ਗੱਡੀ ਦੀ ਲਾਈਟ

ਹਨੇਰੀ ਰਾਤ–
ਗੱਡੀ ਦੀ ਲਾਈਟ ‘ਚੋਂ
ਗੁਜ਼ਰਦੇ ਰੁੱਖ

ਪੁਸ਼ਪਿੰਦਰ ਪੰਛੀ 

ਚਾਨਣੀ ਰਾਤ

ਚਾਨਣੀ ਰਾਤ–
ਸੁੰਨੇ ਰਾਹ ‘ਤੇ ਤੁਰਦਿਆਂ
ਅੱਗੇ ਪਰਛਾਵਾਂ 

ਪੁਸ਼ਪਿੰਦਰ ਪੰਛੀ 

ਵਿਸਾਖੀ

ਵਿਸਾਖੀ—
ਸੁਨਹਿਰੀ ਕਣਕਾਂ ਤੇ
ਲਿਸ਼ਕਦੀ ਧੁੱਪ

ਪੁਸ਼ਪਿੰਦਰ ਪੰਛੀ

ਫੋਨ

ਪਿੰਡੋਂ ਫੋਨ ਆਇਆ
ਭਤੀਜਾ ਬੋਲੇ
ਪਿਛੇ ਚਿੜੀਆਂ ਚਹਿਕਣ

ਅੰਬਰੀਸ਼ 

ਤਲਾਸ਼

ਅਖਬਾਰ–
ਇੱਕ ਨੁੱਕਰ ‘ਤੇ ਹੋ ਰਹੀ
ਗੁੰਮਸ਼ੁਦਾ ਦੀ ਤਲਾਸ਼ 

ਨਿਰਮਲ ਬਰਾੜ 

ਬੇਚਿਰਾਗ਼ ਪਿੰਡ

ਬੇਚਿਰਾਗ਼ ਪਿੰਡ–
ਚੰਨ ਦੁਆਲੇ ਜੁੜੀ ਹੋਈ
ਤਾਰਿਆਂ ਦੀ ਭੀੜ

ਨਿਰਮਲ ਬਰਾੜ