ਟੁਣਕਾਰ

ਸਲ੍ਹਾਬੀ ਹਵਾ ਦਾ ਬੁੱਲਾ 
ਨਮੋਲੀਆਂ ਦੀ ਦੜਕ ਦੜਕ ‘ਚ
ਵਿੰਡਚਾਈਮ ਦੀ ਟੁਣਕਾਰ

a gust of damp wind
sound of falling margosa seeds
with tinkles of wind-chimes
ਰਣਜੀਤ ਸਿੰਘ ਸਰਾ

ਚੁੱਟਕੀ

ਮਸਤੀ ਵਿੱਚ 
ਬੱਚੀ ਵਜਾਵੇ ਚੁੱਟਕੀ~
ਮੇਰੇ ਹੱਥ ਖਾਲੀ

ਸਰਬਜੀਤ ਸਿੰਘ ਖਹਿਰਾ

ਕੜਛੀ

ਭਾਂਡਿਆਂ ਵਿੱਚ 
ਖੂਬ ਖੜਕਾਈ ਕੜਛੀ~
ਇੱਕ ਨਜ਼ਰ ਲਈ

ਸਰਬਜੀਤ ਸਿੰਘ ਖਹਿਰਾ

ਸਮਾਈਲੀ

ਅਰਧ ਚੰਦ੍ਰਮਾ-
ਕੁੱਕੜ-ਘਾਂਗੜੇ ਵਾਹੁੰਦਾ ਬੱਚਾ
ਵਾਹ ਗਿਆ ਇੱਕ ਸਮਾਈਲੀ

ਜਗਰਾਜ ਸਿੰਘ ਨਾਰਵੇ

ਪੱਖੀ

ਤ੍ਰੇਲਿਆ ਮੱਥਾ –
ਬੰਦ ਹਵਾ ਵਿਚ 
ਪੱਖੀ ਘੁੰਗਰੂਆਂ ਵਾਲੀ

ਤੇਜਿੰਦਰ ਸੋਹੀ

ਬਿਹਰੀ

ਪਾਣੀ ਦਾ ਤਲ-
ਆਪਣੇ ਅਕਸ ਨਾਲ ਟਕਰੋਦਿਆ
ਅਲੋਪ ਹੋਇਆ ਬਿਹਰੀ

ਰਾਜਿੰਦਰ ਸਿੰਘ ਘੁੱਮਣ

ਫੁੱਲ

ਰੁਮਕੇ ਹਵਾ 
ਕਿਰਣ ਕਨੇਰ ਤੋਂ 
ਪੀਲੇ ਫੁੱਲ

ਸੁਖਵਿੰਦਰ ਵਾਲੀਆ

ਆਸ਼ੀਰਵਾਦ-

ਸਦਾ ਸੁਹਾਗਣ ਰਹੁ 
ਸੱਸ ਦੇਵੇ ਆਸ਼ੀਰਵਾਦ-
ਹਸਪਤਾਲੋਂ ਆਈ ਨੂੰਹ

ਸੁਰਿੰਦਰ ਸਪੇਰਾ

ਚਾਨਣ

ਉਨੀਂਦਰਾ-
ਤਾਕੀ ਵਿਚੋਂ ਛਣਦਾ 
ਭੋਰਾ ਭੋਰਾ ਚਾਨਣ

ਅਰਵਿੰਦਰ ਕੌਰ