ਧੀ

ਜਸਦੀਪ ਸਿੰਘ

ਅਲਟਰਾ ਸਾਓੁਡ ਤੋਂ ਬਚਾਈ
ਸੋਹਰਿਆਂ ਨੇ
ਰਾਖ ਦੀ ਮੁਠ ਬਨਾਈ

ਮਜ਼ਾਰ

بر سنگ خیس ِ قبر
چهره ی دختری
نام پدر هم
ਗਿੱਲੇ ਪੱਥਰ ਦੀ ਮਜ਼ਾਰ
ਝੁਕਿਆ ਧੀ ਦਾ ਚੇਹਰਾ
ਬਾਪ ਦੇ ਨਾਮ ਅੱਗੇ

ਸਾਮਾਨੇਹ ਹੁਸੈਨੀ ਜ਼ਾਫਰਾਨੀ
ਅਨੁਵਾਦ – ਕੁਲਜੀਤ ਮਾਨ

ਖ਼ੰਜਰ

ਦੰਗਈ-
ਧਰਮ ਸਥਾਨ ਅੱਗੋਂ ਲੰਘਿਆ
ਲਕੋ ਰਿਹਾ ਖੰਜ਼ਰ

ਨਿਰਮਲ ਬਰਾੜ 

9 ਹਾਇਕੂ ਅਤੇ 1 ਤਾਨਕਾ

ਨੀਲਾ ਚਿੱਟਾ ਅੰਬਰ –
ਪੰਛੀ ਪਤੰਗ ਜਹਾਜ਼ ਧੂਆਂ
ਹਾਲੇ ਥਾਂ ਖਾਲੀ 
—
ਢਲਦੀ ਸਿਆਲ ਦੀ ਧੁੱਪ –
ਗੁਲਦਾਉਦੀ ਦੇ ਪਿਛੇ ਲਿਸ਼ਕਣ 
ਗੁਲਾਬ ‘ਤੇ ਨਿੱਕੀਆਂ ਕਰੂੰਬਲਾਂ 
—-

ਨਿੱਕੀ ਨਿੱਕੀ ਕਣੀ 
ਪੱਤਾ ਪੱਤਾ ਧੋ ਰਹੀ
ਖਤ ਨੇ ਹੰਝੂ ਬੋਚਿਆ 
—–
ਹਉਕਾ ਭਰਿਆ 
ਨਜ਼ਰ ਚੁਰਾ ਕੇ ਆਖਿਆ 
ਚੰਗਾ ਰੱਬ ਰਾਖਾ 
—-
ਆਖਰੀ ਰਾਤ ਪੋਹ ਦੀ –
ਬੂਹੇ ਨੂੰ ਕੁੰਡਾ ਵੱਜਿਆ ਹੋਇਆ 
ਅੱਖ ਖੁੱਲੀ ਚੁਪੱਟ
—-
ਲੋਹੜੀ –
ਦਿਨ ਖਿੜਿਆ ਖਿੜਿਆ 
ਮੰਗਤਿਆਂ ਦੀ ਬਸਤੀ 
—-
ਸੂਰਜ ਹੋਰ ਮਘਿਆ 
ਬਾਰੀਆਂ ਖੁੱਲ੍ਹੀਆਂ ਅੱਖਾਂ ਬੰਦ 
ਹਾਲੇ ਹਨੇਰਾ ਨਹੀਂ ਗਿਆ 
—-
ਬੱਦਲਾਂ ਵਿਚ ਜਹਾਜ਼ 
ਖੇਤ ਵੇਖ ਹਉਕਾ ਭਰਿਆ
ਮੂੰਹ ਫੇਰ ਅੱਖਾਂ ਮੀਟੀਆਂ 
— 
ਸੁੱਜੇ ਅੱਖਾਂ ਦੇ ਕੋਏ
ਚੰਨ ਓਹਲੇ ਚਿੱਟੀ ਬਦਲੋਟੀ 
ਵੇਖੇ ਚਿੱਟੀ ਚੁੰਨੀ ਵਾਲੀ 
—-
ਤਾਨਕਾ :-

ਲੋਹੜੀ ਦਾ ਦਿਨ 
ਗਲੀ ਬਜ਼ਾਰ ਮੈਲੇ ਬੱਚੇ 
ਹਥ ਖੀਸੇ ਨਾ ਪਾਂਵਾਂ 
ਮਨ ਚ ਬਟੂਆ ਟੋਹ 
ਝੂਠੀ ਖਿਝ ਦਖਾਵਾਂ

ਸੁਰਮੀਤ ਮਾਵੀ

ਕਾਲ ਚਕਰ

ਚਰਨ ਗਿੱਲ

ਟੂ ਇਨ ਵਨ
ਭਵਿੱਖ ਅਤੇ ਹਿਰਾਸਤ ਵਿੱਚ
ਅਤੀਤ : ਵਰਤਮਾਨ

ਕੋਮਲਤਾ

ਜਸਦੀਪ ਸਿੰਘ

ਕੋਮਲ ਤੰਦਾਂ ਪ੍ਰੇਮ ਦੀਆਂ
ਘਰ ਦੇਸ਼ ਸੰਸਾਰ
ਜੁੜ ਰਿਹਾ

ਫੁਲ

ਜਸਦੀਪ ਸਿੰਘ

ਕ੍ਰੋਧ ਪ੍ਰੇਮ ਸ਼ਰਧਾ
ਸਾਰੇ ਰੰਗ
ਇਕ ਫੁਲ ‘ਚ ਸਮੋਏ