Daily Archives: 07/27/2012

ਫੋਟੋ

27 ਸ਼ੁੱਕਰਵਾਰ ਜੁਲਾ. 2012

Posted by in ਜੀਵਨ/Life, ਵਿਵਹਾਰ, ਸਹਿਜਪ੍ਰੀਤ ਮਾਂਗਟ

≈ ਟਿੱਪਣੀ ਕਰੋ

ਸਿਲਾਈ ਮਸ਼ੀਨ-
ਸ਼ਹੀਦ ਦੀ ਵਿਧਵਾ ਨਾਲ
ਫੋਟੋ ਖਿਚਵਾ ਰਹੇ

ਸਹਿਜਪ੍ਰੀਤ ਮਾਂਗਟ

ਡਰੈਗਨਫਲਾਈ

27 ਸ਼ੁੱਕਰਵਾਰ ਜੁਲਾ. 2012

Posted by in ਕੁਦਰਤ/Nature, ਜੀਵ-ਜੰਤ, ਰਣਜੀਤ ਸਿੰਘ ਸਰਾ, ਵਰਖਾ

≈ ਟਿੱਪਣੀ ਕਰੋ

ਭਾਰੀ ਮੀਂਹ ਬੰਦ 
ਮੇਰੇ ਪੱਟ ‘ਤੇ ਕੁਝ ਦੇਰ ਟਿਕਕੇ
ਉੱਡੀ ਡਰੈਗਨਫਲਾਈ 

heavy rain stops
resting for a while a dragonfly
takes off from my thigh

ਰਣਜੀਤ ਸਿੰਘ ਸਰਾ

ਫੁੱਲ

27 ਸ਼ੁੱਕਰਵਾਰ ਜੁਲਾ. 2012

Posted by in ਕੁਦਰਤ/Nature, ਫੁੱਲ, ਰਣਜੀਤ ਸਿੰਘ ਸਰਾ, ਹਵਾ

≈ ਟਿੱਪਣੀ ਕਰੋ

ਸਾਉਣ ਸਵੇਰੀ ਬੁੱਲੇ 
ਟੁੱਟਕੇ ਕੁਝ ਪਲ ਉੱਡਿਆ 
ਬੋਗਨਵਿਲੀਆ ਦਾ ਫੁੱਲ 

Sawan morning gusty wind
bougainvillea flower flies for a moment
before settling on the street
ਰਣਜੀਤ ਸਿੰਘ ਸਰਾ

27 ਸ਼ੁੱਕਰਵਾਰ ਜੁਲਾ. 2012

Posted by in ਅਮਰਜੀਤ ਸਾਥੀ, ਕੁਦਰਤ/Nature, ਜੀਵ-ਜੰਤ, ਮਾਂ

≈ ਟਿੱਪਣੀ ਕਰੋ

ਕੁਝ ਦਿਨ ਹੋਏ ਘਰ ਦੇ ਪਿਛਵਾੜੇ (backyard) ਵਿਚ ਸਾਹੀ ਨੇ ਤਿੰਨ ਬੱਚੇ (bunny) ਦਿੱਤੇ। ਜਿਨ੍ਹਾਂ ਨੂੰ ਅਚਾਨਕ ਵੇਖ, ਫੁੱਲਾਂ ਨੂੰ ਪਾਣੀ ਦੇਂਦੀ, ਸੁਰਿੰਦਰ (ਮੇਰੀ ਜੀਵਨ ਸਾਥਣ) ਪਹਿਲਾਂ ਤਰਭਕੀ ਫਿਰ ਗਦ-ਗਦ ਹੋ ਗਈ। ਸਾਹੀ ਸਵੇਰੇ ਸ਼ਾਮ ਲੁਕਦੀ ਛਿਪਦੀ ਅਪਣੇ ਬੱਚਿਆਂ ਨੂੰ ਮਿਲਣ ਆਉਂਦੀ। ਕੱਲ੍ਹ ਸ਼ਾਮ ਸੁਰਿੰਦਰ ਨੇ ਮੈਨੂੰ ਚੁਪਕੇ ਜੇ ਆ ਕੇ ਕਿਹਾ “ਆਓ ਤੁਹਾਨੂੰ ਕੁਝ ਵਿਖਾਵਾਂ।” ਪਿਛਵਾੜੇ ਵਿਚ ਸਾਹੀ ਅਪਣੇ ਬੱਚਿਆਂ ਨੂੰ ਦੁੱਧ ਚੁੰਘਾ ਰਹੀ ਸੀ। ਸੁਰਿੰਦਰ ਨੇ ਕੁਝ ਕਿਹਾ ਤਾਂ ਮੈਂ ਉਸ ਦੀਆਂ ਸਿਲ੍ਹੀਆਂ ਅੱਖਾਂ ਵਲ ਵੇਖਿਆ।


ਸਹੀ ਚੁੰਘਾਵੇ ਦੁੱਧ –
ਛਾਤੀ ‘ਤੇ ਹੱਥ ਧਰਕੇ ਉਸਨੇ 
ਕਿਹਾ ‘ਹਾਏ ਮਮਤਾ’

ਅਮਰਜੀਤ ਸਾਥੀ

ਤੁਪਕਾ

27 ਸ਼ੁੱਕਰਵਾਰ ਜੁਲਾ. 2012

Posted by in ਅਰਵਿੰਦਰ ਕੌਰ, ਕੁਦਰਤ/Nature, ਵਰਖਾ

≈ ਟਿੱਪਣੀ ਕਰੋ

੧.ਨਿੱਕੀ ਨਿੱਕੀ ਕਣੀ –
ਧੌਣ ਤੋਂ ਤਿਲਕਿਆ 
ਇੱਕ ਤੁਪਕਾ 
੨. ਨਿੱਕੀ ਨਿੱਕੀ ਕਣੀ –
ਧੋਣ ਤੇ ਤਿਲਕਿਆ 
ਜ਼ੁਲਫ਼ਾਂ ਚ ਉਲਝਿਆ ਤੁਪਕਾ

ਅਰਵਿੰਦਰ ਕੌਰ