ਸਰਹੱਦ

ਸਰਹੱਦੀ ਚੌਂਕੀ ‘ਚ ਸੁਣੇ
ਇੱਕ ਪਾਸੇ ਮੁੱਲਾ ਦੀ ਬਾਂਗ
ਦੂਜੇ ਮੰਦਿਰ ‘ਚ ਟੱਲੀਆਂ

ਇੰਦਰਜੀਤ ਸਿੰਘ ਪੁਰੇਵਾਲ

ਇਸ਼ਤਿਹਾਰ

ਪਾਣੀ ਪੱਲਾ

ਵਰ੍ਹਦਾ ਮੀਂਹ
ਪਾਣੀ ਪੱਲੇ ‘ਚ ਲੁਕਿਆ
ਦਰਸ਼ਨੀ ਚਿਹਰਾ

ਗੁਰਮੀਤ ਸੰਧੂ

ਫਕੀਰ

ਸੰਧੂਰੀ ਸਵੇਰ
ਫਕੀਰ ਦੇ ਕਾਸੇ ਚੋ ਆਵੇ
ਫੁੱਲਾਂ ਦੀ ਖੁਸ਼ਬੋ

ਤੇਜੀ ਬੇਨੀਪਾਲ

ਟੋਪ

ਪਹਿਨ ਕੇ ਵੇਖੇ
ਮਰਦਾਂ ਵਾਲਾ ਟੋਪ
‘ਕੱਲੀ ਮੁਸਕਾਵੇ

Trying on 
A mens hat
Smiles by herself

पहन कर देखे 
मर्दों का टोप 
अकेली मुस्कराए

ਜਗਜੀਤ ਸੰਧੂ 

ਮੀਂਹ

ਅੰਮ੍ਰਿਤ ਵੇਲੇ 
ਬੈਠੀ ਅੱਖੀਆਂ ਮੀਟ
ਮੀਂਹ ਦੀ ਅਵਾਜ

ਅਵੀ ਜਸਵਾਲ

ਯਾਦ

ਉਹਦੀ ਯਾਦ –
ਬੁੱਕ ਵਿੱਚ ਭਰੀ 
ਪਹਿਲੀ ਬਾਰਿਸ਼

ਅਰਵਿੰਦਰ ਕੌਰ

ਅੰਗੂਠੀ

ਕੈਂਡਲ ਲਾਇਟ ਡਿੰਨਰ
ਅੱਖ ਬਚਾ ਓਹਦੀ ਪਲੇਟ ਚ ਰੱਖੀ
ਹੀਰੇ ਦੀ ਅੰਗੂਠੀ

ਜਗਦੀਪ ਸਿੰਘ ਮੁੱਲਾਂਪੁਰ

ਡ੍ਰਾਇਵਿੰਗ

ਦੁਪਹਿਰੇ ਡ੍ਰਾਇਵਿੰਗ
ਰੇਲ ਦੀ ਲੀਹ ‘ਤੇ ਤੇਜ਼ ਰਫ਼ਤਾਰ
ਗਰਮੀ ਦਾ ਸੂਰਜ
–
noon driving
speeding summer Sun
on the rail track

ਰਣਜੀਤ ਸਿੰਘ ਸਰਾ

ਮੰਜਾ

ਨਿੰਮ ਥੱਲੇ 
ਬੇਬੇ ਦਾ ਮੰਜਾ 
ਸੰਘਣੀ ਛਾਂ

ਜਗਰਾਜ ਸਿੰਘ ਨਾਰਵੇ