ਬਾਲ-ਮਜ਼ਦੂਰੀ

ਲਾਲੀ ਕੋਹਾਲਵੀ

ਸਰਕਾਰਾਂ ਦੇ ਦਾਅਵੇ
ਓੱਡੇ ਹਵਾਂ ‘ਚ
ਬਾਲ ਕਰਨ ਮਜਦੂਰੀ

ਮਕੜੀ-ਜਾਲ

ਜਸਦੀਪ ਸਿੰਘ

ਲੱਭ ਰਿਹਾ
ਬਾਹਰ ਨਿਕਲਣ ਦਾ ਰੱਸਤਾ
ਚੱਕਰਵੀਓ ਚੋਂ

ਮੁਸਕਾਨ

ਜਸਦੀਪ ਸਿੰਘ

ਥਕਦੇ ਨਹੀ ਪਾਪਾ
ਸਮਾਇਲ ਪਲੀਜ਼ ਕਹਿੰਦੇ
ਹਾਇ ਮੈਂ ਕੀ ਕਰਾਂ…

ਖੇਤੀ

ਡਿੰਪੀ ਸਿਧੂ

Karke beejai
ho gye vehle
main te mera tractor
ਕਰਕੇ ਬਿਜਾਈ
ਹੋ ਗਏ ਵੇਹਲੇ
ਮੈਂ ਤੇ ਮੇਰਾ ਟਰੈਕਟਰ…

ਹਨੇਰੀ

ਤੂਫਾਨੀ ਹਨੇਰੀ…

ਸਵੇਰ ਦੇ ਲਹਿਲੁਹਾਉਂਦੇ ਖੇਤ 

ਵਿਛੇ ਧਰਤ ‘ਤੇ 

ਗੀਤ ਅਰੋੜਾ

ਸਕੀਇੰਗ

poh da mahina
mudko mudki hoye
ski krde

ਪੋਹ ਦਾ ਮਹੀਨਾ
ਮੁੜ੍ਹਕੋ ਮੁੜ੍ਹਕੀ ਹੋਏ
ਸਕੀ ਕਰਦੇ

Canadian winter
staying warm by skiing
Banff National park

ਅਵੀ ਜਸਵਾਲ

ਕੂੰਜਾਂ

ਦੇਖ ਰਹੀ

ਉੱਡਦੀ ਕੂੰਜਾਂ ਦੀ ਡਾਰ

ਡੋਲੀ ‘ਚੋਂ

ਅਮਰਾਓ ਸਿੰਘ ਗਿੱਲ

ਕਰੁੰਬਲ

ਸੁੱਕੇ ਰੁੱਖ ‘ਤੇ

ਫਿਰ ਫੁੱਟੀ

ਇੱਕ ਕਰੁੰਬਲ

ਹਰਿੰਦਰ ਅਨਜਾਣ

ਲਹਿਰਾਂ

ਸਮੁੰਦਰ ਕੰਢੇ ਤੱਕਾਂ

ਆਉਂਦੀਆਂ ਲਹਿਰਾਂ

ਜਾਂਦੀਆਂ ਕਿਸ਼ਤੀਆਂ

ਹਰਵਿੰਦਰ ਤਤਲਾ

ਮੁੱਕੀ ਆਸ

ਮੁੱਕੀ ਹਰ ਆਸ

ਪੁੱਤ ਦੀ ਬਲਦੀ ਚਿਤਾ

ਪਿਉ ਬੈਠਾ ਉਦਾਸ

ਸੰਜੇ ਸਨਨ

ਕਿਤਾਬ

ਕਵਿਤਾ ਦੀ ਕਿਤਾਬ 

ਆਖਰੀ ਪੰਨਾ 

ਨਿਰਾ ਸਫੇਦ 

ਅਰਵਿੰਦਰ ਕੌਰ

ਚਿੜੀ

ਸਰਹੱਦ ‘ਤੇ

ਚਿੜੀ ਚੁਗਕੇ ਦਾਣਾ

ਉੱਡੀ ਦੂਜੇ ਪਾਸੇ

ਜਤਿੰਦਰ ਲਸਾੜਾ

ਖੂਹਾ ਬੋਲ੍ਹ

ਰੱਜ ਕੇ ਆਇਆ 

ਘਰਵਾਲੀ ਨੂੰ ਆਖੇ 

ਖੂਹਾ ਬੋਲ੍ਹ

ਜਗਰਾਜ ਸਿੰਘ ਨੌਰਵੇ

ਨਦੀ

ਸਹਿਜ ਵਗਦੀ ਨਦੀ-

ਸੁੱਟਿਆ ਪੱਥਰ

ਪੈਣ ਘੁੰਮਣ ਘੇਰੀਆਂ

ਸੁਰਜੀਤ ਕੌਰ

ਸੀਖਾਂ

ਕੁੜੀ ਸਿੱਖ ਰਹੀ ਫੁਲਕਾਰੀ

ਧੁਪ ਨਾਲ ਵਰਾਂਡੇ `ਚ

ਮੋਘੇ ਦੀਆਂ ਸੀਖਾਂ…

ਕੁਲਜੀਤ ਮਾਨ

ਪੰਛੀ

ਸ਼…..ਸ਼ਸ਼..ਸ਼ਾਂਤ

ਤਸਵੀਰ ਚੋਂ ਪੰਛੀ

ਕਿਤੇ ਉੱਡ ਨਾ ਜਾਣ

ਜਗਜੀਤ ਸੰਧੂ

ਖਤ

ਪੜ੍ਹ ਰਹੀ

ਸ਼ਹੀਦ ਪਤੀ ਦੀ

ਆਖਰੀ ਚਿੱਠੀ

ਇੰਦਰਜੀਤ ਸਿੰਘ ਪੁਰੇਵਾਲ

ਰਜਾਈ

ਸੀਤ ਸਰਦ ਰੁੱਤ

ਵਿਛੀ ਕੁਦਰਤੀ ਚਿੱਟੀ ਰਜ਼ਾਈ

ਹੇਠ ਵਗੇ ਦਰਿਆ

ਸੁਵੇਗ ਦਿਓਲ

ਫੋਟੋ

ਸਰਦ ਸਵੇਰ –

ਧੂਣੀ ਚ ਠੰਢੀ ਸਵਾਹ

ਬਟੂਏ ‘ਚ ਤੇਰੀ ਫੋਟੋ

ਸੁਰਮੀਤ ਮਾਵੀ

ਸ਼ੀਸ਼ਾ

ਮੱਥੇ ਤਿਉੜੀ

ਮੁੱਛ ਤੇ ਹੱਥ

ਸ਼ੀਸ਼ੇ ਨੂੰ ਘੂਰੇ

ਬਲਜਿੰਦਰ ਜੌੜਕੀਆਂ

 

ਪੀੜ੍ਹੀ

ਸਰਦ ਗਹਿਰੀ ਧੁੰਦ…

ਛੋਟਾ ਚਾਚਾ ਵੀ ਤੁਰ ਗਿਆ

ਪੁਰਾਣੀ ਪੀੜ੍ਹੀ ਖਾਲੀ

ਅਮਰਜੀਤ ਸਾਥੀ

ਬੋੜੀ

ਬੋੜੀ ਮਾਈ–

ਕਿੱਦਾ ਗੰਨੇ ਚੂਪਦੀ ਸੀ

ਸੁਣਾ ਰਹੀ ਕਹਾਣੀ

ਰਾਜਿੰਦਰ ਸਿੰਘ ਘੁੱਮਣ

ਪੱਖੀ

ਚੂੜੇ ਵਾਲੀ ਝੱਲੇ

ਘੁੰਗਰੂਆ ਵਾਲੀ ਪਖੀ

ਚੀਰੇਵਾਲਾ ਘੂਕ ਸੁੱਤਾ

ਵਿੱਕੀ ਮਾਨ

ਗਿੱਧਾ

ਗੱਭਰੂ ਕਨੇਡਾ ਦੇ

ਧੋਤੀ ਪੱਗ ਚਿੱਟੀ ਦਾਹੜੀ ਲਾ

ਪਾਉਣ ਗਿੱਧਾ ਮਲਵਈ

ਸੁਵੇਗ ਦਿਓਲ

ਪੰਛੀ

ਅਨਜਾਨ ਪੰਛੀ —

ਸੁਣ ਰਿਹਾ ਓਸਦਾ

ਮਨਮੋਹਕ ਗੀਤ

ਰਾਜਿੰਦਰ ਸਿੰਘ ਘੁੱਮਣ

ਚੁੰਨੀ

ਖੜ੍ਹੀ ਵਿੱਚ ਦਰ

ਸਹੁਰਾ ਆਉਂਦਾ ਦੇਖ 

ਲਈ ਚੁੰਨੀ ਸਿਰ

ਸੰਜੇ ਸਨਨ

ਛਿਟੀਆਂ

ਟੋਭੇ ਕੰਢੇ

ਨਵਾਂ ਵਿਆਹਿਆ ਜੋੜਾ

ਛਿਟੀਆਂ ਖੇਡੇ

ਤੇਜੀ ਬੇਨੀਪਾਲ

ਸ਼ਬਦ

ਕਵਿਤਾ ਘੜਦਿਆਂ

ਮਿਟਾ ਦਿੱਤਾ ਸ਼ਬਦ

ਆਪਣੇ ਆਪ ਆਇਆ…

ਕੁਲਜੀਤ ਮਾਨ

ਠੁਰ ਠੁਰ

ਠੁਰ ਠੁਰ ਕਰ ਅਖਬਾਰਾਂ ਵੰਡੇ

ਪਹਿਲੀ ਖ਼ਬਰ 

ਠੰਡ ਨਾਲ ਮੌਤਾਂ

ਹਰਿੰਦਰ ਅਨਜਾਣ

ਪਿੰਡ

ਰਾਤ ਸਿਖਰ ‘ਤੇ 
ਦੂਰ ਪਹਾੜੀਂ ਪਿੰਡ ਜਗਮਗਾਵੇ
ਦੁਆਲੇ ਮੇਰੇ ਤਾਰੇ

ਸੁਰਮੀਤ ਮਾਵੀ

ਕੰਧ

ਵੇਹੜੇ ਦੇ ਵਿਚ ਕੰਧ
ਤੁਹਾਡਾ ਕਖ ਨਾ ਰਹੇ
ਮਾਂ ਬੋਲੀ

ਕ਼ਮਰ ਉਜ ਜ਼ਮਾਨ

ਕਿਣ ਮਿਣ

ਕਿਣ ਮਿਣ ਕਾਣੀ
ਸਤਰੰਗੀ ਪੀਘ
ਧੁੰਦਲਾ ਸੂਰਜ

ਤੇਜੀ ਬੇਨੀਪਾਲ

ਅੱਖਰ

ਦੋਵੇਂ ਵੇਖ ਰਹੇ
ਰੇਤ ‘ਤੇ ਨਾਮ ਲਿਖ
ਹਵਾ ‘ਚ ਉੱਡਦੇ ਅੱਖਰ

ਇੰਦਰਜੀਤ ਸਿੰਘ ਪੁਰੇਵਾਲ

ਧੂਣੀ

ਪੋਤੇ ਨੂੰ ਨਿਮੋਨੀਆ
ਦਾਦੀ ਦੇਵੇ ਗੁੱਗਲ ਦੀ ਧੂਣੀ
ਸਾਰੇ ਘਰ ਵਿਚ

ਸੁਰਿੰਦਰ ਸਪੇਰਾ 

ਲਾਵਾਂ

ਲਾਵਾਂ ਤੋਂ ਬਾਅਦ 

ਰਾਗੀਆਂ ਨੇ ਗਾਇਆ ਆਖਰੀ ਸ਼ਬਦ 

ਵਿਆਹ ਹੁਆ ਮੇਰੇ ਬਾਬੁਲਾ 

ਮਨਦੀਪ ਮਾਨ 

ਮੰਜਾ

ਨਿੰਮ ਦੇ ਪਰਛਾਵੇ
ਨਾਲ ਘੁੰਮ ਰਿਹਾ
ਬਜੁਰਗ ਦਾ ਮੰਜਾ

ਰਾਹੁਲ ਕਟਾਹਰੀ