ਰੇਹੜੀ ਵਾਲ਼ਾ

ਗਲ਼ੀ ‘ਚ ਰੇਹੜੀ ਖੜਾ

ਅਚਾਰ ਨਾਲ਼ ਖਾਵੇ ਰੋਟੀ 

ਸਬਜ਼ੀ ਵਾਲ

ਸੁਖਵਿੰਦਰ ਵਾਲੀਆ

 

ਇਸ਼ਤਿਹਾਰ

ਮਲਾਹ

ਉੱਚੀਆਂ ਲਹਿਰਾਂ

ਉੱਛਲੇ ਬੇੜੀ

ਮਲਾਹ ਸ਼ਾਂਤ 

ਮਨਦੀਪ ਮਾਨ

ਗੋਰੇ ਹੱਥ

ਗੁਲਾਬੀ ਚਿਹਰਾ

ਅੱਧਾ ਕੱਜ ਰਹੀ 

ਗੋਰੇ ਹੱਥਾਂ ਨਾਲ

ਸੰਜੇ ਸਨਨ

 

ਪਿਆਰ

a moment of love:

leaned head on shoulder

drops of tear

Daljit Gill

ਪਿਆਰ ਦਾ ਪਲ :

ਮੋਢੇ ‘ਤੇ ਝੁਕਿਆ ਸਿਰ 

ਕਿਰਦੇ ਹੰਝੂ

ਦਲਜੀਤ ਗਿੱਲ

ਅਨੁਵਾਦ: ਰਣਜੀਤ ਸਿੰਘ ਸਰਾ

ਬਾਲ ਦਿਵਸ

ਬੱਚਾ ਮਾਂਜੇ ਭਾਂਡੇ 

ਲੀਡਰ ਬੈਠਾ ਛਕੇ

ਚਰਨਜੀਤ ਜੈਤੋਂ

ਚਿੰਗਾਰੀ

ਅੱਧੀ ਰਾਤ 

ਰਾਖ ਦੀ ਢੇਰੀ 

ਚਮਕੇ ਅਣਬੁੱਝੀ ਚਿੰਗਾਰੀ…

ਤੇਜਿੰਦਰ ਸੋਹੀ

ਬਰਕਤ

ਬਾਬੇ ਨੇ ਬੋਹਲ ‘ਚੋਂ 

‘ਬਰਕਤ’ ਆਖ 

ਭਰਿਆ ਬੱਠਲ

ਜਗਰਾਜ ਸਿੰਘ ਨੌਰਵੇ

ਧੁੰਦ

ਪੋਹ ਦੀ ਰਾਤ…

ਧੁੰਦ ਨੇ ਢਕੀਆਂ

ਕਾਰਾਂ ਤੇ ਝੁੱਗੀਆਂ 

ਗੀਤ ਅਰੋੜਾ

 

 

ਕਰੂੰਬਲਾਂ

ਪੱਤਝੜ ਲੰਘੀ…

ਕੋਸੀ ਧੁੱਪ ਚ ਦਿੱਸਣ

ਕਰੂੰਬਲਾਂ ਫੁੱਟੀਆਂ

ਬਲਜਿੰਦਰ ਜੌੜਕੀਆਂ

ਕੈਂਠਾ

ਗੁੱਤ ਵਿੱਚ ਅੜਿਆ 

ਕੈਂਠੇ ਦਾ ਕੁੰਡਾ 

ਮਾਹੀ ਨੇ ਛੁੜਾਇਆ

ਅਰਵਿੰਦਰ ਕੌਰ 

ਡੂੰਘ

ਲੱਭ ਰਿਹਾਂ

ਝੁਰੜੀਆਂ ‘ਚੋਂ

ਗੱਲ੍ਹਾਂ ਦੇ ਟੋਏ

ਗੁਰਮੀਤ ਸੰਧੂ

ਪਿਓ ਧੀ

ਸੁੱਤੇ ਪਏ ਮਾਂ ਪੁੱਤ

ਗੱਲਾਂ ਕਰ ਰਹੇ

ਪਿਓ ਧੀ

ਰਾਜਿੰਦਰ ਸਿੰਘ

 

ਬੀਬੋ ਸੀਬੋ

ਬੀਬੋ ਸੀਬੋ ਰਲ ਕੇ

ਤੰਦੂਰ ਭਖਾਉਂਦੀਆਂ

ਰੋਟੀਆਂ ਲਾਹੁੰਦੀਆਂ

ਹਾਇਗਾ: ਦੀਪੀ ਸੰਧੂ

ਕੰਬਦਾ ਪਰਛਾਂਵਾਂ

ਅਧਖੜ੍ਹ ਬੀਬੀ

ਪੁਲ ‘ਤੇ ਬਹਿ ਤੱਕੇ

ਕੰਬਦਾ ਪਰਛਾਂਵਾਂ

ਰੇਸ਼ਮ ਸਿੰਘ ਸਾਹਦਰਾ

ਸਿੱਲ੍ਹੀ ਖੁਸ਼ਬੂ

ਤੱਕੇ ਮੀਂਹ ਪੈਂਦਾ

ਬਰਾਂਡੇ ਵਿਚ ਬੈਠੀ

ਸਿੱਲ੍ਹੀ ਖੁਸ਼ਬੂ

ਅਵੀ ਜਸਵਾਲ

ਲੇਰਾਂ

ਸੁੱਤਾ ਸ਼ਹਿਰ
ਲੇਰਾਂ ਨੇ ਪਰੁੰਨੀ
ਕਾਲੀ ਰਾਤ

ਚਰਨ ਗਿੱਲ

ਚੱਕਰ ‘ਚੋਂ ਚਿਹਰਾ

ਪੱਠੇ ਕੁਤਰਦਾ ਰੁਕਿਆ
ਚੱਕਰ ਵਿਚੋਂ ਵੇਖ ਰਿਹਾ
ਰੁੱਗ ਲਾਉਂਦੀ ਦਾ ਮੁਖੜਾ

ਹਰਵਿੰਦਰ ਸਿੰਘ ਧਾਲੀਵਾਲ

ਧੁੰਦਲੀ ਕੰਧ

ਚੜ੍ਹਦੇ ਸੂਰਜ ਥੱਲੇ
ਧੁੰਦਲੀ ਕੰਧ ਬਣਾ ਰਿਹਾ
ਝੁੱਗੀ ‘ਚੋਂ ਧੂੰਆਂ

ਰਣਜੀਤ ਸਿੰਘ ਸਰਾ

ਕੰਢੇ ਦਾ ਫੁੱਲ

ਤੈਰ ਪਿਆ
ਝਰਨੇ ਦੀ ਛੱਲ ਨਾਲ
ਕੰਢੇ ਲੱਗਾ ਫੁੱਲ

ਕੁਲਜੀਤ ਮਾਨ

ਸਾਗਰ ਦੀ ਰੇਤ

ਛੂਹ ਕੇ ਮੁੜੀਆਂ
ਸਾਗਰ ਦੀਆਂ ਲਹਿਰਾਂ
ਪੈਰਾਂ ਹੇਠਲੀ ਰੇਤ

ਅਮਰਾਓ ਗਿੱਲ

ਸ਼ਹਿਦ ਦੀਆਂ ਬੂੰਦਾਂ

ਬੱਚੇ ਮਾਰਨ ਵੱਟੇ
ਬੂੰਦ ਬੂੰਦ ਚੋ ਰਿਹਾ
ਛੱਤੇ ‘ਚੋਂ ਸ਼ਹਿਦ

ਇੰਦਰਜੀਤ ਸਿੰਘ ਪੁਰੇਵਾਲ

ਅਧੂਰਾ ਚੰਨ

ਚੜ੍ਹ ਆਇਆ

ਦੁਮੇਲ ਨੂੰ ਸੁਰਖ ਕਰਦਾ

ਅਧੂਰਾ ਚੰਨ

ਰਣਜੀਤ ਸਿੰਘ ਸਰਾ

ਸੁੰਨੇ ਆਲ੍ਹਣੇ

ਸਰਦ ਰੁੱਤ

ਬੋਟਾਂ ਬਿਨ ਆਲ੍ਹਣੇ

ਨਿਪੱਤਰੇ ਰੁੱਖ

ਜਸਦੀਪ ਸਿੰਘ