ਉਡੀਕ

ਤ੍ਰਿਕਾਲਾਂ ਢਲੀਆਂ-

ਸੁੱਕੇ ਬੁਲ੍ਹੀਂ ਜੀਭ ਫੇਰੇ

ਮਿਤੱਰ ਦੀ ਉਡੀਕ

ਗੁਰਮੀਤ ਸੰਧੂ

ਇਸ਼ਤਿਹਾਰ

ਗੋਲ੍ਹਾਂ

ਸੰਘਣਾ ਬੋਹੜ

ਲਾਲ ਲਾਲ ਗੋਲ੍ਹਾਂ

ਪੰਛੀ ਚਹਿਕਣ 

ਕੁਲਵੰਤ ਸਿੰਘ ਗਿੱਲ

ਸੁੱਕੇ ਗਮਲੇ

ਸਵੇਰੇ ਸਵੇਰੇ

ਸੂਰਜ ਨੂੰ ਦੇਵੇ ਪਾਣੀ

ਕੋਲ ਗਮਲੇ ਸੁੱਕੇ

ਹਰਿੰਦਰ ਅਨਜਾਣ

ਗੋਡੀ

ਸਰਦ ਰੁੱਤ…

ਬਗੀਚੀ ਗੁੱਡ ਰਿਹਾ

ਬਰਫ਼ ਪੈਣ ਤੋਂ ਪਹਿਲਾਂ

ਸੁਵੇਗ ਦਿਓਲ

ਚੁੱਲ੍ਹਾ

ਸੰਨ ਸਨਤਾਲੀ…

ਘਰ ਨੂੰ ਛੱਡਦੀ

ਚੁੱਲ੍ਹਾ ਢਕ ਚੱਲੀ

ਮਨਦੀਪ ਐਸ ਗਿੱਲ

ਵੀਹਲਚੇਅਰ

ਸਮੁੰਦਰ ਕੰਡੇ 

ਵੀਹਲਚੇਅਰ ‘ਤੇ ਬੈਠਾ

 ਵੇਖੇ ਲਿਹਰਾਂ 

ਅਰਵਿੰਦਰ ਕੌਰ

ਕਿਸ਼ਤਾਂ

ਬਿਜੜੇ ਦਾ ਆਲਣਾ…

ਯਾਦ ਆਵਣ ਘਰ ਦੇ

ਕਰਜ਼ੇ ਦੀਆਂ ਕਿਸ਼ਤਾਂ

ਗੀਤ ਅਰੋੜਾ

ਦੁੱਗਣਾ ਨਿੱਘ

ਮਾਂ ਦਾ ਬੁਣਿਆ

ਸਵੈਟਰ ਪਾਇਆ

ਦੁੱਗਣਾ ਨਿੱਘ ਆਇਆ

ਮਨਪ੍ਰੀਤ ਸਿੰਘ ਢੀਂਡਸਾ

ਕੋਸਾ ਹੰਝੂ

ਕਾਲੀ ਰਾਤ 

ਸਰ੍ਹਾਣੇ ‘ਚ ਸਮੋਇਆ

ਕੋਸਾ ਹੰਝੂ 

ਸਤਵਿੰਦਰ ਸਿੰਘ

ਪਰਦੇਸ

ਪੱਤ ਚੱਲਿਆ ਪਰਦੇਸ

ਬਾਪੂ ਦੀਆਂ ਅੱਖਾਂ ਚਮਕਣ

ਬੇਬੇ ਰੋਵੇ ਜਾਰ ਜਾਰ

ਮਨਦੀਪ ਮਾਨ

ਸੁਨੈਹਿਰੀ ਝੋਨਾ

ਚੜ੍ਹਿਆ ਸੂਰਜ…

ਵਿਖਰੀ ਧੁੰਦ ਤੇ ਹੋਇਆ

ਹੋਰ ਸੁਨੈਹਿਰੀ ਝ੍ਹੋਨਾ 

ਰੇਸ਼ਮ ਸਿੰਘ ਸਾਹਦਰਾ

ਵੰਙ

ਖੁੱਭੀ ਵੰਙ

ਨਿਕਲਿਆ ਲਹੂ

ਪਿਆਰ ਪਰਖਦਿਆਂ

ਹਰਵਿੰਦਰ ਤਤਲਾ

ਤਪਦੀ ਧੁੱਪ

ਤਪਦੀ ਧੁਪ ਵਿਚ ਖੜਾ

ਦੇਣ ਲੱਗਾ ਚਾਬੀ

ਰੁਕੀ ਹੋਈ ਘੜੀ ਨੂੰ…

ਰਾਜਿੰਦਰ ਸਿੰਘ

ਦੁਬਕੇ ਪੰਛੀ

ਠੁਰ ਠੁਰ ਕਰਦੇ

ਝੁਰੜੀਆ ਵਾਲੇ ਹੱਥ

ਪੰਛੀ ਦੁਬਕੇ ਬੈਠੇ

ਤੇਜੀ ਬੇਨੀਪਾਲ

ਭਿੱਜੇ ਲਫਜ਼

ਅੱਖਾਂ ਮੂਹਰੇ ਖੱਤ

ਪਰ੍ਹਣ ਦੀ ਕੋਸ਼ਿਸ਼ 

ਹੰਝੂਆਂ ਭਿੱਜੇ ਲਫਜ਼

ਮਹਿੰਦਰਦੀਪ ਗਰੇਵਾਲ

 

ਖੜਸੁੱਕ ਟਾਹਣੇ

ਪੁਰਾਣਾ ਬੋੜ੍ਹ

ਨਵੇਂ ਟੂਸਿਆਂ ਤੋਂ ਉੱਚੇ

ਖੜਸੁੱਕ ਟਾਹਣੇ

ਰਣਜੀਤ ਸਿੰਘ ਸਰਾ

ਧੂਂਏਂ ‘ਚ ਦੀਵਾ

ਵਲ ਰਿਹਾ ਦੀਵਾ
ਤੰਦੂਰ ਦੇ ਧੂੰਏਂ ਦੇ ਪਾਰ
ਆਲੇ ਵਿਚ

ਕੁਲਜੀਤ ਮਾਨ

ਧੁਆਂਖੀ ਚਾਨਣੀ

ਧੁਆਂਖੀ ਗਈ ਚਾਨਣੀ
ਪੁੰਨਿਆ ਨੂੰ ਲਾਈ
ਖੇਤ ਵਿਚ ਅੱਗ

ਅਵਨਿੰਦਰ ਮਾਂਗਟ

ਧੁੰਦਲੀਆਂ ਕਿਰਨਾਂ

Winter morning
misty sun rays
every where

Geetanjali Ahluwalia

ਸਰਦ ਸਵੇਰ

ਧੁੰਦਲੀਆਂ ਕਿਰਨਾਂ

ਹਰ ਜਗ੍ਹਾ

ਗੀਤਾਂਜਲੀ ਆਹਲੂਵਾਲੀਆ/ ਅਨੁਵਾਦ – ਰਣਜੀਤ ਸਿੰਘ ਸਰਾ

ਸਨਮਾਨ ਚਿੰਨ

ਗੁਰੂ ਘਰ :

ਸਨਮਾਨ ਚਿੰਨ ਲੈਣ ਲੱਗਾ

ਕਰੇ ਉੱਪਰ ਮੁੱਛਾਂ

ਪਰਮੈਂਦੇ ਸਿੰਘ ਸੋਢੀ