ਕੋਇਲ

ਮਹਿਬੂਬ ਦਾ ਪਿੰਡ
ਸੰਘਣੇ ਬੋੜ੍ਹ ‘ਚ ਕੋਇਲ ਦੀ
ਕਿੰਨੀ ਲੰਮੀ ਕੂਕ

ਰਣਜੀਤ ਸਿੰਘ ਸਰਾ

ਛੜਾ

ਕਿਸਮਤ ਪੁੜੀ– 
ਛੜੇ ਨੂੰ ਨਿਕਲੀ 
ਨੇਲ ਪੌਲਿਸ਼

ਜਗਰਾਜ ਸਿੰਘ ਨਾਰਵੇ

ਪਰਛਾਵਾਂ

ਬਿਰਖ ਤੇ ਲਕੱੜਹਾਰਾ 
ਵਗਦੀ ਨਦੀ ਵਿਚ 
ਦੋਹਾਂ ਦਾ ਪਰਛਾਵਾਂ

ਅਰਵਿੰਦਰ ਕੌਰ

ਸਤਵਿੰਦਰ ਸਿੰਘ ਦੇ 5 ਹਾਇਕੂ

ਸੁੱਟਿਆ ਕੰਕਰ 
ਹਵਾ ‘ਚ ਉਭਰੇ 
ਪਾਣੀ ਦੇ ਦੋ ਛਿੱਟੇ

ਢਲਦੀ ਸ਼ਾਮ 
ਘਰਾਂ ਨੂੰ ਮੁੜੀਆਂ
ਚੁਗ ਕਣਕਾਂ ਦੇ ਸਿੱਟੇ 

ਮਾਂ ਦੀ ਬਰਸੀ 
ਜ਼ਹਿਨ ‘ਚ ਆਇਆ 
ਦੁਰ ਤੇਰਾ ਮੂੰਹ ਫਿੱਟੇ 
—

ਸੰਦਲੀ ਸ਼ਾਮ 
ਨਿਹਾਰੀ ਜਾਵੇ ਛੜਾ
ਗੋਰੀ ਦੇ ਗਿੱਟੇ 

ਚੜ੍ਹਦਾ ਸੂਰਜ 
ਹੋਂਠ ਉਨਾਭੀ 
ਲਿਸ਼ਕ ਰਹੇ ਦੰਦ ਚਿੱਟੇ 

ਸਤਵਿੰਦਰ ਸਿੰਘ

ਅੰਬ

ਰੇਹੜੀ ‘ਤੇ ਅੰਬ
ਮਾਂ ਦੀ ਫੜੀ ਉਂਗਲ਼
ਦੁਪੱਟਾ ਖਿੱਚੇ

ਪ੍ਰੇਮ ਮੈਨਨ

ਸੁਰੰਗ

ਰੋਸ਼ਨੀ ਦਿਸੀ
ਜਿਉਂ ਹੀ ਖਤਮ ਹੋਈ
ਹਨੇਰੀ ਸੁਰੰਗ

ਇੰਦਰਜੀਤ ਸਿੰਘ ਪੁਰੇਵਾਲ

ਚੁੰਨੀ

ਮਾਹੀ ਦੀ ਫੋਟੋ
ਲਾਉਂਦੀ ਚੁੰਨੀ ਨੂੰ ਗੋਟਾ
ਹੱਸੇ ‘ਕੱਲੀ

ਗੀਤ ਅਰੋੜਾ

ਚੁੰਨੀ

ਸਿਖਰ ਦੁਪਹਿਰ 
ਉਹਦੇ ਸਿਰ ਤੇ 
ਗੁਲਮੋਹਰ ਰੰਗੀ ਚੁੰਨੀ

ਅਰਵਿੰਦਰ ਕੌਰ

ਧੁੱਪ

ਪੀਲਾ ਗੁਲਾਬ 
ਸਿੱਖਰ ਦੀ ਧੁੱਪ 
ਦੋਵੇ ਇਕਮਿਕ

ਰਘਬੀਰ ਦੇਵਗਨ

ਕਾਰ ਸੇਵਾ

ਕਣਕ ਘਰ ਆਈ
ਨਾਲ ਹੀ ਆਏ
ਕਾਰ ਸੇਵਾ ਵਾਲੇ

ਬਲਜੀਤ ਪਾਲ ਸਿੰਘ

ਕੈਦੀ

ਜੇਲ੍ਹ ‘ਚ ਕੈਦੀ
ਵੇਖ ਰਿਹਾ ਖੁੱਲਾ ਆਸਮਾਨ 
ਤੇ ਉੱਡਦਾ ਪੰਛੀ 

ਮਨਦੀਪ ਮਾਨ