗਜ਼ ਦਾ ਜਹਾਜ਼ 
————
ਦੂਰ ਪਹਾੜੀ ਮੀਂਹ- 
ਵਗਦਾ ਵਿੱਚ ਨਦੀ 
ਮਿੱਟੀ ਰੰਗਾ ਪਾਣੀ
———-
ਦੂਰ ਪਹਾੜੀ ਵਾਰਿਸ਼ – 
ਵਗਦੀ ਨਦੀ ´ਚ ਘੁਲਦੀ ਜਾਂਦੀ 
ਮਿੱਟੀ ਦੀ ਖੁਸ਼ਬੋ
———–

ਮੈਂ ਆਮ ਤੌਰ ਤੇ ਹੱਥਾਂ ਨਾਲ ਸੋਚਦਾ ਹਾਂ, ਸੋਚਿਆ ਤਾਂ ਪੈਰਾਂ ਨਾਲ ਵੀ ਜਾਂਦਾ ਹੈ ! 
ਇੱਕ ਵਾਰ ਪਹਿਲੇ ਵੀ ਮੈਂ ਤੁਰਿਆ ਜਾਂਦਾ-ਜਾਂਦਾ ਤ੍ਰਬਕ ਕੇ ਰੁਕ ਗਿਆ ਸਾਂ ਤੇ ਉਸੇ ਤਰਾਂ ਮੇਰੇ ਨਾਲ ਅੱਜ ਹੋਇਆ ਹੈ।  ਪਹਿਲੀ ਵਾਰੀ ਜਦ ਤ੍ਰਬਕ ਕੇ ਰੁਕਿਆ ਸਾਂ ਤਾਂ ਉਦੋਂ ਮੈਂ ਬੰਬੇ ਘੁਮ ਫਿਰ ਰਿਹਾ ਸਾਂ। ਇਹ ਗੱਲ 1991 ਦੀ ਹੈ ਤੇ ਰੁਕਣ ਦਾ ਕਾਰਣ ਇੱਕ ਸਾਈਨ ਬੋਰਡ ਦਾ ਨਜ਼ਰੀਂ ਪੈਣਾ ਸੀ। ਬੋਰਡ ਤੇ ਲਿਖਿਆ ਹੋਇਆ ਸੀ ” NRK “. “ਐਨ . ਆਰ. ਕੇ.” ਨਾਰਵੇ ਦੇ ਦੂਰਦਰਸ਼ਨ ਦਾ ਲੋਗੋ ਹੈ। ਜਦ ਮੈਂ ਲਾਗੇ ਜਾ ਕੇ ਪੜਿਆ ਤੇ ਪਤਾ ਚੱਲਿਆ ਕੇ ਇਹ ਭਾਰਤੀ ” ਨੈਸ਼ਨਲ ਚੂਹੇ ਮਾਰ ” ਸੰਸਥਾ ਦਾ ਲੋਗੋ ਹੈ। ਬਾਦ ਵਿੱਚ ਮੈਂ ਕਈ ਦਿਨ ਆਪੇ ਹੱਸ-ਹੱਸ ਦੋਹਰਾ ਹੁੰਦਾ ਰਿਹਾ।
ਅੱਜ ਵੀ ਉਸੇ ਤਰਾਂ ਹੀ ਹੋਇਆ,ਇੱਕ ਸਾਈਨ ਬੋਰਡ ਤੇ ਇਕੱਲਾ ( PB) ਲਿਖਿਆ ਪੜ੍ਹ ਕੇ। ਹਾਸੀ ਤੇ ਨਹੀਂ ਆਈ ਪਰ ਪੁਰਾਣੇ ਵਤਨ ਦੀਆਂ ਯਾਦਾਂ ਦੀ ਪਟਾਰੀ ਜਰੂਰ ਖੁੱਲ ਗਈ। 

ਪੀਤਸਾ ਬੇਕਰ-
ਖਲੇਰ ਰਿਹਾ 
ਵਤਨ ਦੀ ਮਹਿਕ
——–
ਛੜੇ ਦਾ ਠਾਕਾ-
ਵੰਡੇ ਲੱਡੂ ਲਾ 
ਪਿੰਡ ਵਿੱਚ ਨਾਕਾ 
———-
ਧੁੱਖਦੀ ਰੇਣ- 
ਉਸ ਛਿਟੀ ਨਾਲ ਛੇੜੀ 
ਹੱਡ ਬੀਤੀ

ਅੱਜ ਮੌਸਮ ਸਾਫ਼ ਹੈ, ਸਾਡੇ ਸ਼ਹਿਰ। ਛੁੱਟੀ ਹੋਵੇ, ਸੋਹਣਾ ਮੌਸਮ ਹੋਵੇ, ਫੇਰ ਮੈਂ ਤੇ ਮੇਰੀ ਬੇਗਮ ਸਾਹਿਬਾ ਅਕਸਰ ਸੈਰ ਲਈ ਨਿੱਕਲ ਤੁਰਦੇ ਹਾਂ। ਸਾਡੇ ਘਰ ਤੋਂ ਸਾਨੂੰ ਬਹੁਤਾ ਦੂਰ ਨਹੀਂ ਜਾਣਾ ਪੈਂਦਾ,ਪੈਦਲ ਸੈਰ ਕਰਨ ਲਈ। ਚਾਹਨਾ ਵੀ ਸਾਡੀ ਹਮੇਸ਼ਾ ਇਹੀ ਰਹੀ ਹੈ ਕੇ ਹਵਾ-ਖੋਰੀ ਕਰਨੀ ਹੈ ਤਾਂ ਸ਼ਹਿਰੋਂ ਬਾਹਰ। ਉੱਥੇ ਤੁਹਾਨੂੰ ਸ਼ਾਂਤੀ ਹੀ ਨਹੀਂ ਸਗੋਂ ਸ਼ੁਧ੍ਧ ਵਾਤਾਵਰਨ ਵੀ ਮਿਲਦਾ ਹੈ। ਬਸ ਦਸ ਕੁ ਮਿੰਟ ਦੀ ਕਾਰ ਚਲਾਈ ਤੋਂ ਬਾਦ ਅਸੀਂ ਪਹਾੜੀ ਜੰਗਲ ´ਚ ਪਹੁੰਚ ਜਾਂਦੇ ਹਾਂ ਜੋ ਸਾਡੇ ਸ਼ਹਿਰ ਦੇ ਆਲੇ ਦੁਆਲੇ ਪੱਸਰਿਆ ਹੋਇਆ ਹੈ। ਹੁਣ ਨਿੱਕਲੀ ਧੁੱਪ ਜਦ ਰੂੰ ਵਰਗੀ ਚਿੱਟੀ ਬਰਫ਼ ਤੇ ਪੈ ਰਹੀ ਹੈ ਤੇ ਅੱਖਾਂ ਚੁੰਧਿਆ ਰਹੀਆਂ ਹਨ। ਕਾਹਲੀ ਕਾਹਲੀ ਤੁਰਦਿਆਂ ਪਸੀਨਾਂ ਤਾਂ ਆ ਰਿਹਾ ਹੈ ਪਰ ਜਿੱਥੇ ਕਿਤੇ ਛੋਟੀ ਪਹਾੜੀ ਜਾਂ ਦਰਖਤਾਂ ਦੀ ਛਾਂ ਆਉਂਦੀ ਹੈ ਉੱਥੇ ਠੰਡ ਮਹਿਸੂਸ ਹੁੰਦੀ ਹੈ। ਇਹ ਰਸਤਾ ਜਿਹੜਾ ਅਸੀਂ ਅੱਜ ਸੈਰ ਲਈ ਮਿਥਿਆ ਹੈ, ਵਲ ਖਾਂਦਾ ਉੱਚਾ ਨੀਵਾਂ ਹੁੰਦਾ ਉੱਚੇ ਪਹਾੜ ਵੱਲੀਂ ਜਾਂਦਾ ਹੈ। ਬਹੁਤੀ ਬਰਫ਼ ਪਈ ਹੋਣ ਕਰਕੇ ਪਹਾੜੀ ਦੀ ਚੋਟੀ ਤੇ ਤਾਂ ਜਾਣਾ ਮੁਸ਼ਕਲ ਹ। ਜਿੱਥੇ ਤੱਕ ਪੈਰੀਂ ਜਾਇਆ ਜਾ ਸਕਦਾ ਹੈ ਉਹ ਘੰਟੇ ਦਾ ਰਾਹ ਹੈ। ਵੈਸੇ ਕੜਾਕੇ ਦੀ ਠੰਡ ´ਚ ਬਰਫ਼ ਤੇ ਤੁਰਨ ਦਾ ਆਪਣਾ ਹੀ ਲੁਤਫ ਹੈ ਜਿਸਨੂੰ ਬਿਆਨਿਆ ਨਹੀਂ ਸਿਰਫ ਮਾਣਿਆ ਹੀ ਜਾ ਸਕਦਾ ਹੈ। ਤੁਰਦੇ ਪੈਰਾਂ ਚੋਂ ਆਉਂਦੀ ਕੜਕ-ਕੜਕ ਦੀ ਆਵਾਜ ਤੁਹਾਨੂੰ ਨਸ਼ੇ ਜਿੰਨਾ ਸਰੂਰ ਦਿੰਦੀ ਹੋਈ ਕੁਦਰਤ ਨਾਲ ਇੱਕਮਿੱਕ ਕਰਦੀ ਜਾਂਦੀ ਹੈ। ਰਸਤੇ ਵਿੱਚ ਦੇਖਦਾ ਹਾਂ ਕੇ ਧੁੱਪ ਦੀ ਗਰਮਾਇਸ਼ ਨੇ ਇੱਕ ਜਗਾ ਬਰਫ਼ ਨੂੰ ਖੋਰ ਪਾਣੀ ਦਾ ਇੱਕ ਛੋਟਾ ਟੋਆ ਬਣਾ ਛੱਡਿਆ ਹੈ। 

ਨੀਲਾ ਅਸਮਾਨ 
ਬਰਫ਼ ´ਤੇ ਤੁਰਿਆ ਆਵੇ ਭਿੱਜਿਆ 
ਉਸਦਾ ਪਰਛਾਵਾਂ 

ਪਿਛਲੇ ਪੰਜ ਕੁ ਸਾਲਾਂ ਤੋਂ ਮੈਂ ਆਪਣੇ ਸਟੂਡੀਓ ਹਰ ਰੋਜ਼ ਸਾਈਕਲ ਤੇ ਆਉਂਦਾ ਜਾਂਦਾ ਹਾਂI ਮੇਰਾ ਸਟੂਡੀਓ ਮੇਰੇ ਘਰ ਤੋਂ ਦਸ ਕਿਲੋਮੀਟਰ ਦੀ ਦੂਰੀ ਤੇ ਹੈ I ਜਿਸ ਦਿਨ ਠੰਡ -10 ਹੋਵੇ ਤੇ ਤਦ ਹੀ ਕਾਰ ਦੀ ਵਰਤੋਂ ਕਰਦਾ ਹਾਂ I ਅਗਲੇ ਮਹੀਨੇ ਜਾਣੀਕੇ ਅਪ੍ਰੈਲ ਦੇ ਅਧ੍ਧ ਚ ਜਾ ਕੇ ਬਰਫ਼ ਖੁਰਨੀ ਸ਼ੁਰੂ ਹੋ ਜਾਏਗੀ ਤੇ ਨਾਲ ਹੀ ਬਸੰਤ ਦੀ ਆਮਦ I ਬਸੰਤ ਦਾ ਮੌਸਮ ਇਥੇ ਨਾਰਵੇ ਲੋਕਾਂ ਨੂੰ ਅੱਠਾਂ ਮਹੀਨਿਆਂ ਦੇ ਹਨੇਰੇ ਤੋਂ ਕੁਝ੍ਝ ਸੁੱਖ ਦਾ ਸਾਹ ਦਵਾਉਂਦਾ ਹੈI

ਹੁਣ ਮਾਰਚ ਦਾ ਅਧ੍ਧ ਟੱਪ ਚੁੱਕਾ ਹੈI ਸ਼ਾਮ ਦੇ ਅਸਮਾਨੀ ਨਜਾਰੇ ਸਿਰਫ ਦੇਖਣ ਵਾਲੇ ਹੀ ਨਹੀਂ ਹੁੰਦੇ ਸਗੋਂ ਲੋਕ ਇੰਨਾਂ ਨੂੰ ਆਪਣੇ ਅੰਦਰ ਸਮੋ ਲੈਂਦੇ ਹਨ, ਆਉਣ ਵਾਲੇ ਲੰਬੇ ਹਨੇਰੇ ਨਾਲ ਨਜਿੱਠਣ ਲਈ I ਮੈਂ ਆਪਣੇ ਸਾਈਕਲ ਤੇ ਘਰ ਨੂੰ ਆ ਰਿਹਾ ਹਾਂ, ਸ਼ਾਮ ਦਾ ਵੇਲਾ ਹੈ ਪਹਾੜੀ ਦੇ ਪਿੱਛੇ ਨਾਰਵੀਜਨੀ ਅਸਮਾਨ ਤੇ ਮੂਹਰੇ ਵਗਦੀ ਸ਼ਹਿਰ ਦੀ ਨਦੀ…..

ਸ਼ਾਮ ਵੇਲਾ-
ਨਦੀ ´ਚ ਵਗਦੇ ਜਾਵਣ 
ਅਕਾਸ਼ੀ ਰੰਗ 
——–
ਤੇਈ ਮਾਰਚ- 
ਹੱਸਦਾ ਘੋੜੀ ਚੜ੍ਹਿਆ 
ਇੱਕ ਲਾੜਾ 
———
ਜੁਤਾ ਖੂਹ- 
ਟਿੰਡਾਂ ਭਰ ਲਿਆਵਣ 
ਕੁੱਤੇ ਦੀ ਟਕ ਟਕ 

ਨਿਰਮਲ ਸਿੰਘ ਧੌਂਸੀ

ਨਿਰਮਲ ਸਿੰਘ ਧੌਂਸੀ ਦੇ 12 ਹਾਇਕੂ

30 ਬੁੱਧਵਾਰ ਜਨ. 2013

Posted by in ਕੁਦਰਤ/Nature, ਜੀਵਨ/Life, ਨਿਰਮਲ ਸਿੰਘ ਧੌਂਸੀ

≈ ਟਿੱਪਣੀ ਕਰੋ

ਡੂੰਘੀ ਸ਼ਾਮ
ਲੱਕੜਾਂ ਦੀ ਧੂਣੀ ਵਿੱਚ
ਧੁੱਖਦਾ ਗੋਹਟਾ

ਲੱਕੜਾਂ ਦੀ ਧੂਣੀ
ਵੱਧ ਰਹੇ ਸੇਕ ਵਿੱਚ
ਧੁੱਖਦਾ ਗੋਹਟਾ

ਕੜਕਦੀ ਧੁੱਪ
ਸੁੱਕ ਰਿਹਾ ਕੋਠੇ
ਗਿੱਲਾ ਪੀਹਣ

ਰੌਸ਼ਨ ਦਿਨ
ਉੱਕਰੇ ਨੰਨੇ ਹੱਥੀਂ
ਇੱਕ ਅਮੂਰਤ ਚਿੱਤਰ

ਦੁਸਹਿਰਾ-
ਖਿੱਲਾਂ ਆਲਾ ਚੁੱਪ
ਸੁਣ ਆਉਂਦੀ ਸੈਨਾ

ਭਰਿਆ ਮੇਲਾ
ਛੁੱਟੀ ਉੰਗਲ ਬਾਪ ਦੀ
ਕੁਰਲਾਂਦਾ ਬਾਲ

ਲੱਕੜਾਂ ਦੀ ਧੂਣੀ
ਵੱਧ ਰਿਹਾ ਸੇਕ
ਧੁੱਖਦਾ ਗੋਹਟਾ

ਪੁਰਖਾ ਘਰ
ਖਣਾਂ ਥਾਣੀ ਦਿੱਸੇ ਚਿੱਟਾ ਬੱਦਲ
ਘੁਣ ਖਾਦੀ ਲਟੈਣ

ਪੁਰੇ ਦੀ ਵਾ
ਅੰਦਰ ਖਿੱਚ ਰਿਹਾ
ਸਿਗਰਟ ਦਾ ਧੂੰਆਂ

ਸਾਉਣ ਮਹੀਨਾ
ਦੇਵੇ ਨਾ ਸੌਣ
ਬਿਜਲੀ ਦਾ ਕੱਟ

ਪੱਤਝੜ ਦਾ ਮੌਸਮ
ਪੱਤੇ ਰੰਗ ਬਰੰਗੇ ਮੇਰੇ ਮੂਹਰੇ
ਹੁਕਮ ਦਾ ਯੱਕਾ

ਇਕ ਜ਼ਮਾਨਾ ਸੀ, ਮੈਂ ਨਹੀਂ ਕਹਿੰਦਾ ਉਹ ਚੰਗਾ ਸੀ ਜਾ ਮਾੜਾ। ਉਸ ਸਮੇਂ ਔਰਤਾਂ ਆਪਨੇ ਪਤੀ ਦਾ ਨਾਂ ਨਹੀਂ ਸਨ ਲੈਂਦੀਆਂ ।ਜਦੋਂ ਵੀ ਉਨਾਂ ਨੂੰ ਕਦੇ ਇਸ ਸੰਦਰਭ ´ਚ ਕੋਈ ਮੁਸ਼ਕਲ ਆਉਂਦੀ ਸੀ ਤਾਂ ਉਹ ਕਿਸ ਤਰੀਕੇ ਇਸ ´ਚ ਬਾਹਰ ਨਿਕਲਦੀਆਂ ਸਨ।ਇਕ ਔਰਤ ਸਵੇਰੇ ਸਵੇਰੇ ਦੁੱਧ ਿਰੜਕ ਰਹੀ ਹੈ ਤੇ ਉਹ ਆਪਣੀ ਇੰਤਜ਼ਾਰ ਦਾ ਇਜਹਾਰ ਕਿਸ ਤਰਾਂ ਕਰਦੀ ਹੈ ਕੋਸ਼ਿਸ਼ ਕਰਦਾ ਹਾਂ:
ਮਧਾਣੀ ਦੀ ਗੂੰਜ
ਹਾਲੇ ਵੀ ਨੀ ਆਇਆ
ਕਾਲੇ ਦਾ ਬਾਪੂ
ਨਿਰਮਲ ਸਿੰਘ ਧੌਂਸੀ

ਠੱਕਾ

06 ਐਤਵਾਰ ਜਨ. 2013

Posted by in ਕੁਦਰਤ/Nature, ਛੋਹ ਬਿੰਬ (Kinaesthetic/touch), ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਪੰਜਾਬ/Punjab, ਬੁਢਾਪਾ, ਲਖਵਿੰਦਰ ਸ਼ਰੀਂਹ ਵਾਲਾ, ਸਿਆਲ/Winter

≈ ਟਿੱਪਣੀ ਕਰੋ

ਵੱਗਦਾ ਠੱਕਾ
ਕੰਧ ਉਹਲੇ ਬੈਠਾ
ਬਾਬਾ ਬਖ਼ਤੌਰਾ

ਲਖਵਿੰਦਰ ਸ਼ਰੀਂਹ ਵਾਲਾ

ਅਕਸ

06 ਐਤਵਾਰ ਜਨ. 2013

Posted by in ਕੁਦਰਤ/Nature, ਜਗਰਾਜ ਸਿੰਘ ਨਾਰਵੇ, ਜੀਵਨ/Life, ਦ੍ਰਿਸ਼ਟ ਬਿੰਬ (Visual-Seeing), ਸਿਆਲ/Winter

≈ ਟਿੱਪਣੀ ਕਰੋ

1.
ਬਰਫ਼ ਪਿਛੋਂ ਮੀਂਹ–
ਸ਼ੀਸ਼ੇ ਉੱਤੇ ਤੁਰਦਿਆਂ ਦਿਸਿਆ
ਅੱਧਾ ਚੰਨ
****************
2.
ਬਰਫ਼ ਪਿਛੋਂ ਮੀਂਹ–
ਸ਼ੀਸ਼ੇ ਉੱਤੇ ਤੁਰਦਿਆਂ ਦਿਸਿਆ
ਆਪਣਾ ਹੀ ਅਕਸ

ਜਗਰਾਜ ਸਿੰਘ ਨਾਰਵੇ