ਕਾਮਾ

ਰਜਿੰਦਰ ਸਿੰਘ

ਤੋਹਫ਼ੇ ਵੰਡ ਰਿਹਾ
ਸ਼ਾਪਿੰਗ ਮਾਲ ਤੇ
ਇਕ ਭੁੱਖਾ ਕਾਮਾ..

ਇਸ਼ਤਿਹਾਰ

ਭੌਰਾ

ਟੁੱਟੀ ਟਹਿਣੀ…

ਕੁਮਲਾਏ ਫੁੱਲ ‘ਤੇ

ਭੌਰਾ ਮੰਡਰਾਏ

ਇੰਦਰਜੀਤ ਸਿੰਘ ਪੁਰੇਵਾਲ

ਮਦਰੱਸਾ

ਮਦਰਸੇ ਜਾਂਦਿਆਂ

ਰਾਹ ਵਿਚ ਖੇਡੇ

ਚੁੱਪ ਕਰਕੇ…

ਕੁਲਜੀਤ ਮਾਨ

ਘਰਾਟ

ਟਿੱਕੀ ਰਾਤ… 

ਦੂਰ ਨਹਿਰ ਤੋਂ ਆਵੇ 

ਘਰਾਟਾਂ ਦੀ ਆਵਾਜ਼

ਰਜਵੰਤ ਸਿੱਧੂ

ਡੋਲੂ

ਦੁੱਧ ਦਾ ਡੋਲੂ 

ਨਿੱਤ ਸੰਤਾਂ ਦੇ ਡੇਰੇ

ਬਾਪੁ ਔਖਾ ਚਾਹ ਤੋਂ 

ਰਾਜੇਸ਼ ਮੋਂਗਾ

ਬੁਰਕੀ

ਰੱਬ ਧਿਆਵੇ 

ਪਾ ਪੰਛੀ ਨੂੰ ਬੁਰਕੀ 

ਮਗਰੋਂ ਖਾਵੇ

ਸੰਜੇ ਸਨਨ

ਗ੍ਰਹਿਣ

ਗ੍ਰਹਿਣ ਤੋਂ ਪਹਿਲਾਂ

ਢੌਂਸੀ ਦੇ ਕੇ ਗਿਆ

ਕੁਸੇ ਦੇ ਡੱਕੇ

ਰਾਹੁਲ ਕਟਾਹਰੀ

ਨਾਨਕੇ

ਧੁੱਪੇ ਬੈਠੇ

ਖਾਣ ਮੁੰਗਫਲੀ

ਨਾਨਕੇ ਆਏ ਨਿਆਣੇਂ

ਸੁਖਵਿੰਦਰ ਵਾਲੀਆ

ਹੇਕਾਂ

ਵਿਆਹ ਵਾਲਾ ਘਰ…

ਦੁੱਧ ਕੜ੍ਹਨ ਦੀ ਖੁਸ਼ਬੂ

ਹੇਕਾਂ ਦੀ ਅਵਾਜ਼

ਸੁਖਵਿੰਦਰ ਵਾਲੀਆ

ਕੰਗਣ

ਸਾਂਭਕੇ ਰੱਖ ਰਹੀ

ਸੱਸ ਦਾ ਦਿਤਾ ਕੰਗਣ

ਆਪਣੀ ਨੂੰਹ ਲਈ 

ਸੁਵੇਗ ਦਿਓਲ

ਘਰ

ਘਰ ਪਰਤਿਆਂ

ਕੋਨੇ ਵਿਚ ਦਿਸਿਆ 

ਨਵਾਂ ਗੁਲਾਬ

ਅਰਵਿੰਦਰ ਕੌਰ

ਇੰਤਜਾਰ

ਕੁਲਜੀਤ ਮਾਨ

ਕਰ ਰਹੀ ਇੰਤਜਾਰ
ਡੋਡੀਆਂ ਖਿੜਨ ਦਾ
ਬਸ ਕੁਝ ਦਿਨ ਹੋਰ…

ਕਵਿਤਾ

ਕੁਲਜੀਤ ਮਾਨ

ਕਵਿਤਾ ਘੜਦਿਆਂ
ਮਿਟਾ ਦਿੱਤਾ ਸ਼ਬਦ
ਆਪਣੇ ਆਪ ਆਇਆ…

ਪਿੰਜਰਾ

ਸੁਰਿੰਦਰ ਸਪੇਰਾ

ਦੋ ਵਿਚ ਪਾਉਂਦੇ ਸੀ ਰੌਲਾ
ਇਕ ਪਿੰਜਰੇ ਵਿੱਚ
ਬੈਠੇ ਚੁੱਪਚਾਪ