ਕੀੜੀਆਂ

ਕੀੜੀਆਂ ਦੀ ਲਾਈਨ

ਬਾਲ ਰੋਕੇ ਰਸਤਾ

ਕੀੜੀਆਂ ਨਾ ਰੁਕਣ

ਗੀਤ ਅਰੋੜਾ

ਬਬੀਹਾ

ਤਾਕੀ ਵਿਚੋਂ 

ਛਣਦੀ ਚਾਨਣੀ 

ਬਬੀਹਾ ਬੋਲ ਰਿਹਾ

ਅਰਵਿੰਦਰ ਕੌਰ

ਲੱਡੂ

ਗਿਣੇ ਨਾਲ਼ੇ ਸੁੰਘੇ

ਸ਼ਰੀਕੇ ‘ਚੋਂ ਆਏ

ਭਾਜੀ ਦੇ ਲੱਡੂ

ਦਿਲਰਾਜ ਕੌਰ

ਪਚਝੜ ਦੀ ਹਵਾ

ਪੱਤਝੜ ਦੀ ਹਵਾ 

ਉਡਾ ਕੇ ਲੈ ਗਈ ਪੱਤੇ 

ਟਾਹਣੀਆਂ ਸਖਣੀਆਂ !

ਸਖੀ ਕੌਰ

ਗੋਰੀ

ਦੁੱਧੋਂ ਚਿੱਟੀ…

ਸਨੋਅ ‘ਚ ਖੜੀ

ਕਾਲੇ ਕੱਪੜਿਆਂ ‘ਚ

ਇੰਦਰਜੀਤ ਸਿੰਘ ਪੁਰੇਵਾਲ

ਜੇਠ

ਮਾਹੀ ਤੋਂ 

ਗੁੱਤ ਕਰਵਾ ਰਹੀ

ਜੇਠ ਖੜਾ ਘੂਰੇ

ਅਵੀ ਜਸਵਾਲ

ਗੱਡੀਆਂ ਵਾਲ਼ੀ

ਹਾਇਗਾ: ਦੀਪੀ ਸੰਧੂ

ਚੋਗਾ

ਇਧਰੋਂ ਚੁਗ ਓਧਰ

ਸਰਹੱਦੋਂ ਪਾਰ ਦੇ ਰਹੀ 

ਚੋਗਾ ਇੱਕ ਚਿੜੀ 

ਰਣਜੀਤ ਸਿੰਘ ਸਰਾ

ਚੜ੍ਹਿਆ ਸੂਰਜ

ਚੜ੍ਹਿਆ ਸੂਰਜ

ਨਿਕਲ ਗਈ

ਇਕ ਹੋਰ ਰਾਤ

ਹਾਇਗਾ: ਜਸਦੀਪ ਸਿੰਘ 

ਸਿੱਲ੍ਹੀਆਂ ਅੱਖਾਂ

ਫੋਨ ਸੁਣਿਆ-

ਪਾਵੇ ਅਟੈਚੀ ‘ਚ ਕੱਪੜੇ

ਸਿੱਲ੍ਹੀਆਂ ਅੱਖਾਂ

ਗੁਰਮੀਤ ਸੰਧੂ

ਵਾਰੀ ਦੀ ਉਡੀਕ

ਡਾਕਟਰ ਦੀ ਕਲਿਨਿੱਕ

ਆਪਣੀ ਵਾਰੀ ਦੀ ਉਡੀਕ

ਬੱਚੇ ਬਾਹਰ ਬਰਫ਼ ‘ਚ ਖੇਡਣ

ਸੁਵੇਗ ਦਿਓਲ

ਸਫੈਦੇ

ਬਹਾਰ ਦੇ ਬੁੱਲ੍ਹੇ –

ਸੌੜੀ ਸੜਕ ‘ਤੇ ਸੰਘਣੇ ਸਫੈਦੇ 

ਕਰਣ ਮਿਲਣੀਆਂ

ਸਰਬਜੋਤ ਸਿੰਘ ਬਹਿਲ

ਸਾਇਕਲ

ਮੱਸਿਆ ਦੀ ਰਾਤ

ਸਾਇਕਲ ਚਲਾਵੇ

ਡਾਇਨੇਮੋ ਦਾ ਚਾਨਣ

ਰਵਿੰਦਰ ਰਵੀ

ਵਿਆਹ

ਹੌਲੀ ਹੌਲੀ ਸਮੇਟ ਰਹੀ 

ਵਿਆਹ ਤੋਂ ਪਹਿਲਾਂ ਕੁੜੀ

ਚੀਜ਼ਾਂ ਆਪਣੀਆਂ

ਸੰਜੇ ਸਨਨ

ਗਗਨ ‘ਤੇ ਪੰਛੀ

ਸਮੁੰਦਰ ਕਿਨਾਰਾ

ਤਰ ਰਿਹਾ ਸੁੱਕਾ ਪੱਤਾ

ਗਗਨ ‘ਤੇ ਪੰਛੀ

ਤੇਜੀ ਬੇਨੀਪਾਲ

ਮਿੱਟੀ ਦਾ ਦੀਵਾ

ਹਨੇਰੀ ਰਾਤ
ਕੱਚੇ ਘਰ ਵਿਚ ਬਲ ਰਿਹਾ
ਮਿੱਟੀ ਦਾ ਦੀਵਾ

ਅਨੂਪਿਕਾ ਸ਼ਰਮਾ

ਦਾਣਾ ਮੰਡੀ

ਮਾਂ ਤੇ ਧੀ ਛਾਨਣ ਲੱਗੀਆਂ

ਦਾਣਿਆਂ ਮਿਲੀ ਰੇਤ

ਹਾਇਗਾ: ਚਰਨ ਗਿੱਲ

 

ਖੱਡ ‘ਚ ਰੁੱਖ

ਸੜਕ ਤੋਂ ਨੀਵਾਂ

ਤੱਕ ਰਿਹਾ ਬੱਚਾ

ਹਰਿੰਦਰ ਅਨਜਾਣ

ਕਬੂਤਰ ਜੋੜਾ

ਖੰਭ ਫੜਫੜਾਵੇ

ਕਰੰਟੀ ਤਾਰ ਤੇ ਬੈਠਾ

ਕਬੂਤਰ ਜੋੜਾ…

ਹਾਇਗਾ: ਕੁਲਜੀਤ ਮਾਨ

ਤੜਾਗੀ

ਲਮਕ ਰਹੇ ਚਾਂਦੀ ਦੇ ਘੁੰਗਰੂ 

ਦੋ ਲੋਗੜੀ ਦੇ ਫੁੱਲ

ਹਰਵਿੰਦਰ ਧਾਲੀਵਾਲ

ਕੋਇਲ

ਅੰਬਾ ਦਾ ਬਾਗ

ਕਾਂ ਖੁਆਏ ਚੋਗਾ

ਕੋਇਲ ਸੁਣਾਏ ਰਾਗ

ਰਾਜਿੰਦਰ ਸਿੰਘ ਘੁੱਮਣ